#አዲስ #ዜና

7 #ሺህ ለሊቶችን በእስር #ቤት እያሳለፉ ያሉት ፖስተሮች።

በኤርትራ ባለሥልጣናት አብያተ ክርስቲያናት #ላይ በወሰዱት እርምጃ #ሁለት የወንጌላውያን ፓስተሮች 7,000ኛ ምሽታቸውን በኤርትራ እስር ቤት አሳልፈዋል ሲሉ ክርስቲያኖች ለዎርዚ ኒውስ አረጋግጠዋል።

ፓስተር ኃይሌ ናይዝጊ እና ክፍሉ ገብረ መስቀል ግንቦት 23 ቀን 2004 ከታሰሩ በኋላ ያሳለፍነዉ ቅዳሜ እለት ወሳኙን ምዕራፍ ላይ መድረሳቸውን ዘገባዉ አስታዉሷል።

በፈረንጆቹ በግንቦት 2002 ከታገዱ በርካታ የፕሮቴስታንት እምነት ተከታዮች መካከል አንዱ የሆነው የኤርትራ ሙሉ ወንጌል እና ቃለ ሕይወት ቤተክርስቲያን መሪዎች ነበሩ።

ፓስተር ኃይሌ ናይዝጊም የዚሁ ቤተ እምነት ሊቀ መንበር ሆኖ ሲያገለግል፣ ፓስተር ክፍሉ ገብረ መስቀል ደግሞ የወንጌላውያን ክርስቲያኖች ጥላ የሆነዉ የኤርትራ ወንጌላውያን ህብረትን በሊቀመንበርነት ይመራ ነበር።

እንደ ዘገባዉ ከሆነ ፓስተር ናይዝጊ በጥሩ ጤንነት ላይ እንደሚገኝ ሲነገር ፓስተር ገብረመስቀል ጥብቅ ጥበቃ እየተደረገለት ሆስፒታሉን በተደጋጋሚ ሲመላለስ ታይቷል።

ጉዳዩን በቅርበት ሲከታተል የቆዩ ምንጮች እንደገለፁት ከሆነ ሁለቱም #ሰዎች #ምንም አይነት ወንጀል ፈፅመው ተከስሰው አያውቁም። ነገር ግን ሁለቱም ከፍተኛ ጥበቃ በሚደረግለት ማዕከላዊ የወንጀል ምርመራ ዉስጥ እንደሚገኙ ተነግሯል።

እንደ #የክርስቲያን ተሟጋች ቡድን #መረጃ ከሆነ ለ20 ዓመታት #ኤርትራ እውቅና የሰጠችው ለሦስት ኦፊሴላዊ የክርስቲያን ቤተ እምነቶች ሲሆኑ ማለትም ኦርቶዶክስ፣ ካቶሊክ እና ሉተራን ብቻ ናቸዉ።

ኤርትራ ለክርስቶስና አስቸጋሪ ከሚባሉ 50 ሀገራት መካከል እጅግ አስቸጋሪ በመባል በ4ኛ ደረጃ ላይ የምትገኝ ሲሆን ከአፍሪካ ከሶማሊያ ቀጥላ ሊቢያን አስከትላ 2ኛ ደረጃ ላይ ተቀምጣለች።

#አሳዛኝ #ዜና

በአሜሪካ አንዲት እናት #ክርስቶስ #ወደ ምድር በቶሎ ለፍርድ እንዲመጣ በሚል #ሁለት ልጆቿን ገደለች።

በዩናይትድ ስቴትስ የምትኖር አንዲት እናት በአፖካሊፕቲክ ሃይማኖታዊ እምነቷ መሰረት ሁለት ልጆቿን በመግደል እና የባሏን የቀድሞ ሚስት ለመግደል በማሴር የእድሜ ልክ እስራት ተፈርዶባታል።

ሎሪ ቫሎው የተባለችዉ ይህችዉ #ሴት በግንቦት ወር የ16 ዓመቷን ሴት ልጇን ታይሊ ራያን እና የሰባት ዓመት በማደጎ የወሰደችዉን #ወንድ ልጇን ኢያሱ "ጄጄ" ቫሎውን በመግደል ጥፋተኛ ተብላለች፡፡

የእናታችን ኃጢአት (Sins of Our Mother) በሚል የዚህችዉ ሴት የህይወት #ታሪክ በኔትፍሊክስ እውነተኛ የወንጀል ዘጋቢ #ፊልም የቀረበ ሲሆን የኢየሱስ ክርስቶስን ዳግም ምጽዓት እንዲሆን ልጆቿን መግደሏ ከአምላክ የተሰጠ ራዕይ መሆኑን ትናገራለች፡፡

ዳኛ ስቲቨን ደብሊው ቦይስ በቫሎው የወንጀል ድርጊት ላይ ባሳለፉት የጥፋተኛነት ዉሳኔ በሶስት ተከታታይ የእድሜ ልክ እስራት በይነዋል፡፡ በወላጅ የተፈጸመውን የልጅ ግድያ “በእርግጥ መገመት ከምችለው በላይ አስደንጋጭ ነገር” ሲሉ ዳኛዉ ገልጸዋል።

ቫሎው ልጆቿን ከገደለች በኃላ #እንኳን እንደጠፉ ገልጻ ባታዉቅም በፖሊስ አስክሬናቸዉ ተገኝቷል፡፡

#ዳጉ_ጆርናል

#ስምንት #አብያተክርስቲያናት #ተቃጠሉ

በፓኪስታን 8 አብያተ ክርስቲያናት በጅምላ ፍርድ መቃጠላቸው ተሰማ።

ቤተ ክርስቲያኖቹ የተቃጠሉት #ሁለት ክርስቲያኖች እምነትን ተሳድባችኋል በሚል ክስ ነው። ቤተ ክርስቲያኖቹ ከመቃጠላቸው በፊት #ሙሉ በሙሉ መዘረፋቸው ነው የተሰማው። ከአብያተ ክርስቲያናቱ በተጨማሪ የክርስቲያኖች ቤቶችም ተዘርፈዋል።

#ክርስቲያኖች #ላይ ስለደረሰ ጉዳት #ግን የተባለ ነገር የለም።
በአካባቢው ያሉ ክርስቲያኖችም አመጹን ተከትሎ አካባቢውን ለቀው ተሰደዋል ነው የተባለው። በፑንጃብ ግዛት ጃራንዋላ በተባለች ከተማ ሁለት ክርስቲያኖች ስማቸው ተጠቅሶ በመስጊድ ስፒከር እስልምናን ተሳድበዋል ከተባለ ብኋላ ነው አመጹ የተጋጋለው ተብሏል።

ከፖሊስ ዘንድ የዘገየ ምላሽ መሰጠቱ ደግሞ በሃገሪቱ መንግስት ላይ ትልቅ ወቀሳን አስነስቷል። ፖሊስ ሁኔታዎች ሳይባባሱ መቆጣጠር ይችል ነበረ በሚል ነው የተወቀሰው።

የሃገሪቱ አብያተ ክርስቲያናት መሪዎች መንግስት ፍትህን እንዲያስከብር ጠይቀዋል። ጥሪውንም ተከትሎ 100 የሚያክሉ ሰዎች ታስረዋል። የሃገሪቱ ጸረ #እምነት #ህግ በተደጋጋሚ ወቀሳ ሲደርስበት ቆይቷል። ከ1987 ወዲህ ብቻ ከ2ሺህ በላይ ተከሰውበት፣ 88 ሰዎች በዚሁ ህግ ምክኒያት ህይወታቸው እንዲያልፍ ሆኗል።

በ2020 ብቻ የተመድ ሰብዓዊ መብት ኮሚሽን 69 ሰዎች እምነት ተሳድባችኋል በሚል ምክኒያት በደቦ ፍርድ መገደላቸውን ክርስቲያን ፖስት አስታዉሷል።

በ2023 ሪፖርት መሰረት ፖኪስታን ለክርስትና አስቸጋሪ ከሚባሉ 50 ሀገራት መካከል በ7ኛ ደረጃ ላይ ትገኛለች።

#አዲስ #ዜና

የካናዳ ፍርድ #ቤት አብያተ ክርስቲያናት ላይ የኮቪድ ወቅት እግድን ይግባኝ ውድቅ አደረገ።

#ፍርድ ቤቱ የካናዳ #ሁለት ግዛቶች #ውስጥ የሚገኙ አብያተ ክርስቲያናት የኮቪድ 19 ወረርሺኝ በበረታበት ወቅት በአካል መሰብሰብን አግዶ በነበረበት ወቅት በመሰብሰባቸው ምክንያት ነው ጉዳዩን አልመለከተውም ያለው።

በወቅቱ አብያተ ክርስቲያናቱ በካናዳ #መንግስት የተወሰነውን በአካል ተገናኝቶ የማምለክ እገዳን ተላልፈው ሲሰበሰቡ ነበር ተብሏል።

ዘ ቸርች ኦፍ ጋድስ የተሰኘችው ቤተ ክርስቲያኗ ይሄንንም በመተላልፏ 240ሺህ ዶላር ቅጣት በግዛቷ ፍርድ ቤት ተጥሎባታል።

በኦንታሪዮ የምትገኘው የቸርች ኦፍ ጋድ መሪዎች በበኩላቸው ይሄ የፍርድ ቤት ውሳኔ የእምነት ነጻነትን የሚጋፋ ነው ብለውታል።
በሃገሪቱ የፍትህና ነጻነት ታሪክም አሳዛኝ #ቀን ነው ብለውታል።

ሬስቶራንቶችና ስፖርት ቤቶች፣ መክፈት በተፈቀደበት #ጊዜ #ቤተክርስቲያን እንዲዘጋና አቤቱታን አላስተናግድም ማለታቸው የእምነትን ነጻነት የሚጋፋ ነው ብለውታል።

እኛ ሰውን ሰምተን ሳይሆን #እግዚአብሔርን ነው የምንታዘዘው በማለት በወቅቱ በሮቻቸውን ሳይዘጉ የአምልኮ መርሃ ግብሮቻቸውን ሲያካሂዱ እንደነበረ ገልጸዋል።

#እይታ
#Opinion

የሰሞኑን #አንድ #ሁለት ዜናዎች ልንገራችሁ።

የቄስ ጉዲና ቱምሳ ባለቤት ጸሃይ ቶሎሳ ግለ #ታሪክ ተመርቋል። መጽሃፉ “በእቶን እሳት ውስጥ” የሚል ነው። የነዚህ ብርቱ እናት ታሪክ እና ምስክርነት ለአንድ አንድ ሰዎች የእምነት መልህቅ ሊሆን ይችላል፣ ቢባል ማጋነን አይሆንም።

ሌላው #ዜና ደግሞ በፌደራል መንግስትና #መንግስት ሸኔ በሚለው እራሱን የኦሮሞ ነጻነት ሰራዊት ብሎ በሚጠራው ቡድን መካከል የተደረገው የሰላም ድርድር አሁንም ሳይሳካ ቀርቷል።

ይሄንን የጠቅላይ ሚኒስትሩ የደህንነት ጉዳዮች አማካሪ ሬድዋን ሁሴን አረጋግጠዋል። ከዚህ የሰላም ድርድር #መልካም ውጤት ይገኛል በሚል፣ ክርስቲያኑ ምነኛ ጓጉቶ እንደነበረ ማሰብ አይከብድም።

በተመሳሳይ ክፍለ ዘመን #ውስጥ ፣ በተመሳሳይ ርዕሳቸው፣ ረግጦ በሚገዛ መንግስት፣ የወንጌልን ነጻ አውጪነት አውጀው፣ የተገደሉ የዘመናት ክስተቶች ላውራችሁ።

#ቄስ_ዴትሪች_ቦንሆፈር በ1906 በጀርመን ብሬስሎው በተባለ ስፍራ የተወለዱ #ሰው ናቸው። እኚህ ሰው ስነ መለኮት አጥኚ ወይም ቲዎሎጂያን፣ ኮንፌሲንግ በተባለች ሉተራዊ ቤተ ክርስቲያን ውስጥ ቄስ #እና ጸረ ናዚ ሰው ነበሩ።

የአዶልፍ ሂትለር ተቃዋሚ መሆን የዋዛ ነገር አይምሰላችሁ። ከናዚው አዶልፍ ሂትለር የአስተዳደር እቅዶች መካከል “ኢውታናዢያ” የሚባል ፕሮግራም ነበረ ይባላል። በዚህ ፕሮግራማቸው ሰው ከሚሰቃይ ቀድሞ መሸኘት የሚል ነው።

#ትንሽ የታመመ የመዳን ተስፋ ሳይሆን፣ ከህመሙ ማረፊያ መግደል ያሰበ “በጣም ቅን ሰው ናቸው” ነበረ። ይሁዲዎች #ላይ ያደረገውን ጭካኔ፣ አለም ያወቀው ነው። ቦንሆፈር ይሄንን ስርዓት ነበረ በአደባባይ ቆሞ የተቃወመው። ያው በእሳት ፊት ቆሞ ነበረና እሳቱ በላው። በተወለደ በ39ኛ አመቱ የኢየሱስ ክርስቶስን ወንጌልን ሰብኮ ተሰቅሎ ተገደለ።

#ቄስ_ጉዲና_ቱምሳ በ1929 በኢትዮጵያ ወለጋ ቦጂ ከተማ የተወለዱ ሰው ናቸው። ተስፋ አደርጋለው ስለ ቄስ ጉዲና የማያውቅ ወንጌላዊ ክርስቲያን፣ ኢትዮጵያ ውስጥ አለ ማለት ይከብዳል። ግን ዝም ብዬ ታሪኩን ልንገራችሁ።

እኚህ ቄስ የስነ መለኮት አጥኚ #ወይም ቲዎሎጂያን፣ #የኢትዮጵያ ወንጌላዊት ቤተ ክርስቲያን መካነ ኢየሱስ በተባለች ሉተራዊ ቤ/ክ ውስጥ ቄስ እና በሃያሉ ደርግ መንግስት ፊት የቆሙ ሰው ነበሩ። የደርግ ተቃዋሚ መሆንም የዋዛ ነገር አይደለም።

ኮለኔል መንግስቱ ማለት፣ በርሳቸው ዘመን በለጋ እድሜው አፈር የገባ ወጣት፣ በቀይ ሽብር ስም ያለቀው ተቀናቃኝ ፖለቲከኛና ለገዛ አጋሮቻቸው ያልተመለሱ ባለ ደም እጅ ሰው ነበሩ። ያ ኮለኔል መንግስቱና አገዛዙም ነበር ሆኗል።

እግዜር ደጉ፣ የማያሳልፈው የለም። ቄሱ ጉዲና በዚህ ለአፍሪካ እንኳን አይመለስም በተባለ ወታደር ፊት ቆመው “ወንጌል ነጻ ያወጣል” ብለው ሰብከዋል። እሳቸውም እሳት ፊት ቆመዋልና እሳት በላቸው። በተወለዱ በ50 አመታቸው የኢየሱስ ክርስቶስን ወንጌል ሰብከው በደርግ ወታደሮች ተገደሉ።

የነዚህ ሁለት በእሳት ፊት የቆሙ ቀሳውስት ህይወት፣ በሄሮድስ ፊት ቆሞ እውነት ተናግሮ አንገቱ የተቀላውን መጥምቁ ዮሃንስን ህይወት ይመስላል። የክርስቶስ ደቀ መዛሙርት፣ በአስፈሪው የሮማ መንግስት ፊት፣ በአይሁድ ካህናት ፊት፣ በፈሪሳዊያንና ግሪካዊያን ፊት “እናንተ የእፉኝት ልጆች እያሉ”፣ መኖር ሳያሳሳቸው፣ መሞት ሳያስፈራቸው ወንጌልን የሰበኩ ጀግኖች ናቸው።

ቄስ ቦንሆፈርና ቄስ ጉዲናም በአፈ ሙዝ እንጂ በአፉ በማያወራ መንግስት ፊት ቆመው፣ መኖር ሳያጓጓቸው፣ ሞት ሳያስፈራቸው ወንጌልን ሳይቀንሱና ሳይጨምሩበት የሰበኩ የቤተ ክርስቲያን ቅሬታዎች፣ የክርስቶስ ልጆች ናቸው።

ዛሬስ መምህሩ፣ ጳጳሱ፣ ቄሱ፣ ፓስተሩ፣ ነብዩ፣ ሐዋርያው፣ ሼፐርዱ፣ ዳዲው የቱ ጋር ቆመሃል? ጌታ ኢየሱስ በጎቼን ጠብቅ ያለው ስመኦን ጴጥሮስ፣ ከአለም 20በመቶ ህዝብን በሚገዛው ግዙፉ የሮማ መንግስት ተዘቅዝቆ ተሰቀለ።

አንተስ በጎቼን ጠብቅ የተባልከው እረኛ ሆይ ፣ ለበጎቹ ስትል፣ እንደ ስመኦን ጴጥሮስ ተዘቅዝቀህ ለመሰቀል፣ እንደ ቦንሆፈር በናዚ ለመሰቀል፣ እንደ ጉዲና በደርግ ወታደር የአሞራ ሲሳይ ለመሆን #ተዘጋጅተሃል?

ክርስቲያን ሆኖ መኖር እራሱ ዋጋ በሚያስከፍልበት በዚህች ምድር ላይ ለወንጌል ዋጋ ለመክፈል የተዘጋጀህ ነህ ወይስ፣ ለአገልግሎትና ለእረፍት በV8 እና FORD F150 የምትምነሸነሽ #ሆነሃል? አለም ህይወት የሆነውን ክርስቶስን ለመስቀል ካልራራች፣ አንተ እውነተኛውን የርሱን ህይወት የምትሰብከውን የምትምርህ #ይመስልሃልን?

ዙሪያ ገባህን አይተህ ወንጌል የሚሰበክ ከጠፋ፣ ከተኩላ የምትጠብቀው በግ ከሌለ፣ ምናልባት ወንጌሉ የሚያስፈልገው፣ እረኝነቱ የሚያስፈልገው፣ ላንተው እራስህ እንዳይሆን የቆምክበትን አስተውል?

#ሱዳን #ጦርነት
#ቤተክርስቲያን ማቃጠል
#የክርስቲያኖች #ስደት

በሱዳን እየተካሄደ ያለው ጦርነት አብያተ ክርስቲያናትን ማፈራረሱን ቀጥሏል ተባለ።

ባለፈው ሳምንት #ብቻ #ሁለት የወንጌላዊያን አብያተ ክርስቲያናት በጦርነቱ ምክኒያት ጋይተዋል። በሱዳን ሁለተኛ ጥንታዊ እና ትልቁ #ቤተክርስቲያን በኦምዱርማን ከተማ ከጥቅም ውጪ ሆኗል።

ጥቃቱ በቤተ ክርስቲያኗ ዙሪያ የሚገኝን የክርስቲያኖች ትምህርት ቤት ኢላማ ያደረገ ቢሆንም፣ የፕሪባይቴሪያን  ወንጌላዊት ቤተ ክርስቲያን ህንጻም ፈራርሷል። ውስጥ የሚገኙ መጽሃፍ ቅዱስ፣ የመዝሙር ደብተር እና ዶክመንቶች ከጥቅም ውጪ ሆነዋል።

በቤተ ክርስቲያኑ ዙሪያም ወላጅ አልባ ህጻናት ትምህርት ቤት፣ የጥቃቱ ሰለባ ነው። ምንም እንኳን ህንጻው ላይ ከፍተኛ ጉዳት የደረሰ ቢሆንም፣ ሰው ላይ ግን የደረሰ ጉዳት የለም።

በጦርነቱ ከጥቅም ውጪ ከሆኑ ቤተ ክርስቲያኖች መካከል አንዱ፣ 81 አመታትን መንፈሳዊና ማህበራዊ አገልግሎቶችን ይሰጥ የነበረ ነው። ባለፈው አርብ በደቡባዊ ካርቱም፣ የሚገኝ የካቶሊክ ቤተ ክርስቲያን የቦምብ ጥቃት ተፈጽሞበት፣ 5 መነኩሴዎች ጉዳት ደርሶባቸዋል።

በጦርነቱ ዋነኛ የጥቃት ሰለባ የሆኑት አብያተ ክርስቲያናት መሆናቸውም እየተዘገበ ይገኛል። ኦምዱርማንና ካርቱም ብቻ ፈጣን ድጋፍ ሰጪ የተባለው ጦር፣ ሁለት አብያተ ክርስቲያናትን ተቆጣጥሮ የጦር ማዘዣ አድርጓል። በካርቱም የምትገኝን አንዲት ቤ/ክ ንብረት የሆኑ ተሽከርካሪዎችንም ለጦርነት አላማ እያዋለ ይገናል።

ባለፈው ሚያዝያ ወር ጌሪፍ የተባለን የመጽሃፍ #ቅዱስ ትምህርት ቤት ከጥቅም ውጪ በማድረግ የተማሪዎችን ዶርም፣ መማሪያ ክፍሎችና የአምልኮ ስፍራም ጥቃት ተፈጽሞበት ከጥቅም ውጪ ሆኗል ነው የተባለው።

በሱዳን ጦርና ፈጣን ሃይል ሰጪ በሚባለው ጦር መካከል  እየተካሄደ በሚገኘው 2ኛ አመቱን በያዘው ጦርነት፣ እስካሁን 10ሺህ የሚሆኑ ንጹሃን #ህይወት ያለፈ ሲሆን፣ ወደ 5.6 ሚሊዮን የሚጠጉ #ሰዎች #ቤት ንብረታቸውን ጥለው ተሰደዋል ሲል ተ.መ.ድ አስታውቋል።

የሱዳን ጦር መሪ ጀነራል አብደል ፈታህ አልቡርሃንና የፈጣን ድጋፍ ሰጪ ሃይሉ መሪ ሞሃመድ ሃምዳን ደጋሎ በጋራ የሲቪሉን የሽግግር መንግስት ከስልጣን ካወረዱ በኋላ፣ በመካከላቸው የተፈጠረ ልዩነት ሱዳንን ዛሬ ላይ አድርሷታል።

#ምንም #እንኳን ለ30 አመታት ሱዳንን የመሩት ኦማር አልበሽር የስልጣን ዘመን የነበረው የክርስቲያኖች ስደት ይቀንሳል ተብሎ የነበረ ቢሆንም፣ በጦርነቱ ምክኒያት ግን እየተባባሰ ይገኛል ነው የተባለው።

ኦፕን ዶርስ በ2023ቱ ሪፖርት መሰረት፣ ሱዳን በ2021 ከነበረችበት የ13ኛ ደረጃ የክርስቲያኖች ስደት ተባብሶ ወደ 10ኛ ደረጃ ከፍ አድርጓታል።

ክርስቲያኒቲ ቱደይ እንዳስነበበው በሱዳን ከአጠቃላይ 43 ሚሊዮን ህዝቧ መካከል፣ 4.3 በመቶው ወይም ወደ 2 ሚሊዮን የሚሆነው #ሕዝብ #ክርስቲያን ነው።

" 2 አገልጋዮች ከነ #ሙሉ ቤተሰቦቻቸው በጥይት ተደብድበው ተገድለዋል " - የአካባቢው ምዕመናን

የደብረ ቅዱሳን #ቅዱስ ገ/ ክርስቶስ ቤተክርስቲያን #ሁለት አገልጋዮች #ከነሙሉ ቤተሰቦቻቸው መገደላቸውን የማህበረ ቅዱሳን ቴሌቪዥን ገለጸ።

በምዕራብ አርሲ ሀገረ ስብከት በዶዶላ የደብረ ቅዱሳን ቅዱስ ገብረ ክርስቶስ ቤተክርስቲያን 2 አገልጋዮች ከነሙሉ ቤተሰቦቻቸው ጋር ለጊዜው " ማንነታቸው አልታወቀም " በተባሉ አካላት መገደላቸው ተነግሯል።

የቴሌቪዥን ጣቢያው ፤ ግድያው የተፈፀመው ትናንት መጋቢት 16 ቀን 2016 ዓ.ም ከምሽቱ 3:00 ገደማ መሆኑን የአካባቢው ምዕመናን እንደነገሩት ገልጿል።

በተፈጸመው በዚህ ግድያ የደብረ ቅዱሳን ቅዱስ ገብረ ክርስቶስ #ቤተክርስቲያን አገልጋይ የሆኑት አንድ መሪጌታና ዲያቆንን ጨምሮ 5 የቤተሰብ አባሎቻቸው በጥይት ተደብድበው መገደላቸው ተገልጿል።

የቴሌቪዥን ጣቢያው ፥ በዶዶላ ከተማ ጥቅምት 12 ቀን 2012 ዓ.ም በርካታ ኦርቶዶክሳውያን መገደላቸውን አስታውሷል። ሲል ቲክቫህ #ኢትዮጵያ አስነብቧል።

#ቤተክርስቲያን እዉቅና ሰጠች።

ወንጌላዊ ጋሽ ቦጋለ ለማ ለረጅም አመታት በቀጠና #ሁለት #ሙሉ #ወንጌል ያገለገሉ #እና አጋሽ ቦጋለ ለማ ለረጅም አመታት በቀጠና ሁለት ሙሉወንጌል ያገለገሉ እና አሁን ደግሞ በአዲስ ከተማ ሙሉ ወንጌል አጥቢያ ውስጥ እያገለገሉ ይገኛሉ ይህንንም በማስመልከት ቤተክርስቲያን እውቅና ሰጥታለች።

ቤተክርስቲያን እንደዚህ ላሉ አገልጋዮች እውቅናና ክብር መስጠቷ እጅግ የሚያበረታታ እና ሊቀጥል የሚገባ ተግባር ነው።

Christian ዜማ Tube ገፅ የተወሰደ...

የ #ሰው ተመኑ ስንት ነው?

በጋሽ ሽፈራው ወ/ሚካኤል የተጻፉ #ሁለት መጽሃፍት ተመረቁ።

መጻህፍቱ “የሰው ተመኑ ስንት ነው?” እና “የግለሰብ ሚና (እኔም ቁምነገር ነኝ)” ይሰኛሉ። መጻህፍቱን ያሳተመው አቢጊያ የሰላም ኢኒሼቲቭ ነው።

አቢጊያ የሰላም ኢንሺዬቲቭ፣ በጋሽ ሽፈራው ወ/ሚካኤል ሃሳብ አመንጪነት ከ35 ወንድሞች ጋር በመሆን ስለ ሃገር ሰላም ለመስራት ከጥቂት አመታት በፊት የተቋቋመ ነው። ፥ሁሉ በሰላም፣ ሁሉ ለሰላም በሚል መሪ ቃል የተቋቋመው ኢኒሽዬቲቩ ከወንጌል አማኞች አብያተ ክርስቲያናት ካውንስል እውቅና ተቀብሎ እየሰራ ይገኛል።

ኢኒሽዬቲቩ ተቋማት ስለ ሰላም በሰላም የሚለውን መርህ እንዲከተሉ፣ ስለ ሰላም ከሚሰሩ ጋር አብሮ መስራትና ስለ ሰላም በሰላም ለቆሙ እውቅና መስጠት የሚሰራባቸው ስልቶቹ እንደሆኑ አስታውቋል። ስራውንም በወንጌል አማኞች አብያተ ክርስቲያናት ካውንስል እና የወንጌላዊያን አብያተ ክርስቲያናት ህብረት መካከል የነበረውን ልዩነት ለማርገብ በመስራት ጀምሯል።

ኢኒሽዬቲቩ በረጅም ጊዜ እቅዱ፣ ስለ ስላም የሰውኣን የአዕምሮ ውቅር ለመለወጥ በትዕግስት መስራት ላይ አተኩሮ ይሰራል።

#አድዋ ሙዚየም አዳራሽ በተካሄደው ምረቃ መርሃግብር፣ የአዲስ አበባ ከተማ ከንቲባ ወ/ሮ አዳነች አቤቤ፣ የሰላም ሚኒስቴር ሚኒስትር አቶ ብናልፍ አንዱአለም፣ የወንጌል አማኞች አብያተ ክርስቲያናት ካውንስል ፕሬዝዳንት ዶ/ር ጣሰው ገብሬ #እና የአዲስ አበባ የሃይማኖት ተቋማት ጉባኤ ዋና ጸሐፊ መጋቢ ታምራት አበጋዝን ጨምሮ ሌሎች የአብያተ ክርስቲያናት መሪዎችና የመንግስት የስራ ሃላፊዎች በተገኙበት ተመርቋል።

The Christian News - የክርስቲያን ዜና በስፍራው ተገኝተን ዘገባውን አሰናዳንላችሁ።