همت شهبازی
"تنقید حاققیندا" باشلیقلی یازی منیم ایلک چاپ اولان یازیم ساییلیر. دوغرودور ایلک دفعه 1369 دا بیر شعرین چاپ اولماسی ایله یازارلیغا رسمی بیچیمده آیاق باسمیشدیم. آنجاق بو یازی ایلک نثر یازیم ایدی. تبریزده چیخان "فروغ آزادی" (ایندیکی مهد آزادی) قزئتی‌نین 3/10/1371 تاریخلی ساییندا. او زامان قزئتین بیر صحیفه‌سی‌نین آدی "قار چیچه‌یی" و اونون باش رئداکتورو سایین ع.ن.چاپار ایدی. چوخ سانباللی بیر صحیفه حاضیرلاییردی. او صحیفه‌نی ایزله‌ییردیم و ایندییه قدر ده او قزئتین بو صحیفه‌لری چیخان سایلاری‌نین چوخونو ساخلاییرام. او یازی‌نین شکلینی بورادا پایلاشیرام. دوغرودور او قدر گوجلو دئییل آنجاق او زامان منده تنقید قایغیسی‌نین اولدوغونو گؤستریر.
#همت_شهبازی #چاپار #ع.ن.#تنقید
@dusharge
"تنقید حاققیندا" باشلیقلی یازی منیم ایلک چاپ اولان یازیم ساییلیر. دوغرودور ایلک دفعه 1369 دا بیر شعرین چاپ اولماسی ایله یازارلیغا رسمی بیچیمده آیاق باسمیشدیم. آنجاق بو یازی ایلک نثر یازیم ایدی. تبریزده چیخان "فروغ آزادی" (ایندیکی مهد آزادی) قزئتی‌نین 3/10/1371 تاریخلی ساییندا. او زامان قزئتین بیر صحیفه‌سی‌نین آدی "قار چیچه‌یی" و اونون باش رئداکتورو سایین ع.ن.چاپار ایدی. چوخ سانباللی بیر صحیفه حاضیرلاییردی. او صحیفه‌نی ایزله‌ییردیم و ایندییه قدر ده او قزئتین بو صحیفه‌لری چیخان سایلاری‌نین چوخونو ساخلاییرام. او یازی‌نین شکلینی بورادا پایلاشیرام. دوغرودور او قدر گوجلو دئییل آنجاق او زامان منده تنقید قایغیسی‌نین اولدوغونو گؤستریر.
#همت_شهبازی #چاپار #ع.ن.#تنقید
@dusharge
ایضاح‌سیز تصویرلر
( #کاظم_نظری نین شعرینه کیچیک یادداش)
#همت_شهبازی
کاظم نظری بقا هایسیز کوی‌سیز یازان شاعیرلردندیر. اونو یایدیغی اثرلری ایله تانییرام. ایندییه‌جک #آنا_دیلیمیزده اونون 9 کیتابینی اوخوموشام. باشقا اثرلریندن خبریم یوخدور. بونلاردان بیری فارس دیلینده « #تنقید» موضوعسوندا یازیلیبدیر.
#کلاسیک قالیبده یازدیغی شعرلری‌نین آلچاق-هؤندورلویو واردیر. مثلن « #گؤزلرینده_مین_ارکید» شعر توپلوسوندا داها چوخ کلاسیک‌لشدیینی گؤرورم. قاباقکی کلاسیک شعرلرده اؤزللیکله «فورم» باخیمیندان کلاسیک شعرین ائلئمئنت‌لریندن آزاجیق استفاده ائتدیینی گؤرنده بو توپلودا نییه بو قدر گئرییه دؤندویونو بیلمه‌دیم. شعرلری‌نین مضمونو بو گونون مضمونلاری اولماسادا بیر سیرا شعرلری یاددا قالان شعرلردیر.
سؤزومو شاعیرین « #سربست» شعرلرینه گتیریرم.
نظری جنابلاری‌نین شعر توپلولاری ایچینده داها چوخ ایکی اثری منیم ماراغیمی اؤزونه چکدی: «گونه‌باخانلار» و « باغلار ایچین چالیر».
«باغلار...» توپلوسوندا عادی حیاتین تصویرلری سانکی موضوع اوزره یازیلمیش: یئرآلما اکین‌لریندن مختلیف و چئشیدلی صحنه‌لر یاراتماقدان توتموش گونشله باغلی ایماژلار، نوستالژیک حیس‌لر، حیاتین آجیلی-شیرینلی حیس‌لرینه قدر. بو ایکی شعر توپلوسو، #ایماژیستی اثرلردیر. تصویرلر جانلی اولاراق گؤز قاباغیندا اؤز تظاهورونو گؤستریرلر. «گونه باخانلار» توپلوسو حقیقتن ده تصویرلر، ایماژلار کلکسیونودور. عادی حیاتدا و یا حتتا شعرده بئله، اؤنم وئریلمه‌ین شئیلره اؤنم وئریب شعرسل دویغولار یارادیر. بعضن بو شعرسل‌لیک محض تصویردیر. بعضن تصویرله بیرلیکده مضمون قاریشیغی. آنجاق دئمک اولار کی چیلخا مضمون یوخدور. عمومیتله فورمون، تصویرین چیلخا و محض‌لیینه طرف یؤنه‌لن شعرلردیر.
کاظم نظری‌نین ایماژلاریندا (تصویرلری) اوزونچولوق یوخدور. دئییم آچیق-آیدین‌لیغی دا یوخدور. عینی حالداکی ساده و شیرین‌دیر، بیر دویغونو آشیلاماق اوچون تصویرلری ده آرتیق آچیقلامیر. اصلینده تصویرلر ایضاح‌سیزدیر. تصویر گؤستریجی‌دیر. دئییم طرزی آخارلی، وقارلی‌دیر. اؤزونو اوزه چکمیر. تصویر یاراتمانین اصیل کاراکتئرلریندن اولان استعاره و تشبیه‌لر یئرلی-یئرینده و دقیق‌دیر. دقیق‌لییی ایله ده، دیلده دویولان آچیق-آیدین‌لیقدان، چیلخالیقدان سئچیلیر. شعر هارمونیاسی بؤلونور. تام سربست دئییل. سطیرلر هئجالارا بؤلونور. بؤلونن هئجالاری آچیق-آیدین سئزیب آییرا بیلیرسن. ریتمده قارما-قاریشیق‌لیق یوخدور. بیر سؤزله هر شئیدن آرینمیش، صاف-چوروک ائدیلمیش خالیص بیر ایماژیستی شعرین شاهیدی اولوروق. شاعیر، اؤزونو شعرین طالعیندن قیراقدا ساخلامیر. شعرده، بیله‌رکدن اشتراک ائدیر. اؤزونون تصویر آلغی‌لارینی خائوسدان قورویور. تصویرلر شاعیرین سوبیئکتینده بولاق سویو کیمی دورولور، سونرا گئرچک‌لشیر. کاظم نظری‌نین خوشا گلن ایماژلاری‌نین اؤزللیک‌لریندن بیری ده بودور کی اوندا ایماژلار اوست-اوسته قالانماییر. بونون اساس خئیری هم شعر، هم ده اوخوجوسو اوچون بو اولورکی شعرده نفس آلماغا امکان یارانیر. هم شعر نفس آلیر، هم اوخوجو. اوست-اوسته قالانان تصویرلر اؤزللیکله بو تصویرلر سیمبوللاشارسا، شعرین حیاتینی قاپالی ائدر. شعرده ابهام یارادار. بونون اؤرنک‌لرینی بیز، #سیمبولیست‌لرین شعرینده اؤزللیکله #استئفان_مالارمه و #شارل_بودلئرده گؤروروک.
رقص ائدیرلر
ناخیش لاردا
کپنک لر.
مین بیر اولدوز
دوزولوب
ایپک بویاق‌لاریندا.
سارماشیق‌لار
بوی آتیر
آددیم آددیم
اوره یینده.
ساچاق‌لاریندان
آسلانیب
گونه باخانلار
سرگی سینده
اردبیل خالچاسی.
#گونه_باخانـلار توپلوسوندان
https://telegram.me/dusharge
( #کاظم_نظری نین شعرینه کیچیک یادداش)
#همت_شهبازی
کاظم نظری بقا هایسیز کوی‌سیز یازان شاعیرلردندیر. اونو یایدیغی اثرلری ایله تانییرام. ایندییه‌جک #آنا_دیلیمیزده اونون 9 کیتابینی اوخوموشام. باشقا اثرلریندن خبریم یوخدور. بونلاردان بیری فارس دیلینده « #تنقید» موضوعسوندا یازیلیبدیر.
#کلاسیک قالیبده یازدیغی شعرلری‌نین آلچاق-هؤندورلویو واردیر. مثلن « #گؤزلرینده_مین_ارکید» شعر توپلوسوندا داها چوخ کلاسیک‌لشدیینی گؤرورم. قاباقکی کلاسیک شعرلرده اؤزللیکله «فورم» باخیمیندان کلاسیک شعرین ائلئمئنت‌لریندن آزاجیق استفاده ائتدیینی گؤرنده بو توپلودا نییه بو قدر گئرییه دؤندویونو بیلمه‌دیم. شعرلری‌نین مضمونو بو گونون مضمونلاری اولماسادا بیر سیرا شعرلری یاددا قالان شعرلردیر.
سؤزومو شاعیرین « #سربست» شعرلرینه گتیریرم.
نظری جنابلاری‌نین شعر توپلولاری ایچینده داها چوخ ایکی اثری منیم ماراغیمی اؤزونه چکدی: «گونه‌باخانلار» و « باغلار ایچین چالیر».
«باغلار...» توپلوسوندا عادی حیاتین تصویرلری سانکی موضوع اوزره یازیلمیش: یئرآلما اکین‌لریندن مختلیف و چئشیدلی صحنه‌لر یاراتماقدان توتموش گونشله باغلی ایماژلار، نوستالژیک حیس‌لر، حیاتین آجیلی-شیرینلی حیس‌لرینه قدر. بو ایکی شعر توپلوسو، #ایماژیستی اثرلردیر. تصویرلر جانلی اولاراق گؤز قاباغیندا اؤز تظاهورونو گؤستریرلر. «گونه باخانلار» توپلوسو حقیقتن ده تصویرلر، ایماژلار کلکسیونودور. عادی حیاتدا و یا حتتا شعرده بئله، اؤنم وئریلمه‌ین شئیلره اؤنم وئریب شعرسل دویغولار یارادیر. بعضن بو شعرسل‌لیک محض تصویردیر. بعضن تصویرله بیرلیکده مضمون قاریشیغی. آنجاق دئمک اولار کی چیلخا مضمون یوخدور. عمومیتله فورمون، تصویرین چیلخا و محض‌لیینه طرف یؤنه‌لن شعرلردیر.
کاظم نظری‌نین ایماژلاریندا (تصویرلری) اوزونچولوق یوخدور. دئییم آچیق-آیدین‌لیغی دا یوخدور. عینی حالداکی ساده و شیرین‌دیر، بیر دویغونو آشیلاماق اوچون تصویرلری ده آرتیق آچیقلامیر. اصلینده تصویرلر ایضاح‌سیزدیر. تصویر گؤستریجی‌دیر. دئییم طرزی آخارلی، وقارلی‌دیر. اؤزونو اوزه چکمیر. تصویر یاراتمانین اصیل کاراکتئرلریندن اولان استعاره و تشبیه‌لر یئرلی-یئرینده و دقیق‌دیر. دقیق‌لییی ایله ده، دیلده دویولان آچیق-آیدین‌لیقدان، چیلخالیقدان سئچیلیر. شعر هارمونیاسی بؤلونور. تام سربست دئییل. سطیرلر هئجالارا بؤلونور. بؤلونن هئجالاری آچیق-آیدین سئزیب آییرا بیلیرسن. ریتمده قارما-قاریشیق‌لیق یوخدور. بیر سؤزله هر شئیدن آرینمیش، صاف-چوروک ائدیلمیش خالیص بیر ایماژیستی شعرین شاهیدی اولوروق. شاعیر، اؤزونو شعرین طالعیندن قیراقدا ساخلامیر. شعرده، بیله‌رکدن اشتراک ائدیر. اؤزونون تصویر آلغی‌لارینی خائوسدان قورویور. تصویرلر شاعیرین سوبیئکتینده بولاق سویو کیمی دورولور، سونرا گئرچک‌لشیر. کاظم نظری‌نین خوشا گلن ایماژلاری‌نین اؤزللیک‌لریندن بیری ده بودور کی اوندا ایماژلار اوست-اوسته قالانماییر. بونون اساس خئیری هم شعر، هم ده اوخوجوسو اوچون بو اولورکی شعرده نفس آلماغا امکان یارانیر. هم شعر نفس آلیر، هم اوخوجو. اوست-اوسته قالانان تصویرلر اؤزللیکله بو تصویرلر سیمبوللاشارسا، شعرین حیاتینی قاپالی ائدر. شعرده ابهام یارادار. بونون اؤرنک‌لرینی بیز، #سیمبولیست‌لرین شعرینده اؤزللیکله #استئفان_مالارمه و #شارل_بودلئرده گؤروروک.
رقص ائدیرلر
ناخیش لاردا
کپنک لر.
مین بیر اولدوز
دوزولوب
ایپک بویاق‌لاریندا.
سارماشیق‌لار
بوی آتیر
آددیم آددیم
اوره یینده.
ساچاق‌لاریندان
آسلانیب
گونه باخانلار
سرگی سینده
اردبیل خالچاسی.
#گونه_باخانـلار توپلوسوندان
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
عزیز دوستوم #رحمانی_فر جنابلاری نین #آذربایجان_شعری حاقدا دانیشیغی 👇 چوخلو رئاللیقلاری چئوره ییر. بعضا یازیلان جیددی تنقیدلریمیزین اوخوجو سایی (اؤزللیکله اؤز کانالیمدا کی لارا اشاره ائدیرم) گوج ایله کانالدا عضو اولانلارین سایی قدر اولور. بونون ندن لری هاردادیر. بونلارین بیر سیرا ندن لری بو دانیشیقدا اورتایا قویولور. لوطفا #تنقید آردی ایله اولان شاعیرلریمیز دیقتله بونو دینله سین لر.
https://telegram.me/dusharge
👇👇👇👇👆
https://telegram.me/dusharge
👇👇👇👇👆
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
#آخوندوون تاپدالانان رسمی
#نجات_هشیمزاده
کؤچورن: #ائلیار_پولاد
اون يئددی ياشیم وار ایدی. بیر تجربه کئچیرمک قرارینا گلدیم. «فیس بوکدا» آخوندوون فوتوسونو گؤرنده بو ایدئيا آغلیما گلدی. پرینتردن داهی متفکریمیزین رسمینی چیخاردیم. نوبتی گون شاگردی اولدوغوم مکتبین حیطینه آتدیم. انسانلارین جدّی فیکیر آدامینا مناسبتینی اؤيرنمک ایسته‌يیردیم. شاگردلر فوتونو تاپدالادیلار. يئره آتیلان شکلی گؤرسه‌لر ده رئاکسیيا وئرمه‌دیلر. بو يازینی يازماقدا مقصدیم آخوندووو آلچالتماق دئيیل. آخوندوو #رسول_رضادان، سليمان رستمدن، مکايیل موشفیقدن، #محمّد_فضولیدن فرقلی اولاراق جدّی فیکیر آدامی، #اینتئلئکتوال ضیالیدیر. ادبیات معلمی میز عینی آندا هم آخوندووو، هم ده محمّد فضولینی تعریفله‌يیردی. من اونا ایضاح ائده بیلمیردیم کی، عینی انسان هم آخوندووو، هم ده فضولینی سئوه بیلمز. چونکی، آخوندوو فضولینی ساوادسیز شاعر حساب ائدیب، اونو خالقی اويوتماقدا، معناسیز عاشق-معشوق اويونلاری ياراتماقدا گناهلاندیریب.
شاگردلر آخوندوون رسمینی تاپدالادیلار. بعضیلری حتی تانیمادی. تانیيانلار دا رسمی يئردن قالدیرمادیلار. ادبیات معلمیمیز ده همین اراضیدن کئچدی، رسمی گؤردو، يئردن قالدیرمادی، کافر دئیرک رسمی تاپدالادی. بو آندا بوتون اومیدلریم سارسیلدی، بیزه علم اؤيره‌دن قادین بو قدر ساختاکار ایمیش. اؤزومو جعفر جاببارلی‌نین آيدینی کیمی تحقیر اولونموش، محو ائدیلمیش حساب ائتدیم. بو، ادبیات معلمه‌سی‌نین جدّی ادبیات آدامینا اولان مناسبتیدیر. اگر معلم #آذربایجان ضیالیسینا قارشی بئله کسکین مناسبت گؤستریرسه، مانیسلاردان، تین اوشاقلاریندان نه گؤزله‌يه‌سن؟ بو معلملرین يئتیشدیریی گنجلیک گله‌جه‌يین مانیسلاری اولاجاق. انکشاف ائتمه‌يه‌جکلر.
سونرا دوشوندوم. کاش بو تجربه‌نی ائتمهيهيدیم، بوتون اومیدلریم سارسیلدی. لاکین، من حقیقتی بیلمک ایسته‌يیردیم و بیلدیم. فضولیدن بیر مصراع اوخومايان آداملار اونو تعریفله‌يیب آخوندووو ابلیس سايیبلار. چونکی، آخوندوو اونلاری تنقید ائدیردی. اوستا زيناللار، خدايار بَيلر میرزه جلیلی سئومه‌دیی کیمی حاجی قارالار دا آخوندووو سئوه بیلمزدی. بعضاًسه حدّن ضیاده ضدیتلی حادثه‌‌لرین شاهدی اولورام. معاصر دؤورون خدايار بَيلری میرزه جلیلین روحونا رحمت اوخويور، اونون داهی، شرفلی انسان اولماسیندان دانیشیرلار. اؤزومو گولمکدن گوجله ساخلايیرام. اوتانیرام دئمه‌يه کی، آي گؤزل انسان، میرزه جلیل ائله سنی تنقید ائدیب ده.
کئچن هفته بیر تلویزیيا پروقرامیندا اشتراک ائتدیم. بیر #ميخانا_اوستاسی صابیرین شعرینی دئدی. همین شعرده صابیر ميخانا دئينلری #تنقید ائدیر، اونلاری مسخره‌يه قويور، ميخانا اوستاسی دئدی کی، داهی شاعریمیز صابیر ميخانايا يوکسک ديَر وئریب. گونشی کولش باشا دوشنلره نه دئيه‌سن؟ هئچ نه.
سؤزوم ياریمچیق قالدی. ادبیات معلملریمیز #درسلیک پروقرامیندان باشقا هئچ نه بیلمیرلر. اونلار هئچ واخت دئمه‌يیبلر کی، #سید_عظیم_شیروانینی دیندارلار مسجدده دؤيَرک اؤلدوروبلر. اونلار هئچ واخت دئمه‌يیبلر کی، آخوندووون جسدینی آذربایجانلیلار يئردن قالدیرمادیلار. نهايت کی، ارمنیلر، گورجولر داهی شخصیتیمیزی دفن ائتدیلر. بیز همین خالقیق.
آخوندووون رسمینی يئره آتماغیمی هله ده اؤزومه باغیشلامیرام. اما من بو حقیقتی مطلق اؤيرنمه‌لی ايدیم. بؤيومه‌يه چالیشیردیم. بو حادثه‌‌دن آلتی ایل کئچیر، ایندی اییرمی اوچ ياشیم وار. طبیعی کی، دوشونجه‌لریم ديَیشیب. دئمک ایسته‌دییم اودور کی، ادبیات معلملریمیزین اکثریتی‌نین ادبیاتدان خبری يوخدور. درسلیکدن کنار ادبی مسئله‌‌لر حاقیندا هئچ نه بیلمیرلر، دنیا ادبیاتیندان آنلايیشلاری يوخدور. آذربایجان عالیملری‌نین سايی آمریکا عالیملری‌نین سايیندان دفعه‌‌لرله چوخدور. گؤر نئجه سرعتله انکشاف ائدیریک ائ. حدّیندن چوخ سئوینیرم. بو قدر عالیمیمیز وار، اما جدّی علمی اوغوروموز يوخدور. بیر-ایکی استثنانی نظره آلماساق.
حادثه‌‌نین سونوندا غيری-عادی هئچ نه اولمادی. رسمی يئردن قالدیردیم. تمیزله‌دیم. هله ده ساخلايیرام. آذربایجان خالقی تکجه آخوندووا گؤره خوشبخت اولماغا مجبوردور. آخوندووو اولان خالق بدبخت اولا بیلمز.
@dusharge
#نجات_هشیمزاده
کؤچورن: #ائلیار_پولاد
اون يئددی ياشیم وار ایدی. بیر تجربه کئچیرمک قرارینا گلدیم. «فیس بوکدا» آخوندوون فوتوسونو گؤرنده بو ایدئيا آغلیما گلدی. پرینتردن داهی متفکریمیزین رسمینی چیخاردیم. نوبتی گون شاگردی اولدوغوم مکتبین حیطینه آتدیم. انسانلارین جدّی فیکیر آدامینا مناسبتینی اؤيرنمک ایسته‌يیردیم. شاگردلر فوتونو تاپدالادیلار. يئره آتیلان شکلی گؤرسه‌لر ده رئاکسیيا وئرمه‌دیلر. بو يازینی يازماقدا مقصدیم آخوندووو آلچالتماق دئيیل. آخوندوو #رسول_رضادان، سليمان رستمدن، مکايیل موشفیقدن، #محمّد_فضولیدن فرقلی اولاراق جدّی فیکیر آدامی، #اینتئلئکتوال ضیالیدیر. ادبیات معلمی میز عینی آندا هم آخوندووو، هم ده محمّد فضولینی تعریفله‌يیردی. من اونا ایضاح ائده بیلمیردیم کی، عینی انسان هم آخوندووو، هم ده فضولینی سئوه بیلمز. چونکی، آخوندوو فضولینی ساوادسیز شاعر حساب ائدیب، اونو خالقی اويوتماقدا، معناسیز عاشق-معشوق اويونلاری ياراتماقدا گناهلاندیریب.
شاگردلر آخوندوون رسمینی تاپدالادیلار. بعضیلری حتی تانیمادی. تانیيانلار دا رسمی يئردن قالدیرمادیلار. ادبیات معلمیمیز ده همین اراضیدن کئچدی، رسمی گؤردو، يئردن قالدیرمادی، کافر دئیرک رسمی تاپدالادی. بو آندا بوتون اومیدلریم سارسیلدی، بیزه علم اؤيره‌دن قادین بو قدر ساختاکار ایمیش. اؤزومو جعفر جاببارلی‌نین آيدینی کیمی تحقیر اولونموش، محو ائدیلمیش حساب ائتدیم. بو، ادبیات معلمه‌سی‌نین جدّی ادبیات آدامینا اولان مناسبتیدیر. اگر معلم #آذربایجان ضیالیسینا قارشی بئله کسکین مناسبت گؤستریرسه، مانیسلاردان، تین اوشاقلاریندان نه گؤزله‌يه‌سن؟ بو معلملرین يئتیشدیریی گنجلیک گله‌جه‌يین مانیسلاری اولاجاق. انکشاف ائتمه‌يه‌جکلر.
سونرا دوشوندوم. کاش بو تجربه‌نی ائتمهيهيدیم، بوتون اومیدلریم سارسیلدی. لاکین، من حقیقتی بیلمک ایسته‌يیردیم و بیلدیم. فضولیدن بیر مصراع اوخومايان آداملار اونو تعریفله‌يیب آخوندووو ابلیس سايیبلار. چونکی، آخوندوو اونلاری تنقید ائدیردی. اوستا زيناللار، خدايار بَيلر میرزه جلیلی سئومه‌دیی کیمی حاجی قارالار دا آخوندووو سئوه بیلمزدی. بعضاًسه حدّن ضیاده ضدیتلی حادثه‌‌لرین شاهدی اولورام. معاصر دؤورون خدايار بَيلری میرزه جلیلین روحونا رحمت اوخويور، اونون داهی، شرفلی انسان اولماسیندان دانیشیرلار. اؤزومو گولمکدن گوجله ساخلايیرام. اوتانیرام دئمه‌يه کی، آي گؤزل انسان، میرزه جلیل ائله سنی تنقید ائدیب ده.
کئچن هفته بیر تلویزیيا پروقرامیندا اشتراک ائتدیم. بیر #ميخانا_اوستاسی صابیرین شعرینی دئدی. همین شعرده صابیر ميخانا دئينلری #تنقید ائدیر، اونلاری مسخره‌يه قويور، ميخانا اوستاسی دئدی کی، داهی شاعریمیز صابیر ميخانايا يوکسک ديَر وئریب. گونشی کولش باشا دوشنلره نه دئيه‌سن؟ هئچ نه.
سؤزوم ياریمچیق قالدی. ادبیات معلملریمیز #درسلیک پروقرامیندان باشقا هئچ نه بیلمیرلر. اونلار هئچ واخت دئمه‌يیبلر کی، #سید_عظیم_شیروانینی دیندارلار مسجدده دؤيَرک اؤلدوروبلر. اونلار هئچ واخت دئمه‌يیبلر کی، آخوندووون جسدینی آذربایجانلیلار يئردن قالدیرمادیلار. نهايت کی، ارمنیلر، گورجولر داهی شخصیتیمیزی دفن ائتدیلر. بیز همین خالقیق.
آخوندووون رسمینی يئره آتماغیمی هله ده اؤزومه باغیشلامیرام. اما من بو حقیقتی مطلق اؤيرنمه‌لی ايدیم. بؤيومه‌يه چالیشیردیم. بو حادثه‌‌دن آلتی ایل کئچیر، ایندی اییرمی اوچ ياشیم وار. طبیعی کی، دوشونجه‌لریم ديَیشیب. دئمک ایسته‌دییم اودور کی، ادبیات معلملریمیزین اکثریتی‌نین ادبیاتدان خبری يوخدور. درسلیکدن کنار ادبی مسئله‌‌لر حاقیندا هئچ نه بیلمیرلر، دنیا ادبیاتیندان آنلايیشلاری يوخدور. آذربایجان عالیملری‌نین سايی آمریکا عالیملری‌نین سايیندان دفعه‌‌لرله چوخدور. گؤر نئجه سرعتله انکشاف ائدیریک ائ. حدّیندن چوخ سئوینیرم. بو قدر عالیمیمیز وار، اما جدّی علمی اوغوروموز يوخدور. بیر-ایکی استثنانی نظره آلماساق.
حادثه‌‌نین سونوندا غيری-عادی هئچ نه اولمادی. رسمی يئردن قالدیردیم. تمیزله‌دیم. هله ده ساخلايیرام. آذربایجان خالقی تکجه آخوندووا گؤره خوشبخت اولماغا مجبوردور. آخوندووو اولان خالق بدبخت اولا بیلمز.
@dusharge
@dusharge || همت شهبازی
#آخوندوون تاپدالانان رسمی #نجات_هشیمزاده کؤچورن: #ائلیار_پولاد اون يئددی ياشیم وار ایدی. بیر تجربه کئچیرمک قرارینا گلدیم. «فیس بوکدا» آخوندوون فوتوسونو گؤرنده بو ایدئيا آغلیما گلدی. پرینتردن داهی متفکریمیزین رسمینی چیخاردیم. نوبتی گون شاگردی اولدوغوم مکتبین…
#آخوندزاده و بیز
#همت_شهبازی
#نجات_هشیمزاده‌نین آخوندوون تاپدالانان رسمی یازیسی ماراقلی یازی ایدی. ائله آخوندزاده سایاغی انسانی دوشوندورمه‌یه چاغیریر.
#فضولی_آخوندزاده مناسبتی چوخ دوشوندوروجودور. آخوندزاده‌نین "#نظم_و_نثر_حاققیندا" (بو آدی رحمتلیک #حمید_محمدزاده اونون یازیسینا وئریر.) بیر صحیفه‌لیک تورکجه یازدیغی دیلیمیزده ایلک #مدرن_نقدی (بونو قصدا یازیرام. و بونا دلیل‌لر ده وار) هر شئیی آچیقلاییر. داها دوغروسو مسئله آخوندزاده‌یه آچیق-آیدین دیر. یالنیز بونلارین هر ایکیسینی سئودییمیز اوچون آخوندزاده قدر قددار اولمادیغیمیز اوچون بو مسئله سانکی بیزه قارانلیقدیر یا دا اؤزوموزو باشقا یوللارا وورماق ایسته‌ییریک. او هئچ نه‌دن چکینمه‌دن اؤز فیکرینی ایره‌لی سورموش.
آخوندزاده‌نین او یازیسیندان بللی اولور کی اونون فضولی ایله مخالفتی غزل قالیبی ایله مخالیف اولماسینا عایددیر. او ملاپناه واقیفی فضولییه اوستون توتدوقدا دا ایکی شئیی نظرده توتور. فورم باخیمیندان بیزه دوغما اولان #قوشما قالیبینده یازماغی و بونو #غزله اوستون بیلمه سی، ایکینجیسی ده یئنه فورملا باغلی اولاراق آخوندزاده‌نین گؤز اؤنونده اولان #گئرچک‌لیک‌لری و بو گونکو دیلله دئسک رئاللیقلاری یانسیتماقدادیر. ایلک #رئالیست یازار بیزده #آخوندزاده دیر.
ایلک دفعه آخوندزاده ایکی مسئله‌نی بو یازیسیندا آچیقلایاراق فرقینه واریر:
#شعر ایله #نظم‌ین بیر بیریندن فرقلی اولمالاری
بونون آردیندا #شاعیر ایله #ناظیم‌ین فرقلری.
من ده گنج یازارین بو سؤزونه قاتیلیرام:
"آذربایجان خالقی تکجه آخوندووا گؤره خوشبخت اولماغا مجبوردور. #آخوندووو_اولان_خالق_بدبخت_اولا_بیلمز."
سوندا بونو آرتیرماق ایستیرم:
#آخوندزاده‌نین دوشونجه‌سینده #ادبی و #اجتماعی گلیشمه‌نین یولو ایکی جیغیردان کئچیر: #بیلیم و #تنقید.
#آخوندزاده‌نین یازیسینی اوخوماغی هامییا تکلیف ائدیرم.
https://telegram.me/dusharge
#همت_شهبازی
#نجات_هشیمزاده‌نین آخوندوون تاپدالانان رسمی یازیسی ماراقلی یازی ایدی. ائله آخوندزاده سایاغی انسانی دوشوندورمه‌یه چاغیریر.
#فضولی_آخوندزاده مناسبتی چوخ دوشوندوروجودور. آخوندزاده‌نین "#نظم_و_نثر_حاققیندا" (بو آدی رحمتلیک #حمید_محمدزاده اونون یازیسینا وئریر.) بیر صحیفه‌لیک تورکجه یازدیغی دیلیمیزده ایلک #مدرن_نقدی (بونو قصدا یازیرام. و بونا دلیل‌لر ده وار) هر شئیی آچیقلاییر. داها دوغروسو مسئله آخوندزاده‌یه آچیق-آیدین دیر. یالنیز بونلارین هر ایکیسینی سئودییمیز اوچون آخوندزاده قدر قددار اولمادیغیمیز اوچون بو مسئله سانکی بیزه قارانلیقدیر یا دا اؤزوموزو باشقا یوللارا وورماق ایسته‌ییریک. او هئچ نه‌دن چکینمه‌دن اؤز فیکرینی ایره‌لی سورموش.
آخوندزاده‌نین او یازیسیندان بللی اولور کی اونون فضولی ایله مخالفتی غزل قالیبی ایله مخالیف اولماسینا عایددیر. او ملاپناه واقیفی فضولییه اوستون توتدوقدا دا ایکی شئیی نظرده توتور. فورم باخیمیندان بیزه دوغما اولان #قوشما قالیبینده یازماغی و بونو #غزله اوستون بیلمه سی، ایکینجیسی ده یئنه فورملا باغلی اولاراق آخوندزاده‌نین گؤز اؤنونده اولان #گئرچک‌لیک‌لری و بو گونکو دیلله دئسک رئاللیقلاری یانسیتماقدادیر. ایلک #رئالیست یازار بیزده #آخوندزاده دیر.
ایلک دفعه آخوندزاده ایکی مسئله‌نی بو یازیسیندا آچیقلایاراق فرقینه واریر:
#شعر ایله #نظم‌ین بیر بیریندن فرقلی اولمالاری
بونون آردیندا #شاعیر ایله #ناظیم‌ین فرقلری.
من ده گنج یازارین بو سؤزونه قاتیلیرام:
"آذربایجان خالقی تکجه آخوندووا گؤره خوشبخت اولماغا مجبوردور. #آخوندووو_اولان_خالق_بدبخت_اولا_بیلمز."
سوندا بونو آرتیرماق ایستیرم:
#آخوندزاده‌نین دوشونجه‌سینده #ادبی و #اجتماعی گلیشمه‌نین یولو ایکی جیغیردان کئچیر: #بیلیم و #تنقید.
#آخوندزاده‌نین یازیسینی اوخوماغی هامییا تکلیف ائدیرم.
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
#مصاحیبه (۱)
دانیشیغی آپاران:#افشین_شهبازی
👈 بو #دانیشیق اوزون اولدوغو اوچون، یوروجو اولماسین دئیه بؤلوم- بؤلوم پایلاشیلیر. دانیشیق ایلک دفعه #آناوطن قزئتینده، سونرا #مدرنیزمین_چاغداشلیغی کیابیندا، لاتینجه واریانتی ایسه باکیدا #کاسپی قزئتینده چاپ اولدو. امه‌یی کئچن هر کیمسه‌یه خصوصیله عزیز افشینه منتدارام.
ایلک اؤنجه #افشین_شهبازی دن:
✅ دونیا ادبیاتیندا مدرنلشمه گئدیشی چوخدان باشلایاراق، اوزون سوره ایریلی-خیردالی آخیملار یارادیقدان سونرا بعضیلری بو دؤنمین سونا وارماسینی، بعضیلری او جومله‌دن #یورگئن_هابئرماس هله اونون تاماملانماماسینی وورغولاییرلار. بو آرادا آذربایجان ادبیاتیندا اولان یارادیجیلیق، مدرنیزم قوراللاری ایله اویغون گلیب-گلمه‌مه‌سی دارتیشمالار دوغوران آنلار کیمی هله ده چؤزولمه‌سی گره‌کن مقاملاردان حساب اولونور. عینی حالدا ادبیاتیمیزین ژانرلاری او جومله‌دن شعر، نثر، تنقید و... موباحثه‌لی مقاملارا چئوریلمیشدیر. بو آرادا بیر سیرا یازارلاریمیز چاتیشمایان بعضی اؤنملی بوشلوقلاری سئزه‌رک بو حاقدا بوشلوقلاری دولدورماغا چالیشمیشلار. #همت_شهبازی ادبیاتیمیزدا بیر تنقیدچی کیمی تانینیر. اؤزو ده یورولمادان یالنیز و یالنیز یارادیجیلیقلا مشغول اولان بیر یازاریمیزدیر. بونو اونون چاپ ائتدییی کیتابلار دا گؤستریر. آشاغیدا اونونلا آپاردیغیمیز دانیشیغی اوخوجولارلا بؤلوشوروک:
#دانیشیق:
❎ #مدرن_ادبیات نئجه یاراندی؟ سیزجه بونون یارانماسیندا تاثیر قویان پارامئترلر نه‌لر اولموش؟ باشقا دئییمده #مدرن_ادبیات دئدیییمیز هانسی اؤزللیک‌لری داشیییر؟
↙️-هر شئی قاییدیر آوروپادا #رونئسانس و سونرادا #آیدینلانما (روشنگری) دؤنَمینه. عمومییت‌له مدرن سؤزو، یئنی و چاغداش آنلامیندا اولدوغونا گؤره، بیر دورومون دَییشیلمه‌سی و یا محو اولماسی و یئنی بیر دورومون یارانماسییلا ایلگیلی‌دیر. یعنی مدرن دئدیکده، اونون قارشی طرفی "سنت و یا گله‌نک"دیر. بعضی آشیری مدرنیست‌لره گؤره، "گله‌نک" بیر ییغینتی‌دیر. اونو قیراغا قویماق لازیم گلیر. بورادا بو سوال یارانیرکی: اگر "گله‌نه"یی دَب‌دن دوشموش ساییریقسا اوندا بوتون یارانان یئنی‌لیک‌لر، بیر زامان سوردوکدن سونرا داها دوغروسو دَبلشدیکدن سونرا "گله‌نه"یه چئوریلیر. یعنی هر بیر یئنی لیک اؤزلویونده "گله‌نکسل" اولور. کئچمیشه چئوریلیر.
بیر چوخلارینا گؤره " #مدرنیزم" ادبییاتلا باشلاییر. بو فیکیر، چوخدا یانلیش دئییل. توپلوملا ادبییات هر زامان قارشیلیقلی ایلگیده اولوبلار. بونلاردان هانسی تئز، هانسی گئج ویاخود هانسی باشقاسینا تأثیر بوراخمیش، قطعی سؤز دئمک اولماز. آنجاق دئمک اولارکی #مدرنیته دئدیکده، هر شئیدن قاباق فیکیر و اونون آردیندا یازیدا دَییشیکلیک یاراندی. دوشونجه‌ده دییشیکلیک یاراندیقدان سونرا، قاداغالار قیراغا قویولور و توپلوم گلیشمه‌یه طرف یؤنه‌لیر.
❎- بونون عیانی اؤرنک‌لرینی آذربایجان توپلوم و یا ادبییاتیندا گؤسترمک اولارمی؟
↙️-بیزده ده بئله اولموش. مثلن ایجتیماعی گلیشمه: تئکنولوژی، #صنایع‌لشمه یارانمادان قاباق، اونون دوشونجه‌سی میرزه فتحعلی #آخوندزاده ده یاراندی. آخوندزاده بیزیم " #آیدینلانما" دؤنَمیمیزین باشلانغیجی‌دیر. او یئنی‌لشمک اوچون یاخاسینی جیریردی. آخوندزاده‌نین دوشونجه‌سینده ادبی و ایجتیماعی گلیشمه‌نین یولو ایکی جیغیردان کئچیر: #بیلیم و #تنقید.
#آخوندزاده تک باشینا باتی آخیملارینین بیر نئچه‌سینی اؤزونده توپلاییر. بوتون بوشلوقلاری تانیییر. او، بو گونکو معنادا بوتون ایلکین‌لرین یارادیجیسی‌دیر: ایلک #ادبی_تنقید، ایلک یئنی اوسلوبدا #نثر یازان، ایلک #پوبلیسیت، ایلک #ضییالی، ایلک آدام‌دیرکی کلاسیک ادبیاتدان اؤزونو قیریر. گؤردویو ایش‌لرده، ایره‌لی سوردویو دوشونجه‌لرده یالنیز و یالنیز عاغیل حاکیم‌دیر. یعنی مدرنیته‌نین ان اؤنملی فاکتورو. #اوسچولوغون (خردگرایی) تمل داشینی قویور. #آذربایجان انتئلئکتوال تاریخینده اونون کیمی ییغجام فیکیرلی ایکینجی بیر شخص تاپماق اولماز. گؤستردییی یولون آرخاسینجا، پیراتیک ایشلر ده گؤرور.
#آردی_وار
https://telegram.me/dusharge
دانیشیغی آپاران:#افشین_شهبازی
👈 بو #دانیشیق اوزون اولدوغو اوچون، یوروجو اولماسین دئیه بؤلوم- بؤلوم پایلاشیلیر. دانیشیق ایلک دفعه #آناوطن قزئتینده، سونرا #مدرنیزمین_چاغداشلیغی کیابیندا، لاتینجه واریانتی ایسه باکیدا #کاسپی قزئتینده چاپ اولدو. امه‌یی کئچن هر کیمسه‌یه خصوصیله عزیز افشینه منتدارام.
ایلک اؤنجه #افشین_شهبازی دن:
✅ دونیا ادبیاتیندا مدرنلشمه گئدیشی چوخدان باشلایاراق، اوزون سوره ایریلی-خیردالی آخیملار یارادیقدان سونرا بعضیلری بو دؤنمین سونا وارماسینی، بعضیلری او جومله‌دن #یورگئن_هابئرماس هله اونون تاماملانماماسینی وورغولاییرلار. بو آرادا آذربایجان ادبیاتیندا اولان یارادیجیلیق، مدرنیزم قوراللاری ایله اویغون گلیب-گلمه‌مه‌سی دارتیشمالار دوغوران آنلار کیمی هله ده چؤزولمه‌سی گره‌کن مقاملاردان حساب اولونور. عینی حالدا ادبیاتیمیزین ژانرلاری او جومله‌دن شعر، نثر، تنقید و... موباحثه‌لی مقاملارا چئوریلمیشدیر. بو آرادا بیر سیرا یازارلاریمیز چاتیشمایان بعضی اؤنملی بوشلوقلاری سئزه‌رک بو حاقدا بوشلوقلاری دولدورماغا چالیشمیشلار. #همت_شهبازی ادبیاتیمیزدا بیر تنقیدچی کیمی تانینیر. اؤزو ده یورولمادان یالنیز و یالنیز یارادیجیلیقلا مشغول اولان بیر یازاریمیزدیر. بونو اونون چاپ ائتدییی کیتابلار دا گؤستریر. آشاغیدا اونونلا آپاردیغیمیز دانیشیغی اوخوجولارلا بؤلوشوروک:
#دانیشیق:
❎ #مدرن_ادبیات نئجه یاراندی؟ سیزجه بونون یارانماسیندا تاثیر قویان پارامئترلر نه‌لر اولموش؟ باشقا دئییمده #مدرن_ادبیات دئدیییمیز هانسی اؤزللیک‌لری داشیییر؟
↙️-هر شئی قاییدیر آوروپادا #رونئسانس و سونرادا #آیدینلانما (روشنگری) دؤنَمینه. عمومییت‌له مدرن سؤزو، یئنی و چاغداش آنلامیندا اولدوغونا گؤره، بیر دورومون دَییشیلمه‌سی و یا محو اولماسی و یئنی بیر دورومون یارانماسییلا ایلگیلی‌دیر. یعنی مدرن دئدیکده، اونون قارشی طرفی "سنت و یا گله‌نک"دیر. بعضی آشیری مدرنیست‌لره گؤره، "گله‌نک" بیر ییغینتی‌دیر. اونو قیراغا قویماق لازیم گلیر. بورادا بو سوال یارانیرکی: اگر "گله‌نه"یی دَب‌دن دوشموش ساییریقسا اوندا بوتون یارانان یئنی‌لیک‌لر، بیر زامان سوردوکدن سونرا داها دوغروسو دَبلشدیکدن سونرا "گله‌نه"یه چئوریلیر. یعنی هر بیر یئنی لیک اؤزلویونده "گله‌نکسل" اولور. کئچمیشه چئوریلیر.
بیر چوخلارینا گؤره " #مدرنیزم" ادبییاتلا باشلاییر. بو فیکیر، چوخدا یانلیش دئییل. توپلوملا ادبییات هر زامان قارشیلیقلی ایلگیده اولوبلار. بونلاردان هانسی تئز، هانسی گئج ویاخود هانسی باشقاسینا تأثیر بوراخمیش، قطعی سؤز دئمک اولماز. آنجاق دئمک اولارکی #مدرنیته دئدیکده، هر شئیدن قاباق فیکیر و اونون آردیندا یازیدا دَییشیکلیک یاراندی. دوشونجه‌ده دییشیکلیک یاراندیقدان سونرا، قاداغالار قیراغا قویولور و توپلوم گلیشمه‌یه طرف یؤنه‌لیر.
❎- بونون عیانی اؤرنک‌لرینی آذربایجان توپلوم و یا ادبییاتیندا گؤسترمک اولارمی؟
↙️-بیزده ده بئله اولموش. مثلن ایجتیماعی گلیشمه: تئکنولوژی، #صنایع‌لشمه یارانمادان قاباق، اونون دوشونجه‌سی میرزه فتحعلی #آخوندزاده ده یاراندی. آخوندزاده بیزیم " #آیدینلانما" دؤنَمیمیزین باشلانغیجی‌دیر. او یئنی‌لشمک اوچون یاخاسینی جیریردی. آخوندزاده‌نین دوشونجه‌سینده ادبی و ایجتیماعی گلیشمه‌نین یولو ایکی جیغیردان کئچیر: #بیلیم و #تنقید.
#آخوندزاده تک باشینا باتی آخیملارینین بیر نئچه‌سینی اؤزونده توپلاییر. بوتون بوشلوقلاری تانیییر. او، بو گونکو معنادا بوتون ایلکین‌لرین یارادیجیسی‌دیر: ایلک #ادبی_تنقید، ایلک یئنی اوسلوبدا #نثر یازان، ایلک #پوبلیسیت، ایلک #ضییالی، ایلک آدام‌دیرکی کلاسیک ادبیاتدان اؤزونو قیریر. گؤردویو ایش‌لرده، ایره‌لی سوردویو دوشونجه‌لرده یالنیز و یالنیز عاغیل حاکیم‌دیر. یعنی مدرنیته‌نین ان اؤنملی فاکتورو. #اوسچولوغون (خردگرایی) تمل داشینی قویور. #آذربایجان انتئلئکتوال تاریخینده اونون کیمی ییغجام فیکیرلی ایکینجی بیر شخص تاپماق اولماز. گؤستردییی یولون آرخاسینجا، پیراتیک ایشلر ده گؤرور.
#آردی_وار
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
گلمیشم کیتاب آلماغا، دوستجاسینا قاپینی آچ دوستوم!
#همت_شهبازی
✍️ خییوو شهرینده #دنیز کیتاب ساتیش مرکزی هر کیمسه‌یه بللی اولان بیر مدنی اوجاقدیر. چونکی اونون مودورو جلیل مقدسی ( بیز چوخ زامان #میرزه_جلیل، هردن ده کابی دئیه‌ریک) بیر زامانلار بو شهرین اؤنجول نشریه‌لرینه چئوریلن #وراوی نشریه‌سی‌نین یازارلاریندان بیری ایدی. میرزه، جومعه‌لر تعطیل اولار. آمما بو گون من زنگ آتدیم دوستجاسینا گلدی دنیزی ده آچدی. اؤزومه لازیم اولان #کیتابلاری آلدیم. ( خانیم، سهند و آیلین ده اؤزلرینه آلدیلار). بو اوجاق ان سئویملی کیتابلارلا دولودور. میرزه‌یه دئییرم بونلاری نقد آلیبسان، آنجاق هامیسی سنه بیر زیان کیمی قالمیش. گولور دئییر #فدای_دوست. بو فدای دوست ماجراسینی دا آچیقلاییر بیر رحمت‌لیین دیلیندن دوشمه‌ین و ایندی ده قبری اوزرینه یازیلان بیر سؤز کیمی.
📚کیتاب قفسه‌لریندن ساوایی، اؤزونون و اورادا ایشله‌ین‌لرین ده اؤزلری اوخوماق اوچون سئچیب گؤتوردوک‌لری کیتابلار دا واردیر. میرزه‌نین اؤزونه آییردیغی ایکی کیتابی دا آلیرام. آخی بونون بیرینی چوخدان ایدی آختاریردیم: #شریف_مردی‌نین #داغیتماغا_دوغرو کیتابینی.
قفسه‌لرده اؤزومون ده حتتا کیچیک بیر دفتر قیمتینه اولمایان کیتابلاریمین دا قالانیب قالدیقلارینی گؤرورم: #حکایه‌نین_امکانلاری، #مدرنیته و مدرنلیک، #چوراق اؤلکه، #آخشام‌اوستو ساعات بئشده، #تویوغ‌لار و سون کیتابیم #آذربایجان_شعرینده_مدرنیزم.
میرزه دئییر سون کیتابدان بئش دؤوره واریم ایدی. بیرینی اؤزوم گؤتوردوم. ایکیسینی آلیبلار. ایکیسی ده قفسه‌ده قالیردی. اؤز اؤزومه فیکیرلشیرم: بو کیتابدا ان آزیندان #خییوو شهری‌نین اوچ شاعیری‌نین شعرلرینه یاناشمیشام. اوچ شاعیر قدر ده بو کیتاب ساتیشا گئتمه‌ییبدیر!!!. آخی بوتون شاعیر و یازارلاریمیز آغیزلارینی آچاندا ایلک سؤزلری بو اولور: ادبیاتیمیزدا #تنقید یوخدور. حتتا بیر سیرا گروه و کانال‌لار مندن اینجیمیش‌لر کی اونلارین دئدیکلرینه گؤره گویا کی من اؤزومو یئکه توتورام و تنقید مباحثه‌لرینه قوشولمورام. دئییرلر گروهون ایکیمین نفر عضوو وار، بس من نه قدر اوخوجو آرخاسینجایام؟!
بیر داها اوزولورم بیر گروهدا ایکیمین نفر #تنقید ایزله‌ین بیر ادبی توپلومون بئش نفری تنقید کیتابی آلماغا ماراغی یوخدور. بونلاری گؤردوکده اؤزومو سیلکه‌له‌ییرم:
هر حالدا گوناهین ایکی بؤیوک باشی وار: یا یازیچی‌نین اثری دیرسیزدیر، یا دا اوخوجو یوخوموزدور. باشقا عامیل‌لر ده کیچیک بهانه‌لر اولا بیلر. بس اوندا نه اوچون یازیرام گؤره‌سن؟!!
📚کیتاب آلان گون منیم سئوینجلی گونوم اولور. آمما بو گون گؤزلریمین قاپاقلاری‌نین آرخاسیندا قهر توتموش بیریسی کیمی‌یم. آخی من بیر اوخوجو اولاراق تعطیل گونو کیتاب ساتیش مرکزی‌نین صاحیبینه زنگ آچیرام کی من گلمیشم کیتاب آلماغا، دوستجاسینا قاپینی آچ دوستوم! 😢😢
موغان - ۱۴۰۰/۵/۲۲
https://telegram.me/dusharge
#همت_شهبازی
✍️ خییوو شهرینده #دنیز کیتاب ساتیش مرکزی هر کیمسه‌یه بللی اولان بیر مدنی اوجاقدیر. چونکی اونون مودورو جلیل مقدسی ( بیز چوخ زامان #میرزه_جلیل، هردن ده کابی دئیه‌ریک) بیر زامانلار بو شهرین اؤنجول نشریه‌لرینه چئوریلن #وراوی نشریه‌سی‌نین یازارلاریندان بیری ایدی. میرزه، جومعه‌لر تعطیل اولار. آمما بو گون من زنگ آتدیم دوستجاسینا گلدی دنیزی ده آچدی. اؤزومه لازیم اولان #کیتابلاری آلدیم. ( خانیم، سهند و آیلین ده اؤزلرینه آلدیلار). بو اوجاق ان سئویملی کیتابلارلا دولودور. میرزه‌یه دئییرم بونلاری نقد آلیبسان، آنجاق هامیسی سنه بیر زیان کیمی قالمیش. گولور دئییر #فدای_دوست. بو فدای دوست ماجراسینی دا آچیقلاییر بیر رحمت‌لیین دیلیندن دوشمه‌ین و ایندی ده قبری اوزرینه یازیلان بیر سؤز کیمی.
📚کیتاب قفسه‌لریندن ساوایی، اؤزونون و اورادا ایشله‌ین‌لرین ده اؤزلری اوخوماق اوچون سئچیب گؤتوردوک‌لری کیتابلار دا واردیر. میرزه‌نین اؤزونه آییردیغی ایکی کیتابی دا آلیرام. آخی بونون بیرینی چوخدان ایدی آختاریردیم: #شریف_مردی‌نین #داغیتماغا_دوغرو کیتابینی.
قفسه‌لرده اؤزومون ده حتتا کیچیک بیر دفتر قیمتینه اولمایان کیتابلاریمین دا قالانیب قالدیقلارینی گؤرورم: #حکایه‌نین_امکانلاری، #مدرنیته و مدرنلیک، #چوراق اؤلکه، #آخشام‌اوستو ساعات بئشده، #تویوغ‌لار و سون کیتابیم #آذربایجان_شعرینده_مدرنیزم.
میرزه دئییر سون کیتابدان بئش دؤوره واریم ایدی. بیرینی اؤزوم گؤتوردوم. ایکیسینی آلیبلار. ایکیسی ده قفسه‌ده قالیردی. اؤز اؤزومه فیکیرلشیرم: بو کیتابدا ان آزیندان #خییوو شهری‌نین اوچ شاعیری‌نین شعرلرینه یاناشمیشام. اوچ شاعیر قدر ده بو کیتاب ساتیشا گئتمه‌ییبدیر!!!. آخی بوتون شاعیر و یازارلاریمیز آغیزلارینی آچاندا ایلک سؤزلری بو اولور: ادبیاتیمیزدا #تنقید یوخدور. حتتا بیر سیرا گروه و کانال‌لار مندن اینجیمیش‌لر کی اونلارین دئدیکلرینه گؤره گویا کی من اؤزومو یئکه توتورام و تنقید مباحثه‌لرینه قوشولمورام. دئییرلر گروهون ایکیمین نفر عضوو وار، بس من نه قدر اوخوجو آرخاسینجایام؟!
بیر داها اوزولورم بیر گروهدا ایکیمین نفر #تنقید ایزله‌ین بیر ادبی توپلومون بئش نفری تنقید کیتابی آلماغا ماراغی یوخدور. بونلاری گؤردوکده اؤزومو سیلکه‌له‌ییرم:
هر حالدا گوناهین ایکی بؤیوک باشی وار: یا یازیچی‌نین اثری دیرسیزدیر، یا دا اوخوجو یوخوموزدور. باشقا عامیل‌لر ده کیچیک بهانه‌لر اولا بیلر. بس اوندا نه اوچون یازیرام گؤره‌سن؟!!
📚کیتاب آلان گون منیم سئوینجلی گونوم اولور. آمما بو گون گؤزلریمین قاپاقلاری‌نین آرخاسیندا قهر توتموش بیریسی کیمی‌یم. آخی من بیر اوخوجو اولاراق تعطیل گونو کیتاب ساتیش مرکزی‌نین صاحیبینه زنگ آچیرام کی من گلمیشم کیتاب آلماغا، دوستجاسینا قاپینی آچ دوستوم! 😢😢
موغان - ۱۴۰۰/۵/۲۲
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.