Бисмилләһи-р-рахмәни-р-рахим.
Бу каналда татар теленә хәдисләр чыганаклары күрсәтелгән хәлдә тәрҗемә ителәчәк, ин шә Аллаһ.
#Коръән, #сөннәт, #гакыйдә, #намаз, #ураза, #рамазан, #садака, #никах, #гыйлем, #төшләр, #зекер, #әхлак, #гөнаһ, #күрәзәче, #дәвалану,
#сынаулар, #фетнә, #җиһат, #Кыямәт
#аять, #исәнләшү, #төчкерү, #елмаю, #дога, #ният, #кочаклашу, #исем, #шигырь, #тел_афәтләре
#Сөекле_Пәйгамбәребез
#мәрхәмәтлек, #тырышлык, #җомга, #Корбан
#ихласлык #тәкъвалык #әууабин (әввабин)
#шагбан #бәраәт #сабырлык
#хәдис_түгел
#таралганялгышларнытөзәтү

عَنْ أَبِي الْجَعْدِ الضُّمَيْرِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ».
Санламаганы сәбәпле өч җомганы калдырган кешенең йөрәгенә Аллаһы Тәгалә мөһер суга.
Сүнән Әбү Дауд, 1052. Сүнән Тирмизи, 500.

Ягъни, бер гозерсез җомганы калдырып йөргән кеше хәерле гамәлләр эшләүдән ерагайтылыр, хәтта монафикълардан язылып куелуы мөмкин. Аллаһы Тәгалә сакласын.
#җомга

وَعَن سَمُرَةَ بْنِ جُنْدُبٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ تَرَكَ الْجُمُعَةَ مِنْ غَيْرِ عُذْرٍ فَلْيَتَصَدَّقْ بِدِينَارٍ فَإِنْ لَمْ يَجِدْ فَبِنِصْفِ دِينَارٍ» .
Кем җомганы бер сәбәпсез калдырса, бер динар садака бирсен. (Бер динар) таба алмаса, ярты динар бирсен.

Мүснәд Әхмәд, 20159. Сүнән Әбү Дауд, 1053. Сүнән Ибне Мәҗә, 1123.
#җомга

Җомга көненең фазыйләте
عَنْ أَبِي لُبَابَةَ بْنِ عَبْدِ الْمُنْذِرِ، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: «إِنَّ ‌يَوْمَ ‌الْجُمُعَةِ ‌سَيِّدُ ‌الْأَيَّامِ، وَأَعْظَمُهَا عِنْدَ اللَّهِ، وَهُوَ أَعْظَمُ عِنْدَ اللَّهِ مِنْ يَوْمِ الْأَضْحَى وَيَوْمِ الْفِطْرِ، فِيهِ خَمْسُ خِلَالٍ، خَلَقَ اللَّهُ فِيهِ آدَمَ، وَأَهْبَطَ اللَّهُ فِيهِ آدَمَ إِلَى الْأَرْضِ، وَفِيهِ تَوَفَّى اللَّهُ آدَمَ، وَفِيهِ سَاعَةٌ لَا يَسْأَلُ اللَّهَ فِيهَا الْعَبْدُ شَيْئًا إِلَّا أَعْطَاهُ، مَا لَمْ يَسْأَلْ حَرَامًا، وَفِيهِ تَقُومُ السَّاعَةُ، مَا مِنْ مَلَكٍ مُقَرَّبٍ، وَلَا سَمَاءٍ، وَلَا أَرْضٍ، وَلَا رِيَاحٍ، وَلَا جِبَالٍ، وَلَا بَحْرٍ، إِلَّا وَهُنَّ يُشْفِقْنَ مِنْ يَوْمِ الْجُمُعَةِ»
«Җомга барлык көннәрнең дә хуҗасы ул. Ә Аллаһы Тәгалә каршында исә аның дәрәҗәсе Ураза һәм Корбан бәйрәмнәреннән дә өстенрәк. Аның биш үзенчәлеге бар:
1) бу көнне Раббыбыз Адәм галәйхи-с-әләмне бар иткән,
2) бу көндә аны җиргә төшергән,
3) бу көндә ул вафат иткән,
4) бу көндә бер вакыт бар, кол анда нәрсә генә сорамасын, шул бирелер, харам нәрсәләрдән кала.
5) Җомга көнне Кыямәт көне башланачак. Нинди генә якын фәрештә булмасын, күк, җир, җил, таулар, диңгезләр, мәгәр барчасы да җомга көненнән куркып торалар»
Сүнән Ибне Мәҗә, 1084.
#җомга

Җомгадан соң Фатиха һәм Ихлас, Фәләк, Нәс сүрәләрен укып ал, киләсе җомгага хәтле саклау астында булырсың
عن أسماء بنت أبي بكر رضي الله عنها: مَنْ قَرَأَ بَعْدَ الْجُمُعَةِ فَاتِحَةَ الْكِتَابِ، وقُلْ هُوَ اللَّهُ أَحَدٌ، وَقُلْ أَعُوذُ بِرَبِّ الْفَلَقِ، وَقُلْ أَعُوذُ بِرَبِّ النَّاسِ حَفِظَ مَا بَيْنَهُ وَبَيْنَ الْجُمُعَةِ.
Кем җомгадан соң Китапны ачучы (сүрәне - Фатиха сүрәсен), һәм "Кул һүә-Л-Лаһу Әхәд", "Кул әгүзү би-Рабби-л-фәләкъ", "Кул әгүзү би-Рабби-н-нәс" сүрәләрен укыса, киләсе җомгага хәтле саклау астында булыр.
Мусаннәф ибне Әби Шәйбә, 31581
Мәүкуф хәдис
https://t.me/tathadisler
#намаз #җомга