Бисмилләһи-р-рахмәни-р-рахим.
Бу каналда татар теленә хәдисләр чыганаклары күрсәтелгән хәлдә тәрҗемә ителәчәк, ин шә Аллаһ.
#Коръән, #сөннәт, #гакыйдә, #намаз, #ураза, #рамазан, #садака, #никах, #гыйлем, #төшләр, #зекер, #әхлак, #гөнаһ, #күрәзәче, #дәвалану,
#сынаулар, #фетнә, #җиһат, #Кыямәт
#аять, #исәнләшү, #төчкерү, #елмаю, #дога, #ният, #кочаклашу, #исем, #шигырь, #тел_афәтләре
#Сөекле_Пәйгамбәребез
#мәрхәмәтлек, #тырышлык, #җомга, #Корбан
#ихласлык #тәкъвалык #әууабин (әввабин)
#шагбан #бәраәт #сабырлык
#хәдис_түгел
#таралганялгышларнытөзәтү

عَنِ ابْنِ عُمَرَ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّ أَحَبَّ أَسْمَائِكُمْ إِلَى اللَّهِ عَبْدُ اللَّهِ، وَعَبْدُ الرَّحْمَنِ".
Дөреслектә, Аллаһы Тәгаләгә иң сөекле исемнәрегез ул Габдулла һәм Габдрахман.
Сахих Мөслим, 2132
#исем

عَنْ عَائِشَةَ أَنَّ النَّبِيَّ ﷺ كَانَ يُغَيِّرُ الِاسْمَ الْقَبِيحَ.
Пәйгамбәребез ﷺ начар исемне үзгәртә иде.
Тирмизи, 2839
#исем

عَنْ أَبِي وَهْبٍ الْجُشَمِيِّ - وَكَانَتْ لَهُ صُحْبَةٌ - قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " تَسَمَّوْا بِأَسْمَاءِ الْأَنْبِيَاءِ، وَأَحَبُّ الْأَسْمَاءِ إِلَى اللَّهِ عَبْدُ اللَّهِ وَعَبْدُ الرَّحْمَنِ، وَأَصْدَقُهَا حَارِثٌ وَهَمَّامٌ، وَأَقْبَحُهَا حَرْبٌ وَمُرَّةُ "
Пәйгамбәрләрнең исемнәрен кушыгыз. Аллаһы Тәгаләгә иң сөекле исемнәрегез ул Габдулла һәм Габдрахман. Иң дөресе исә Харис һәм Һәммәм. Иң начарлары исә Хәрб һәм Мүррә. Әбү Дауд, 4950
#исем

Габдулла - Аллаһының колы
Габдрахман - Рахманның колы
Харис - игенче, җир эшкәртүче (монда: кәсеп итүче мәгънәсендә)
Һәммам - омтылышлары күп булган (яки: юмарт, игелекле)
Хәрб - сугыш
Мүррә - ачы (горький)

عَنْ أَبِي الدَّرْدَاءِ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّكُمْ تُدْعَوْنَ يَوْمَ الْقِيَامَةِ بِأَسْمَائِكُمْ وَأَسْمَاءِ آبَائِكُمْ، فَأَحْسِنُوا أَسْمَاءَكُمْ".
Кыямәт көнендә исемнәрегез һәм әтиләрегезнең исемнәре белән чакырылачаксыз, шуның өчен, исемнәрегезне матурайтыгыз.

Мүснәд Әхмәт, 21693
Сүнән Әбү Дауд, 4948
#исем

عَنْ أَبِي هُرَيْرَةَ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: تَسَمَّوْا بِاسْمِي وَلَا تَكَنَّوْا ‌بِكُنْيَتِي
Исемем белән исемләнегез, әмма күнъям белән күнъяләнмәгез.

° Күнъя - әтисе, әнисе дип башланган кушамат, ягъни: фәләннең әтисе, фәләннең әнисе. Пәйгамбәребезнең ﷺ күнъясе Әбү-л-Касим, беренче баласына карап кушылган иде
° Гарәпләрдә бу кешеләргә ихтирам күрсәтү йөзеннән кулланылган.
° Бу төр кушамат, гадәттә, кешенең баласының исеменә карап билгеләнә, әмма баласы булмаса да, кешенең күнъясе булырга мөмкин. Мәсәлән, Гайшә анабыз, радыяллаһу ганһә, күнъясе Үмм Габдиллә (Габдулланың әнисе).
° Кайвакыт бу төр кушамат кешенең ярата торган нәрсәсенә, яки бер сыйфатына карап тагыла. Мәсәлән, Әбү Һурайра радыяллаһу ганһе (Мәчеләр әтисе), Әбү Ләһәб (Балкып торуның әтисе), Әбү Җәһел (Җаһиллекнең әтисе).
° Кайбер галимнәр фикеренчә, күнъя белән күнъяләнүдән тыю, Пәйгамбәребез ﷺ яшәгән заманга гына хас.

Сахих Бохари, 110. Сахих Мөслим, 2131
#исем