Палац у Гродне быў пабудаваны ў XVII стагоддзі галандскім архітэктарам Тыльманам з Гамерэн фактычна па адным плане з ягоным арыгінальным праектам палаца Бруля ў Варшаве (сёння ў перабудаваным выглядзе). Шмат падабенства мае і ягоны палац у Беластоку.

#Гродна #палацы #рэстаўрацыя

На круглым стале ў Акадэміі навук паказалі дызайн-канцэпцыю інтэр'ераў вежы Шчытоўкі Навагрудскага замка пасля яе рэканструкцыі.

Крыніца
#інтэр'еры #рэканструкцыя #рэстаўрацыя #замкі

На кляштары бенедыкцінак XVII стагоддзя ў Нясвіжы працягнуць рамонтныя работы на фасадах.

Увосень 2022 года на агароджы і вежы-браме кляштара, нягледзячы на тое, што помнік мае 2-ю катэгорыі каштоўнасці, былі праведзеныя работы без узгаднення з Міністэрствам культуры. Ужо у сакавіку наступнага года да работ на помніку барока быў нарэшце прыцягнуты навуковы кіраўнік, частку карпусоў перафарбавалі ў пясочны колер з белымі карнізамі.

Цяпер справа дайшла да корпуса, які пафарбаваны сёння ў парсюкова-ружовы колер. Паводле хіміка-фізічных даследаванняў "Белрэстаўрацыі" найбольш раннія слаі афарбоўкі на гэта таксама жоўтая вапнавая на сценах (блізкая да Marill 110,
Marill 115, Goldocker 30) і белая на вапне - на карнізах.

Пра аднаўленне касцёльнай вежы гаворкі, на вялікі жаль, не ідзе.

#Нясвіж #рэстаўрацыя #касцёлы #кляштары #каларыстыка

На тэрыторыі сядзібы Агінскіх «Ганута», што ў вёсцы Ручыца Вілейскага раёна, пачалася рэканструкцыя адной з дзвюх капліц.

Дзе аднолькавыя капліцы пабудаваныя ў 1765 г. ў стылі ракако віленскім архітэктарам Т. Жаброўскім.

Вышэй за карніз, там дзе быў барочны купал, з'явілася дзіўная мураваная канструкцыя ў выглядзе куба. Яе прызначэнне пакуль незразумелае.

Нагадаем, што ў кастрычніку 2020 года ў адна з капліц абрынулася. Толькі гэта прымусіла ўлады пачаць працы на гісторыка-культурнай каштоўнасці.

У канцы 2021 года мясцовыя ўлады абвясцілі тэндар на даследаванне рэштак былой сядзібы, у тым ліку складанне рэстаўрацыйнага задання і вызначэнне зон аховы.

#капліцы #ручыца #рэстаўрацыя

Як на сёння выглядае сядзіба Наркевічаў-Ёдкаў у Наднёмане. З заканчэннем халадоў рэстаўрацыя распачынаецца зноў.

Крыніца
#рэстаўрацыя #сядзібы #наднёман

Дом афіцэраў у Полацку пафарбавалі насуперак хіміка-фізічным даследаванням.

Даследванне афарбовачных слаёў паказала, што гэты міжваенны будынак меў халодную гаму, а філёнгі на рустоўцы былі афарбаваныя ў цёмна-сінія колеры. Такімі ж былі і карнізы.


Але ў час наведвання Полацка адной высокай чыноўніцы, якая не мае ніякага дачынення да рэстаўрацыі, не спадабалася прадстаўленая рэканструкцыя аўтэнтычных колераў.

Цяпер помнік архітэктуры пафарбавалі па класічнай схеме: цёплы бэж і тэракотавы замест цёмна-сіняга. Вельмі шкада, што ў Беларусі ўсе пытанні вырашаюцца вось так...

Фота
#Полацк #савецкаяспадчына #каларыстыка #рэстаўрацыя #дэградацыя

Пачалася рэстаўрацыя драўлянай Георгіеўскай царквы канец XVIII стагоддзя на Юр'евай горцы ў Жыровіцах. Са сцен ужо знялі шалёўку.

Фота

#Жыровіцы #цэрквы #рэстаўрацыя #драўлянаедойлідства

Будаўнікі паказалі як ідуць справы на рэканструкцыі кінатэатра «Перамога». Заканчваюцца работы па аздабленні фасада кінатэатра, амаль гатовы дах, замянілі вокны. Унутры працуюць над паўкруглымі фрэскамі, мазаічнымі падлогамі і дэкаратыўнай ляпнінай. У адной з залаў завяршаюць мантаж акустычных панэляў.

#Мінск #рэканструкцыя #савецкаяспадчына #рэстаўрацыя #інтэр'еры

У Кухцічах (цяпер пасёлак Первамайск Уздзенскага раёна) пачалі рэстаўраваць сапраўды ўнікальны аб'ект - колішні кальвінскі збор.

Збор пабудаваны ў 1560—1570-я гады па фундацыі тагачаснага ўладальніка маёнтка Мацея Кавячынскага, паплечніка Сымона Буднага.

Храм невялікі, але адрозніваецца незвычайнай формай, калі кальвінскі збор у Смаргоні васьмігарнны ў плане, то збор у Кухцічах ажно дванаццацігранны!

Рэканструкцыяй займаўся вядомы ў тыя часы архітэктар . Да былога збору дабудавалі дзве вежкі, ва ўваходу з'явілася званіца. У такім відзе склеп прастаяў да 1938 года, калі на базе маёнтка з'явіўся саўгас «Кухцічы», а збор стаў эксплуатавацца як гаспадарчая будова.

У XVIII ст. храм быў рэканструяваны, як сцвярджаецца, архітэктарам Карла Спампані і набыў барочныя і класіцыстычныя рысы. Гэтак была дабудавана алтарная частка, дзе вежкі абапал уваходнай часткі і званіца. Храм служыў пахавальняй для ўладальнікаў маёнтка. Пасля 1939 года на базе маёнтка з'явіўся саўгас «Кухцічы», а збор стаў эксплуатавацца як гаспадарчая будова.

У апошнія гады комплекс і храм, які сёння размешчаны на тэрыторыі Уздзенскага дзяржаўнага каледжа, стаялі закінутыя і іх беспаспяхова спрабавалі прадаць. Храм на аўкцыёне выкупіла Евангелічная царква, якая плануе зноў зрабіць яго дзеючым.

#Кухцічы #рэстаўрацыя #зборы #касцёлы

https://zorkanews.by/15062024/kalvinskij-sbor-v-kuhtichah-nachali-restavrirovat/

У Полацку да Форуму рэгіёнаў Беларусі і Расіі амаль скончылі рэканструкцыю Дома афіцэраў, пабудаванага ў міжваенны час.

«Неэксплутаваны будынак заўсёды памірае. Увесь тынкавы слой прыйшлося збіваць да цэглы, ляпны дэкор таксама пайшоў пад замену».

І гэта не адзіная страта. На вялікі жаль, кіруючыся меркаваннем чыноўніцы, далёкай ад рэстаўрацыі, канчаткова была выбрана каларыстычнага гама фасадаў, якая супярэчыць таму, што паказалі хіміка-фізічныя даследаванні першапачатковай аддзелкі.

#Полацк #рэканструкцыя #рэстаўрацыя #каларыстыка #савецкаяспадчына

https://gorod214.by/new/11142

На будынку па праспекце Незалежнасці, 41 у Мінску, у якім размяшчаецца Акадэмія МУС, адбываюцца рамонтныя работы на фасадзе. Раней на наш зварот паведамлялі, што заменяць глухія металічныя дзверы з боку праспекту на гістарычныя ў час рамонту — ну вось і праверым. Пару год таму быў адрамантаваны корпус па праспекце Машэрава, праўда, афарбоўка не адпавядае той схеме, якая была выяўлена пад пазнейшымі напластаваннямі.

Рамантуюць таксама суседні жылы дом, пабудаваны ў 1936—1937 гады па праекце Герасіма Якушкі. Абодва будынкі з'яўляецца гісторыка-культурнымі каштоўнасцямі.

#рэстаўрацыя #Мінск #савецкаяспадчына

Новыя зандажы на фасадзе Спаскай царквы XII стагоддзя ў Полацку пасля апошняй рэстаўрацыі. На паўночным фасадзе раскрылі замураваны аконны праём з дэкараваным зубчыкамі (гэта ўзор называецца парэбрыкам) архівольтам. Больш познія замуроўкі са звычайнай цэглы затаніраваны ў зямлісты колер, відаць, каб не разбураць візуальнае ўпрыманне блізкай па колеры арыгінальнай муроўкі «са схаваным радам» з плінфы.

У мяне толькі ўзнікла пытанне: раней у гэтым месцы стаяла рама - атрымліваецца гэта было фальш-акно?

Яшчэ адзін зандаж над акном апсіды паказвае месца збітага калісьці паўцыркульнага сандрыка з плечыкамі.

#Полацк #зандажы #цэрквы #старадытнарускаедойлідства #рэстаўрацыя

Сядзіба Наркевічаў-Ёдкаў у Наднёмане ўжо цалкам вымуравана да карнізаў і комінаў. Хутка абяцаюць накрыць дахам.

Крыніца
#сядзібы #аднаўленне #Наднёман #рэстаўрацыя