Фрэскі ў памяшканні кармеліцкага кляштара ў Мсіславе, пераробленым парафіяй у малітоўную залу, бо сам касцёл з яго ўнікальнымі роспісамі ў крытычным стане (не блытаць з езуіцкім касцёлам, які нядаўна разваліўся). Звярніце ўвагу на апошні здымак, там значная частка роспісу мае штрыхоўку — так абазначаюцца адноўленыя па аналогіі фрагменты, каб у гледачала складалася агульная карцінка, але пры гэтым новыя фрагменты не ўводзілі ў зман.

#мсціслаў #касцёлы #кляштары #роспісы #рэстаўрацыя #тэорыя

Аналагічны метад быў выкарыстаны для экспанавання захаваных фрагментаў роспісаў мінскага кляштара бернардзінцаў пры яго рэканструкцыі пад гатэль «Манастырскі». Пад шклом фрагментарнае раскрыццё роспісу і яго рэканструкцыя:
1) прамаляваныя контуры рысунка;
2) каляровая шрыхоўка;
3) палосы з поўнай рэканструкцыяй першапачатковага выгляду.

#Мінск #кляштары #рэстаўрацыя #выяўленне #лікбез #ропісы

Роспісы пачатку XVIII ст. у левым крыле кляштара францысканцаў у Пінску.

Крыніца
#роспісы #кляштары #пінск

Як паведамляе канал заброшеннаябеларусь літаральна 2 тыдні таму абрынулася сцяна корпуса бернардзінскага кляштара ў в. Селішча Ушацкага раёна. Касцёл Святой Веранікі і кляштар бернардзінцаў пабудаваны ў 1726 годзе ў стылі барока. Кляштар скасаваны ў 1832 годзе, а касцёл зачынены ў 1867. У час Другой сусветнай вайны дах і вежы разбураны, у такім напаўзруйнаваным стане ён захоўваецца дагэтуль. Комплекс уключаны ў Дзяржаўны спіс гісторыка-культурных каштоўнасцей (шыфр 212Г000807), але ніякіх дзеянняў па яго кансервацыі дагэтуль не прадпрынята.

#касцёлы #кляштары #разбурэнне #Селішча

У Беразвецкім кляштары ў Глыбокім быццам бы пачалі аднаўляць барочныя шчыты на жылых карпусах. Касцёл не захаваўся, быў знішчаны камуністамі ў 1970 годзе.

Чаму «быццам бы»? Калі прыгледзецца да гістарычных фота, то бачна, што ўсё неяк не так. Не ведаю, можа ляпнінай выцягнуць, а можа і застанецца «па матывах».

З 1939 года ў будынку былога кляштара створана следчая турма НКУС. У чэрвені 1941 года, каля Германія напала на СССР, НКУС знішчыў вязняў у Беразвеччы. Сотні расстралялі непасрэдна ў кляштары, а астатніх некалькі тысяч - па шляху на Полацк. Нацысты стварылі тут Беразвецкі лагер смерці, дзе знішчылі 27 тысяч ваеннапалонных і каля 200 італьянскіх салдат.

#кляштары #рэстаўрацыя #Глыбокае #Беразвечча

У Беразвецкім кляштары ў Глыбокім плануюць адрэстаўраваць роспісы. Гэта вынікае з закупак. У помніку барока сярэдзіны XVIII стагоддзя доўгі час знаходзіцца турма. Праз гэта дакладна невядома што там захавалася і ў якім знаходзіцца стане. З мінулага года на турэмным корпусе папраўчай калоніі №13 вядзецца аднаўленне барочных шчытоў.

Калі вы маеце актуальныя фота адноўленых шытоў, дашліце нам у бота @spadczyna_szepat_bot.

#Беразвечча #Глыбокае #кляштары #рэстаўрацыя #роспісы

У Глыбокім абы як аднавілі барочны шчыт на Беразвецкім базыльянскім манастыры XVIII ст.

Кляштар быў збудаваны ў 1750-60-я гады у адзін час з царквой, хутчэй за ўсё тым жа архітэктарам, што будаваў і храм - Янам Тобіем Дыдэрштэйнам. Доўгі час у манастыры знахозіцца сумнавядомая турма, а касцёл пасля вайны ўзарвалі камуністы. Помнік барока прыйшоў да поўнай дэградацыі.

Здавалася б варта радавацца рэстаўрацыі. Але цярпець не магу, калі нешта называюць рэстаўрацыяй, але не могуць аднавіць тыя дробязі, якія ўласана і складаюць любы помнік архітэктуры.

Так і тут. Аднавілі шчыт. Мы і раней заўважалі, што аднавілі досыць тапорна, але спадзяваліся, што падправяць лепкай. Не падправілі.

Арыгінальны барочны шчыт аднаго з крылаў манастыра ў сваіх абрысах не меў ніводнай гарызантальнай лініі - чыстая песня барочнай формы. Але ці то сённяшнім праектантам, ці то сённяшнім будаўнікам такая форма незразумелая, занадта складаная, яны над кожнай пілястрай і па краях робяць вялікія гарызантальныя паліцы, роўныя, выведзеныя пад грунтвагу фрагменты карніза, як у класіцызме, якія ўжо злучае нейкая крывуліна.

Жудаснае неадчуванне формы і эстэтыкі барока.

Дрэнная якасць сучаснага фота, але здаецца, што і іншая дэталіроўка храмае: на пілястры не ўзноўлена спрошчаная крывалінейная капітэль з валютамі, а па тарцах карніз прама ссечаны, хоць на гістарычных здымках, на якія быццам бы абапіраліся, бачна, што карніз заходзіць на бакавыя грані, а вынас яго знізу падпіраюць невялікія крывалінейныя кранштэйны.

"Не развальваецца і дзякуй богу!" Усё так. Але менавіта такія дробныя памылкі НІКОЛІ пасля не выпраўляюцца. Рабіць добра трэба адразу, не спадзявацца на нейкія наступныя пакаленні.

Крыніца фота
#Глыбокае #кляштары #Беразвечча #рэстаўрацыя

На кляштары бенедыкцінак XVII стагоддзя ў Нясвіжы працягнуць рамонтныя работы на фасадах.

Увосень 2022 года на агароджы і вежы-браме кляштара, нягледзячы на тое, што помнік мае 2-ю катэгорыі каштоўнасці, былі праведзеныя работы без узгаднення з Міністэрствам культуры. Ужо у сакавіку наступнага года да работ на помніку барока быў нарэшце прыцягнуты навуковы кіраўнік, частку карпусоў перафарбавалі ў пясочны колер з белымі карнізамі.

Цяпер справа дайшла да корпуса, які пафарбаваны сёння ў парсюкова-ружовы колер. Паводле хіміка-фізічных даследаванняў "Белрэстаўрацыі" найбольш раннія слаі афарбоўкі на гэта таксама жоўтая вапнавая на сценах (блізкая да Marill 110,
Marill 115, Goldocker 30) і белая на вапне - на карнізах.

Пра аднаўленне касцёльнай вежы гаворкі, на вялікі жаль, не ідзе.

#Нясвіж #рэстаўрацыя #касцёлы #кляштары #каларыстыка