Мінск. Сустрэча. З псіхолагам @Natavycinanka , з новымі знаёмымі, з адкрыццямі свайго радаводу, з нюансамі свайго асабісіага сусвету. Дапамагалі метафарычныя карткі паводле маіх выцінанак апошніх пяці год.
Калода складаецца з 72 картак памерам 65х95мм. Ёсць наборы на продаж. Кошт 60 руб. з перасылкай па Беларусі. +375-333008909

#выцінанка #МАК #vycinanka #palunisa #papercut #псіхалогія #радавод

Проста да канца траўня - тыдзень травеньскіх паштовак. Штодзённа будзе па чатыры!
Дзень чацвёрты. #тыдзеньпаштовак
Выцінанка аўтарская. Папера, нажніцы.
Усе па 10 руб незалежна ад памеру.

#palunisa #vycinanka #выцінанка #беларусь #травень #паштоўка #papercut #postcard

«Кветка Папараць»
ужо прабіваецца з-пад зямлі. Хутка ўзойдзе і зацвіце.
Штораз людзі звяртаюцца да старажытных міфаў, спадзяючыся на іх моц. З верай, што надзейныя яны і дапамогуць выстаяць, вытрымаць, дасягнуць, дачакацца свайго!
Дзе ў нашай існасці Кветка вогненная Купальская? Якія крыніцы яна адкрывае ў нас саміх? Водарам у грудзях пралятаючы паміж зорак Млечнага Шляху. Дробнымі іскрамі рассыпаючыся ў цемры самай кароткай ночы і ападаючы на такое ж чорнае люстра цёплай паверхні мокрай пяшчотнай ракі. Босымі нагамі па нябачнаму пяску. Тварам да лёгкага ветрыку. Валасамі разам з шэптам дрэў.
А сэрцам - у чаканні спаткання, прабіўшайся з цемры, прынёсшай залаты агонь дзіўнай Кветкі. Папараці старажытнай.

Выцінанка, папера, нажніцы.
30х40см.
150 руб. (+перасылка)

#папарацькветка #купалле #выцінанка

Наступны пачак газетна-кніжных выцінанак!
Звычайна, калі я не магу вызначыцца, якога з двух колераў мне выразаць выцінанку, я выразаю дзьве. І мне абедзіве падабаюцца, проста надаюць троху розны стан адчування.
Так і гэтым разам.
Зноў дзьве. Толькі рознай падфарбоўкі.
Як вам?
Дакладна ведаю, што пад розны настрой мне будзе больш да спадобы то адна, то другая.

#выцінанка #яблыня #папера #газета #кніга #фарбы #этна #фолк #vycinanka #papercut #palunisa #etno #color

Самай смачной ежай у маім дзяцінстве быў пакомканы хлеб, спэцканы салам, што прыносіў дзед Шурка з поля, альбо з іншай дарогі. Зайчыкаў хлеб. Хіба няма таго, хто не ведае такога.
- Як табе ён даў яго, дзедя?
- А я ішоў, гляджу - заяц! Я бліжэй, а ён уцёк. Толькі хлеб на яго месцы застаўся. Сказаў, што для Альгашы.
Бывала, што дзед знаходзіў яго ў лесе на пні. Часам пад елкай ці пад кустом.
Колькі пасля спрабавала намазаць так салам акраек! Няма таго смаку.
Няма нічога даражэйшага за тое, што ляжала за пазухай самага дарагога чалавека.

Тры выцінанкі:
“Зайчыкава казка”
“Зайчыкава байка”
“Зайчыкаў гасцінец”
21х30см, папера, нажніцы, гуаш.

#заяц #выцінанка #казка #дзяцінства #байка #дзядуля #успаміны #родны #vycinanka #papercutting #story

Як народжваюцца #вобразы ? Але я лепш скажу, што яны выходзяць з мяне. Прасочваюцца з маіх штохвілінных дум у #рэчаіснасць. Праз рукі, нажніцы, паперу да вашых вачэй.
#выцінанка #папера #нажніцы #vycinanka #paperart #guildofamericanpapercutters #palunisa

Калі #рамка дапасуе да выцінанкі - гэта як спатканне сапраўдных пачуццяў! Часам рамка сама па сабе не надта і прыгожая. Ды й #выцінанка #харошая, але самотная. А разам - шчолк - і быццам створаныя для ўзаемнага існавання 😍.
Гэта асобны творчы этап - #афармленне працы. І мне ён вельмі падабаецца 🥰

Выстава-міні і міні-майстраклас ва ўтульнай кавярні @sweetlemon.cafe ў Вашынгтоне DC. У гэтую суботу. З 9й да12й гадзіны.
Выпіць амерыканскай кавы разглядаючы беларускія выцінанкі. Загадаць жаданне. Жыццё вельмі дзіўнае. Нечаканасці прыходзяць да нас душэўнымі падарункамі. Дарога лёсу рушыць да святла!
Люблю вас! Абдымаю! Запрашаю!

201 Massachusetts ave, Washington, NE, Sweet Lemon cafe

#выцінанка #vycinanka #palunisa #sweetlemon #cafe #papercut

Я заўжды была сабачніцай. А мая сястра мне казала: “Ты проста яшчэ не сустрэла свайго ката!” І вось аднойчы я Яго сустрэла. Гэты былі дзьверы ў каціны партал. Пасля яго я стала разумець і любіць катоў. Зараз ён далёка ад мяне і я сумую. Але ведаю, што аднойчы мы зноў будзем разам. Напэўна таму прыцягваюцца да мяне такія вось каціныя тэмы.

Партрэтная выцінанка. Коцік. 11”х14”.
Зробленая на замову.
#выцінанка #кот #palunisa #cat #papercut #catart