Наступны пачак газетна-кніжных выцінанак!
Звычайна, калі я не магу вызначыцца, якога з двух колераў мне выразаць выцінанку, я выразаю дзьве. І мне абедзіве падабаюцца, проста надаюць троху розны стан адчування.
Так і гэтым разам.
Зноў дзьве. Толькі рознай падфарбоўкі.
Як вам?
Дакладна ведаю, што пад розны настрой мне будзе больш да спадобы то адна, то другая.

#выцінанка #яблыня #папера #газета #кніга #фарбы #этна #фолк #vycinanka #papercut #palunisa #etno #color

Самай смачной ежай у маім дзяцінстве быў пакомканы хлеб, спэцканы салам, што прыносіў дзед Шурка з поля, альбо з іншай дарогі. Зайчыкаў хлеб. Хіба няма таго, хто не ведае такога.
- Як табе ён даў яго, дзедя?
- А я ішоў, гляджу - заяц! Я бліжэй, а ён уцёк. Толькі хлеб на яго месцы застаўся. Сказаў, што для Альгашы.
Бывала, што дзед знаходзіў яго ў лесе на пні. Часам пад елкай ці пад кустом.
Колькі пасля спрабавала намазаць так салам акраек! Няма таго смаку.
Няма нічога даражэйшага за тое, што ляжала за пазухай самага дарагога чалавека.

Тры выцінанкі:
“Зайчыкава казка”
“Зайчыкава байка”
“Зайчыкаў гасцінец”
21х30см, папера, нажніцы, гуаш.

#заяц #выцінанка #казка #дзяцінства #байка #дзядуля #успаміны #родны #vycinanka #papercutting #story

Як народжваюцца #вобразы ? Але я лепш скажу, што яны выходзяць з мяне. Прасочваюцца з маіх штохвілінных дум у #рэчаіснасць. Праз рукі, нажніцы, паперу да вашых вачэй.
#выцінанка #папера #нажніцы #vycinanka #paperart #guildofamericanpapercutters #palunisa

Шаноўныя!
Прагаласуйце смайлікам за варыянт зоркі, сюжэт якой найбольш прывабны на ваша меркаванне?
“#Раство” 🤩, “#Каток”❤️, “#Зубр”🔥, “#Анёлы”👍🏻

Хачу зрабіць макет для шырокага выкарыстання. Каб можна было спампаваць, раздрукаваць, выразаць і склеіць.
• як #верхавіна для ялінкі
• як святочны #дэкор на сцяну
• як упрыгожанне на #вакно
• як цудоўны #падарунак для супольнага дасугу ў добрай кампаніі

Хутка #Каляды! Не адчайваемся! Змагаемся з лістападаўскай тугой стварэннем #свята!!! Я гатовая дапамагчы!
Хто з Беларусі захоча набыць такі макет, пішыце мне ў прыват @palunisa.
Любое выкарыстанне выяваў з зоркі толькі з дазволу аўтара!

#palunisa #vycinanka

Выстава-міні і міні-майстраклас ва ўтульнай кавярні @sweetlemon.cafe ў Вашынгтоне DC. У гэтую суботу. З 9й да12й гадзіны.
Выпіць амерыканскай кавы разглядаючы беларускія выцінанкі. Загадаць жаданне. Жыццё вельмі дзіўнае. Нечаканасці прыходзяць да нас душэўнымі падарункамі. Дарога лёсу рушыць да святла!
Люблю вас! Абдымаю! Запрашаю!

201 Massachusetts ave, Washington, NE, Sweet Lemon cafe

#выцінанка #vycinanka #palunisa #sweetlemon #cafe #papercut

Дайшоў падарунак да сваёй гаспадыні. Я заўжды ўдзячная сваім пакупнікам за фотаздымкі, якія яны адпраўляюць мне. І так нятхняюць вось гэтыя ззяючыя вочы 🤩!
Украінскі Трызуб я рабіла на замову. Мне не цікава рабіць банальныя рэчы. І гэтым разам я імкнулася надаць гэтаму сімвалу маё асабістае гучанне. Таму прасочваецца улюбёнае беларускае Дрэва Жыцця. І птушкі, што нясуць вясну. А дзе вясна, там і новае жыццё, квіценне і сонца! А калі добра ўгледзіцеся, то ўбачыце паміж усіх выразаных ліній, на самой паперы - сланечнікі - сімвал Украіны і поўнага жыцця! Перамогі!!!
#украина #беларусь #palunisa #vycinanka #paperart #ukraine #belarus #papecutting

Калі ўжываць існуючую здаўна сістэму падзялення выяўленчага мастацтва на віды, то выцінанку можна хутчэй аднесці да графікі. Але з пазіцыі свайго больш чым 30гадовага досведу супрацоўніцтва з гэтым мастацтвам, яб выдзяліла яго ў асобны від - выразанне з паперы.
Вашай ўвазе прадстаўляю радавы герб у гэтай тэхніцы!
#palunisa #vycinanka #belarus #usa #papercut #papercutart #paperkunst

Афармленне выцінанкі той яшчэ творчы працэс і патрабуе густу, досведу, крэатыву, а часам яшчэ і добрых фінансаў! Бо абрамленне можа аказацца даражэйшым за саму працу і ў два разы!
Калі я ўбачыла гэтыя фота, я не адразу зразумела, што здарылася з маёй выцінанкай і чаму яе так павяло па краях?! Высветлілася, што пры афармленні ў багетнай студыі майстар такім чынам выбраў спосаб падкрэсліць выразаннасць выцінанкі. Хвалістая папера падымае выцінанку над сабой у некаторых месцах і адразу бачна, што гэта не прынт і не малюнак.
Нечакана, але вельмі цікава для мяне! І ўжо народжваюцца новыя ідэі дзякуючы крэатыву супрацоўніка невялічкай прыватнай багетнай майстэрні.

#vycinanka #Palunisa #frame #cat #papercut