Ну вось, наведалі галерэю, дзе будзе мая выстава ў жніўні. Рыхтуюся і фантазірую экспазіцыю! Harrisonburg, https://www.valleyarts.org/
А пакуль паглядзіце выстаўленую там зараз Barbie калекцыю Gene Provenzo👍🏻
І падыходзьце да мастацтва больш свежа і лёгка 😉

Тату з выцінанкі.
Вужыны Цар.
Частка 1я. Хвост ;)

Вужыны Цар. Частка 2.
Выцінанка ў тату.

Вужыны Цар і Жыве Беларусь ;)
Выцінанка ў тату!

Часам геніі зусім побач. Але людзі не заўважаюць іх, бо фокус іх позірку скіраваны на паўсядзённы побыт.
Адвядзіце вочы ад клопатаў руцінных. Паглядзіце гэты фільм ад майго земляка, Маладзечанскага мастака Bazinato.
Я памятаю маё знаёмства з ім. І памятаю свае думкі: А што, так можна? Тады я цалкам дазволіла быць сабе мастачкай. Быць сабой. Ісці сваім шляхам. Жыць сваё жыццё.
І я да гатага часу захапляюся ім!
Раю выдзяліць на прагляд гадзінку свайго часу. Bazinato добра апісаў мастацкае бачанне свету.

https://youtu.be/dAbpQBvwkNg?si=f_VxDmyzOkKyjYkC

Памятаеце, я збірала навучэнцаў у сваю анлайн-студыю “Palunisa” на анлайн-курс па выцінанцы “Коцікі з нажнічкамі”? Я прапанавала стварыць выцінанкавы тэатрык.
І вось вам першая справаздача!!! Юля (яна на першым фота) рэалізавала вось такі цуд у Нью Ёрку! Чароўная казка ажыла дзякуючы бацькам і дзецям! Гэта цуд проста! За паўтары месяцы заняткаў удалося!

Ці ёсць жадаючыя зрабіць сваю казку? Адсалютова не важна, дзе вы жывеце, далучыцца да Zoom можна ў любой краіне свету! Проста напішыце мне ў прыват. Дастаткова кампаніі з 5-6 асобаў і мы пачнём! Нават калі Вы дагэтуль не выразалі выцінанак, кіньце сабе выклік 😉

Навучу Вас разумець выцінанку, выразаць выкарыстоўваючы розныя віды сіметрыі, рабіць тэатральных выцінанкавых ляляк і дэкарацыі. А таксама пазнаёмлю з лепшымі мастакамі выцінанкі. Найперш беларускімі, безумоўна!) Пакажу, якое яно рознае - мастацтва выразання з паперы!

А ці была ў Вас калі-некалі мара ўласнаруч зрабіць тэатрык?

Кучка лісічак ;)
Якую жывёлку вы хочаце ўбачыць наступнай?

Вельмі люблю гэтае слова “Шыпшына”. Мяккае, духмянае, смачное кісла-салодкае, пяшчотнае, з маёвымі салаўінымі спевамі, пахамі летніх лугоў і восеньскіх лясоў. Сплецены лазовы кошык, жнівеньскія цвыркуны і зоркапады, калядныя вечары, сяброўскія спатканні. Ўсё гэта і не толькі яно месціцца ў адным простым слове - Шыпшына! А што ў вас поўніць яго?
#шыпшына #выцінанка #palunisa #rose #papercut #мова #беларускаямова #беларуская_мова

Літара “Ï” ёсць толькі ва ўкраінскай мове.
Літара “Ў” - толькі ў беларускай.

Як вам такі падарунак да Дню Волі?

А ці ведалі вы, што паводле адной з версій сімвал “ Пагоня” паходзіць ад выявы язычніцкага бога вясны Ярылы, якога ўяўлялі як белага вершніка на белым кані? І ён напрамую быў звязаны з самым светлым богам Белбогам, што зараз ушаноўваецца беларусамі як Св. Мікола.

Міфалогія - вельмі цікавая навука! І не так далёка мы ад яе, як нам падаецца!

Белы Вершнік Ярыла і вясновы Дзень Волі - невыпадковыя! І добра спалучаюцца. Таму і жывучая гэтая ідэя вельмі!

Я неверагодна захапляюся беларускай арнаментальнай геаметрыяй. Для мяне яна - генетычныя кады нашай жывучасці. Хто дакрануўся да іх, моц атрымлівае сусветную! Далучаецца да вытокаў нябачнай бясконцай рэчаіснасці.
Калі адчуваю няўпэўненасць, стому, трывогу, адчай - рэжу геаметрыю. А пасля - арганізую яе. Саму ўражвае, як змяняецца кампазіцыя і ўнутраны стан ў працэсе.
#арнамент #выцінанка #palunisa #papercut #guildofamericanpapercutters #belarus

Глядяіце ў ціктоку з гукам

https://www.tiktok.com/t/ZTLhYGeDd/

Ніколі не думала ў сваім жыцці, што буду ў Штатах біць татухі расейскім апазіцыянерам 😳

«Всё будет хорошо, мы утешимся тем, что были честными людьми.» Цытата. А. Навальный.

#Навальный #tattoo #palunisa #palunisa_tattoo #Russia #navalny

Як можна асвяжыць даўнейшую тату?

Я разумею, што я троху адышла ад тэмы выцінанкі ў бок тату ;)
Але буслікам я не магу не падзяліцца!

Але я ўсё ж заінтрыгую вас вельмі цікавым праектам, які я таксама пачала на гэтым тыдні! Ён аб’яднае геаграфічна абедзьве часткі Зямлі, гістарычна - мінулае і сучаснае, культурна - стрыманую, рафінаваную і сціплую эстэтыку беларускай выцінанкі са сталічным спажывецкім духам адной з вядучых краін свету!
Спадзяюся, атрымаецца дадаць беларускасці ў прастору горада, які вось ужо трэцці год афіцыйна святкуе 25 красавіка як Дзень Беларусі! За што я бязмерна яму ўдзячная!!!
Як думаеце, пра які горад ідзе гаворка?

У самым цэнтры #washingtondc🇺🇸 цяпер існуе месца з беларускай атмасферай, якая спалучыла выцінанкавыя фіранкі, матывы слуцкіх паясоў і пахі сталічнай ежы. @sweet.lemon.bistro запрашае наведвальнікаў. А наперадзе яшчэ новыя сюрпрызы ад гэтай прасторы! Сачыце за намі! Беларуская культура насычае прастору амерыканскай сталіцы! #vycinanka #palunisa #firanki #belarus #DC #capitalfood #papercut #handemade

Мяне нярэдка пытаюцца скуль я бяру натхненне? Адказ вельмі просты - з самога жыцця!

Ружа і Пчала.
Выцінанка, папера, нож.
#papercut #vycinanka #rosa #bee #пчала #ружа #выцінанка

Зноўку буслік.
Ўжо некалькі варыянтаў буслікаў сабралася ў маім партфоліа.
Усе эскізы я раблю ўласнаруч.
Найперш распрацоўваю на паперы, пасля адаптую пад канкрэтнае цела, пад яго анатамічныя асаблівасці і нюансы. Таму кожная праца ўнікальная. Некаторыя часткі, а бывае, што і ўсё цалкам, не пераношу трансферам, а малюю ад рукі.
Мне падабаецца гуляцца з маім стылем. 🥰
Мне падабаецца гэты час, праведзены ў супрацы з кліентам. Адчуць іншую асобу, прыйсці ў згоду з ёй і разам стварыць твор на жывым целе. Твор, які далей будзе гуляць па свету і жыць сваё ўласнае жыццё.

💥 Этна Традыцыя цяпер на Patreon
Вы можаце стаць першымі патрыёнамі, сябрамі і падпісантамі😇 ПАДРАБЯЗНЕЙ

ЭТНА ТРАДЫЦЫЯ - праект, які займаецца развіццём, захаваннем і папулярызацыяй беларускай традыцыйнай культуры.

Выдавецкая дейнасць:
▪️беларускія кнігі, спеўнікі, дзіцячая літаратура
▪️альбомы лепшага з беларускага фальклору
▪️унікальны відэа кантэнт пра абрады, спевы, этна-музыку і традыцыі
▪️online лекцыі і майстар-класы

🎻Далучайцеся, разам мы зробім больш усяго цікавага і ўнікальнага!