Неяк за скандальна ізумруднымі фасадамі палаца Сапегаў мы не заўважылі, як у тых жа Ружанах БПЦ пачала рэстаўрацыю корпуса кляштара базыльянаў, пабудаванага ў 1784—1788 гадах па праекце архітэктара Яна Самуэля Бекера (які ўласна і стварыў усе славутасці мястэчка).

#Ружаны #рэстаўрацыя #гістарычнаязабудова #манастыры

Уся тынкоўка ў інтэр'ерах корпуса кляштара базыльянаў, пабудаванага ў 1784—1788 гадах па праекце архітэктара Яна Самуэля Бекера, які цяпер рэстаўруе пад свае патрэбы БПЦ, апынулася неаўтэнтычнай ці чаму яе так старанна знялі са сцен?

фота @I_Maklanau
#Ружаны #рэстаўрацыя #гістарычнаязабудова #манастыры #інтэр'еры

Ці варта было спыніцца на Ружанскім замку, пераўзгадніць колер і перафарбаваць невялікі кавалак будынка, калі стала зразумела, што адбылася памылка? Здаецца, выканаўцы так не лічаць.

#Ружаны #палацы

Работы на класіцыстычнай капліцы на могілках у Ружанах.

#Ружаны #капліцы

У Ружанах часткова атынкавалі і пафарбавалі аркаду. Параўнайце колеры з фасадамі тэатральнага корпуса. Ці будуць яго выпраўляць? І калі так, то навошта так упарта гналі работы па корпусе, ужо ведаючы пра сваю памылку?

#Ружаны #сядзібы #аднаўленне

За год аднавілі класіцыстычную капліцу Святога Казіміра на могілках у Ружанах. Яна была ўзведзена ў 1792 годзе па праекце архітэктара Яна Самуэля Бекера, аўтара таксама палаца Сапегаў, касцёла і царквы з кляштарам базыльянаў у мястэчку.

Фота
#рэстаўрацыя #касцёлы #ружаны

Рубрыка «не туды».

Усё больш здаецца, што людзі, якія займаюцца Ружанскім палацам, не маюць аніякая разумення, што робяць. На бакавы корпус прывезлі і мантуюць архітэктурныя дэкарацыі над франтонам. Пакуль толькі ляжачыя валюты, але будзе і баба з дзідай (Афіна?).

Здавалася, дзе тут можна абасрацца?

Узнаўляюць палаца па захаваных праектных чарцяжах Яна Самуэля Бэкера, якія, вядома, не факт, што былі цалкам рэалізаваныя.

І вось цэнтральны псеўдарызаліт (выступ) той самы выпадак - у праекце паўнавартасны порцік з падвойнымі калонамі. У рэальнасці - плоскі псеўдапорцік з падвойнымі пілястрамі.

А сэрца патрабуе прыгажосці. Зрабілі на скульптурным камбінаце ляжачыя валюты, бабу з дзідай. Люба дорага глянуць.

Вось толькі незадача. Валюты гэтыя можна было паставіць там, дзе іх намаляваў Бэкер, калі б быў порцік. А без порціка там стала вельмі вузка, тумба перакрывае яндову, па якой сцякае ўся вада.

І тут гора-рэстаўратарам Ружанаў прыходзіць найгеніяльная ідэя - паставіць тумбы вышэй, дзе больш месца.

🤦‍♂️

Я не ведаю як апісаць прыстойнымі словамі, але на чарцяжах выразна паказана, што тарэц тумбы прывязаны да бакавой плоскаці фрыза і рызаліта. Адмыслова зрабіў схемку з тонкімі сінімі лініямі, каб паказаць, што такая прывязка праходзіць па ўсёй вышыні будынка ў праекце Бэкера.

Усё. Інакш тут быць не можа. Гэта настолькі ўніверсальнае правіла ў класічнай архітэктуры, што цяжка ўявіць, як магло прыйсці ў галаву іншае. 🤯 Знайдзіце любы праект храма з трохвугольным франтонам і скульптурамі на ім - заўсёды будзе тумба ў тых жа плоскасцях, што і фрыз, і сцяна.

Цяпер тумба не прывязана ўвогуле не да чаго. Гэтак як калі б вам адрэзалі вушы і прыляпілі на лоб (дарэчы так і выглядае).

Калі вы не разумееце класічную архітэктуру, навошта берацеся яе праектаваць? Спаганілі Стары замак сваімі дурнымі фантазіямі, цяпер яшчэ Ружанскі палац хочаце дабіць "ізыскамі"?

#Ружаны #палацы #дэградацыя #дэкор

Пакуль вы спалі, мы ўсю ноч разглядалі фоткі ўсходняга корпуса Ружанскага палаца і маем заявіць, што ўсё аказалася нашмат горш, чым проста «ушки на макушке».

Па-першае, выявілася, што раней тумбы былі вымураваны менавіта там, дзе іх маляваў Бэкер на фасадах - па краях франтона. Не ідэальна, у адну плоскасць з фрызам і уступам рызаліта яны ўсё роўна дзесьці на цагліну-дзве не патрапілі, але нашмат лепш, чым цяпер.

А пасля, калі накрывалі дахоўкай, іх проста знішчылі. Відаць, заміналі будаўнікам 😄

Тут можна было б выбачыцца перад праекціроўшчыкамі, за тое, што дарма на іх ганілі. Але далей выявілася, што мы мала іх ганілі.

Мы адшукалі здымкі корпуса 2009-2013 гадоў, то бок часу, калі рэстаўрацыйныя работы толькі пачаліся. Якасць здымкаў таго часу вельмі паганая. Але нашу ўвагу прыцягнула адна рэч, пасля якой колькі-небудзь сур'ёзна ставіцца да работ на Ружанскім палацы складана.

На здымках, дзе яшчэ не перакладзены разбураны эрозіяй мур уверсе сцен, мы заўважылі шэраг адтулін. Адтуліны размешчаны парамі, роўна над кожнай пілястрай на фасадзе. Такія сляды над пілястрамі ёсць толькі на цэнтральным рызаліце.

Іх прызначэнне думаю, тлумачыць не трэба - у адтуліны ўстаўляліся бэлькі, якія нешта неслі. Унутры такія сляды сведчасць пра бэлькі перакрыццяў. А звонку ... пра балконы, лоджыі і порцікі. Улічваючы, што адтуліны ёсць над кожнай пілястры, а кожнай пілястры на фасадзе адпавядае калона на праекце Бэкера, можа прыйсці да высновы, што бэлькі гэтыя злучалі будынак з порцікам.

Атрымліваецца, праблема не ў тым, што тумбы на франтоне не там, а ў тым, што рэстаўратары зрабілі выгляд, што порціка не было, і не сталі яго аднаўляць, хоць сама муроўка сведчыць пра іншае. Сёння гэтых адтулін ужо няма, бо верх сцен перамуравалі ў час рэстаўрацыі.

Цікавая асаблівасць рэстаўрацыі ў Ружанах — адсутнасць ганкаў. 9 выхадаў з тэатральнага корпуса ў двор-курданёр, але ганкі нават прыкладна не намечаны, быццам уваходзілі прама з зямлі. Паколькі ганкі не рабілі, то і зямлю вакол будынка не капалі. Вельмі верагодна, што калі б яны гэта зрабілі, то адшукалі б падмуркі знішчанага порціка.

Трэшовы трэш.

Будзем удзячныя, калі ў вас ёсць якасныя фотаздымкі цэнтральнай часткі тэатральнага корпуса да пачатку рэстаўрацыі верху сцен (прыкладна да 2013 года)

#ружаны #антырэстаўрацыя #палацы #дэталі #дэкор

З Бэкерам вельмі зручна тое, што ён праектаваў адно і тое ж у розных месцах. Вось порцік палаца Сапегаў у Дзярэчыне, які рабіў Бэкер, і праект ўсходняга корпуса палаца Сапегаў у Ружанах. Знайдзі дзесяць адрозненняў, як кажуць.

#Дзярэчын #Ружаны #паралелі