Работы на фасадах Успенскай царквы ў в. Сялец Бярозаўскага раёна, якія ўключалі замену крыцця шатровага даху і купалоў-цыбулін не ўзгадняліся. Ну мы іншага і не чакалі. Бярозаўскі райвыканкам паведамляе, што складзены адміністрацыйны пратакол.

#Сялец #цэрквы #антырэстаўрацыя

Цікавым шляхам пайшлі ў в. Парэчча Слонімскага раёна. На Свята-Георгіеўскай царкве другой паловы XIX стагоддзя замянілі (здаецца, даволі даўно) аўтэнтычную залатую цыбуліну, на цёмную наваробну. 😁 Гэта ўсё роўна не рэстаўрацыя, але выпадак забаўны. Дарэчы храм ніякі не помнік архітэктуры, уласнік кіраваўся выключна ўласным густам.

Старым крыжам як заўсёды не знайшлося месца на новых купалах. Але хоць не выкінулі.

#Парэчча #цэрквы #антырэстаўрацыя #непомнік

Мікалаеўская царква ў в. Ахонава Дзятлаўскага раёна хоць і пабудавана ў 1999-2000 гадах, у прынцыпе, праз выкарыстанне традыцыйных матэрыялаў выглядала досыць архаічна і неспецыялістам магла б быць прынята за твор прынамсі пачатку мінулага стагоддзя.

Выглядала. Цяпер яе адеўрарамонцілі металадахоўкай, сайдынгам і пластыкавымі вокнамі, знішчыўшчы ўвесь дух месца. Ну нафіга?

#антырэстаўрацыя #цэрквы #драўлянаедойлідства.

У помніка цяжкі лёс, не пашчасціла з уласнікам і навуковым кіраўніком - апошні або лупіцца ў вочы, або проста злачынец, які бярэ грошы і больш яго помнік не хвалюе. Інакш я не магу зразумець, як можна было настолькі на ад'ябіся выканаць сталярку, калі былі і фота, і арыгінальныя запаўненні. Такога калгаса нават на катэджах не пабачыш.

Вароты. Ладна, няхай вы іх вынеслі з праёма і проста "экспануеце звонку", але ж яны абсалютна не падобныя да старых (у куды падзелі старыя?). Вонкавая аблямоўка ёсць, але тут вузенькія прафілёчкі, занадта маленькія разетачкі-кружочкі, а ўнутранай аблямоўку ўвогуле няма. А рабілася яна з-за таго, што адна са створах варот мела яшчэ дзверы.

Без гэтай дадатковай аблямоўкі святлопразрыстыя запаўненні атрымаліся нашмат большыя: калі ніжняя філёнга і верхняе акенцы былі квадратнымі, то цяпер расплыліся ў бакі, а гістарычны каваны малюнак, вельмі шчыльна ўпісаны ў рамкі, цяпер проста боўтаецца ў гэтых дзірах. Ды і сам малюнак вельмі спрошчаны. І на філёнзе малюнак разьбы па дрэве толькі аддалена нагадвае стары.

Пра вокны і казаць няма чаго, праз адсутнасць яко-небудзь дэталіроўкі выглядае вельмі груба і непраўдападобна. У трохвугольнічках былі такія а-ля гатычныя чатырохпялёсткавыя кветачкі, на якія "забыліся" пры аднаўленні.

Гэта не рэстаўрацыя, гэта злачынства. Але людзі, якія яго здзейснілі, не сядзяць у турме, а "працуюць" над іншымі гісторыка-культурнымі каштоўнасцямі ў тым ліку ў Гродне.

#гродна #гістарычнаязабудова #антырэстаўрацыя

У Іўі еўрамонтам спаганілі чарговы гістарычны будынак па вуліцы Энгельса, 12. Міжваенная забудова мястэчка даволі цэласная і добра захавалася, але не мае аніякага ахоўнага статусу, праз што дом за домам гістарычны цэнтр знікае ці то пад пластамі пластыку ды тынкоўкі, ці то пад бульдозерам.

#Іўе #гістарычнаязабудова #антырэстаўрацыя

Паглядзіце ў ва што была перабудавана прыватнымі ўласнікамі сядзіба прамысловаўца Лейбы Стругача ў Будзёнаўцы пад Ашмянамі.
Без ахоўнага статусу гаспадар цалкам знішчыў гістарычны выгляд каштоўнага помніка, пад які нават былі зарэзерваваны зоны аховы ў праекце дэталёвай планіроўкі Ашмянаў. Цяпер ні пра якія зоны і ахову ўжо казаць не даводзіцца.

Крыніца
#антырэстаўрацыя #будзёнаўка #ашмяны #непомнік #сядзібы

У нямецкім Гёрліцы скандал. У час рэканструкцыі двух гістарычных будынкаў па Саламонштрасэ (Salomonstraße) 13 і 14 знішчылі абсалютна ўвесь аўтэнтычны і досыць багаты дэкор.

Мясцовыя ўлады патлумачылі гэта тым, што паводле ўправы па ахове помнікаў фасады не заслугоўвалі аховы, а стан будынкаў быў вельмі. Каб правесці рэканструкцыю будынкаў іх пазбавілі ахоўнага статусу. Нешта нагадвае, праўда?

Жыхары горада не ацанілі такіх заяў, бо і на вока было бачна, што на адным будынку не было ніякіх пашкоджанняў фасадаў. На іншым былі - дзе нідзе абваліўся тынк, але на іншых будынках такія выпадкі вырашалі простым рамонтам. Фактычна на тое, каб знішчыць дэкор і зрабіць новы, было патрачана больш грошай, чым спатрэбілася б проста на рамонт.

Чым скончыцца гісторыя невядома, але гэта яшчэ раз паказвае, што якія б добрыя законы не былі напісаныя дзеля аховы спадчыны - усё ўпіраецца ў чалавека. Шкоднік-"хазяйственнік" знойдзецца нават у самай развітай і перадавой краіне.

https://www.saechsische.de/goerlitz/immobilien-goerlitz/landratsamt-zerstoert-goerlitzer-denkmale-salomonstrasse-13-und-14-fassaden-stuck-abgeschlagen-denkmalschutz-5946402-plus-amp.html?utm_source=msn
#Германія #антырэстаўрацыя #замежжа #гістарычнаязабудав

Незаконныя работы, якія былі выкананы на царкве Покрыва Прасвятой Багародзіцы ў в. Дварэц Дзятлаўскага раёна, якая з'яўляецца гісторыка-культурнай каштоўнасцю (шыфр 413Г000700) прызнаныя малазначнымі, уласнік вызвалены ад адміністрацыйнай адказнасці.

Малазначныя змены: дах стаў ультрамарынавым, замест бляшаных гранёных главак - лускаватыя цыбуліны з «сіняга золата», не ўся званіца накрыта — кутнія схілы засталіся адкрытыя для ападкаў, аўтэнтычныя крыжы сіратліва стаяць каля агароджы, а на іх месцы ўжо залатыя, ва ўсіх вокнах пастаўлены пластыкавыя вокны замест драўляных (зроблена раней), а вокны званіцы зашыты нейкімі выявамі святых у кананічна маскоўскім стылі.

МАЛАЗНАЧНА, як уся беларуская спадчына

#Дварэц #цэрквы #антырэстаўрацыя

У Ваўкавыску ідзе рамонт на Свята-Мікалаеўскай царкве па вул.Леніна, 43, "аднаўляецца першапачатковы выгляд сцен храма" што б гэта не значыла.

Царква ўзведзена ў 1874 годзе і з'яўляецца гісторыка-культурнай каштоўнасцю. Мяркуючы па залатых купалах, раней святара мала хваляваў ахоўны статус храма.

https://volkovysknews.by/sprashivali-otvechaem/39338-v-svyato-nikolskoj-tserkvi-vremenno-ne-provodyatsya-sluzhby

#Ваўкавыск #цэрквы #антырэстаўрацыя

Сёння ва Украіне згарэў помнік нацыянальнай значэння — драўляная царква ў сяле Сможэ Львоўскай вобласці. Помнік не старажытны, узведзены ў 1874 годзе ў традыцыйным бойкаўскім стылі.

Для навукі храм быў страчаны яшчэ дзесяць гадоў таму, калі яе спідарасілі гіганцкімі залатымі цыбулінамі і іншымі радасцямі калгаснага еўрарамонту. Вось табе і нацыянальны статус...

#Украіна #антырэстаўрацыя #знішчэнне

У Аздамічах Столінскага раёна сёння ацыбулілі золатам драўляную Свята-Троіцкую царкву 1893 года пабудовы.

Ахоўнага статусу царква дагэтуль не мае.

Крыніца

#Аздамічы #цэрквы #антырэстаўрацыя #драўлянаедойлідства

У Клімавічах галоўную славутасць горада, драўляную сядзібу Мяшчэрскіх, да "Дажынак" разабралі разам з падмуркамі. "Рэканструкцыя"! Праект прадугледжваў ўзнаўленне толькі адной унутрай сцяны з аўтэнтычнага матэрыялу, усё астатняе - навабуд. Мусіла быць захаваная шалёўка, разьбяныя элементы і фурнітура, але мы памятаем, як разабралі дамы на Паўночным завулку ў Мінску і ў выніку не змаглі сабраць як было, а ўсе элементы, якія мусілі быць захаваныя, раптам згнілі на складзе.

#Клімавічы #антырэстаўрацыя #драўлянаязабудова

У 2020 годзе рэканструявалі палац Храптовічаў у Бешанковічах, а сёння зноў рамантуюць фасады - "якасць, правераная часам".

Увогуле нейкая дзіцячая размалёўка на фасадах, тыя ж белыя аконныя адкосы - дзіва дзіўнае. Рэстаўрацыяй тут і не пахла. Паглядзіце на гістарычны здымак: парапет быў ніжэйшым, карнізы на франтоне больш магутнымі - іх так іне аднаўлялі. Сандрыкі над вокнамі мелі вертыкальныя кранштэйны. Вокны на другім паверсе мелі выразна акрэсленыя перамычкі. Першы паверх быў руставаны. І дзеры са звычайнымі філёнгамі - і нічога гэтага не адноўлена!

#палацы #Бешанковічы #антырэстаўрацыя

У Мінску па Замкавай вуліцы калісьці цалкам вынішчылі ўсю забудову, а пасля аднавілі "як было". І вось па фота бачна, што так ніколі не было - непадобнае абсалютна ўсё, ад вышыні будынкаў, якія сталі пад адзін карніз, да прапорцый акон і дэкору фасадаў.

#антырэстаўрацыя #мінск #гістарычнаязабудова

«Рэстаўрацыя» Мікольскага манастыра ў Магілёве - суцэльная хлусня і фальсіфікацыя, якую выдаюць за аўтэнтыку. Відаць, папоўская машына ў браму не пралазіла, дык «магілёўскае барока» падкарэктавалі.

#Магілёў #цэрквы #антырэстаўрацыя

Гэта не толькі на ўсходзе так калгасяць тое, што можна і трэба было па заканадаўстве аднавіць нармальна, паводле навукі.

Вось брама кляштара бернадзінак у Слоніме. Быццам бы падобна, калі ідзеш па іншым баку і не прыглядаешся. Як толькі бярэш стары фотаздымак, то разумееш якую садамію тут нагарадзілі. Але не разумееш навошта. Лепш шчыры навабуд, чым бяздарная імітацыя.

Адразу кідаецца ў вочы тое, што прапорцыі не тыя: падрос і звузіўся праём аркі. Над аркай з'явілася нейкая бэлька, але знікла замковая раскрапоўка. Усе тонкапрафіляваныя карнізы і паясочкі сталі проста прамавугольнымі ступенькамі ў таўчыню цагліны. Валюты спачатку пабудавалі, пасля зразумелі, што не той формы, і завіток пусцілі не па контуры. Уверсе праёмы былі лучковымі, а сталі цыркульнымі. Пра каромыслападобны паясок, які агінаў верхні праём таксама нічога добрага не скажаш - проста так нейкі згладжаны "домік".

То бок абсалютна кожная дэталь і прапорцыя ў гэтай браме (як і ў браме ў Магілёве) не адпавядае гістарычным. Каб спраектаваць такое трэба вельмі пастарацца на зло. Або будаваць без праекта, што больш верагодна.

Ініцыятыўны і самаўпэўнены ксёндз/поп у багатай парафіі - заўсёды смерць для помніка.

Мы не такі багаты народ, каб аднаўляць нашу спадчыну так дрэнна, што пасля трэба будзе пераробліваць усё з нуля. Рабі пільна – і тут будзе Вільня

#Слонім #касцёлы #антырэстаўрацыя

У чаце спыталіся калі знеслі браму. Браму разам з агароджай знеслі ў міжваенны час. На нямецкіх фотаздымках аж да самага сабора голае поле.

У 1981 г. скончаны знешнія работы па аднаўленні і рэканструкцыі комплексу паводле праекта, распрацаванага ў Спецыялізаваным навукова-рэстаўрацыйным аб’яднанні «Белрэстаўрацыя». Архітэктарам значыцца Аляксандр Канаваленка, будучы начальнік Упраўлення музеяў і аховы помнікаў Мінкультуры БССР.

Так, гэтую дзіч тварыла сёння паважаная «Белрэстаўрацыя». Тады панавала меркаванне, што можна «аднаўляць» помнікі лепш, чым яны былі. Так прыземістую манастырскую браму зрабілі больш вытанчанай, а на саборы знішчылі дзве больш познія вежы — ці то змагаліся з «расейскім уплывам», ці то шукалі выкшталцоную, незамутную, спрадвечна беларускую архітэктуру.

Падобнае нацыянал-фэнтэзі адбывалася ў той жа час на Траецкім прадмесці. Замест знішчанага фронту забудовы, што выходзіць да моста, намарафецілі ўнутрадваровыя будынкі, надаўшы ім выгляд распіснога перніка.

І вельмі хацелася, каб было як у Еўропе. У губернскім Мінску не было камяніц з дахоўкай? Небяды! Перабудуем дахі і накрыем ёю (бляха і дахоўка патрабуюць рознага ўхілу, таму каб выкарыстаць дахоўку там, дзе ад пачатку была бляха, нарошчвалі франтоны).

Так і зрабілі. Задача была нагнаць і перагнаць Вільню, Рыгу і Талін, а не займацца сапраўднай рэстаўрацыяй.

Дарэчы засталося фота з часоў «рэстаўрацыі» манастыра, на якім бачна, на фэнтэзійнай браме пакідалі выступы цэглы, каб было за што фігурныя калонкі з парэзкай мацаваць. І дзе яны? Нідзе, цэглу збілі і затынкавалі. Затое цыбуліну на канёк упяндзюрылі. Красіва.

#Магілёў #Мінск #антырэстаўрацыя

У Кушлянах вельмі дзіўна прапіталі драўляную сядзібу Францішка Багушэвіча нейкім каляровым засцерагальным сродкам... з аднаго боку.

Так рабіць нельга, гэта разбурае візуальнае успрыманне помніка. Або ўзгадняецца нейкі празрысты сродак, або малюецца сядзіба цалкам у адзін тон.

#Кушляны #антырэстаўрацыя #сядзібы #драўлянаедойлідства

На касцёле ў Гервятах цагляныя фасады рамантуюць цэментам 😤

Па-першае, цэмент наносіць шкоду муроўцы на вапне.

Па-другое, спачатку трэба счысціць ружовую фарбу, якой у нас чамусьці любяць наводзяць парадачак на фасадах з чырвонай цэглы, а пасля ўжо перакладаць асобныя цагліны, калі яны разбурыліся (чаго не бачна), або наноў рабіць швы. А не тупа мазаць усё разам!

На адным з контрфорсаў бачны невялікі зандаж, які паказввае наколькі адрозніваецца колер мура ад колеру фарбы. Відаць, аўтэнтыка не спадабавался ўласніку...

Гервяцкі касцёл вельмі раскручаны турыстычны аб'ект і помнік рэспубліканскага значэння, а такую дзіч робяць на ім. Паглядзіце наколькі больш шляхетна выглядаюць два пілоны брамы, да якіх не дабраліся рукі гора-маляроў.

Такая шызафрэнія ў краіне паўсюль: у інтэр'ерах рэстарацый збіваюць тынк з роспісамі, каб дабрацца да моднай цэглы, а звонку фарбуюць тую ж самую цэглу чырвонай ці ружовай фарбай, каб яе не было бачна. 🤡

#антырэстаўрацыя #касцёлы #Гервяты #каларыстыка