⚡️جعل نام شهرها ؤ رۊستاهای مناطق غیرفارسی زبان محدۊد به مناطق گیلکی‌زبانان نیست. در سرتاسر کشور ایران جهت هویت‌زدایی از این مناطق و جعل ملت تک زبانه، این جنایات راسیستی و بیمارگۊنه انجام شده است.
از نظر حضرات ایرانشهری‌مسلک نامهای بۊمی «سختسر» ؤ «فری‌کنار» نامؤزۊنند و باید با نامهای لطیف پارسی «رامسر» و «فریدۊن‌کنار» جعل شوند!

عکس از کتاب «سی خاطره از سلسله فرخنده پهلوی» نوشته علی‌اصغر حکمت.

(🙏 پیمان)
#racism
@gilaki_learning

🌈 جیر ٚگرته' گیلکی گۊیشان ٚمئن شأنه دئن:

اشرف/آمل/کجۊر/اشکور/لاجؤن/رشت/فؤمن:

- خؤ / خۊ / خؤ / خاو / خؤ / خاب/ خاو
- گؤ / گۊ / گؤ / گاو / گؤ / گاب/ گاو
- لؤ / لۊ / لؤ / لاو / لؤ / لاب/ لاو
- اؤ / اۊ / اؤ / آو / اؤ / آب/ آو
(🙏حمید)
#guyesh_shenasi
@gilaki_learning

🌈ای گرته ان مختلف ٚگۊیشان ٚمئن دره:

🔰 سیاکل/چابؤکسر/بابؤل/نکا:

- گۊلمه / گؤلمه / گلمه / گالمه
- خۊجیر / خؤجۊر / خجیر / خاجیر
- گۊل / گؤل / گِل / گال

(🙏 آقای اکبرپۊر)
#guyesh_shenasi
@gilaki_learning

🌈 یته جؤمله چندته گۊیش اجی:
🔵 ام سک بلؤسسه.
🔵 امه سک بلۊسسه.
🔵 امنی سک بلؤسسه.
🔵 امی سک بلأوس.
🔵 امه سک بۊلؤسه.
🔵 امی سک بلابسته.
🔵 امی سک بلاوسه.
@gilaki_learning

💫 گیلکی مثل:
پیر ٚاسپ ؤ گۊلمه افسار؟!
#masalan
@gilaki_learning

🌈 یته جۊمله چندته گۊیش اجي:
🔵 خۊش بامؤئی
🔵 خؤش بؤمئی
🔵 خش بیمائی
🔵 خاش بیمۊئی
@gilaki_learning

🎉🎊 فرده فردین‌ما اولی رۊج هیسه یؤ شیم تبری ۱۵۳۳ سال ٚ دل. ایشلله نؤسال امی مردۊم ؤ خؤجیر ٚدیما واسر خؤرۊم سال ببۊن. 🎊🎉
@gilaki_learning

⚡️وک وچه وا هیته پیلاپیئر پیلامائار ٚزوان ٚهمرا اۊشان ٚره شیرین‌زوانی بؤکۊنه.
«می جؤن ٚزنمار» یته فؤلکلؤر ترانه گیلان ٚخۊرتاو ٚگۊیش اجی هیسه.
(اخر ای شیرین وچه نام' دؤنین امره بؤگین پؤست ٚبۊن بنویسیم🙏)
@gilaki_learning

🌈یته جؤمله چندته گۊیش اجی:

رشت: امان هه رۊخان ٚمیان سیناب کۊدیمی.
کلاچئه: امۊ هی رۊخؤنه مئن سیناو گۊدیم.
سوادکۊ: اما همینتا رۊخنه یه دله هسنۊ کردمی.
اشرف: امان همینتا رۊوار ٚدله سنؤ کاردمی.

@gilaki_learning

⚡️-رج دربمۊئن/ رچ درهمان
- رج دربیاردن / رچ درهوردن

🔻جۊمله مئن:
🔵 خدا ونه امه کار' رج دربیاره.
🔵 بگۊته بؤن ۱۰ سال انتقالی هگیته نتۊنه اما یه نفر خاس رشت اجی بؤشۊن ساری این ٚکار رچ دربۊما.

(🙏 سید مقداد)
#tarkibi_felan
@gilaki_learning

🟢 «رچأگيتن» «رچأدار گۊدن»
🔵 رچأدار یأني قاعده‌دار ؤ منظم ؤ رچأگيتن أني یأني یته چئه چاؤدن ؤ را توأدأن، فارسي مئن راست ؤ ريس کردن.
🔻مؤنه ره:
+ اي ماشين-ه وگير بؤبۊر رچأدار بؤکۊن
- نگران نبۊ رچأیتن بۊنه
🔻یته دئه مؤنه:
وچه بؤش تي تکاليف-ه رچأگير/رچأدار بؤن.
(✍ نؤاورنا پارسا)
@gilaki_learning

⚡️رچ ٚرا دأشتن، رچ ٚرا نئأن:
را نماسن، کار ٚچم ؤ لیم' یاد دئأن، رانماری گۊدن

(خانم فتح‌اللهي)
@gilaki_learning

🔵 رجی‌کار
🔵 رچ
🔵 رچ ببین
🔵 رچ‌خؤری
🔵 رچه
#gilaki_vaje
@gilaki_learning

⚡️گیلکی اصطلاح
«دل فچ همأن»
🟢 اي وأجه وختي کارأیته بۊنه گه ینفر تنهأیي جي وأکه ؤ خسسه وابۊن ؤ اۊن ٚ حؤصله سر بيه‌.
🔻مؤنه ره:
بيه بيشيم محله‌مۊجي مي دل اي خؤنه مئن تنأکه فچ بۊمأ!

(✍ نؤاورنا پارسا)
#estelahan
@gilaki_learning

⚡️فچ همان یا فچ گۊدن ٚمعنی ارما گۊدن ؤ ماسسن هیسه.
ارما' مختلف ٚگۊیشان ٚمئن «اما، الما، ارم، بلماس» ان گؤن.
@gilaki_learning

⚡️«تنأکه» واسر جیرین لینک' بئینین 👇
https://t.me/gilaki_learning/2213

فؤمنات ٚمئن «أما» بکت «فاک»-أ ني هأ مفهۊم-ئه اؤکارأگئرده.


«فاک» چندته مؤنه ؤ اصطلاح ٚمئن:

۱. فاکي أنجيل: وارش بۊخۊردۊ أنجيل' گۊئده گه پئلله ؤ أپچأبئه‌یأ.

۲. فاکأکۊدۊ چۊم: جۊخاو وريشته‌کس-أ گۊئده گه أني چۊمأن ورم/فاک بۊکۊده.

۳. فاکي: اۊکس-أ گۊئده گه أني خایئأن/بیضه‌أن فتق دأرده.


۴. (اي‌کس ٚخأني) فاکي‌أبأن/فاکئأبأن : ترکمه گئل-أ گۊئده گه گب أنأ حألي نؤبۊخؤ ؤ دئغ ٚدرده أوره آدم-أ.(مؤنظۊر أنه گه هأندر فلاني-ئه ايتأ گب-أ بزيمه ؤ لئسأگيفتيمه، أمي بیضه فتق بأأرده:) )

🔺أ زئک-أ هأندر بؤگۊفتمه أ بيلاوارث ٚماتؤر-أ اۊسأدأن نمایأ دئه فاکئأبأمه.

#estelahan
#gilaki_vaje
#masalan

@gilaki_learning

⚡️اعرابی' خلیفه ور ببۊردن. اۊن' بدی تخت ٚسر نیشتئه یؤ دئباخی خلک، جیر هیسان؛ بؤگۊت السلام علیک یا الله. بؤگۊت: مۊ الله نیئم. بؤگۊت: یا جبرائیل. بؤگۊت مۊ جبرائیل نیئم. بؤگۊت الله خؤ نیئي جبرائیل أن نیئی ایمه چره اۊ جؤر بشئی تئنهاکه نیشتی؟ ترن جیر بیئه مردۊم ٚور بنیش!
✍ عۊبید زاکانی
@gilaki_learning