مۊ رأکه‌ٰدار ٚ گۊل وأشکأته ساکم
فپأتئه عطر ٚخۊی ای تاک اۊ تاکم
مره راک پرپر ئاکۊنه نیه باک
هیزارؤن دؤنه خۊی افشؤن به خاکم

#مامولی_مؤظفری
#خسرؤ_گلسرخی
@gilaki_learning

🥀مۊ رأکه‌ٰدار ٚ گۊل وأشکأته ساکم
فپأتئه عطر ٚخۊی ای تاک اۊ تاکم
مره راک پرپر ئاکۊنه نیه باک
هیزارؤن دؤنه خۊی افشؤن به خاکم

فارسی وگردان:
من مانند گل درختی جوان خندانم
که عطرم را در همه جا پراکنده‌ام
اگر مرا رگبار پرپر کند باکی نیست
هزاران دانه از خؤد در خاک پاشیده‌ام
#مامولی_مؤظفری
#خسرؤ_گلسرخی
@gilaki_learning

می آلاله گۊل گل ٚبۊن نشۊن گیل ٚلۊ
یته دؤنه گۊل صد دؤنه بۊن گیل ٚلۊ
سبز ئابۊن یه رۊز همه جا فۊبۊن گیل ٚلۊ
مره تا بزأن گیل ٚلۊ
تی خاو ٚرک' دئه داز بزأن گیل ٚلۊ
استاد #مامولی_مؤظفری
(سربست: gilan_folkloric_music اینستاگرام)
@gilaki_learning

⚡️ دیلمؤن
#مامولی_مؤظفری
(🙏 کۊرؤش)
@gilaki_learning

وسماره وسماره
تی پیئر خۊ همرا قاره
گؤی زلفه چأییکاره
خۊ دس هیچی نداره
ولله تی پیئر حق داره
حق داره گؤی نداره
چل ساله چأییکارم
خؤردن چأیی ندارم
اما تی خاسگارم
تی پیئر ٚترس نیارم
وسماره وسماره
چل ته بهار چأیی‌باغ ٚمئن
گرباز بزأم هرس(؟) بزأم
رزک وأچئم بؤلۊ بزأم
چل تاوسؤن أفتاو ٚمئن
چأیی بچئم کۊل اگیتم
هی هی کؤنان
کارخؤنه‌چی ره کۊ بزأم
چشم' اۊیئر دۊدۊ بزأم
تا سۊ بزأ مۊ چۊ بزأم
دس آخر' خألی دسؤن' فۊ بزأم
ولله تی پیئر حق داره
حق داره گؤی نداره
چل ساله چأییکارم
خؤردن چأیی ندارم
اما تی خاسگارم
تی پیئر ٚترس نیارم
وسماره وسماره
چل ته پئیز ٚولگریز
ائره فچم اؤره ویریز
سرسۊم بؤشؤم
فۊککؤ بزأم
چل ته زمؤسسؤن مۊ مره
به گل بزأم هوا بزأم
به رۊ بزأم به کۊ بزأم
بانگؤن ٚور می چشمؤن' دۊدۊ بزأم
تا سۊ بزا مۊ چۊ بزأم
دس آخر' خألی دسؤن' فۊ بزأم
ولله تی پیئر حق داره
حق داره گؤی نداره
چل ساله چأییکارم
خؤردن چأیی ندارم
اما تی خاسگارم
تی پیئر ٚترس نیارم
✍🎤 وستا #مامولی_مؤظفری
(🙏 کۊرؤش)
@gilaki_learning

شهيد ٚخۊن اجي آلاله در أی
یته دؤنه اجي صد دؤنه دور أی
یقين دأرم اي مرز ؤ مردۊم ٚره
یه رۊز أني اي خۊشبختي مي ور أی
🎤 #مامولی_مؤظفری_کۊجیدی
#مامولی_مؤظفری
(🙏 مهرشاد)
@gilaki_learning

چی بۊن می دیل یه رۊز بی‌غم بؤمؤنه؟
چی بۊن ای غم می نؤم' کم دؤخؤنه؟
چی بۊن خنده اجی می دیلبر یه رۊزان
بیئه تسک ٚدیل اجی غم بؤشؤنه؟
#مامولی_مؤظفری
@gilaki_learning

⚡️يه ته کؤنه زرج کۊه بدئک-ه
بۊلبۊلˇ ور، تأزه مهمؤن چأگۊدن،
بۊلبۊل ٚ مات واسۊت
يعني چي؟!
تي پر-ه چر بکۊتأن؟
تي پر ٚبال-ه بگۊ چر فۊگۊدأن؟
تره دئه  چٚر خفسˇ مئن دگۊدأن؟
تۊيي گه کوهؤن بدي، کۊه بمۊتي
سنگˇ غارؤنˇ سر-ه پر وأگۊدي
قۊش ٚ چيک ؤ لۊاس ٚ مۋس نيشتن-ه همه-أ،
تي راه سر أجي فۊرانده پس
آفتاو ٚ بۊرؤنؤن ٚجؤن دۊشتن ٚ دس أجي در بۊشؤ پس
چۊتئکي گير دکتي؟
سر بجمبني زرج، بگۊت بۊلبۊل-ه:
تۊ نۊدؤني، تۊ نۊدؤني بۊلبۊلئه
هر ته تأ بهارˇ مأن-ه
خۊ بلند ٚ داد أجي خبر بدأ،
خفسˇ مئن دکۊنن
پر ٚ بال-ه فۊکۊنن
✍ #مامولی_مؤظفری
(🙏 مهرشاد)
@gilaki_learning

⚡️دامؤن

یته دار، یته داره
اگر أن ریشه اۊنی یته صاف ٚخۊشکأته دشت ٚمیئن
یا خاسˇکۊ تۋکالی بگل دبۊن
یا اگر پا اۊنˇشی
چپر ؤ سیم‌پایه اجی رهأ ببۊن
یته دار، یته داره
اگر أن خاله اۊنی سرجیرابؤ
تۊرش ؤ شیرین بار بیأره
یا اگر ولگ اۊنˇبۊن سیا سأینه بدأره،
یته دار خۊ سامؤن ازه نؤمیه دار ببۊن
هنده‌رن، یته داره، یته‌نه
بهره‌خأسه‌بؤ‌کسؤنˇر
یته دارˇهندی بهره رسأنه
یته دار ؤ یته دار ؤ یته دار چند ته داره
اگر أن ریشه اۊشؤنی هر جایی بگل دبۊن
یا اگر هر یته خاله‌شکن بار بیأرن
همه نؤمیه دار ببۊن
هنده‌رن، چندته دارن، چندته‌نن
بهره‌خأسه‌بؤ‌کسۊنˇر
چندته دارˇهندی بهره رسأنن.
بۊن یه رۊزان یه نفر خۊدش ٚبهره وأسر
چندته دارˇگردأگرد' چپر اجی بتینه
بهره‌خأسه‌بؤ‌کسؤنˇرا بلته' وأبینه
اۊ وقت دئه چندته دار چندته دار نیه؛ یته باغه
باغی گه مننئن همه
اۊنی دارˇبارؤن' یه درزین تۋک بچشن
یا اۊنی ساینه‌دیمؤن یه فیچؤمه بنیشن
چندته دار ؤ چندته دار ؤ چندته دار، دامؤنه دامؤنی گه دئه نتؤنه یه نفر، خؤدش ٚبهره وأسر
چپر اجی اۊنی دؤر' بتینه
بهره‌خأسه‌بؤ‌کسؤنˇر، را بلته' وأبینه
دامؤنی گه دئه چپر مننئه اون ٚ تۊرش ؤ شیرین بارؤن' خۊشک‌أزه گؤلیکؤنˇر جغ ابینه
یا اۊن ٚولگ ٚسأینه' عرق بئؤده جؤنؤن اجی وأهینه
دامؤنی گه دئه چپر مننئه اۊن ٚدارؤن ٚرهأیی' هگیره، جؤن‌پنایی' وأگیره.
✍🎤 وستا #مامولی_مؤظفری
@gilaki_learning