Urbanistika ilə dərin maraqlanmayan bir vətəndaş hər zaman düşünür ki, yollar mümkün qədər geniş olmalıdır ki şəhərdə tıxac problemi olmasın və hər kəsə normal hərəkət etsin.
⠀
Lakin reallıq elə deyil. Tıxaclardan qurtulmaq istəyən şəhərlər küçə sahəsini mümkün qədər effektiv istifadə etməyə çalışır. Daha çox avtomobil yox, daha çox insanı eyni anda daşımağa çalışır. Bu cəhətdən ən effektiv həll - küçə sahəsinin bax bu cür paylaşılmasıdır. ⬆️

Ötən gecə dövlət qurumlarının məsuliyyətsizliyi nəticəsində Hövsan yolunda birdən birə 3 nəfər həlak olub. Hamısı da bir ailənin üzvləri (nənə, ana və uşaq). Səbəb - yolların işıqlandırmaması və sürücünün piyadaların vaxtında görməməsi.
⠀
Baxmayaraq ki, Azəravtoyol agentliyinə (AAYDA) hər il milyardlarla pul ayrılır, hələ də yolların işıqlandırılması böyük bir problem olaraq qalır.
⠀
O gün Mingəçevir şəhərindən Bakıya qayıdarkən fikir verdik ki, Respublika əhəmiyyətli "M2 Bakı-Qazax" magistralının əksər hissəsində işıqlandırma ya qoşulmur ya da ümumiyyətlə yoxdur. Heç uzağa getməyək, Bakı-Aeroport yolunda gecə saat 12-dən sonra işıqları söndürürlər.
⠀
İnsanların həyatları hesabına işıq pulunu qənaət edilir? Belə şey olar? Maraqlıdır ki, hətta 2019-cu ildə prezident bu məsələyə toxunsa da vəziyyət acınacaqlı olaraq qalır.
⠀
Təəssüf ki, dünən baş verən hadisədə günahı bədbəxt sürücünün üzərinə atacaqlar, halbuki məsuliyyət birbaşa olaraq yol infrastrukturuna cavabdeh olan qurumlarının üzərində. Bir çox ölkələrdə məhs cavabdeh qurumlara qarşı cinayət işi açılır bu cür hallarda.
⠀
Ən dəhşətli isə odur ki, belə hadisədən heç bir piyada və heç bir sürücü sığortalanmayıb.

💬 Tural Yusifov Hövsandakı əlverişsiz piyada keçidlərindən danışdı və çox yaxşı izah etdi.

Bu cür keçidlər narahatdır və əksinə təhlükəsizliyə ziddir.

Bura Çernobıl deyil, 🇦🇿 Bakının Zığ qəsəbəsidir.
⠀
Buranın səki problemini bir neçə dəfə kanalda paylaşmışdım, lakin vəziyyət lap məyusedici imiş. İstər küçələri, istər insanların yaşadığı şərait - pozitiv bir şey tapmaq çox çətindir.
⠀
💬 Zığda yaşayan və bloqun müəlliflərindən biri olan İlkin Babayevlə Zığda gəzişdik və Bakının ən unudulmuş qəsəbəsinin bugünkü vəziyyətini sizə göstərməyə hazırıq.
⠀
https://youtu.be/n4fVpI3cXE8
⠀
❗️Dostlar, bu cür vloqların davamlı olmasını istəyirsinizsə, sizin dəstəyiniz olduqca vacibdir. Patreon-da göstərdiyiniz hətta kiçik maliyyə dəstəyiniz bizə urbanistika həsr olunan videoları müntəzəm şəkildə buraxmaq üçün əlavə stimul verir.

Dünəndən bəzi elektroskuter icarə şirkətləri polis reydlərinə istinad olaraq fəaliyyətini dayandırıblar.
⠀
Təbii ki, bunun geci-tezi var idi. Güman ki, kimsə skuterlə ağır qəza törədib və polisə tapşırıq gəlib ki, "Yığışdırın bunları, bizə yaraşmır".
⠀
Bəs çıxış yolu qadağadırmı? Təbii ki, xeyr. Bu suala ətraflı cavab vermişdim və çıxış yollarından hələ keçən il video çəkmişdim.
⠀
Dövlət Yol Polisi və digər məsul qurumların əməkdaşlarına izləməyi tövsiyə edirəm.

https://youtu.be/lGtTJwxRLcQ

🆘 Bütün saytlar xəbər dərc edir ki, bəs sürücülər üçün cərimələr qaldırılır! Diqqət...

Birincisi, bu qanun layihəsidir, hələ ki heçnə təsdiq olunmayıb.

İkincisi də, hətta bu qanun layihəsində ciddi bir islahat görmədim. 41-60 km/s sürət aşmasına görə cərimə onsuzda az deyildi (150 AZN idi, təklif olunur 200). Lakin 20 km/s aşmasına görə cərimə elə gülməli 10 manat səviyyəsində qalır.

Yəni siz şəhərdə 80 km/s maşın idarə etsəniz adam öldürə bilərsiniz, amma buna görə sizə cəmi 9 AZN cərimə düşəcək (endirimi nəzərə alaraq).

Amma səkidə maşın saxlamasına görə, piyadaların hərəkətinə maneə törətmısində görə heç bir qanun dəyişikliyi nəyə görə sə heç kimin yadına düşmür.

🇪🇬 Misirdə güya tıxacları azaldmaq üçün şəhərin ən dəyərli məkanını - dəniz qırağını asfalta döşəyib 10 zolaqlı yol çəkiblər.

Təəsüf ki, belə bəsit düşüncəyə məxsus insanlar hələ də bizim qərarverən məmurlar arasında mövcuddur.

Daimi izləyicilər bikir ki, yolların genişləndirilməsi dünyanın heç vaxt tıxac problemini həll etmir. Təzə qoşulanlar isə bu haqda buradan oxuya bilər.