⚡️ Yol qəzalarında yeganə səbəbkar insanlar özləri deyil.
⠀
Yol infrastrukturu özü belə olmalıdır ki, qəza riski minimuma endirilsin. Bunun üçün inkişaf etmiş şəhər və ölkələrdə yolları elə layihələndirirlər ki, orada hərəkət etmək özü-özünə təhlükəsiz olsun. Maşınla, piyada, velosipedlə - fərq etməz.
⠀
📍 Bu gün Heydər Əliyev prospekti maqistral kimi tikilməsəydi, bu həm ağır qəzaların qarşısını alardı, həm daha çox insan daşıya bilərdi, həm də daha yaşıl və səs kirliyindən azad olan bir məkan olardı. 🇳🇴 Oslo şəhərinin nümunəsini əlavə edirəm.

#təhlükəsizlik #visionzero

🇦🇿 Qubadan təhlükəli və təhlüləsiz küçənin nümunəsi.
⠀
Elə gələ bilər ki, bu iki tam fərqli bir məkandır, amma hər iki foto Qubanın Memar Əcəmi küçəsində çəkilib.
⠀
İdealdan uzaq olsa da, yaxşı küçədə biz səkinin mövcud olmasını görə bilərik, burada küçəyə kölgə gətirən ağaclara da rast gəlmək olar.
⠀
Amma küçənin digər bir hissəsində sadəcə maksimum dərəcədə asfaltlanmış ərazi, səkinin küçənin bir tərəfində demək olar ki olmaması, küçə sahəsinə çıxan ağacları isə bir əlin barmaqlarında saymaq olar.
⠀
Quba kimi kiçik şəhərlərdə ən çox şoka salan o faktdır ki, burada heç vaxt böyük avtomobil axını olmur və yaxın 50 ildə gözlənilmir də. Buna rəğmən burada lazımsız dərəcədə geniş yollar salınır.
⠀
Əvəzində burada əla bir mühit yaratmaq olar ki, insanlar buranın qəşənq havasından ləzzət ala-ala hərəkət etsin, velosiped sürsün, lakin bu dəyərlər belə çıxır ki bizim regionlara, təəssüf ki, hələ ki yad olaraq qalır.
⠀
🔹 Qubadan vloqumuz da olub, izləməyə dəvət edirəm.

#təhlükəsizlik #regionlar #Quba

🔁 Küçənin “VisionZero” konsepsiyasına uyğun transformasiyası.
⠀
1️⃣ Birinci fotoda bizə tanış gələn tipik bir yolayrıcısıdır. Maşınlar hər tərəfi zəbt edib, piyadalar görünmür.
⠀
2️⃣ Mərhələli şəkildə əvvəl yolayrıcını deliniatorla (el arasında “tumba”) əhatə edirik.
⠀
3️⃣ Fiziki adacıq (səki çıxıntısı) təşkil edirik.
⠀
4️⃣ Yolayrıcının səviyyəsini yola nisbətən qaldırırıq ki, sürücülər yaxınlaşarkən sürəti azaltsın.
⠀
✅ Şəhərin bir sıra yolayrıcılarını bu cür təhlükəsiz şəkildə transformasiya etmək olar, qəzaların sayını azaltmaq olar. Misal üçün, Ağ Şəhərdə artıq daşla döşənilən yolayrıcılara rast gəlmək olar.

#visionzero #təhlükəsizlik

⬆️ Bakı Ağ Şəhərdə yeni yolayrıcılarda bu cür təhlükəsiz adacıqlarını tətbiq etməyə başladılar.
⠀
Bu əla təşəbbüsdür, təhlükəsiz adacıqlarının faydasından sizə dəfələrlə danışmışdım. Lakin “Road Safety” səhifəsi düzgün qeyd edir ki, buradakı yük maşınların girişini qadağan borular görüntünü məhdudlaşdırır, həm də estetik cəhətdən eybəcərdir.
⠀
🔹 Ümumi olaraq, təbii ki, bu cür yeniliklər təqdirəlayiqdir. Bakıda bir ara buna başladılar, amma elə bir küçə ilə bitdi söhbət.

#AğŞəhər #təhlükəsizlik

💡 Şəhər küçələri bu cür işıqlandırılmaldıır.
⠀
Statistikaya görə daha çox ağır nəticəli qəzalar gecə vaxtı baş verir. Buna baxmayaraq, küçələrimizin əksəriyyətində kifayət qədər işıqlandırma yoxdur.
⠀
⚠️ Görün piyadalar “zebra”da necə aydın şəkildə görünür.

#Bratislava #işıqlandırma #təhlükəsizlik

🚨 Neftçilər prospektində yeni təhlükə mənbəyi yaranıb.
⠀
Burada yeni mol açıldandan sonra giriş-çıxışlarına hərəkət ləngiyir, bu fürsətdən istifadə edərək piyadalar yeni salınan mərkəzə yolu birbaşa prospektin üzərindən keçirlər. Uşaqla keçənlərin sayı da az deyil.
⠀
🔸 Kimsə deyə bilər ki, “insanları yerin altına göndərin, 200 metr digər tərəfdə yeraltı keçid var, amma bu kəsişmədə svetoforla nizamlanan keçid təşkil edilsə, bu həm də K.Səfərəliyeva küçəsi ilə də daimi konflikti də yox edər.


#təhlükəsizlik #neftçilərprospekti

☑️ Təhlükəsizlik adacığı bir standart kimi.
⠀
🇵🇱 Bizim kimi keçmiş sosialistik ölkə — Polşanın paytaxtı Varşavada küçələri təhlükəsiz etmək üçün bu cür sadə və ucuz üsullardan istifadə edirlər.
⠀
🔸 Bakıda belə hallar tək-tük olan vaxtda, burada sanki adacıqlar standart kimi qəbul olunub və hətta 2 zolaqlı yollarda rast gəlinir. Təhlükəsizlikdən önəmli nə ola bilər ki?
⠀
#Varşava #təhlükəsizlik