Kupitia Jukwa la Habari na Hoja Mchanganyiko ndani ya JamiiForums.com, Mdau ameandika “Kuna Mtu alienda kufanya marekebisho ya cheti cha zamani kwenda kipya, akaambiwa anatakiwa kulipa Tsh. 30,000 wakati Namba ya Malipo ni Tsh. 7,000.”

Mdau anaeleza kuwa amefanya kazi Iringa, RITA Kilolo Huduma zao ni nzuri, anashindwa kuelewa nini shida ya RITA Misungwi! Hivyo anatoa wito Mamlaka kufuatilia ili kujua shida ilipo na kuondoa changamoto hiyo

Soma https://jamii.app/UtendajiRITA

#JamiiForums #Accountability #Governance

DAR: Baraza la Sanaa la Taifa (#BASATA) limefuta Leseni ya kuendesha Shindano la Miss Tanzania kwa Kampuni ya The Look Company Limited kwa kueleza imeshindwa kutekeleza maagizo halali ya Baraza licha ya kupewa maelekezo kupitia barua Aprili 15, 2025 na Mei 9, 2025

BASATA imesema kibali chao cha kufanya kazi hakijahuishwa kwa zaidi ya Miezi sita, kukaidi agizo la Baraza kwa kutowasilisha nyaraka muhimu kama nakala ya Cheti/Leseni ya kushiriki Shindano la Dunia, kushindwa kuandaa Shindano la Miss Tanzania kwa Mwaka 2023/2024 na kutowakilisha kwenye “Miss World 2024/2025”

Kampuni hiyo inasimamiwa na Basilla Mwanakuzi (Mshindi wa Taji la Miss Tanzania 1998) ambaye pia ni Mwanasiasa. Hivi karibuni (Mei 2025) kupitia ukurasa wake wa Instagram alitoa kauli kadhaa akikosoa baadhi ya maamuzi na Utendaji wa Chama chake cha CCM

Soma https://jamii.app/MissTZKufutwa

#Entertainment #JamiiForums #JamiiAfrica #Accountability

ZANZIBAR: Chama cha #ACTWazalendo kimetoa taarifa kuwa Juni 26, 2025, Vijana wanne Wafanyabiashara wa Darajani walitekwa na Askari wa Mamlaka ya Mji Mkongwe, wakafungiwa katika chumba kichafu, wakapigwa na baadaye usiku wakatupwa maeneo ya Chukwani Buyu

ACT imeeleza tukio hilo la kinyama ni miongoni mwa matukio ambayo hujirudia kila kukicha kwa Vijana wa Kizanzibari na kwamba wanalichukuliwa tukio hilo kwa mshituko mkubwa

Taarifa ya ACT imedai kutokana mfululizo wa matukio hayo inapendekeza Mkurugenzi wa Mamlaka ya Mji Mkongwe ajiuzulu kupisha uchunguzi, iundwe Kamati kuchunguza matukio ya utekaji na mauaji Zanzibar. Pia, Tume ya Haki za Binadamu na Utawala Bora iweke hadharani ripoti za uchunguzi

Soma https://jamii.app/ACTTamkoJuni28

#HumanRights #JamiiAfrica #JamiiForums #Democracy

Mdau wa JamiiForums.com ameanzisha Mjadala akiomba ushauri kuhusu urafiki wa Mama yake na Mganga wa Jadi

Amedai Mganga huyo amekuwa akifanya maamuzi ya familia na Mama yake kila akipata pesa anamtumia, hivyo familia inaishi maisha magumu

Unamshauri mdau afanye nini kuinusuru familia yao?

Mjadala https://jamii.app/MgangaWaMama

#JamiiAfrica #JamiiForums #Maisha