DODOMA: Mbunge wa Nzega Vijijini, Dkt. Hamisi Kigwangalla, leo Juni 18, 2025 amezungumzia hali ya Uchumi wa Taifa kwa Mwaka 2024 pamoja na Mpango wa Maendeleo wa Taifa na Bajeti kuu ya Serikali kwa Mwaka wa Fedha 2025/2026, akisema bado deni letu ni himilivu, hivyo kama Waziri wa Fedha anakopa ili kuleta maendeleo akope, Bunge litapitisha

Soma https://jamii.app/KigwangallaMikopoMwigulu

#JamiiForums #Accountability #Uwajibikaji #JamiiAfrica #Bungeni

GEITA: Makamu Mwenyekiti wa Chama Cha Mapinduzi (#CCM) Bara, Stephen Wasira amesema tangu kupata uhuru, Tanzania imepata maendeleo makubwa na kwamba anayesema hakuna kilichofanyika anamfanisha na 'Kasuku' kwa kuwa anazungumza mambo kwa kukariri bila kujua maana yake

Amesema hayo Juni 17, 2025 alipokuwa akizungumza katika mkutano wa hadhara huko Wilayani Katoro

Soma https://jamii.app/WasiraKatoro

#Siasa #Governance #JamiiForums #Kuelekea2025

ARUSHA: Akizungumza katika tukio la Serikali kusaini Mkataba wa Ujenzi wa Uwanja wa Michezo wa Kisasa wa Arusha Council Sports Complex, Rais wa Shirikisho la Soka Tanzania (TFF), Wallace Karia amesema “Nawaomba tumrudishe Mama, tutafanya makubwa zaidi.....mtakaposhtaki hamuwezi kufanikiwa.”

Uwanja huo ambao utajengwa eneo la Bondeni City, utakuwa na uwezo wa kubeba Watu kati ya 8000 - 10,000 walioketi, ukiwa umezungukwa na Viwanja vya Mpira wa Kikapu 2, Uwanja wa Mpira wa Wavu (1) na Viwanja vya Tenisi (2)

Soma https://jamii.app/KariaArusha

#JamiForums #JamiiAfrica #JFSports

Mbio za Ubingwa wa Ligi Kuu Tanzania Bara Msimu wa 2024/25 zinaendelea kushika kasi, #Yanga imeendelea kubaki katika nafasi ya kwanza kwa kufikisha Pointi 76 baada ya kuiunga Tanzania Prisons Magoli 5-0, #Simba ipo nafasi ya pili ikiwa na alama 75 baada ya kuichapa KenGold Magoli 5-0 pia

Yanga imeshinda ikiwa ugenini kwenye Uwanja wa Sokoine Mkoani Mbeya wakati Simba nayo ilikuwa ugenini kwenye Uwanja wa Ali Hassan Mwinyi Mkoani Tabora

Timu hizo mbili zimesaliwa na michezo miwili kukamilisha Ligi, ukiwemo unaozikutanisha zenyewe mnamo Juni 25, 2025 kwenye Uwanja wa Mkapa, ambapo ni mchezo unaotarajiwa na wengi kuwa utaamua bingwa wa Ligi

Soma https://jamii.app/MbioZaUbingwa

#JamiiForums #JFSports #JFLigiKuu25

DODOMA: Mbunge wa Viti Maalum, Jacqueline Ngonyani amesema amekoshwa na majibu yaliyotolewa na Rais Samia Suluhu kuelekea kwa Mbunge, Luhaga Mpina kwamba yalimfurahisha na kumpa furaha

Jana Juni 17, 2025, Rais Samia akiwa ziarani Mkoani Simiyu alisema Mbunge wa Kisesa (Mpina) 'amerukaruka' kwenye kutaja Mambo yaliyofanyika Jimboni kwake, huku akieleza amelidharau Jimbo lake kwa kusema "Kisesa iko kama Mwanamke aliyesuka Nywele"

Soma https://jamii.app/MbungeNgonyani

#JamiiForums #Siasa #Kuelekea2025

SIMIYU: Rais Samia amesema “Halmashauri zote zijitahidi katika makusanyo ya Mapato, kwa upande wa TRA wanajitahidi sana lakini kwa Halmashauri mnakula nyingi mnaleta kidogo. Niwaombe sana mjizatiti katika makusanyo ili maendeleo yaendelee kama tulivyoyapeleka katika Miaka hii mitano”

Amesema hayo leo Juni 18, 2025 wakati akizungumza na Wananchi wa Bariadi

Soma https://jamii.app/HalmshauriMakusanyoKidogo

#JamiiForums #JamiiAfrica #Uwajibikaji #Accountability

Jeshi la Polisi limetoa taarifa ya matukio ya Watu kupotea au kutekwa, kwa kusema taarifa zote zinazopokelewa huwa zinafanyiwa uchunguzi wa kukusanya ushahidi kutoka vyanzo mbalimbali, ili kupata ukweli wa taarifa ya nini kilichotokea ili kupata ushahidi wa kuthibitisha

Polisi imeeleza Kifungu cha 117 cha Sheria ya Ushahidi Sura ya 6 Marejeo ya Mwaka 2022 na Kifungu cha 161 cha Sheria ya Ndoa Sura ya 29 marejeo ya Mwaka 2019, dhana ya Mtu kuchukuliwa kuwa amekufa inapaswa kuthibitishwa na Mahakama baada ya Miaka mitano kupita, kulingana na vielelezo na ushahidi utakaowasilishwa

Soma https://jamii.app/PolisiKuhusuUtekaji

#JamiiForums #HumanRights #Accountability #Governance

Jeshi la Polisi limesema Sheikh Zuberi Said Nkokoo (53) Mwalimu wa dini na Kiongozi wa Taasisi ya Islam Foundation ya Singida ambaye iliripotiwa ametekwa, imebainika hakutekwa na anatarajiwa kufikishwa Mahakamani baada ya taratibu za Kisheria kukamilika

Taarifa ya Polisi imeeleza Sheikh Nkokoo alidai kutekwa na Watu aliowataja kuwa ni Askari wa Jeshi la Polisi, Juni 2, 2025 akiwa na Tsh. Milioni 42, lakini Uchunguzi umebaini alitengeneza tukio la uongo la kutekwa ili kukimbia madeni aliyokuwa akidaiwa na Watu mbalimbali (majina yao yamehifadhiwa) jumla ya Tsh. Milioni 521.5

Soma https://jamii.app/PolisiKuhusuUtekaji

#JamiiForums #HumanRights #Accountability #Governance

Jeshi la Polisi limeeleza Uchunguzi wa tukio la Novemba 11, 2024 lililomhusu Deogratius Tarimo, Mkazi wa Kibaha - Pwani ambaye alionekana kwenye picha mjongeo akipambana na Watu waliotaka kumteka ila wakashindwa, umeonesha Watuhumiwa sio Askari Polisi

Msemaji wa Jeshi la Polisi, David Misime, amesema uchunguzi ulibaini waliohusika sio Askari Polisi na chanzo cha tukio hilo ni wivu wa Mapenzi ambapo Watuhumiwa 6 walikamatwa na kufikishwa Mahakamani.

Soma https://jamii.app/PolisiKuhusuUtekaji

#JamiiForums #HumanRights #Accountability #Governance

JFKUMBUKIZI: Machi 04, 2019 Hayati John Pombe Magufuli alizungumzia matukio ya Utekaji Nchini na kusema "Watanzania wanajua kuchambua mambo, na lilipotokea tukio la kutekwa kwa Mo Dewji zilikuja habari nyingi kwamba waliohusika na Utekaji ni Wazungu wa aina fulani lakini suala hilo lilipomalizika, liliacha maswali mengi zaidi."

Aliongeza kwa kusema wahusika walijaribu kulichoma Moto Gari lakini baadae aliyetekwa akaonekana anakunywa Chai na Kamanda wa Polisi Kanda Maalumu ya Dar es Salaam (wakati huo), Lazaro Mambosasa.

Soma https://jamii.app/MagufuliMatukioUtekaji

#JamiiForums #JFKumbukizi #JamiiAfrica #HumanRights #Transparency #Siasa