KENYA: Aliyekuwa Naibu Rais wa Kenya, Rigathi Gachagua amesema Chama chake kiitwacho 'Democracy for the Citizens Party (DCP)' kinalenga ujumuishaji na kina Wanachama wa makundi yote wakiwemo #GenZ

Gachagua pia alitaja Viongozi wa Chama hicho wakiwemo David Mingati (Mwenyekiti), Cleophas Malala (Naibu Kiongozi wa Muda wa Chama) na Cate Waruguru (Kiongozi wa Wanawake)

Aidha, Gachagua ametangaza kuwa Chama hicho kitazinduliwa rasmi Juni 4, na baadaye ataanza ziara ya Miaka Miwili kote nchini kueneza Sera za chama na kuomba uungwaji mkono. Pia, amewataka wanaotaka kugombea nafasi mbalimbali katika Uchaguzi wa 2026 kupitia Chama hicho kuanza kujisajili

Soma https://jamii.app/ChamaKipyaGachagua

#JamiiAfrica #JamiiForums #Governance #Demokrasia

GEITA: Wanafunzi wa Shule ya Msingi Rubambangwe na Sekondari ya Rubambangwe, Kitongoji cha Iyozu, Kata ya Muungano Wilayani Chato wanatumia mitumbwi kutoka katika makazi yao kisha wanatembea umbali wa zaidi ya Kilometa 4 ili kufika katika Shule

Akielezea changamoto hiyo, Diwani wa Kata ya Muungano, Charles Kapembe amesema amewasilisha maoni ya Wananchi hao kwenye vikao halali vya Baraza la Madiwani na tayari amezungumza na Mkurugenzi wa Halmashauri ya Wilaya hiyo kwa ajili ya utatuzi

Mkurugenzi wa Halmashauri, Mandia Kihiyo alipoulizwa amesema Halmashauri inakusudia kuchonga mtumbwi wenye thamani ya Tsh. Milioni 2 kupunguza adha ya Wananchi kuvuka na watakapopata pesa watajenga Daraja la kudumu

Soma https://jamii.app/IyozuChato

#JamiiForums #Accountability #Elimu

MOROGORO: Mkurugenzi wa Uchaguzi Tume Huru ya Taifa ya Uchaguzi (INEC), Ramadhani Kailima amesema Tume haitamvumilia yeyote atakayehusika kuvuruga zoezi la uboreshaji wa Daftari la Kudumu la Wapiga Kura kwa kujiandikisha katika vituo zaidi ya kimoja

Amesema hayo katika mafunzo ya Waandishi Wasaidizi na Waendesha Vifaa vya Bayometriki (BVR), Kilosa na Mvomero na kuongeza Sheria inayosimamia hilo ni Kifungu cha 114(1) cha Sheria ya Uchaguzi wa Rais, Wabunge na Madiwani Na. 1 ya Mwaka 2024

Zoezi la Uboreshaji wa Daftari la Kudumu la Wapiga Kura Awamu ya Pili litaingia katika mzunguko wa pili Mei 16 hadi Mei 22, 2025, likihusisha mikoa ya Pwani, Tanga, Arusha, Kilimanjaro, Dodoma, Singida, Manyara, Lindi, Mtwara, Morogoro na Dar es Salaam kwa Tanzania Bara pamoja na Mikoa yote ya Tanzania Zanzibar

Soma https://jamii.app/INECYaonya

#JamiiForums #Democracy #Kuelekea2025 #UchaguziMkuu2025

Taasisi ya CIPESA (Collaboration on International ICT Policy for East and Southern Africa) kwa kushirikiana na wadau wengine, wamewasilisha kesi katika Mahakama Kuu dhidi ya Mamlaka ya Mawasiliano Kenya (CA), Mwanasheria Mkuu wa Serikali, Waziri wa Habari, Mawasiliano na Uchumi wa Kidijitali, Safaricom na Airtel Kenya, kupinga vitendo vya kiholela na visivyo halali vya kuzuia huduma ya intaneti nchini humo

Kesi hiyo inajikita kwenye ushahidi wa kiteknolojia kutoka Mashirika ya Kimataifa kama Cloudflare, Open Observatory of Network Interference (OONI) na Internet Outage Detection and Analysis (IODA), ambayo yamedhihirisha kuwepo kwa vitendo vya makusudi vya kupunguza kasi ya intaneti na kufunga baadhi ya majukwaa kama vile Telegram

Zaidi https://jamii.app/KeepItOnKE

#DigitalRights #JamiiForums #JamiiAfrica #FreedomOfExpression #Governance #Accountability

Mdau wa JamiiForums.com anasema Stendi ya Makumbusho imechakaa na imekuwa kero kwa watumiaji na madereva wa daladala. Anadai hata maeneo ya abiria kuketi wakiwa wanangojea magari nayo yamechakaa, mvua ikinyesha ndio majanga, abiria wanakimbilia kujisitiri kwenye maduka ya watu au kwenye magari

Anadai kuna wakati magari yanalazimika kushusha abiria maeneo ya nje ili kuepuka kuingia stendi, lakini hata ikifanyika hivyo wahusika wanayanyapia na kutoza faini. Anatoa wito kwa Halmashauri ya Manispaa ya Kinondoni kuwajibika kurekebisha stendi hiyo

Soma https://jamii.app/StendiMakumbusho

#JamiiAfrica #JamiiForums #Demokrasia #Governance #Accountability #ServiceDelivery #HudumaZaKijamii #Uwajibikaji