SIASA: Ofisi ya Msajili wa Vyama vya Siasa inadaiwa kutengua uteuzi wa Wajumbe nane wa Sekretarieti na Kamati Kuu ya CHADEMA, waliothibitishwa na Baraza Kuu la Chama hicho, Januari 22, 2025 kwa maelezo akidi haikutimia wakati wakiteuliwa

Viongozi walioteuliwa na Mwenyekiti wao, #TunduLissu ambao Msajili amewaweka kando hadi Baraza Kuu jingine liitishwe ni; Katibu Mkuu (John Mnyika), Amani Golugwa (Naibu Katibu Mkuu - Bara) na Ally Ibrahim Juma (Naibu Katibu Mkuu - Zanzibar)

Wengine ni Wajumbe wa Kamati Kuu; Godbless Lema, Rose Mayemba, Salma Kasanzu, Hafidh Ally Saleh na Dk Rugemeleza Nshala ambaye pia aliteuliwa kuwa Mwanasheria Mkuu wa CHADEMA

JamiiForums inaendelea na jitihada za kuitafuta Ofisi ya Msajili wa Vyama vya Siasa kupata ufafanuzi zaidi wa Maamuzi haya

Soma https://jamii.app/MsajiliAtengua

#JamiiForums #Siasa #Kulekea2025 #UchaguziMkuu2025 #Democracy

#MALEZI: Sera ya Uzazi na Malezi nchini Sweden inawapa Wazazi jumla ya Siku 480 za likizo ya Uzazi na Malezi yenye malipo pale Mtoto anapozaliwa au kuasiliwa. Iwapo kuna Wazazi wawili, kila mmoja anapewa Siku 240

Kwa Watoto waliozaliwa mwaka 2016 au baadaye, kila Mzazi ana siku 90 ambazo haziwezi kuhamishiwa kwa Mzazi mwingine kama hazitatumika. Mzazi mmoja (single parent) anapewa Siku zote 480

Wazazi pia wanaweza kuamua kuhamisha hadi Siku 45 za likizo yao kwa Babu, Bibi au Rafiki wa karibu wa Familia, anayewasaidia kulea. Wanaostahili likizo hii ni wanaolea badala ya kufanya Kazi, Kusoma au kutafuta Kazi

#JamiiForums #NordicWeek #ParentHood #LifeStyle

Mdau wa JamiiForums.com anasema
kama mamlaka husika haziwezi kuchukua hatua za kuhakikisha Taa za Makutano ya Uhuru-Msimbazi (Kariakoo) zinafanya kazi basi Trafiki awepo muda wote, ili kuepusha ajali, magari kukwaruzana na msongamano wa Vyombo vya Moto ambao ni kero kubwa

Zaidi https://jamii.app/TaaHazifanyikazi

#JamiiForums #JamiiAfrica #ServiceDelivery #HudumaZaKijamii #Governance #Accountability #Uwajibikaji

DAR: Mdau wa JamiiForums.com anatoa wito kwa Baraza la Taifa la Elimu ya Ufundi na Mafunzo ya Ufundi Stadi (NACTVET) kufuatilia malipo ya mitihani ambayo Mwanafunzi hakufanya vizuri (Supplementary Examination), akidai baadhi ya Vyuo vinatoza gharama kubwa kuliko maelekezo ya Serikali

Anadai hiyo inawezekana ikatengenezwa mazingira ya Wanafunzi ‘kufelishwa’ ili Chuo kiingize malipo mengi ya Sup

Pia, anadai mifumo ya uendeshaji taasisi hizo za Elimu ikiwemo usajili wa Wanafunzi, matokeo na utoaji vyeti hakuna utaratibu wa kueleweka na kwamba baadhi ya Vyuo vimeweka namba za mawasiliano katika matangazo na mitandao ya kijamii lakini namba zao hazipokelewi na nyingine hazipatikani

Soma https://jamii.app/VyuoVyaKati

#JamiiForums #Accountability

DAR: Shirika la Reli Tanzania (TRC) limetoa taarifa kuwa ajali ya treni ya Mjini kwenda Pugu, iliyotokea Stesheni ya KAMATA kwenye makutano ya reli na Barabara ya Kawawa, jana Mei 13, 2025 imejeruhi Watu 10

TRC imesema ajali hiyo iliyohusisha mabehewa 12 yaliyobeba abiria takribani 1,200 na kuwa Wataalamu wa Shirika na Timu ya Afya ya Shirika, walifika kutoa msaada wa huduma ya kwanza, waliojeruhiwa wawili ni Wanaume na nane Wanawake walikimbizwa Hospitali ya Rufaa ya Amana

Mkuu wa Kitengo cha Habari na Uhusiano wa TRC, Fredy Mwanjala amesema chanzo cha ajali hiyo ambayo imesababisha mabehewa 6 kuathirika bado hakijafahamika lakini huduma ya usafiri wa treni ya Mjini kwenda Pugu inaendelea kama kawaida leo Mei 14, 2025

Soma https://jamii.app/TreniYaMjini

#JamiiForums #JFMatukio