MWANZA: Jeshi la Polisi limesema linafanya uchunguzi wa madai ya kutekwa kwa Katibu wa Baraza la Vijana wa CHADEMA (BAVICHA) Mkoa wa Mwanza, Amani Manengelo (30) ambaye ameripotiwa kupotea tangu Februari 14, 2025 huko Misungwi

Kamishna Msaidizi Mwandamizi wa Polisi (SACP), Audax Majaliwa amesema hakuna yeyote aliyeweza kuthibitisha alipo Manengelo ikiwemo Ndugu na Jamaa zake huku akitoa wito kwa Wananchi kutoa taarifa zozote zitakazosaidia katika upatikanaji wa Manengelo

Inadaiwa Manengelo alichukuliwa na Watu wanne akiwa Nyumbani kwa rafiki yake, Jovin Thomas (32) ambaye ni Mwenyekiti wa BAVICHA Wilaya ya Misungwi

Soma https://jamii.app/PolisiKutekwaBavicha

#JamiiForums #HumanRights #Governance

#DIPLOMASIA: Waziri wa Mambo ya Nje wa Marekani, Marco Rubio na Waziri wa Urusi, Sergey Lavrov wamekutana leo, Februari 18, 2025 nchini Saudi Arabia ili kujadili namna watakavyoboresha mahusiano kati ya nchi hizo mbili pamoja na kumaliza Vita ya Ukraine na Russia

Mazungumzo hayo yamefanyika kwa mara ya kwanza toka vita hiyo ilipoanza huku Ulaya na Ukraine zikiwa hazijashirikishwa katika mazungumzo haya na Rais Volodymyr Zelenskyy amesema hatakubali matokeo ya mazungumzo hayo kutokana na nchi yake kutokuwepo

Soma https://jamii.app/VitaUkraineMazungumzo

#JamiiForums #Diplomasia

Kila Mtoto ana Haki ya kupata Elimu bora bila ubaguzi wa aina yoyote. Elimu si kwa ajili ya wachache wenye uwezo wa kumudu gharama, bali ni Haki ya kila Mtoto, bila kujali hali yake ya Kiuchumi

Uwekezaji ufanyike kuhakikisha Shule zinakuwa na Rasilimali za kutosha, kuwasaidia Watoto walio katika Mazingira magumu wapate Elimu pamoja na Kupigania sera zinazowekeza katika Elimu kwa wote

#ElimuNiHaki #MtotoKwanza #Demokrasia #JamiiForums #HakiZaKiraia #CivilRights #HumanRights #Democracy #ElimuKwaWote

DAR: Halmashauri ya Jiji la Dar es Salaam imesaini mkataba na Wakala wa Ufundi na Umeme Tanzania (#TEMESA) unaogharimu Tsh. Milioni 514 wa usimikaji wa mifumo ya kamera za ulinzi katika barabara na maeneo ya Kariakoo ili kuhakikisha biashara zinafanyika kwa Saa 24

Akizungumza baada ya kusaini makubaliano hayo Mkuu wa Wilaya ya Ilala, Edward Mpogolo amesema lengo ni kuimarisha usalama wa Wananchi na Wafanyabiashara na kuongeza ufanisi wa shughuli za kibiashara katika kusaidia kurahisisha utambuzi wa matukio, kuimarisha ufuatiliaji wa wahalifu na kutoa ushahidi wa haraka inapohitajika

Soma https://jamii.app/KameraMasaa24Kariakoo

#JamiiForums #Accountability #Governance #ServiceDelivery

MANYARA: Katibu wa Jumuiya ya Wazazi CCM Taifa, Ally Hapi amevitaka Vyama vya Upinzani kuacha visingizio na kushiriki kikamilifu katika Uchaguzi Mkuu wa mwaka huu 2025 akisema kuwa mafanikio aliyoyafanya Rais Samia Suluhu yanatosha kuipa CCM ushindi

Ameyasema hayo leo, Februari 18, 2025 katika ziara yake ya siku 4 Mkoani Manyara, alipokuwa akizungumza na Wanachama wa CCM Wilayani Kiteto

Soma https://jamii.app/VyamaPinzaniUchaguzi2025

#JamiiForums #Governance #UchaguziMkuu25