У мемарыяльным комплексе "Брэсцкая крэпасць-герой" з 29 чэрвеня закрываецца для наведвання Пяты форт. Спецыялісты адрамантуюць фасады, зробяць гідраізаляцыю на даху гаржавой казармы, заменяць вокны. Па задумцы экспазіцыя размесціцца ў частцы казармы, у цэнтральнай патэрне, парахавым склепе і гаржавым капаніры. Плануецца з дапамогай гістарычных дыярам узнавіць інтэр'еры канцылярыі, асобных казематаў, у тым ліку гарматнага і жылога каземата ніжніх чыноў.

#Брэст #фартыфікацыя #аднаўленне
https://www.realbrest.by/novosti/brestskaja-krepost/v-brestskoi-kreposti-nachinayut-rekonstrukciyu-pjatogo-forta.html

Падчас будаўніцтва трасы-дублёра ў раёне Ямніцкага пасёлка ў Магілёве выявілі нямецкі бетонны бункер — доўгатэрміновую агнявую кропку.

Бронекаўпак быў усталяваны ў гэтым месцы прыблізна ў 1943 годзе, калі нямецкая акупацыйная адміністрацыя ператварала Магілёў у горад-цытадэль. Падобныя бронекаўпакі дагэтуль захоўваюцца ў гарадскім ландшафце на ўскрайках абласнога цэнтра.

Выяўленая сёння ДАК (доўгатэрміновая агнявая кропка) з’яўлялася кулямётнам гняздом, лічаць спецыялісты. У пасляваенныя часы бетонны бронекаўпак быў засыпаны зямлёй, верагодна, мясцовымі жыхарамі.

Аб'ект перададуць на баланс Магілёўскага агралесатэхнічнага каледжа ў Буйнічах, дзе ствараецца рэканструкцыя нямецкай лініі абароны часоў вайны.

#археалогія #Магілёў #фартыфікацыя