На днях Анлайнер выпусціў матэрыял пра тое, як былы талачынскі старшыня аднаўляе пахавальню Хамянтоўскіх сваімі сіламі. Здавалася б — вось ён, народны герой. Але ўсё не так адназначна. Мы ўжо публікавалі інтэрв'ю з ім ў 2020 годзе, дзе ён прама гаворыць, што пры ім капліцы не надалі ахоўны статус, таму ён можа цяпер тут працаваць. 🤷‍♂️ Хтосьці на пенсіі машыны ў гаражы збірае, а нехта капліцы аднаўляе без належнай адукацыі.

#капліцы #аднаўленне #антырэстаўрацыя
https://www.youtube.com/watch?v=IvAMkwb-eSI

На рэстаўрацыю і аднаўленне аб'ектаў са статусам гісторыка-культурнай каштоўнасці выдзелена Br3 млн з фонду Прэзідэнта Рэспублікі Беларусь па падтрымцы культуры і мастацтва.

За гэтыя сродкі будзе праведзены рамонт даху і фасадаў абарончай царквы XVI ст. ў вёсцы Мураванка Шчучынскага раёна ў рамках падрыхтоўкі яго да святкавання 500-гадовага юбілею.

Таксама будуць завершаны рэстаўрацыйныя работы на сядзібе Агінскіх у Залессі, на паўночна-ўсходняй аркадзе Ружанскага палаца, праведзены кансервацыя з элементамі рэстаўрацыі ў сядзібна-паркавым ансамблі (я так разумею, гаворка пра пахавальню Арэшкаў) ў Закозелі і проціаварыйныя работы ў паўночна-ўсходнім корпусе Гальшанскага замка.

https://blr.belta.by/president/view/na-restauratsyju-i-adnaulenne-gistoryka-kulturnyh-abektau-vydzelena-br3-mln-z-fondu-prezidenta-118458-2022/

#рэстаўрацыя #Мураванка #цэрквы #Залессе #Закозель #Гальшаны #сядзібы #капліцы #замкі #Ружаны

Што звязвае магілёўскія могілкі і нямецкі Мюнхен?

У мастацтве вельмі часта можна сустрэць адсылкі да іншых твораў і творцаў. Як кажуць, не спіздзіў, а выказаў павагу мэтру.

Перапрацоўваючы прапанову на статус для капліцы-пахавальні сям'і Кленцэ, што на Успенскіх могілках Магілёва (каб мне зноў адмовілі ў ім 🫣), нечакана выявіў, што стыль неакласіцызм, у якім яна была выканана, у пачатку XX ст. на тэрыторыі Расійскай імперыі быў распаўсюджаны ўсяго некалькі гадоў. У той час панавалі эклектыка, мадэрн, рамантычны гістарызм. Удалося знайсці ўсяго два стылістычна аддаленыя мемарыяльныя збудаванні таго часу ў Маскве і Пецярбургу. Але як жа стыль дабраўся да правінцыйнага Магілёва?

І тут мяне напаткала азарэнне. Расійскія студэнты архітэктары вучыліся на класічных прыкладах, а таму не маглі не ведаць пра папулярызатара старажытнагрэчаскай архітэктуры ў Расійскай імперыі — выдатнага нямецкага архітэктара Леа фон Кленцэ, даследчыка антычнай архітэктуры і найвядомейшага прадстаўніка неакласіцызму сярэдзіны XIX ст. (т.зв. «мюнхенскага класіцызму»), цёзкі і земляка магілёўскай сям'і Кленцэ. Уявіце, што вы архітэктар і вам заказвае пахавальню чалавек з прозвішчам, якое ў вас непарыўна звязана з пэўнымі мастацкімі вобразамі. Ці магчыма такое праігнараваць? :) Такім чынам выбар рэдкай для таго часу формы старажытнагрэчаскага храма для могілкавай капліцы мог быць своеасаблівым «амажам» аднаго архітэктара іншаму.

Дарэчы ніяк нельга выключыць магчымасць роднасных сувязяў, тады гісторыя робіцца яшчэ больш цікавай, але гэта праца для архівістаў.

#магілёў #капліцы

Як растлумачыў старшыня пастаяннай камісіі Мінгарсавета па эканамічным развіцці, фінансах і бюджэце Ігар Русакевіч, гэтае культавае збудаванне з'яўляецца камунальнай уласнасцю і горад мае права фінансаваць з бюджэту правядзенне рамонтных прац. Давесці да ладу плануецца не толькі будынак самога касцёла, размешчанага на Кальварыйскіх могілках у Мінску, але размешчаныя там жа цэнтральную ўваходную браму і шэсць капліц-пахавальняў

– У Мінгарсавет неаднаразова звярталіся жыхары сталіцы з просьбамі прывесці ў належны выгляд гэты гістарычны аб'ект, – удакладніў дэпутат. – Будынку сапраўды патрабуецца рамонт, таму было прынята рашэнне вылучыць сродкі на яго рэканструкцыю.

А вы кажаце, што звароты не працуюць. Вучыцеся!

#Мінск #Кальварыйскіямогілкі #могілкі #касцёлы #капліцы #рэстаўрацыя
https://minsknews.by/gorodskoj-byudzhet-vydelil-dengi-na-remont-kostela-vozdvizheniya-svyatogo-kresta/

25 і 26 кастрычніка каталіцкая суполка на суботніку расчысціла руін капліцы-пахавальні ў Суляцічы Навагрудскага раёна.

Нагадаем, што гэтая капліца, узвезеная ў пачатку XX стагоддзя мае рысы неаегіпецкага стылю. На захаваным фрагменце сцяны ёсць паўкалона са стылізаванай капітэллю.

#капліцы #Суляцічы #касцёлы #неаегіпецкістыль