Спадчына

Дырэктар Гродзенскага дзяржаўнага гісторыка-археалагічнага музея Юрый Кітурка:
— Самі бачыце, як змяняецца на вачах Стары замак. Калі вы калі-небудзь бывалі ў Англіі ці Германіі і бачылі адноўленыя замкі, то яны трохі нагадваюць наш сваёй лёгкасцю і нават лялькавасцю. Замак надзвычай неабходны Беларусі для разумення свайго месца на гэтай зямлі. Важна ўсвядоміць, што наша культура не толькі сялянская. У часы Рэчы Паспалітай менавіта тут засядала вышэйшая дзяржаўная ўлада. На тэрыторыі сучаснай Беларусі толькі ў Гродне былі дзве каралеўскія рэзідэнцыі, да іх — вялікакняжацкія.

— Вокны абрамляюць каменнымі парталамі. Вельмі складана будзе ўсталяваць іх з боку Нёмана. На наступным тыдні павінны прыехаць мастакі, якія будуць заканчваць сграфіта. Яшчэ адзін важны крок — вызначыцца з інтэр'ерамі. Гэта сапраўды важны этап, таму што хацелася б выкарыстоўваць калі не цалкам паўтораныя арыгінальныя матэрыялы, то хоць бы штосьці набліжанае. Такія рэчы каштуюць нятанна. Яшчэ адзін немалаважны этап рэканструкцыі замка — гэта ўмацаванне схілу. Будаўнікам неабходна было насыпаць каля 600 кубаметраў зямлі. Затым укладваецца геарашотка. Пакуль яна выкладзена толькі пад сярэдняй вежай, аднак для таго, каб пазбегнуць прасадкі, яе павінны пакласці па ўсім перыметры схілу. На дадзеным этапе ўсё яшчэ існуе небяспека таго, што пры моцных дажджах можа адбыцца абвал грунта. Акрамя таго, археолагі заканчваюць раскопкі па першай чарзе. Застаўся невялікі кавалачак. Пасля чаго яны пяройдуць да раскопак, прадугледжаных другой чаргой.

— Наперадзе яшчэ два этапы работ. Самы важны з іх — другі. Ён закране непасрэдна палаца, дзе да нядаўняга часу працаваў музей. Пакуль няма выразнага ўяўлення таго, якім ён будзе. Але праект рабіць неабходна ўжо цяпер, тым больш што грошы на яго выдзелены. Нямала сродкаў запатрабуецца на комплексна-навуковыя даследаванні, якія будуць улічаны пры наступным праектаванні другой чаргі рэканструкцыі. На рэканструкцыю ўжо выдаткавана каля 12 мільёнаў рублёў. У цяперашнім годзе мусіць быць асвоена больш за 6,5 мільёна.

А можна было спачатку даследваць увесь замак, а потым сядаць за 1, 2, 3 і да бясконцасці чэргі?
#СтарыЗамак #Гродна #рэстаўрацыя
https://kultura.grodno.by/unikalnuju-jekspoziciju-nahodok-starogo-zamka-skoro-mozhno-budet-uvidet-v-novom/

443 views20:03