Моцны вецер сарваў частку даху з кафедральнага касцёла Унебаўзяцця Найсвяцейшай Панны Марыі і святога Станіслава ў Магілёве.

Біскуп Аляксандр Яшэўскі просіць вернікаў і ўсіх неабыякавых людзей дапамагчы ў аднаўленні кафедры.

Рэквізіты для ахвяраванняў:

р/с BY64BLBB30150700187012001001
ОАО «Белинвестбанк»,
БИК BLBBBY2X
УНП 700187012

#Магілёў #касцёлы #разбурэнне #ахвяраванні
https://catholic.by/3/news/belarus/14196-uragan-pashkodzi-gistarychnuyu-katedru-magiljove-biskup-yashe-ski-zvyartaetstsa-z-prosbaj-ab-dapamoze-adna-lenni-svyatyni

Таксама ў Магілёве сарвала частку даху з будынка былой прыватнай жаночай гімназіі па Першамайскай вуліцы, пабудаванага ў 1875 годзе ў стылі позняга класіцызму.

Ці пацярпелі ў вашым рэгіёне ад стыхіі гісторыка-культурныя каштоўнасці? Напішыце ў наш чат 👉 @spadczynachat

#Магілёў #гістарычнаязабудова #разбурэнне

Менш як за год у сядзібе Гартынгаў у Горным Снове Нясвіжскага раёна не стала металічнай лесвічнай агароджы ў стылі мадэрн. Што далей, вынясуць мадэрнавую печку? (Такое ўжо было ў асабняку Мураўёва ў Горадні). Узімку з флігеля ветрам сарвала дах, раней гарэла гарышча гасподы, але ніякіх выратаваўчых работ пасля гэтага не праводзілася, помнік архітэктуры адкрыты ўсім дажджам і снягам. Між іншым сядзіба афіцыйная гісторыка-культурная каштоўнасць (шыфр 613Г00049), праўда, даведацца пра гэта можна толькі адкрыўшы Дзяржаўны спіс, бо ні на адным з фасадаў не ўдалося выявіць ахоўную шыльду, якая абавязана быць па заканадаўстве.

#сядзібы #вандалізм #разбурэнне #ГорныСноў

У Зембіне Барысаўскага раёна часткова абваліўся касцёл Унебаўзяцця Найсвяцейшай Панны Марыі, узведзены ў 1809 годзе. Касцёлу даўно не шчасціць: спачатку яго адабралі ў царскую казну, у пачатку XX ст. вярнулі вернікам і адрэстаўравалі, пасля чаго ў 1932 годзе зноў зачынілі — з таго часу ён працягвае руйнавацца. Мясцовыя ўлады, відаць, занадта занятыя пасяўнымі і "гістарычнай памяццю", каб праводзіць хоць якія кансервацыйныя работы на нешматлікіх помніках архітэктуры. Дарэчы, касцёл мае 2 катэгорыю, то бок з'яўляецца гісторыка-культурнай каштоўнасцю рэспубліканскага значэння.

#касцёлы #зембін #разбурэнне

Журналістам Onlíner у Зембінскім сельсавеце паведамілі, што інфармацыя пра тое, што плануюць абваліць рэшткі франтона ўнутр Зембінскага касцёла — усяго толькі чуткі. Рашэнні па аб'екце будуць прымацца пасля наведвання супрацоўнікаў МНС і спецыялістаў Мінкультуры.

#Зембін #разбурэнне #касцёлы

У Зембіне трагедыя ці заканамернасць? Ну давайце паглядзім на яшчэ адну вядомую гістарычную славутасць — сядзібу Грабоўскіх ў в. Дзікушкі Лідскага раёна, дзе адзін фасад і тэраса літаральна левітуюць у паветры на буслінай магіі. Ні сядзіба, ні класіцыстычная царква 1840 года не маюць ахоўнага статусу, але што замінае выканкаму цэглай якога-небудзь закінутага савецкага кароўніка закласці праёмы першага паверха і зрабіць дадатковую падпорку тэрасы наўзамен калоны, якую быццам бабры падтачылі? У рамках хоць бы рэспубліканскага суботніка? Хочацца нагадаць, што «утрата [материальных объектов, обладающих отличительными духовными, художественными и (или) документальными достоинствами] вследствие небрежного хранения» — гэта крымінальнае злачынства.

фота фота
#ахова #Дзікушкі #сядзібы #разбурэнне #непомнік

Разбурэнні касцёла ў Зембіна з дрона.

фота
#касцёлы #Зембін #разбурэнне

26 красавіка ў Магілёве гарэў будынак першай гарадской электрастанцыі, узведзены ў 1910 годзе і перабудаваны ў 1930-я гады пад жылы дом у стылі канструктывізму. Фасады, калі прыгледзецца, захоўваюць рысы абодвух эпох. На жаль, будынак дагэтуль не мае ахоўнага статусу. У сакавіку 2020 года мы звярталіся ў гарвыканкам з просьбай ініцыяваць наданне яму статусу гісторыка-культурнай каштоўнасці, але там палічылі, што гэта «пакуль заўчасна», але абяцалі ўстанавіць іфармацыйную дошку (здаецца, яна так не з'явілася). Гэта ўжо не першы закінуты аб'ект у горадзе, які гарыць ад пражывання там розных бамжоў; так гарэлі будынкі па Лазарэнкі, гарэлі казармы на Крупскай.

#разбурэнне #Магілёў #гістарычнаязабудова #прамысловаяархітэктура

У гістарычным цэнтры Брэста знясуць чарговую гісторыка-культурную каштоўнасць — дом па вуліцы Савецкіх пагранічнікаў, 22 — гэта вынікае з адказу гарвыканкама. У адказе паведамляецца, што разбор будынка з наступным аднаўленнем з выкарыстаннем старой цэглы выкліканы аварыйна-небяспечным станам будынка і неабходнасцю ўсталявання падмуркаў. Праектныя рашэнні ўзгоднены Радай пры Мінкультуры.

Як нам стала вядома, прычанай зносу з'яўляецца немагчымасць умацаванняў падмуркаў. Можа яно і так, але неяк часта помнікі архітэктуры, якія прастаялі 100 гадоў, у час "рэканструкцый" сутыкаюцца з абставінамі непераадольнай сілы, якія не даюць ім існаваць далей.

#разбурэнне #брэст #гістарычнаязабудова