Канфіскацыяй і вывазам культурных каштоўнасцяў з акупаваных тэрыторый у нацысцкай Германіі займаўся адмысловы Аператыўны штаб рэйхсляйтара Розенберга (Einsatzstab Reichsleiter Rosenberg). Аддзяленне гэтай арганізацыі існавала і ў Менску.

Дзейнасць штаба характарызавалася імкненнем ажыцявіць поўны агляд і ўлік збораў і калекцый архіваў, музеяў, бібліятэк, навучальных устаноў і навуковых устаноў незалежна ад іх паходжання і прыналежнасці. У далейшым праводзіўся планамерны адбор культурных каштоўнасцяў для іх вывазу з Беларусі пад выглядам забеспячэння захаванасці на час ваенных дзеянняў ці вяртання ў Германію прадметаў культуры і мастацтва нямецкага паходжання. З крахам аперацыі «Барбароса» прапагандаваная ідэя клопату аб культурных каштоўнасцях на акупаваных беларускіх тэрыторыях канчаткова саступіла месца татальнаму рабаванню.

Агулам Штабам за гады акупацыі з Беларусі было вывезена не менш за 80 вагонаў архіўных матэрыялаў. У той ці іншай меры рабаванню падвергліся музеі ў Мінску (Мінскі сацыяльна-гістарычны музей, Дзяржаўная мастацкая галерэя), Магілёве, Віцебску, Полацку, Гомелі, Гродне, Баранавічах, Пінску, Ваўкавыску, Слоніме, а таксама музейныя зборы Акадэміі навук БССР і Беларускага дзяржаўнага ўніверсітэта. Лёс большай часткі вывезеных з Беларусі музейных каштоўнасцяў дагэтуль з'яўляецца загадкай.

Больш падрабязна пра гэтую старонку генацыду беларускага народа можна даведацца ў артыкулах Генінай і Гужалоўскага.
#вайна

У Марыупалі вынішчаюць гістарычны цэнтр горада. На відэа бачна як трыма эскаватарамі зносяцца руіны гістарычных дамоў па вуліцы Мікалаеўскай на адрэзку паміж Грэчаскай і Харлампіеўскай — гэта самае ядро гістарычнага цэнтра. Украінскай дзяржавай у Марыупалі, пры ўсім багацці архітэктурнай спадчыны, у пералік помнікаў культурнай спадчыны, ды й тое мясцовага значэння, быў уключаны толькі адзін будынак — будынак драмтэатра (праўда былі зацверджаны межы і граніцы выкарыстання арэалаў гістарычных населеных месцаў [аналаг нашых ПЗА], якія зараз недаступныя, але, магчыма, вызначаюць гістарычную забудову горада як каштоўнасць).

#Украіна #вайна #знішчэнне

22 чэрвеня ва ўрочышча Басіны Слонімскага раёна, якое знаходзіцца недалёка ад Жыровіцаў, пасля рэстаўрацыі быў адкрыты помнік ахвярам нацызму. У кастрычніку 1941 года на гэтым месцы былі расстраляныя каля паўсотні яўрэяў.

https://grodnonews.by/news/zhizn/v_urochishche_basiny_slonimskogo_rayona_posle_restavratsii_otkryli_pamyatnik_zhertvam_natsizma.html

#вайна #Басіны #помнікі #яўрэйскаяспадчына