💻«Прэс-Клуб Беларусь» і «Амбасада культуры» запрашаюць далучыцца да анлайн-дыскусіі “Творчая міграцыя з Беларусі”

▫️Калі: 30 верасня 16:00 (Мінск), Zoom.

Са жніўня 2020 многія грамадзяне Рэспублікі Беларусь былі вымушаныя пакінуць краіну, і дзеячы культуры не з'яўляюцца выключэннем. Гэтая дыскусія аб'ядноўвае мастакоў і мастачак, куратараў/-к і арт-менеджараў/-к з Беларусі, якія на дадзены момант пражываюць і працуюць у Берліне або прайшлі арт-рэзідэнцыі ў гэтым горадзе ў 2021-2022.

Мэта дыскусіі - паглядзець на творчую міграцыю з Беларусі ў гістарычнай перспектыве і абмеркаваць магчымасці развіцця сучаснага мастацтва ў рэгіёне ў новых абставінах.

📌Тэмы абмеркаванняў:

⁃ Хвалі і складанасці творчай міграцыі з Беларусі;
⁃ Мастацкае жыццё ў Германіі і магчымасць салідарызацыі;
⁃ Актуальныя працэсы ў беларускім сучасным мастацтве і яго перспектывы.

👉Зарэгістравацца.

Сустрэча адбудзецца пры падтрымцы Фонда імя Фрыдрыха Эберта.

#мастацтва #культменеджмент #куратары #мастакі #творцы

#вакансія
📢⚡️Гётэ Інстытут ў Вільні шукае Каардынатара/-ку праграм супрацоўніцтва з беларускай дыяспарай, #Вільнюс #Літва

▫️Тэрмін працы: 15.01.2023 - 24.12.2024 (з улікам 3-месячнага выпрабавальнага тэрміну). Пасада штатная - 40 гадзін/тыдзень.

▫️Для каго: асобы з правам на працу і пражыванне ў Літве.
Кандыдатам з абмежаванымі магчымасцямі або з роўным статусам будзе прадастаўлена перавага ў выпадку роўнай прафпрыдатнасці.

Задачы і абавязкі:
- Падтрымка дырэктара Інстытута ў Вільні ў праграмах з і для беларускай дыяспары.
- Мапінг і падтрыманне кантактаў з дыяспарай (таксама за межамі Літвы)
- Вывучэнне сучасных магчымасцяў фінансавання праектаў з удзелам беларускай дыяспары
- Прыцягненне старонняга фінансавання (ЕС, Усходняе партнёрства, фонды)
- Кансультаванне Гётэ Інстытутаў па супрацоўніцтве з беларускай дыяспарай
- Падтрымка праектаў, якія фінансуюцца трэцімі асобамі.

Патрэбны профіль:
- Адпаведная прафесійная падрыхтоўка і досвед у галіне #культменеджмент або эквівалентныя веды і навыкі.
- Вельмі добрае веданне актуальнай беларускай сцэны
- Вельмі добрая каардынацыя і арганізатарскія здольнасці
- Высокі ўзровень сацыяльных і камунікатыўных навыкаў
- Вельмі добрая пісьмовая і вусная ангельская, веданне беларускай мовы
пажадана, перавага валодання нямецкай і літоўскай мовамі
- Пажаданы досвед працы ў Гётэ Інстытуце, а таксама прыцягнення фінансавання ЕС.

Прапануецца:
- Заробак 1 911 EUR брута
- Міжнароднае працоўнае асяроддзе і гнуткая арганізацыя працы.

⏳Ддл: 1 студзеня 2023.
👉Даведацца больш.

📢Музей Вольнай Беларусі запрашае да супрацоўніцтва, #Варшава #Польшча

🤝Вы можаце скарыстацца пляцоўкай у цэнтры Варшавы для:
- арганізацыі  выставачных праектаў; 
- тэатральных імпрэз; 
- кінапаказаў і відэалекцый;
- канцэртных праграм; 
- літаратурных і моўных сустрэч;  
- канферэнцый, семінараў, майстар-класаў, варкшопаў і нетворкінгу. 

👉Падаць прапановы мерапрыемстваў на 2023. 

🔗Пачытаць пра Музей
🔗Паглядзець рэпартажы з івэнтаў 2022 у Instagram і Facebook. 

#культменеджмент #сцэнічныя_мастацтвы #выстава #культменеджары #івэнт_менеджмент

🔥Набор на восеньскі паток “Майстэрні карысных праектаў” працягваецца да 27 жніўня!

✨“Майстэрня карысных праектаў” - гэта анлайн-#курс па сацыякультурным праектаванні.

Нагадаем, у Майстэрні могуць удзельнічаць любыя анлайн ці афлайн праекты ў сферах #кіно, #арт, #музыка, #медыя, #урбаністыка, #плэйсмейкінг, стварэне супольнасцяў і г.д.

Падчас курсу вы дапрацуеце свае ідэі, зробіце тэст праекта, а таксама станеце часткай супольнасці аднадумцаў. У гэтым дапамогуць:
- адмысловы project book,
- адваротная сувязь ментараў і ментарак,
- шмат практыкі
- і нават група псіхалагічнай падтрымкі.

🌟Удзел бясплатны.

⏳Ддл: 27 жніўня.

👉 Праграма, водгукі з папярэдніх набораў і форма заяўкі — на сайце.
☎️Калі маеце пытанні — пішыце на goodmasterskaya@gmail.com.

#культменеджмент #менеджары

🔴 Культурныя пятніцы ад CreateCulture Group

▫️Калі: 16:00 Мінск / 15:00 Варшава (працягласць - каля 40 хв.)
▫️Дзе: Instagram-профіль CreateCulture Group.

Каманда беларускага творчага хаба ў Вільні CreateCulture Space працягвае даследаваць #культменеджмент, разглядаючы яго з розных ракурсаў - як прафесію, феномен і канкрэтныя партрэты.

Ужо сёння - размова з ініцыятаркай @sekktor Кацяй Раманчык.
Эфір вядзе дырэктарка CreateCulture Space Таня Штэйнбук.
Далучайцеся!

🔥Гарачая #вакансія ад Беларускага ПЭНа - шукаюць каардынатара творчага кірунку - #Варшава, #Польшча

▫️Для каго: #культменеджары, #прадзюсары і інш.
▫️Калі: 3-4 гадзіны ў дзень з перспектывай поўнай занятасці (праект да 2025).

🔸Абавязкі каардынатара творчага кірунку:
- выяўленне лакун у бягучых праектах у межах творчага кірунку, складанне іх спісу і магчымых шляхоў вырашэння (ва ўзгадненні з кіраўніцтвам)
- распрацоўка плана дзейнасці каманды арганізацыі для развіцця творчага кірунку, актуалізацыя складзенага плана раз на месяц, узгадненне плана з кіраўніцтвам
- пошук магчымасцяў узмацнення творчага кірунку, правядзенне перамоваў з экспертамі, партнёрскімі арганізацыямі, падрыхтоўка і падача заявак на творчыя праекты (ва ўзгадненні з кіраўніцтвам)
- удзел у нэтворкінгу з культ. арганізацыямі, інфармаванне іх наконт творчага кірунку дзейнасці ПЭНа, падрыхтоўка матэрыялаў для сустрэч у межах сваёй адказнасці
- падрыхтоўка інфармацыі пра творчы кірунак дзейнасці Беларускага ПЭНа для яе распаўсюду (у супрацы з камандай)
- вядзенне дакументаабароту
- удзел у распрацоўцы стратэгіі развіцця творчага кірунку Беларускага ПЭНа (літаратурныя прэміі, майстар-класы, школы, творчыя падзеі і інш.)
- каардынацыя сустрэч з партнёрамі (планаванне сустрэч, вядзенне пратаколу сустрэч і г. д.
- іншыя даручэнні кіраўніцтва ў межах творчага кірунку.

🔸Што чакаюць ад прэтэндэнта:
- добрае разуменне творчага асяроддзя, веданне персаналій (асабістае знаёмства з літаратарамі і іншымі творцамі будзе дадатковым плюсам)
- менеджарскія кампетэнцыі
- выдатнае валоданне беларускай мовай (веданне польскай і англійскай моваў будзе дадатковым плюсам)
- высокая асабістая культура
- веданне падставаў лічбавай бяспекі
- стрэсаўстойлівасць, адказнасць, ініцыятыўнасць, павага да прынцыпаў і каштоўнасцяў правоў чалавека.

👉CV і матывацыйны ліст дасылайце на info@penbelarus.org з пазнакай «каардынатар творчага кірунку». Інфармацыя аб заробку агучваецца падчас сумоўя.

⏳🔥Ддл: 9 кастрычніка.

#грамадскія_праекты #публічныя_прасторы #культменеджмент

💥У Вільнюсе пройдзе афлайн-#інфасесія праекта EU4Culture, з удзелам MOST+ i ArtPower Belarus

▫️Калі: 24 студзеня 18:00 ЕET
▫️Дзе: Гасцёўня Беларускай Рады культуры (Šv. Ignoto g. 5) #Вільнюс, #Літва

▫️Для каго: #творцы, #культдзеячы, #культменеджары, #актывісты і інш.

📌EU4Culture, MOST+ i ArtPower Belarus - тры фінансаваныя Еўрапейскім Саюзам праекты, якія скіраваныя на падтрымку грамадска-культурніцкай супольнасці Беларусі.

🎯Праект EU4Culture прысвечаны падтрымцы культурніцкага і крэатыўнага сектараў у якасці рухавіка росту і сацыяльнага развіцця ва ўсім рэгіёне Усходняга партнёрства. Каманда праекта прадставіць актыўнасці праекта і бягучы конкурс на падтрымку:
⁃ Мабільнасці творцаў і дзеячаў культуры Беларусі

🎯Таксама вы зможаце даведацца ўсе падрабязнасці пра:
⁃ Партнёрскі праект MOST+
⁃ Партнёрскі праект ArtPower Belarus

👉Далучыцца да ўдзелу можна ў афлайн-фармаце, папярэдне прайшоўшы рэгістрацыю.

#мабільнасць #культменеджмент

🔵 «Global Mini MBA – Кіраванне малым бізнесам» - анлайн-#курс ад Вольнага Беларускага Ўніверсітэту

▫️Для каго: актывісты, культдзеячы, творцы і г.д.
▫️Калі: 12 сакавіка - 22 чэрвеня.

Запрашаюць на інтэнсіўны 4-месячны анлайн-курс, які арганізаваны ў супрацоўніцтве з Факультэтам Кіравання Лодзінскага ўніверсітэту пры падтрымцы Еўрапейскага саюзу ў Беларусі і Фонду міжнароднай салідарнасці. Курс ахоплівае асноўныя і самыя неабходныя элементы кіравання бізнесам. Асаблівая ўвага надаецца развіццю лічбавых кампетэнцыяў, неабходных менеджарам і лідарам на сучасным інавацыйным рынку.

🔹Выпускнікі, якія залічаць 80% праграмы, атрымаюць дыплом Факультэту кіравання Лодзінскага ўніверсітэту.

🔸Мова выкладання польская.

⏳Ддл: 29 лютага.
👉Падрабязней.

🔗 У Telegram-канале ВБУ можна знайсці набор і на іншыя курсы, рэкамендуем сачыць.

#адукацыя #бізнес #культменеджмент

✨“Сістэмы падтрымкі культуры: фінансавыя і нефінансавыя практыкі з Польшчы, у тым ліку фонды ЕС і недзяржаўныя фонды” - пятая адкрытая анлайн-лекцыя ад праекта Culture Makes

▫️Калі: 22 чэрвеня, 14:00 СЕТ / 15:00 Мінск
▫️Дзе: прапануюцца два фарматы: #Варшава, #Польшча, ці анлайн у zoom.

🦸‍♀️Аляксандра Шыманьска — культурная менеджарка, спецыялістка па культурніцкай палітыцы. Кіраўніца літаратурнага і маркетынгавага аддзела Вялікага тэатра - Нацыянальнай оперы. З ліпеня 2024 года -- дырэктарка Цэнтра падтрымкі творчых індустрый. Былая дырэктарка Інстытута гарадской культуры ў Гданьску. Выпускніца Акадэміі лідарства ў Польшчы. Суаўтарка ключавой ідэі кандыдатуры Гданьска на званне культурнай сталіцы Еўропы пад назвай «Воля культуры. Культура волі.»

Спікерка раскажа пра сучасныя сістэмы падтрымкі культуры ў Польшчы і Еўропе. Лекцыя будзе прысвечана фінансавым і нефiнансавым практыкам, якія дапамагаюць развіваць культурныя праекты, як у дзяржаўных, так ў незалежных сектарах.

📝Вы зможаце даведацца пра перадавыя метады падтрымкі культуры і атрымаць адказы на свае пытанні ад эксперткi!

Асноўныя тэмы лекцыі:
🔸Эвалюцыя сістэмы фінансавання культуры ў Польшчы і ўплыў палітычных і адміністрацыйных змен.
🔸Прыклады паспяховых праектаў, падтрыманых дзяржаўнымі ўстановамі і недзяржаўнымі фондамі.
🔸Параўнальны аналіз культурных палітык Польшчы і іншых еўрапейскіх краін.
🔸Роля няўрадавых арганізацый, нефармальных груп і прыватных асоб у развіцці культуры.
🔸Што чакаць беларускай культуры ў найблізкай будучыні

Працоўная мова – PL, пераклад на BY будзе даступны ў zoom-вебінары.

🔗👉Для ўдзелу неабходна зарэгістравацца.

#культменеджмент #культменеджары #творцы #фандрайзінг