- ICJ တရားရုံးအမှု စစ်ကောင်စီကိုယ်စားလှယ်က ခုခံချေပမည်။
- သရုပ်ဆောင်ဇာဏ်ခီ နဲ့ ဒါရိုက်တာ ခရစ္စတီးနာခီ တို့ Charity Program တခု စတင်။
- ရန်ကုန်တွင် လျှပ်စစ်မီးမကြာခဏ ပြတ်တောက်နေသဖြင့် အိမ်ရှင်မများ အခက်ကြုံ။
#dvbtvnews #သတင်း #WhatsHappeningInMyanmar

https://youtu.be/OprIB1praqc

- စစ်ကိုင်းတိုင်းမှာ ၈ တန်းကျောင်းသူအပါအဝင် အမျိုးသမီး ၃ဦးကို စစ်ကောင်စီတပ်ကဖမ်းဆီး
- မွန်ဝန်ကြီးချုပ်ကို ရွေးကောက်ပွဲ မလျော်သြဇာသုံးမှုဖြင့် ရုံးထုတ် စစ်ဆေး
- ဖားကန့်တွင် မြေစာတင်ကားမီးလောင်၊ ယာဉ်မောင်း ၁ ဦး ဒဏ်ရာ စိုးရိမ်ရ
#dvbtvnews #သတင်း #WhatsHappeningInMyanmar

- ရဟတ်ယာဉ်နှင့်ပတ်သက်သည့် နိုင်ငံခေါင်းဆောင်များအပေါ်စွပ်စွဲထားသည့်အမှု ရှေ့နေပါဝါတင်။
- စစ်ကောင်စီဩဇာခံ ဌာနဆိုင်ရာအကြီးအကဲ ၄၀ ကို NUG က အမည်ပျက်စာရင်းသွင်း။
- Total နှင့် Chevron မြန်မာနိုင်ငံမှ ထွက်ခွာရန် ဆုံးဖြတ်။
#dvbtvnews #သတင်း #WhatsHappeningInMyanmar

https://youtu.be/j8phnNMxBjM

- လှိုင်မြို့နယ်တွင် ဒုတပ်ရင်းမှူး နေအိမ်ဗုံးကွဲ၊ ကားနှင့် နေအိမ်ပျက်စီး။
- တာဝန်မှရပ်နားသည့်အမိန့် KNDO ခေါင်းဆောင်ဗိုလ်မှူးချုပ်စောနယ်ဒါးမြ လက်မခံ။
- ဗမာ့လူငယ်ကွန်ရက်တပ်တော် ဖွဲ့စည်း။
#dvbtvnews #သတင်း #WhatsHappeningInMyanmar
https://youtu.be/Ir3y5q_G_MI

- အင်ဒိုနီးရှားသမ္မတနှင့် ကမ္ဘောဒီယားဝန်ကြီးချုပ်တို့ မြန်မာ့အရေး ဆွေးနွေး။
- ငဖဲမြို့နယ်က စစ်ကောင်စီအမြောက်တပ် တာဝေးပစ်စိန်ပြောင်းဖြင့် တိုက်ခိုက်ခံရ။
- မဟာအောင်မြေမြို့နယ် အုပ်ချုပ်ရေးမှူးရုံး ဗုံးပေါက်ကွဲ။
#dvbtvnews #သတင်း #WhatsHappeningInMyanmar

- မောင်တောတွင် စစ်ကောင်စီ နယ်ခြားစောင့်တပ်သား ၂ ဦး မိုင်းနင်းမိပြီးသေဆုံး။
- ယင်းမာပင်မြို့နယ်၌ PDF အခြေခံစစ်ပညာသင်တန်းဆင်း၊ အမျိုးသမီးရဲဘော်များ ပါဝင်။
- စစ်အုပ်စုကိုယ်စားလှယ်အား လက်မခံရန် ICJ တရားရုံးကို တိုက်တွန်း။

#dvbtvnews #သတင်း #WhatsHappeningInMyanmar

- ရန်ကုန် ဇီဝိတဒါန သံဃာ့ဆေးရုံကြီး lock down ချ။
- ဘိုကလေးမြို့မှာ ကိုဗစ်ကာကွယ်ဆေး သုံးကြိမ်ထိုးပြီးသူ ကိုဗစ်ရောဂါနဲ့သေဆုံး။
- စစ်အာဏာရှင်ဆန့်ကျင်ရေး ဗီနိုင်းတက်ချိတ်သည့် လူငယ် ၄ ဦးကို စစ်ကောင်စီတပ်က ပစ်ခတ်၊ ၁ ဦးသေဆုံး။
#dvbtvnews #သတင်း #WhatsHappeningInMyanmar

Subscribe DVB Youtube - https://youtube.com/dvbtvnews
Follow DVB on Telegram - https://t.me/dvbtvnews

- ဗိုလ်ရှုခံပွဲပြုလုပ်မည့် စိန်ရတုပြည်ထောင်စုနေ့အခမ်းအနားတက်ရန် EAOs များကို စစ်ကောင်စီဖိတ် ။
- တနင်္သာရီတိုင်းအတွင်း ပြည်သူ့ကာကွယ်ရေးတပ်ဖွဲ့များ ဖွဲ့စည်းပြီးဟု စစ်ဒေသကွပ်ကဲရေးအဖွဲ့ ထုတ်ပြန်။
- ဧပြီ၊ မေ၊ ဇွန် ၃ လကို ငါးမဖမ်းရ ရာသီအဖြစ် သတ်မှတ်။
#dvbtvnews #သတင်း #WhatsHappeningInMyanmar

Subscribe DVB Youtube - https://youtube.com/dvbtvnews
Follow DVB on Telegram - https://t.me/dvbtvnews

- စစ်ကိုင်းတိုင်း မြင်းမူမြို့နယ် စံဒင်ကင်းကျေးရွာအနီးရှိ PDFစခန်းတစ်ခု စီးနင်းခံရ။
- CDM ဒုရဲအုပ်တစ်ယောက်ရဲ့ အမဖြစ်သူကို စစ်ကောင်စီက ဖမ်းဆီး မိသားစုဝင်တွေ စိုးရိမ်နေ။
- ချင်းအမျိုးသားနေ့ နှစ်ပတ်လည်အခမ်းအနားကို အမေရိကန်နိုင်ငံ အတ္တလန္တာမြို့ရောက် ချင်းတိုင်းရင်းသား မျိုးနွယ်စုတွေ ကျင်းပ။
#dvbtvnews #သတင်း #WhatsHappeningInMyanmar
Subscribe DVB Youtube - https://youtube.com/dvbtvnews
Follow DVB on Telegram - https://t.me/dvbtvnews

DVB TV ညပိုင်း သတင်း (၄ရက် ဧပြီ ၂၀၂၂)
- နိုင်ငံတော်အတိုင်ပင်ခံပုဂ္ဂိုလ်အပေါ် စွပ်စွဲထားသည့် အဂတိမှုများ ဆက်လက်ရုံးထုတ် စစ်ဆေး။
- ရခိုင်ပြည်နယ်ဝန်ကြီးချုပ် ဦးညီပုအပေါ်စွဲထားသည့် ရွေးကောက်ပွဲအမှု အပြီးသတ်အမိန့်ချမည်။
- ဗဟိုဘဏ် ညွှန်ကြားချက်အသစ်ကြောင့် ရွှေနှင့် ဒေါ်လာစျေးကွက်အပေါ် သက်ရောက်မှုရှိနိုင်။
#dvbtvnews #သတင်း #WhatsHappeningInMyanmar

DVB TV ည ၈ နာရီသတင်း

- လေးကေ့ကော်မြို့သစ်မှာ စစ်ကောင်စီတပ်နဲ့ KNLA ပူးပေါင်းတပ်တွေ တိုက်ပွဲဖြစ်ပွား။
- ပေါက်မြို့နယ် ဒိန်ကွင်းရွာကို စစ်ကောင်စီတပ်တွေနဲ့ ပျူစောထီတွေပေါင်းပြီး မီးရှို့ဖျက်ဆီး။
- တော်လှန်ရေးအဖွဲ့များကို မထောက်ပံ့ရန် ခြိမ်းခြောက်ခဲ့သည့် ဘန်ကောက် မြန်မာသံရုံးရှေ့ ဆန္ဒပြ။
#dvbtvnews #သတင်း #WhatsHappeningInMyanmar

ဒေါ်အောင်ဆန်းစုကြည် လွတ်မြောက်ခြင်း၊ မလွတ်မြောက်ခြင်းအပေါ် လက်နက်ကိုင်တော်လှန်ရေးသမားများ၏ အမြင်သဘောထား (ရုပ်/သံ)

မြေလတ်အသံ၊ သြဂုတ် ၇၊ ၂၀၂၃။

အာဏာသိမ်းစစ်ခေါင်းဆောင်မင်းအောင်လှိုင်ရဲ့ စစ်ကောင်စီက အမျိုးသားဒီမိုကရေစီအဖွဲ့ချုပ် (NLD)ပါတီ ဥက္ကဋ္ဌဒေါ်အောင်ဆန်းစုကြည်နှင့် သမ္မတဦးဝင်းမြင့်တို့ကို ဩဂုတ် ၁ ရက်က ပြစ်ဒဏ်လွတ်ငြိမ်းချမ်းသာခွင့်ပေးသည်ဟုဆိုကာ အမှုတချို့အတွက် ပြစ်ဒဏ် လျှော့ပေးခဲ့သည်။

ယင်းအခိုက်အတန့်တွင် ပြည်သူလူထုက ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့ လွတ်ငြိမ်းချမ်းသာခွင့်ဖြင့် အကျဉ်းထောင်မှ ပြန်လည်လွတ်မြောက်လာကြပြီဟု အထင်မှားခဲ့ကြသည်။

အခြားတဖက်တွင်လည်း ဒေါ်အောင်ဆန်းစုကြည် ပြန်လည်လွတ်မြောက်လာမည်ဆိုပါက လက်ရှိလက်နက်ကိုင်တော်လှန်ရေးလမ်းစဉ်နှင့် နိုင်ငံရေးအခင်းအကျင်းသည် မည်သို့ဖြစ်လာနိုင်မည်နည်းဆိုသည့် ဆွေးနွေးပူပန်မှုများ ထွက်ပေါ်လာခဲ့သည်။

ထို့ကြောင့် ဒေါ်အောင်ဆန်းစုကြည် ပြန်လည်လွတ်မြောက်လာမည်ဆိုပါက လက်ရှိ လက်နက်ကိုင်တော်လှန်ရေးလမ်းစဉ်နှင့် နိုင်ငံရေးအခင်းအကျင်း မည်သို့ဖြစ်လာနိုင်မည်နည်း၊ လက်နက်ကိုင်တော်လှန်ရေးတပ်ဖွဲ့များကြား ပွတ်တိုက်မှုများဖြစ်ပေါ်လာနိုင်မည်လား စသည့်မေးခွန်းတချို့ကို အညာဒေသတွင်း အခြေစိုက် ကာကွယ်ရေးအဖွဲ့များဖြစ်ကြသည့် Zero ပြောက်ကျားတပ်မဟာ တပ်ရင်း ၇ မြင်းခြံခရိုင်တပ်ရင်း၊ Bo Tiger-ဗိုလ်ကျားကြီးတပ်ဖွဲ့၊ ပြည်သူ့တော်လှန်ရေးတပ်ဦး (PRF) စသည့်တပ်ဖွဲ့၊ တပ်ရင်းများအပါအဝင် နွေဦးတော်လှန်ရေးကို လေ့လာစောင့်ကြည့်နေသူတို့နှင့် မြေလတ်အသံသတင်းဌာနက မေးမြန်းခဲ့ပါသည်။

#မြေလတ်အသံ
#အင်တာဗျူး #ဒေါ်အောင်ဆန်းစုကြည့် #ဦးဝင်းမြင့် #လွတ်ငြိမ်း #ပြစ်ဒဏ်လျှော့ #မြေလတ်ဒေသ #တော်လှန်ရေး #လက်နက်ကိုင် #နိုင်ငံရေး #သတင်း #ရုပ်သံ
https://youtu.be/DAqST2eCP4s

စခန်းသိမ်းတိုက်ပွဲတွေအတွက် အသေခံတပ်သား ၂၂ ဦး ရွေးချယ်နိုင်ခဲ့ (ရုပ်/သံ)

မြေလတ်အသံ၊ စက်တင်ဘာ ၉၊ ၂၀၂၃။

အာဏာသိမ်း စစ်ကောင်စီကို အရိုးကြေကြေ အရေခမ်းခမ်း အသေခံပြီး တိုက်ခိုက်သွားမယ်လို့ သန္နိဌာန်ချကာ သခင်ဒေါင်းညိုတပ်ဖွဲ့က PDF ရဲဘော် ၇၂ ယောက်ဟာ ကွန်မန်ဒိုပြောက်ကျားနည်းစနစ်ပိုင်း သင်တန်းကို မကြာသေးခင်ကပဲ တောတွင်းတနေရာမှာ တက်ရောက်ပြီးစီးခဲ့ပါတယ်။

သင်တန်းသား ရဲဘော်၇၂ ယောက်ထဲမှာ အမျိုးသမီးရဲဘော် ၁၂ ယောက်လည်း ပါဝင်ပြီး အဲ့ဒီထဲက အသေခံ အထူးကွန်မန်ဒိုရဲဘော် ၂၂ ယောက်ကို ရွေးချယ်နိုင်ခဲ့ပါတယ်။

အသေခံ ကွန်မန်ဒို ၂၂ ယောက်ထဲမှာတော့ အမျိုးသမီးရဲဘော် ၂ ယောက်ပါဝင်ပါတယ်။ အဲ့ဒီ ၂၂ ယောက်စလုံးဟာ အသေခံတပ်သားလို့ ခံယူထားကြပြီး အာဏာရှင်စနစ်ကို အမြန်ဆုံး အဆုံးသတ်နိုင်ရေးအတွက် ရည်ရွယ်ထားကြတယ်လို့ သင်တန်းမှူးဖြစ်သူက ဆိုပါတယ်။

ဒီသင်တန်းဟာ အရင်သင်တန်းတွေနဲ့ မတူဘဲ လိုအပ်လာရင် ဖောက်ခွဲရေးပိုင်းမှာ အသက်သေစေနိုင်တဲ့အထိ ဖြစ်လာနိုင်သလို အသေခံ အထူးကွန်မန်ဒိုရဲဘော် ၂၂ ယောက်ဟာလည်း ဒီအတွက် အဆင်သင့်ဖြစ်နေပြီး မြို့သိမ်းတိုက်ပွဲတွေကို အရှိန်မြှင့်ဖော်ဆောင်ဖို့နဲ့ ကနဦးမှာ သူတို့အတွက် အနီးဆုံးရန်သူတွေ ဖြစ်ကြတဲ့ ပျူစောထီးတွေကို တိုက်ခိုက်ဖို့ ဦးတည်ထားတာဖြစ်ပါတယ်။

အင်တာဗျူး - ဒိန်းဂျား၊ တည်းဖြတ် - ငြိမ်းဇော်

#မြေလတ်အသံ
#သတင်း #ရုပ်သံ #အသေခံ #တပ်သား #သင်တန်းဆင်း #ရဲဘော် #အင်တာဗျူး #သခင်ဒေါင်းညို #PDF
https://youtu.be/3zD9zdpoMyM

ရေနံလုပ်ကွက်မှာ တပ်စွဲထားတဲ့ စစ်အုပ်စု တိုက်ခိုက်ခံရလို့ ၂ ဦးသေ(ရုပ်/သံ)

မြေလတ်အသံ၊ စက်တင်ဘာ ၉၊ ၂၀၂၃။

စစ်ကိုင်းတိုင်း၊ ယင်းမာပင်ခရိုင်နဲ့ မကွေးတိုင်း၊ ဂန့်ဂေါခရိုင်ကြားမှာရှိတဲ့ ရေနံလုပ်ကွက်မှာ တပ်စွဲထားတဲ့ စစ်ကောင်စီတပ်စခန်းကို ကာကွယ်ရေးအဖွဲ့တွေက သွားရောက် တိုက်ခိုက်ခဲ့ပြီး စစ်ကောင်စီဘက်က ၂ ဦးသေဆုံးခဲ့တယ်လို့ ရဲဘော်တွေဆီက သိရပါတယ်။

စက်တင်ဘာလ ၇ ရက် ညနေ ၃ နာရီဝန်းကျင်က စစ်ကောင်စီတပ်သား ၂၀ နီးပါး အထိုင်ချထားတဲ့ ရှေ့ကင်းစခန်းကို အနီးကပ်မိနစ် ၂၀ကြာ ပစ်ခတ်မှုဖြစ်ပွားခဲ့ပြီး အဆိုပါရေနံလုပ်ကွက်မှာ ကင်းစခန်း ၂ ခုနဲ့ စစ်သား ၄၀ကျော်ရှိတယ်လို့ ဆိုပါတယ်။

“အထဲထိဝင်ဖို့ ကြိုးစားနေတဲ့အချိန်မှာပဲ သူတို့ဘက်က ဗိုလ်လို့ယူဆရတဲ့သူက ရေချိုးဆင်းလာတယ်။ အဲ့မှာရန်သူက ကျတော်တို့ ရဲဘော်တွေကို သူတို့ရဲဘော်ထင်ပြီး ဘာလုပ်နေကြတာလဲ လှမ်းမေးတဲ့အချိန်မှာ စပစ်တာပေါ့။ မလှမ်းမကမ်းမှာရှိတဲ့ စကစ နောက်တယောက်က ရန်သူ ရန်သူဆိုပြီးအော်တယ်။ အဲ့ရဲဘော်လည်း ရှင်းနိုင်တယ်၊ လက်နက်နဲ့ ချောက်ထဲပြုတ်ကျသွားတယ်။ လက်နက်တော့ မကောက်နိုင်ခဲ့ဘူး။”လို့ ယင်းမာပင်ခရိုင် တပ်ရင်း ၁၂ တာဝန်ခံ ကိုနေမင်းက ပြောပါတယ်။

ပစ်ခတ်ခံရလို့ စစ်ကောင်စီဘက်က သေနတ်ကိုင်ထားတဲ့ တပ်သားတဦးနဲ့ အရပ်ဝတ်တဦး သေဆုံးခဲ့ပြီး တဦးကတော့ ကျည်ဆန်ထိမှန်ဒဏ်ရာနဲ့ထွက်ပြေးလွတ်မြောက်သွားတယ်လို့ ဆိုပါတယ်။

အဆိုပါ ရေနံလုပ်ကွက်ဟာ ကျောမြို့ ကပစနဲ့ ၇ မိုင်ခန့်ကွာဝေးပြီး ကင်းစခန်းထဲထိဝင်ကာ လက်နက်ယူဆောင်ဖို့ စီစဉ်ထားကြပေမယ့် ရန်သူဘက်က အရင်မြင်သွားတဲ့အတွက် သတ်မှတ်နေရာမရောက်ဘဲ ပစ်ခတ်မှု စတင်လိုက်ရကာ နယ်မြေအနေထားကလည်း စစ်ကောင်စီက ကုန်းမြင့်ဘက်မှာရှိနေတာကြောင့် ထင်သလောက် အောင်မြင်မှုမရခဲ့ဘူးလို့ ဆိုပါတယ်။

အဲ့ဒီတိုက်ခိုက်မှုကို ပုလဲဗျူဟာ ယင်းမာပင်ခရိုင်တပ်ရင်း ၁၂၊ တပ်ရင်း ၇၊ မြိုင်အခြေစိုက် MVP-PDF၊ Royal-7 PDF တို့ ပူးပေါင်းလုပ်ဆောင်ခဲ့တာလည်း ဖြစ်ပါတယ်။

သတင်း - ချယ်ရီ၊ တည်းဖြတ် - ဇို

#မြေလတ်အသံ
#စစ်ကိုင်းသတင်း #ယင်းမာပင်ခရိုင် #ဂန့်ဂေါခရိုင် #ရေနံလုပ်ကွက် #တိုက်ပွဲ #သတင်း #ရုပ်သံ
https://youtu.be/mm6OYCIGEjQ

NUG ကြားကာလပညာရေးစနစ်ကို ဗကသများအဖွဲ့ချုပ်က မေးခွန်းထုတ် (ရုပ်/သံ)

မြေလတ်အသံ၊ အောက်တိုဘာ ၃၀၊ ၂၀၂၃။

အမျိုးသားညီညွတ်ရေးအစိုးရ(NUG)ရဲ့ ကြားကာလပညာရေးဟာ အစမ်းသပ်ခံဖြစ်နေတာမို့ NUG အစိုးရဟာ ပြန်သုံးသပ်သင့်နေပြီလို့ ပေါက်မြို့နယ် ဗမာနိုင်ငံလုံးဆိုင်ရာကျောင်းသားသမဂ္ဂအဖွဲ့ချုပ်(ဗကသ)က မေးခွန်းထုတ်လိုက်ပါတယ်။

NUG အနေနဲ့ ကြားကာလပညာရေးကို ဖော်ဆောင်နေတာဟာ ကာလတခုအထိရောက်လာပြီး မြေပြင်မှာ CDM ဆရာ၊ ဆရာမတွေနဲ့ စေတနာဝန်ထမ်းဆရာ၊ ဆရာမတွေရဲ့ ပြသနာတွေ၊ အခြေခံပညာသင်ကြားရေးပြီးပါက ဆက်လုပ်စရာမရှိတဲ့ ကျောင်းသားတွေလည်းရှိနေတာမို့ ဒီပြသနာတွေကိုဖြေရှင်းဖို့ လိုတယ်လို့ ဗကသကျောင်းသား ကိုမြတ်သူက ပြောပါတယ်။

"အဆင့်မြင့် ပညာရေး ကဏ္ဍမှာဆိုရင် နွေဦးတက္ကသိုလ်ဆိုတဲ့ အွန်လိုင်းစနစ်တွေပဲရှိသေးတယ်။ အဲ့ဒီအွန်လိုင်းစနစ်တွေမှာဆိုရင် အညာဒေသတို့ တိုင်းရင်းသားဒေသတွေပဲဖြစ်ဖြစ် ဘယ်ဒေသမှာမဆို အင်တာနက်အဆင်မပြေမှု၊ လုံခြုံရေးအဆင်မပြေမှုတွေနဲ့ တက်ရောက်ဖို့က ကျောင်းသားတွေအနေနဲ့အဆင်မပြေမှုတွေ ဖြစ်နေတယ်။ အခြေခံပညာမှာရောအဆင့်မြင့်ပညာမှာပါ လိုအပ်ချက်တွေရှိနေတယ်။ အဲ့ဒီလိုအပ်ချက်တွေကို ကျွန်တော်တို့က မေးခွန်းထုတ်ရခြင်းဖြစ်ပါတယ် "လို့ ကိုမြတ်သူကပြောပါတယ်။

အခြေခံပညာကျောင်းပြီးဆုံးထားတဲ့ အသက် ၁၆ နှစ်နဲ့ ၁၇ နှစ် အရွယ်ကလေးတွေမှာလည်း ပညာရေးလမ်းစ ပျောက်ဆုံးတာတွေဖြစ်နေတယ်လို့ ကိုမြတ်သူက ပြောပါတယ်။ မြေပြင်အခြေအနေနဲ့ NUG အစိုးရရဲ့စီမံခန့်ခွဲမှုဟာ ဘယ်လောက်အထိ လစ်ဟာနေပြီလဲဆိုတာ စိစစ်သင့်နေတယ်လို့ ၎င်းကဝေဖန်ထားပါတယ်။

အောက်တိုဘာ ၂၉ ရက် သီတင်းကျွတ်ညက ပေါက်မြို့နယ်မှဦ ဗကသများအဖွဲ့ချုပ်က ဦးဆောင်ကာ ကျောင်းသားလူငယ်တွေနဲ့အတူ NUG ကြားကာလပညာရေးကို ပြန်လည်စိစစ်ပေးဖို့ တောင်းဆိုခဲ့တာဖြစ်ပါတယ်။

သတင်း - အညို၊ တည်းဖြတ် - ငြိမ်းဇော်

#မြေလတ်အသံ
#သတင်း #မြေလတ်သတင်း #ဘုတလင် #ဗကသများအဖွဲ့ချုပ် #NUG #ကြားကာလပညာရေး
https://youtu.be/FNfQO7phCJI

ရန်ကုန်မှာ ပြန်ဆုံမယ့် ရေဘဝဲတွေ (ရုပ်/သံ)

မြေလတ်အသံ၊ ဖေဖော်ဝါရီ ၂၉၊ ၂၀၂၄

အာဏာသိမ်းစစ်တပ်ကို ဆန့်ကျင်တဲ့ အနေနဲ့ ရန်ကုန်မှာပြန်ဆုံမယ် စာတန်းပါ အင်္ကျီတွေကို ရန်ကုန်မြို့ရဲ့ လူစည်ကားရာနေရာတွေမှာ ဆင်တူဝတ်ဆင်တဲ့ လှုပ်ရှားမှုတရပ်ကို ရေဘဝဲ ပြည်သူ့အကျိုးပြု လူငယ်အဖွဲ့အစည်းက ဒီနေ့ နေ့လယ်ပိုင်းမှာ လုပ်ခဲ့ပါတယ်။

စစ်တပ်ရဲ့ ပြန်ပေးဆွဲတာနဲ့ မတရားသဖြင့် စစ်သားစုဆောင်းမှုတွေကြောင့် လွတ်မြောက်ဒေသနဲ့ တခြားနိုင်ငံတွေကို တိမ်းရှောင်ကြသူတွေ၊ နိုင်ငံရေးအကျဉ်းသားတွေ၊ တော်လှန်ရေးအင်အားစုတွေ အားလုံး ရန်ကုန်မှာ အမြန်ပြန်ဆုံမယ့် ရည်ရွယ်ချက်နဲ့ ခုလို လှုပ်ရှားရတာ ဖြစ်တယ်လို့ ရေဘဝဲအဖွဲ့က ဆိုပါတယ်။

ရေဘဝဲ ပြည်သူ့အကျိုးပြု လူငယ်အဖွဲ့အစည်းဟာ ၂၀၂၁ စစ်အာဏာသိမ်းပြီးနောက် ဖွဲ့စည်းထားတဲ့ အဖွဲ့ဖြစ်ပြီး ဒီနေ့မှာ အဖွဲ့သက်တမ်း ၃ နှစ်ပြည့်ဖြစ်ပါတယ်။

#မြေလတ်အသံ
#ရန်ကုန်မှာပြန်ဆုံမယ် #ရေဘဝဲ #ဆန္ဒပြ #လှုပ်ရှားမှု #သတင်း
https://youtu.be/sIafiJUV1kQ

စစ်ကိုင်းမှာ ပစ်ခတ်ခံရလို့ ရဲ ၄ ဦးသေဆုံးပြီး လက်နက်တွေ သိမ်းဆည်းရမိ (ရုပ်/သံ)

စစ်ကိုင်း၊ မတ် ၁၂၊ ၂၀၂၄။

စစ်ကိုင်းမြို့နယ်၊ အုန်းတောကျေးရွာအနီး ရဲတွေကိုပစ်ခတ်ရှင်းလင်းခဲ့ရာ ၄ ဦးသေပြီး လက်နက်တွေလည်း သိမ်းဆည်းရမိတယ်လို့ Taw Twin Tup Pee LPDF ထံက သိရပါတယ်။

မတ် ၉ ရက် မနက် ၇ နာရီကျော်ခန့်မှာ ရွာသစ်ကြီးနယ်မြေရဲစခန်းကနေ စစ်ကိုင်း-ကျောက်ဆည်လမ်းပိုင်းက ဆိုင်ခန်းတွေနဲ့ ကုန်တင်ယာဥ်ကားတွေကို ငွေတောင်းဖို့ထွက်လာတဲ့ ရဲ ၄ ဦးပါ အိမ်စီးကားကို သတင်းအရ စောင့်ဆိုင်းပစ်ခတ်ခဲ့တာလို့ Taw Twin Tup Pee LPDF တာဝန်ရှိသူတဦးက ပြောပါတယ်။

ပစ်ခတ်မှုမှာ ၁၀ မိနစ်လောက်ခန့်သာ ကြာမြင့်ခဲ့ပြီး ကားပေါ်ပါ ရဲတပ်ကြပ်ကြီး ၁ ဦး၊ ရဲတပ်ကြပ် ၁ ဦး၊ ရဲဒုတပ်ကြပ် ၁ ဦးနဲ့ ရဲတပ်သား ၁ ဦးသေဆုံးခဲ့တယ်လို့ သူကဆိုပါတယ်။

ဒါ့အပြင် ရဲတွေကိုင်ဆောင်တဲ့ သေနတ် ၄ လက်၊ လက်ပစ်ဗုံး၊ ကျည်တွေနဲ့ကား ၁ စီး၊ ဖုန်း ၄ လုံး၊ ငွေ​ကြေးအချို့ကို သိမ်းဆည်းရမိခဲ့ပါတယ်။

အဲဒီတိုက်ခိုက်မှုကိုတော့ Taw Twin Tup Pee LPDF၊ နယ်စည်းမခြားစစ်ကိုင်းသားအဖွဲ့တို့က ပူးပေါင်းတိုက်ခိုက်ခဲ့တယ်လို့ သိရပါတယ်။

စစ်တပ်ထောက်ခံတဲ့ တယ်လီဂရမ်တွေမှာတော့ စစ်ကောင်စီစက်မှုဒုဝန်ကြီး လမ်းကြောင်းလုံခြုံရေးစောင့်နေတဲ့ ဒုရဲအုပ် ၂ ဦးအပါ ရဲ ၆ ဦးခန့် ပစ်ခတ်ခံခဲ့ရပြီး ရဲတပ်ကြပ် ၃ ဦးသေဆုံးတယ်လို့ ဖော်ပြထားပါတယ်။

သတင်း - ကျော်ကြီး၊ စာတည်း - နွေဦးငြိမ်းချမ်း၊ တည်းဖြတ် - HP

#မြေလတ်အသံ
#စစ်ကိုင်းတိုင်း #စစ်ကောင်စီ #ရဲတပ်ဖွဲ့ #ပစ်ခတ်ခံရ #သတင်း

https://youtu.be/ay6b0s9CyI0

ဝက်လက် စစ်ရှောင်ပြည်သူ ၄၀၀ ခန့် ဆေးဝါးအကူအညီ လိုအပ်နေ (ရုပ်/သံ)

ဝက်လက်၊ မတ် ၁၃၊ ၂၀၂၄။

စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်ထဲက နေအိမ်မီးရှို့ခံရပြီး စစ်ရှောင်နေရတဲ့ပြည်သူတွေ ကျန်းမာရေးချို့တဲ့နေတဲ့အတွက် ဆေးကုသပေးရာမှာ ဆေးဝါးအကူညီလိုအပ်လာပြီလို့ လွတ်လပ်သောထောက်ပို့ရေးအဖွဲ့(ရွှေဘို) ဆီက သိရပါတယ်။

နေရပ်ပြန်နိုင်ခြင်းမရှိသေးတဲ့ ရှိမ်းမကားရွာ၊ သဲဘုတ်ကြီးရွာ၊ ရွာသစ်ရွာ၊ အင်ဒေါင်းရွာ၊ အစရှိတဲ့ ရွာတွေက ပြည်သူတွေကိုမတ် ၈ ရက်က လူနာ ၁၈၀ ကျော်နဲ့ မတ် ၉ ရက်မှာ လူနာ ၂၀၀ ကျော်ကို ၂ ရက် ဆက်တိုက် အခမဲ့ဆေးကုသပေးခဲ့ရာ ဆေးဝါးပြတ်လပ်ခဲ့တာလို့ ထောက်ပို့အဖွဲ့တာဝန်ခံ ကိုနေမင်းခန့် က ဆိုပါတယ်။

ကျန်းမာရေးစောင့်ရှောက်မှုပေးရာမှာ ကလေးငယ်တွေ ဖျားနာအဖြစ်များပြီး နှာစေး၊ ချောင်းဆိုး၊ ထိခိုက်ရှနာတာတွေနဲ့ ကိုယ်ဝန်ဆောင်မိခင်တွေလည်း ဆေးကုသပေးရသလိုသက်ကြီးရွယ်အိုတွေမှာလည်း ဆီးချို၊ သွေးချို၊ သွေးတိုး ရောဂါတွေ အဖြစ်များပြီး အနာကြီးရောဂါ ဝေဒနာခံစားနေရသူတွေလည်းရှိတယ်လို့ သူကဆက်ပြောပါတယ်။

ဆေးဝါးကုသရာမှာလည်း ရွှေဘိုခရိုင်အတွင်းက CDM ကျန်းမာရေးဆရာ/မတွေက ကူညီစောင့်ရှောက်ပေးတာဖြစ်ပြီး ရွှေဘိုမြို့နယ်လွတ်လပ်သောထောက်ပို့ရေးအဖွဲ့ကလည်း ပံ့ပိုးခဲ့ရာ လမ်းခရီးလုံခြုံရေးအတွက် ဗိုလ်ကျားကြီး ပြည်သူ့ကာကွယ်ရေးတပ်ဖွဲ့က လိုက်ပါကူညီပေးခဲ့တယ်လို့ သိရပါတယ်။

ဝက်လက်မြို့နယ်အတွင်းမှာ စစ်ရှောင်နေရတဲ့ပြည်သူ ၃၀၀၀ ကျော်ရှိရာ တချို့တဝက်ကိုသာ ဆေးကုသပေးနိုင်ခဲ့ပြီး ဆက်လက်ကုသပေးဖို့လည်း ကြိုးစားလုပ်ကိုင်နေတယ်လို့ ဆိုပါတယ်။

စစ်ရှောင်ပြည်သူအများစုက ၁ နှစ်ကျော်စစ်ရှောင်နေရတာဖြစ်ပြီး နေအိမ်မီးရှို့ခံရလို့ တောတောင်တွေ ဘုန်းကြီးကျောင်း၊ စာသင်ကျောင်းနဲ့ မြစ်ကမ်းဘေးမှာ ယာယီတဲထိုးကာနေထိုင်နေကြတယ်လို့ သိရပါတယ်။

သတင်း - စောကျော်ငြိမ်း၊ စာတည်း - နွေဦးငြိမ်းချမ်း၊ တည်းဖြတ် - ငြိမ်းဇော်

#မြေလတ်အသံ
#ဝက်လက် #စစ်ရှောင်ပြည်သူ #ဆေးဝါးလိုအပ် #မြေလတ်သတင်း #သတင်း

https://youtu.be/wldW5ZatUC4

စစ်ကောင်စီအောက် စစ်မှုမထမ်းလိုသူ ၅၆ ဦး ကျောက်ဆည်ခရိုင် တပ်ရင်း ၂ မှာစစ်သင်တန်းတက် (ရုပ်/သံ)

ကျောက်ဆည်၊ မတ် ၁၃၊ ၂၀၂၄။

စစ်ကောင်စီလက်အောက် စစ်မှုမထမ်းလိုသူ ၅၆ ဦး စစ်သင်တန်းတက်ရောက်နေကြတယ်လို့ စစ်ကိုင်းတိုင်းအခြေစိုက် ကျောက်ဆည်ခရိုင် တပ်ရင်း ၂ ဆီက သိရပါတယ်။

စစ်ကောင်စီဘက်က စစ်မှုထမ်းဥပဒေကို အတည်ပြုလက်မှတ်ရေးထိုးပြီးနောက်ပိုင်းမှာ ရန်ကုန်နဲ့မန္တလေးတိုင်းတွေက လူငယ်တွေဟာ PDF အနေနဲ့တိုက်ပွဲဝင်လိုကြောင်း ဆက်သွယ်လာလို့ ခေါ်ယူခဲ့ရတယ်လို့ ကျောက်ဆည်ခရိုင် တပ်ရင်း ၂ စခန်းမှူး ကိုရင်ငြိမ်း က ပြောပါတယ်။

ဆက်သွယ်လာသူတွေထဲက အမျိုးသား လူငယ် ၅၁ ဦးနဲ့ အမျိုးသမီးငယ် ၅ ဦးကို အခြေခံစစ်ပညာသင်တန်းအဖြစ် မတ် ၆ ရက်ကစတင်ပြီး ၄၅ ရက်ကြာ သင်ကြားပေးသွားမယ်လို့ သိရပါတယ်။

စစ်ကောင်စီကို တော်လှန်လိုတဲ့ လူငယ်တွေ ထပ်မံရောက်ရှိလာလို့ ယခင်ရှိပြီးသား တပ်ဖွဲ့ဝင်အင်အားနဲ့ပေါင်းပါက များပြားလာလို့ နေထိုင်စားသောက်ရေးနဲ့ လက်နက်တပ်ဆင်ရေးမှာ ထောက်ပံ့ကူညီပေးနေကြပေမယ့် အခက်ခဲတွေကတော့ ရှိနေဆဲလို့ သိရပါတယ်။

ဝမ်းရေးပြသနာတွေနဲ့ မိသားစုအရေးကိစ္စတွေကြောင် တော်လှန်ရေးမှာ ပါဝင်ဖို့နှောင့်နှေးခဲ့ကြပေမယ့် မြို့ရွာတွေမှာ နေထိုင်လို့မရအောင် စစ်ကောင်စီဘက်က ဖိအားပေးလာတဲ့အခါမှာ တော်လှန်ရေးအဖွဲ့တွေထံကို လာရောက်ပူးပေါင်းကြတယ်လို့ ကျောက်ဆည်ခရိုင် တပ်ရင်း ၂ ဆီလာရောက်ပူးပေါင်းသူတွေက ပြောပါတယ်။

ဖေဖော်ဝါရီ ၁၀ ရက်မှာ စစ်ကောင်စီခေါင်းဆောင် မင်းအောင်လှိုင်က စစ်မှုထမ်းဥပဒေကို လက်မှတ်ရေးထိုးအတည်ပြုခဲ့ပြီးနောက် ပြည်သူ့စစ်မှုထမ်း ပထမအသုတ်ကို လာမယ့်သင်္ကြန်အပြီးမှာ စတင်သွားမှာဖြစ်ပြီး အပတ်စဉ်တခုကို လူ ၅၀၀၀ နှုန်း၊ တနှစ် လူ ၆၀၀၀၀ စစ်မှုထမ်းဖို့ ဆင့်ခေါ်သွားမယ်လို့ ထုတ်ဖော်ပြောဆိုထားပါတယ်။

စစ်မှုထမ်းဥပဒေအရ အမျိုးသားဟာ အသက် ၁၈ နှစ်ကနေ ၄၅ နှစ်အထိ၊ အမျိုးသမီးဆိုရင် အသက် ၁၈ နှစ်ကနေ ၃၅ နှစ်အထိ အနည်းဆုံး ၂ နှစ်ကနေ ၅ နှစ်အထိ စစ်မှုထမ်းရမှာ ဖြစ်ပါတယ်။

စစ်မှုမထမ်းဆောင်ဖို့အတွက် အကြောင်းအမျိုးမျိုးပြပြီး ငြင်းဆန်သူတွေနဲ့ စစ်မှုမထမ်းနိုင်အောင် ကြိုးပမ်းသူတွေကို အနည်းဆုံးထောင်ဒဏ် ၁ နှစ်ကနေ ၅ နှစ်အထိ ပြစ်ဒဏ်ချမှတ်နိုင်တယ်လို့ ပြဌာန်းထားပါတယ်။

သတင်း - ကျော်ကြီး၊ စာတည်း - နွေဦးငြိမ်းချမ်း၊ တည်းဖြတ် - HP

#မြေလတ်အသံ
#ကျောက်ဆည် #PDF #ပြည်သူ့စစ်မှုထမ်းဥပဒေ #စစ်သင်တန်း #သတင်း

https://youtu.be/L_osFsN0MZs

ဥပဒေပညာပါ သင်ကြားပေးခဲ့တဲ့ RKDF တပ်ဖွဲ့ရဲ့ အခြေခံစစ်သင်တန်းဆင်းပြီ (ရုပ်/သံ)

ကလေး၊ ဧပြီ ၂၂၊ ၂၀၂၄။

Ranger Kalay Defend Force-RKDF တပ်ဖွဲ့ရဲ့ အပတ်စဉ် ၈ အခြေခံစစ်သင်တန်းဆင်းပွဲနဲ့ စစ်ရေးပြအခမ်းအနားကို စစ်ကိုင်းတိုင်း၊ ကလေးမြို့နယ်တောင်ပိုင်း တနေရာမှာ ဧပြီလထဲမှာ ကျင်းပခဲ့တယ်ပါတယ်။

အခမ်းအနားကို အစီစဉ် ၉ ခုနဲ့ ကျင်းပခဲ့ပြီး သင်တန်းဆင်းရဲဘော်တွေက လက်နက်နဲ့ စစ်ရေးပြချီတက်တာ၊ လက်နက်မဲ့ စစ်ရေးပြချီတက်တာတွေလည်း ပါဝင်ခဲ့တယ်လို့ ဆိုပါတယ်။

အဲဒီ သင်တန်းဆင်းပွဲကို တပ်ရင်းတပ်ဖွဲ့ တာဝန်ရှိသူတွေ၊ ပြည်သူ့ရဲတပ်ဖွဲ့က တာဝန်ရှိသူတွေ၊ ကျေးရွာ ပအဖ၊ ပကဖတွေ တက်ရောက်ခဲ့ကြပြီး နယ်မြေ အခက်ခဲတွေကြားက ကျင်းပခဲ့ကြတယ်လို့ သိရပါတယ်။

“တိုက်ပွဲဖြစ်ပွားနေတဲ့ နေရာနဲ့ မလှမ်းမကမ်းမှာပဲ လုပ်ခဲ့ရတဲ့ သင်တန်းဆင်းပွဲဖြစ်တော့ လုံခြုံရေး ယူရတာတွေ၊ တခြားသော ကြိုတင်ကာကွယ်ရတာတွေ အများကြီးလုပ်ပြီးမှ ဖြစ်မြောက်လာတာ”လို့ RKDF တာဝန်ရှိသူတဦးက ပြောပါတယ်။

အ‌ခြေခံစစ်သင်တန်းကာလ ၄၅ ရက် ကြာမြင့်ခဲ့ပြီး သင်တန်းမှာ တိုက်ခိုက်ရေးနဲ့ စစ်ရေးအပြင် ဥပဒေပညာရပ်ကိုလည်း သင်ကြားခဲ့ကြတယ်လို့ ဆိုပါတယ်။

“သင်တန်းသားတွေက တိုက်ခိုက်ရေး တမျိုးထဲကိုပဲ သင်ယူရတာမဟုတ်ဘူး၊ ညစခန်းသိမ်း နေ့စခန်းသိမ်းဆိုတဲ့ ပုံစံမျိုးစုံနဲ့ သင်တန်းပေးတယ်၊ ဥပဒေပညာကိုတော့ စာတွေ့အနေနဲ့ သင်ကြားပေးတယ်၊ သင်တန်းမဆင်းခင် စာမေးပွဲတွေ ဖြေဆိုခဲ့ရတယ်။” လို့ သူက ပြောပါတယ်။

ဒါ့အပြင် သင်တန်းဆင်းပွဲမှာ စံပြဆု၊ စံပြ ဒုတိယဆု၊ ဥပဒေဆု၊ စစ်ပညာဆု၊ သေနတ်ပစ်ဆု စတဲ့ဆု ၅ဆုကို လည်း ပေးအပ်ခဲ့တယ်လို့ သိရပါတယ်။

သတင်း - ချယ်ရီ၊ စာတည်း - နွေဦးငြိမ်းချမ်း၊ တည်းဖြတ် - HP

#မြေလတ်အသံ
#ကလေး #RKDF #အခြေခံစစ်သင်တန်း #သင်တန်းဆင်းပွဲ #သတင်း

https://youtu.be/ulTwSRfOtUo