📙 Даследванне, прысвечанае Кітабу Хасяневіча

У выдавецтве Віцебскага ўніверсітэта імя П. М. Машэрава выйшла манаграфія мовазнаўцы Віктара Несцяровіча “Мірадж-намэ” з Кітаба Абрагіма Хасяневіча (1832)”👍

У навуковай працы прыводзіцца беларускамоўны варыянт асманскага рэлігійнага твору у кірылічнай транслітарацыі. Таксама пададзены пераклад на сучасную беларускую мову, даецца характарыстыка пісьма, правапісу і мовы гэтага тэксту.🔥🔥🔥

👉 Шукайце ў Акадэмкнізе.

#палічка

🎧 "Літаратурныя зацемкі" - новы выпуск

Сяргей Дубавец новым выпуску “Літаратурных зацемак” дзеліцца ўражаннямі раману Гінтараса Граяўскаса “Гісторыі пра адважнага рыцара Тэнксалота і дракона містэра Кайндлі”, які выйшаў у новым выдавецтве Surma ў перакладзе на беларускую Сабіны Брыло. 👍👍👍

Алегарычнная казка для дарослых пра годнасць, сяброўства, выбар між “біць альбо не біць” і пошукі свайго дракона.🔥🔥🔥

👉 Слухаць тут - https://m.youtube.com/watch?v=6iBVjlFjkyw

#аўдыё

⭐️ "Традыцыйны светалад беларусаў" - сустрэча з аўтарамі

21 жніўня Літаратурны музей Максіма Багдановіча запрашае на сустрэчу з аўтарскім калектывам серыі “Традыцыйны светалад беларусаў” - Ірынай Дубянецкай, Дзмітрыем Скварчэўскім, Аленай Крупадзера і мастаком Максімам Храпавіцкім.👍👍👍

Ужо пабачылі свет кнігі пра касмалогію, народную тэалогію, чалавека і грамадства.🔥🔥🔥

Выданні серыі - багата ілюстраваныя трохмоўныя выданні на беларускай, рускай і англійскай мовах асвятляюць асноўныя ідэі беларускай этнафіласофіі і папулярызуюць дасягненні айчыннай гуманітарнай навукі. Тэксты кнігі з’яўляюцца выдатным дапаможным матэрыялам для навучальнай і выхаваўчай працы, а таксама знаёмства замежнікаў з беларускім светабачаннем.👍👍👍

❗️Пачатак а 19:00

#анонс

Паварот да Горадна

Ізноў я тут. Цябе вітаю,
Мой родны Горадзен стары!
Ізноў па вуліцах лятаю
Да самай позняе пары.

З цябе нацешыцца няможна
Пасля разлукі ў тры гады!
Як міла плітачка тут кожна,
Дамы, бульварчыкі, сады.

Хрыбты мастоў пераламаных.
Ахвяры скончанай вайны,
Шкада мне вас, параскіданых,
Ўдалыя Нёмнавы сыны!

І ты - нямога пасяджэння
Магутны замак - як жывеш?
Праб'е часіна адраджэння -
Ізноў ты, мілы, загудзеш!

А ты... ты - Нёман бела-сіні...
Ой, як харошы, дарагі!
Старыя хвоі, як багіні,
Твае бароняць берагі.

Цяпер нядоляй пілігрыма
Сюды загнаны незнарок,
Твой быстры бег лаўлю вачыма,
Гляджу і ўдоўж, і ўпапярок.
. . . . . . . . . . . . . . . . . . . . . . . .
Вітай жа, Горадзен, дзяціну
Тваіх муроў, твае раллі,
Хоць ты прытулішчам будзь сыну -
Выгнанцу роднае зямлі!

1918

Макар Краўцоў

#вершдня

⭐️ Тыдзень беларускай культуры ў Вільні

З 1 па 7 верасня Віленскі беларускі музей імя І. Луцкевіча (Vilniaus, 20) запрашае на Тыдзень беларускай культуры. 👍👍👍

Увесь тыдзень (01-07.09.)
✔️ Выстава «Літаратурны мапінг Вільні і Менска» - мапы, гісторыі, «вакенцы», якія можна адчыняць, архіўныя фота і інтэрактывы.
Аўторак
✔️ Філасофскі салон
✔️ Дзіцячы майстар-клас «Мая краіна мары — Беларусь»
Серада
✔️ Майстар-клас для дарослых «Маё імя ў трох алфавітах»
Чацвер
✔️ Імерсіўная прастора «Мой дом там, дзе сэрца», майстар-клас «Тут я пачуваюся дома»
Субота
✔️ Камерны вечар беларускай і еўрапейскай класічнай музыкі.
Нядзеля (07.09.)
✔️ Дзень адчыненых дзвярэй - сустрэча з камандай музею.

#анонс

⭐️ Беларускія спектаклі ў Польшчы

Беларуская прадзюсерская ініцыятыва INEXKULT запрашае на два спектаклі па творах беларускіх аўтараў - "Шэпт" паводле кнігі Сяргея Лескеця і "Па што ідзеш, воўча?" Евы Вежнавец. 👍👍👍

👉 Паказы пройдуць у Варшаве і Гданьску ў верасні і кастрычніку.

А ў снежні абяцаюць паказаць і "Радзіва Прудок" па аднайменным творы Андрэя Горвата. 🔥🔥🔥

👉 Ужо адкрыты продаж квіткоў

#анонс

⭐️ Беларуская школа ў Варшаве

Адукацыйная пляцоўка — Беларуская школа ў Варшаве - прапануе навучанне дзецям з любой краіны свету і запрашае далучыцца да заняткаў у новым навучальным годзе 2025 — 2026 г. 👍

У школе арганізуюцца дадатковыя заняткі да адукацыі краіны пражывання па беларускім кампаненце прадметаў: мова і літаратура, гісторыя, мастацтва Беларусі і інш. 🔥🔥🔥

Анлайн-заняткі ў 1-10 класах праводзяцца два разы на тыдзень.
На афлайн-занятках (у суботу да 5 гадзін на тыдзень), яны праводзяцца ў Беластоцкай, Варшаўскай, Гданьскай і Кракаўскай філіях, можна наведваць мастацкія гурткі, вучыцца беларускім танцам і гульням, ладзіць батлейкавыя спектаклі, удзельнічаць у народных святах.👍👍👍

👉 Запоўніць анкету каб далучыцца

#анонс

Памёр Віктар Вабішчэвіч

Паэт Віктар Вабішчэвіч нарадзіўся ў 1960 г. у в. Рубель на Століншчыне.
📌 Скончыў гістарычны факультэт БДУ.
📌 Выкладаў гісторыю і мастацкую культуру ў школах Століншчыны і ў Давыд-Гарадку.
📌 Першыя вершы з’явіліся ў друку ў 1977 г. Творы друкаваліся ў газетах “Навіны Палесся”, “Заря”, “Народная трыбуна”, “Настаўніцкая газета”, часопісах “Роднае слова”, “Маладосць”, “Полымя”, “Першацвет”, калектыўных зборніках “Вусны” (1985), “Квадра” (1990) і інш.
📌 Аўтар кніг паэзіі “Чорны боль” (2003), “Кахаю і люблю” (2006), “Уражанне” (2009), “ORBI” (2012). Лаўрэат літаратурнай прэміі імя У.А.Калесніка (2010).

Спачуваем сябрам і блізкім спачылага.

#угэтыдзень

📙 “Silva Rerum” па-беларуску

Выйшлі дзве першыя кнігі гістарычнага рамана “Silva Rerum” літоўскай пісьменніцы Крысціны Сабаляўскайце.👍👍👍

Раман — гэта вялікі, захапляльны і панарамны гістарычны твор.
Silva Rerum — з лаціны “лес рэчаў”, папулярны ў XVI—XVIII стст. сярод літоўскай шляхты жанр, “сямейная кніга”, якая перадавалася з пакалення ў пакаленне, дзе запісваліся важныя жыццёвыя падзеі. 🔥🔥🔥

Цыкл гістарычных раманаў “Silva rerum” Крысціны Сабаляўскайце — адна з самых значных падзеяў у літоўскай літаратуры апошніх дзесяцігоддзяў. Кніга будзе безумоўна цікавая і беларускаму, бо гісторыя ў ёй - нашая супольная гісторыя.🔥🔥🔥

Выдавецтва Vesna books, пераклад - Сяргей Шупа.👍👍👍

#палічка

Прыказка на кожны дзень

Што Бог прызначыць, таго ніхто не перайначыць.🧐

#гаворка

📙 "Дзённікі" кс. Міхала Сапоцькі

У выдавецтве "Тэхналогія" выйшла кніга "Дзённікі" ксяндза Міхала Сапоцькі. 👍👍👍

Ксёндз Міхал (1888-1975) беатыфікаваны беларускі каталіцкі святар. Народжаны на Валожыншчыне, служыў на Віленшчыне з 1924 да 1947 года.
📌 У віленскі перыяд Міхал Сапоцька быў прызначаны спачатку вайсковым капеланам і садзейнічаў адбудове касцёла св. Ігнацыя, потым стаў духоўным айцом Мітрапалітальнай духоўнай семінарыі. З 1928 — прафесар тэалагічнага факультэта Віленскага ўніверсітэта.
📌 Быў спаведнікам св. Фаўстыны Кавальскай і заснавальнікам Кангрэгацыі Сясцёр Міласэрнасці Ісуса Хрыста.
📌 Пасля Другой сусветнай вайны — прафесар у духоўнай семінарыі ў Беластоку.

#палічка

⭐️ "Знак бяды": лёс кінафільма

27 жніўня Музей гісторыі беларускай літаратуры запрашае на аўтарскую лекцыю Змітра Юркевіча пра лёс вядомай мастацкай стужкі "Знак бяды".👍👍👍

У 1982 г. Васіль Быкаў паставіў кропку ў аповесці “Знак бяды”. Пазней крытыкі назавуць яе самым антываенным творам пісьменніка. Так сталася, што адным з першых чытачоў рукапіса аповесці аказаўся Міхаіл Пташук. Рэжысёр убачыў у творы лёс сваёй маці, сваёй сям’і. З гэтага моманту і пачынаецца адлік у гісторыі стварэння знакавага фільма Міхаіла Пташука, які пазней будзе прызнаны ці не самым важным у гісторыі беларускага кінематографа. І не толькі беларускага, бо ён трывала займае пазіцыю у топ-10 лепшых фільмаў пра вайну.🔥

❗️Пачатак а 19:00

#анонс

Моўны момант

Прапануем спраўдзіць маленькі "інструментальны" слоўнічак - усім, хто заняты на выходных гаспадаркай - спатрэбіцца.🧐

#гаворка

🗞 "Літаратурная Беларусь" - жнівеньскі выпуск

На старонках:

📌 ПАМЯЦЬ: артыкул Сяргея ЧЫГРЫНА “Паэт і журналіст Уладзімір ШУРПА”
📌 АСОБА: эсэ Людмілы АНДЗІЛЕЎКА “Насоўка Анатоля СЫСА”
📌 АБРАЗКІ: нататкі Лявона ВАЛАСЮКА “Белыя адзенні”
📌 ПРОЗА: апавяданне Віктара ВАРАНЦА “Выгадная прапанова”
📌 ПАЭЗІЯ: нізка вершаў Васіля ДЭБІША “Матулін крок”
📌 ЧЫТАЛЬНЯ: раздзелы з новага рамана-ўтопіі Міхася ЗІЗЮКА “Рэінкарнацыя”
📌 ПРОЗА: апавяданне-быль Алеся ГІБОК-ГІБКОЎСКАГА “Сымонка-верхалаз”
📌 ПОВЯЗЬ: літаратуразнаўчыя развагі Алеся АКУЛІЧА “Формула супраціўлення. Па старонках прозы Юркі ВІЦЬБІЧА”
📌 ГІСТОРЫІ: артыкул Андрэя ЦУНСКАГА “Стэндаль: драгун — інтэндант — класік”
📌 СВЕТ: навіны і цікавосткі літаратурнага замежжа

#палічка

✏️ "Перамена месцаў" Югасі Каляды - водгукі

Працягваем знаёміць вас з новымі чытацкімі водгукамі з партала "Новыя беларускія кнігі".

"Не люблю камедый становішчаў. Тыя ж знакамітыя “У джазе толькі дзяўчаты”, яшчэ шэраг фільмаў, дзе аднаго прымаюць за другога. І ў літаратуры не люблю падобнага: вось звычайнага чалавека пераблыталі са шпіёнам і завярце… Па мне – дзяшовы прыём.
Таму быў у лёгкім шоку ад галівудскага, заезджанага літаральна сюжэту, які скарыстоўвае Югася Каляда ў сваёй новай кнізе: жанчыны мяняюцца целамі. Ды яшчэ якія – суддзя і недалёкая ў розуме хатняя работніца. І недзе нават пашкадаваў аўтарку: як жа няпроста будзе пераканаць чытача, падобнага мне, у вартасці патраціць час…

Але чытаць я пачаў..."

👉 Цалкам

#крытыка

🎧 "Літаратурныя зацемкі" - новы выпуск

Сяргей Дубавец у падкасце “Літаратурныя зацемкі” дзеліцца развагамі пасля прачытання новай кнігі Андрэя Горвата “Дом” (Вільня, 2025).

👉 Выпуск можна паслухаць тут - https://m.soundcloud.com/bellit-info/litaraturnyja-zatsemki-vypusk-15?utm_source=clipboard&utm_medium=text&utm_campaign=social_sharing

#падкаст

⭐️ "Літаратурнае чаяванне" ў Музеі Коласа

28 жніўня па шматлікіх просьбах гасцей, унучка Якуба Коласа Марыя Міцкевіч зноў запрашае вас у дом Песняра, каб распавесці про сямейныя традыцыі, паказаць фотаздымкі сям'і, пачытаць вершы і адказаць на пытанні, якія кожны дзень цікавяць наведвальнікаў! 👍👍👍

На сустрэчы вы дазнаецеся, які характар быў у класіка беларускай літаратуры? Якія сямейныя традыцыі захоўвае сям’я да сённяшняга дня? І шмат іншых сакрэтаў.🔥🔥🔥

❗️Пачатак а 18.00
❗️❗️Кошт - 30 рублёў.
👉 Папярэдні запіс абавязковы:

#анонс

⭐️ Доўгі спіс прэміі Гедройця

Агучаны доўгі спіс намінантаў на званне лепшай празаічнай кнігі 2024 г. Сёлета ў яго ўвайшлі:

1. “Мое баба – Діректор морга” — Вольга Аполька (самвыд);
2. “Ад двух да пятнаццаці. Мая мама ў турме” — Вольга Вялічка (Gutenberg Publisher);
3. “Вольнеры. Бясконцы дзень” — Валер Гапееў (“Янушкевіч”);
4. “Гульні Цырцэі. Раман” — Зміцер Дзядзенка (Kamunikat);
5. “Занзібар. Сталенне маладой душы” — Сяргей Дубавец (“Вясна”);
6. “Стрыжэ і піша” — Сяргей Календа (Gutenberg Publisher);
7. “Перамена месцаў” — Югася Каляда (“Пфляўмбаўм”);
8. “Там, дзе няма цемнаты: Радыё Свабода” — Аляксандр Лукашук (“Вясна”);
9. “Апошняе пакаленне” — Макар (“Янушкевіч”);
10. “Жыццё ў дванаццаці апавяданнях” — Аляксей Правалоцкі (“Янушкевіч”);
11. “Раз на дваццаць пяць тысяч гадоў” — Анка Упала (Alena Kazlova);
12. “Гвалт” — Аляксандр Чарнуха (“Янушкевіч”);
13. “Забойства на вуліцы Макаёнка” — Клёк Штучны (“Янушкевіч”).

#навіны