#طنز «کرونا»
تؤف به رۊ یه این کرؤنا، ریک‌ئچی دندۊن بِمۊ
صد تا درد دَیّه اما جه درد ٚبی‌درمۊن بِمۊ
اۊنجه کافر خئل بیئه، دین ناشتنه دَکّل وشۊن
اینوری خاسّه بیئه، چه مِلک ٚ مِلّائۊن بمۊ
چَن تا چینی شئخ کِتِه، دَینه اِمۊنه اینوَری
این کِرؤنا هم وشون ٚپه، قؤم ٚمهمون بمۊ
شیخ ٚخۊ بَییه چَکۊ خۊچِک نَزننه رۊز آ شۊ
مَهر دره اۊسّی دله، گَل دانّه شه تنبۊن بمۊ
نسخه‌ یه رفع ٚبلا دیّه وشۊن ٚدس همش
این بلا اۊن رۊز امۊ، چارقؤل نخۊنّس‌بۊن بمۊ
اتتا گب دارمه سؤال کممه مره بوّین جواب
راسی این شۊپرپری، افتاب ٚکِل بیرۊن بمۊ
کۊر بئی چش انتخابات ٚ گِدِر وسسه بیئه
یا که رأی خاسسه بئیره یکدفه میدۊن بمۊ
جان ٚمن جان ٚخدا، کننی اماره امتحان
چه بلا هسسه سر ٚمه دین ؤ مه ایمۊن بمۊ
هی گرۊنی هی گرۊنی، ارزۊنی ارمۊن ٚدل
چه کرؤنا یکدفه مه مملکت ارزۊن بمۊ
مرگ ٚته مه کِر ره نَئی، بل مه نَفِس بیئه بۊره
درد ٚلبنان ٚجا قبلا دل‌دهۊن جا خۊن بمۊ

✍ #کاظم_صداقتی_سوادکوهی (بورخانی)
@savadkohmp
@gilaki_learning