DIPLOMASIA: Siku kadhaa baada ya Rais wa Marekani, #DonaldTrump kuwaonya raia wa #Iran waliopo Mji wa Tehran kuhama, kwa kile alichoeleza kutakuwa na mashambulizi yanayoweza kufanyika katika eneo hilo, amedai Marekani ina udhibiti wa anga la Iran

Kupitia Mtandao wa Truth Social, Trump ameandika “Marekani sasa inadhibiti kikamilifu anga la Iran. Iran ilikuwa na vifaa vizuri vya kufuatilia anga na ulinzi wa kutosha na vingi lakini haviwezi kulinganishwa na ‘vitu’ vilivyotengenezwa na Wamarekani. Hakuna anayefanya vizuri zaidi ya Marekani.“

Ameongeza “Tunajua kwa uhakika kabisa alipojificha huyo anayeitwa ‘Kiongozi Mkuu’ (akimaanisha Ayatollah Ali Khamenei). Ni mlengwa rahisi, lakini yuko salama pale alipo hatutamwondoa (kumuua!), angalau si kwa sasa. Hatutakubali makombora yaelekezwe kwa raia au kwa Wanajeshi wa Marekani. Subira yetu inaanza kuisha. Asanteni kwa kulipa hili uzito!”

Soma https://jamii.app/MarekaniKumilikiAngaIran

#JamiiAfrica #JamiiForums #JFMatukio

Mdau wa JamiiForums.com ametoa wito kwa mamlaka husika kushughulikia kero ya mazingira duni ya vyoo vya Stendi Kuu ya Mkanaledi ya Mtwara, akidai hali hiyo inahatarisha #Afya za Watumiaji na wanavyovizunguka

Soma https://jamii.app/VyooVichafuMkanaledi

#JamiiForums #JamiiAfrica #Accountability #Uwajibikaji #JFMdau2025

Kupitia Televisheni ya Taifa ya Iran, Wananchi wamehimizwa kuondoa programu ya #WhatsApp kwenye Simu zao, ikidaiwa (bila ushahidi wowote wa moja kwa moja) kuwa programu hiyo inakusanya taarifa za Watumiaji na kuzipeleka kwa #Israel

Katika taarifa yake, Kampuni ya #Meta ambayo inamiliki WhatsApp imesema “Tunasikitishwa na ripoti hizi za uongo ambazo huenda zikatumiwa kama kisingizio cha kuzuiwa kwa Huduma zetu wakati Watu wanazihitaji zaidi.”

Serikali ya #Iran imekuwa ikizuia upatikanaji wa Mitandao mbalimbali ya Kijamii kwa Miaka mingi, lakini Watu wengi nchini humo hutumia mbinu za kukwepa vizuizi hivyo kama #proxies na Mitandao Binafsi ya Intaneti (VPNs) ili kuendelea kupata Huduma

Mwaka 2022, Iran ilipiga marufuku WhatsApp na Google Play wakati wa Maandamano makubwa ya kupinga Serikali yaliyotokana na kifo cha Mwanamke aliyekuwa ameshikiliwa na Polisi wa Maadili wa Nchi hiyo. Marufuku hiyo iliondolewa mwishoni mwa Mwaka 2024

Soma https://jamii.app/IranVSWhatsApp

#JamiiForums #JamiiAfrica #Governance

DIPLOMASIA: Kufuatia tangazo la Rais wa Marekani Donald Trump kuhusu kutaka nchi 36 (ikiwemo Tanzania) kufanyia kazi baadhi ya mambo ya kiuhamiaji ambayo yanaweza kusababisha raia kuzuiwa kuingia Marekani, Msemaji Mkuu wa Serikali, Gerson Msigwa amesema Serikali ya Tanzania imeanza mashauriano

Amesema, Serikali ya Tanzania kupitia Wizara ya Mambo ya Nje, imeanza kufanya mashauriano na wenzao upande wa Marekani kujua maeneo ambayo yanatakiwa kufanyiwa maboresho, hususani yanayohusiana na masuala ya kikonselii ili kuharakisha Tanzania isiwe moja ya nchi zitakazozuiwa kuingia Marekani

Tamko la Serikali linakuja baada ya Donald Trump kutaka nchi 36 kufuatilia na kutoa taarifa kabla ya Julai 18, 2025, kuhusu utayari wa nchi zao kuboresha hati za usafiri kwa raia wao, pamoja na kuchukua hatua kuhusu raia wao walioko Marekani kinyume cha sheria

Soma https://jamii.app/TanzaniaMazungumzoMarekani

#JamiiForums #JamiiAfrica #Diplomasia