DAR: Chama cha Demokrasia na Maendeleo (#CHADEMA) kimetoa taarifa kuwa baadhi ya akaunti zao rasmi za Mitandao ya Kijamii zimedukuliwa

Taarifa imeeleza ”Tunaarifu kuwa akaunti zetu za X (zamani Twitter) - ChademaTZ na YouTube - Chadema Media zimeingiliwa na Wadukuzi, taarifa rasmi za CHADEMA zinapatikana kupitia akaunti ya muda ya X: @ChademaTZ2”

Imeongeza “Tunaendelea kuchukua hatua za kiusalama na Kisheria kurejesha udhibiti, kwa sasa, tunaomba wafuasi wawe makini na kupuuza taarifa zinazochapishwa kwenye akaunti zilizodukuliwa hadi tutakapotoa taarifa rasmi ya kurejesha udhibiti.”

Soma https://jamii.app/CHADEMAKudukuliwa

#JamiiForums #Accountability #JFDigital #Kuelekea2025

DODOMA: Tume ya Haki za Binadamu na Utawala Bora (THBUB) imetoa wito kwa Jeshi la Polisi kutekeleza wajibu wake wa kulinda Usalama wa Raia na Mali zao na liendelee kuwasaka na kuwachukulia hatua za kisheria waliohusika na kujeruhiwa kwa Padri Charles Kitima, waliomteka Faluka Nyagali (Mdude)

Pia, imetoa wito kwa Msajili wa Vyama vya Siasa, awatake Viongozi wa Vyama vya Siasa kuzingatia matakwa ya Katiba na Sheria katika shughuli zao, pia Serikali iendelee kukaa na Wadau wa Demokrasia katika kuzitafutia ufumbuzi changamoto zinazojitokeza

Soma https://jamii.app/TamkoLaTHBUB

#Uwajibikaji #Accountability #JamiiForums

DAR: Mahakama ya Hakimu Mkazi Kisutu imekubaliana na hoja za upande wa utetezi na sasa shauri linalomkabili Mwenyekiti wa #CHADEMA Taifa, Tundu Lissu halitaendeshwa kwa njia ya Mtandao badala yake Lissu atafikishwa Mahakamani hapo

Uamuzi huo umetolewa wakati wa mchakato wa kuendesha kesi hiyo kwa njia ya Mtandao, leo Mei 6, 2025 ambapo Mahakama ilikuwa inatoa maamuzi ya mapingamizi yaliyowekwa na Mawakili wa Lissu wakiongozwa na Wakili Dkt. Rugemeleza Nshala

Uamuzi huo umetolewa leo na Hakimu Mkazi Mkuu Godfrey Mhini kwenye shauri la kuchapisha taarifa za uongo mtandaoni likiwa ni shauri la 2 linalomkabili Lissu

Soma https://jamii.app/LissuKufikishwaMahakamani

#JamiiForums #Siasa #Democracy #Kuelekea2025

Mdau wa JamiiForums.com anasema anaipenda Kazi yake lakini hajui atumie mbinu gani kumwambia Mwajiri wake ukweli kuhusu tabia inayomkera ya kumgombeza mbele za Wateja

Hebu mpe Mdau ushauri wa kutatua changamoto hiyo

Mjadala zaidi https://jamii.app/BosiUkweliTabia

#JamiiForums #JamiiAfrica #Maisha #JFChitChats #JFStories

ZANZIBAR: Chama cha #ACTWazalendo kimesema kinawasilisha malalamiko rasmi dhidi ya kauli na agizo la Mkuu wa Mkoa wa Mjini Magharibi-Unguja, Idrisa Kitwana Mustafa aliyoitoa Aprili 24, 2025 ya kuwataka Watumishi wa Umma wanaoishi Mkoani hapo kumkabidhi nakala za Vitambulisho vyao vya Kupigia Kura

Msemaji wa Ofisi - Kamati ya Wasemaji wa Kisekta - Zanzibar, Hamad Mussa Yussuf amesema “Kauli hiyo inaelekeza matumizi mabaya ya madaraka kwa nia ya kuwatisha na kuwavunjia heshima Watumishi wa Umma, hivyo kuondosha dhana ya msingi wa Utawala Bora na dalili za kuingilia Uchaguzi Mkuu wa 2025.”

ACT imetoa wito kwa Tume ya Haki za Binadamu na Utawala Bora Kukemea hadharani kauli hiyo, Kufanya uchunguzi huru na wa haraka na kutoa mapendekezo ya hatua stahiki, Kumtangaza RC Idrisa kuwa amekiuka misingi ya Utawala Bora na Haki za Binadamu, hivyo hastahili kuendelea kushika nafasi ya Uongozi wa Umma.

Soma https://jamii.app/ACTDhidiYaRC

#JamiiForums #Accountability #Siasa #Kuelekea2025 #UchaguziMkuu205