Amani ni zawadi ya thamani isiyolipika. Hakuna mafanikio, uhusiano au nafasi yoyote inayostahili kuipoteza

Chagua yale yanayokuinua, yanayokutuliza na yanayokusaidia kuwa toleo bora la 'wewe'

#JamiiForums #JamiiAfrica #Goodmorning #AmkaNaJF #Maisha

#HUDUMAZAKIJAMII: Naibu Waziri Mkuu na Waziri wa Nishati, Dkt. Doto Biteko jana, Aprili 29, 2025 akihitimisha kujibu hoja za Wabunge waliochangia Hotuba ya Bajeti ya Wizara hiyo kwa Mwaka wa Fedha 2025/2026, amesema hakuna jambo linakera Wananchi kama kukatikiwa na Umeme

Amesema "Hakuna jambo linakera Wananchi kama kukatika Umeme hasa kama hawajapewa taarifa na ndio maana tumeamua Kituo chetu cha Huduma kwa wateja tukiimarishe, Umeme unapokatika Watu wapewe taarifa. Tumeamua kila Wilaya na kila Mkoa kuwe na 'magroup' ya WhatsApp, Meneja awe 'admin' kwenye yale magroup kwaajili ya kuwapa taarifa Watu".

Vipi Mdau, upo kwenye 'group' la TANESCO la Wilaya au Mkoa unaoishi? Mara yako ya mwisho kupata taarifa ya kukatika kwa Umeme ni lini?

Mjadala https://jamii.app/KukatikiwaUmeme

#JamiiAfrica #JamiiForums #Governance #Uwajibikaji #ServiceDelivery

Chama cha Demokrasia na Maendeleo (CHADEMA) kupitia Katibu Mkuu wake, John Mnyika kimetoa wito kwa Mkuu wa Jeshi la Polisi Nchini (IGP), Camillus Wambura kuwajibika kutokana na tukio la Wanachama na Viongozi wa Chama hicho kudaiwa kukamatwa, kupigwa na kuumizwa na Polisi

Mnyika amesema "Tunamtaka Mkuu wa Jeshi la Polisi Tanzania (IGP), kama haya matendo hayana baraka zake ajitokeze yeye mwenyewe atoe taarifa kwa Umma, juu ya matukio ya kupigwa, kuteswa na kuumizwa kwa Wanachama na Viongozi wa CHADEMA, akitaja idadi halisi, akitaja sababu ya hali hizo na kuwajibika kutokana na hayo"

Zaidi https://jamii.app/MnyikaPressApr30

#JamiiForums #Uwajibikaji #HumanRights #Governance #Democracy

Katibu Mkuu wa Chama cha Demokrasia na Maendeleo CHADEMA, John Mnyika amewaonesha Waandishi wa Habari, video ya mtu aliyemtaja kwa jina la Noel akiwa amelala chini baada ya kudaiwa kupigwa rungu la kichwa, kung'atwa na mbwa na kuvunjwa Mguu na Polisi katika eneo la Mahakama ya Kisutu, Aprili 24

Zaidi https://jamii.app/UshahidiCHADEMA

#JamiiAfrica #JamiiForums #Governance #Accountability #Uwajibikaji

Chama cha Demokrasia na Maendeleo (CHADEMA) kupitia Tawi lake la Bonyokwa kimemvua rasmi uanachama John Mrema aliyekuwa Mkurugenzi wa Itifaki, Mawasiliano na Mambo ya Nje wa chama hicho kwa tuhuma za utovu wa nidhamu, dharau kwa mamlaka halali za chama na kukaidi misingi na maadili ya Chama

Kwa mujibu wa barua rasmi ya Aprili 30, 2025 iliyosainiwa na Katibu wa Tawi, Solomini Kagaruki ni kuwa Kamati Tendaji ya Tawi hilo ilikutana Aprili 29, 2025 na kufikia uamuzi huo kwa mujibu wa Katiba ya CHADEMA ya mwaka 2006, toleo la 2019, ibara ya 5.4.3.

Miongoni mwa Tuhuma dhidi ya Mrema ni pamoja na kusambaza barua ya Wito ya Kamati ya Nidhamu kwenye mitandao ya kijamii badala ya kuitikia rasmi. Hata hivyo, Mrema amepewa haki ya kukata rufaa kwa ngazi ya juu endapo hataridhika na uamuzi huo

Zaidi https://jamii.app/JonMremaCDM

#JamiiForums #JamiiAfrica #Democracy #Accountability

Baada ya kusambaa kwa taarifa za kushambuliwa kwa Katibu wa Baraza la Maaskofu Katoliki Tanzania (TEC), Padre Charles Kitima na Watu wasiojulikana, usiku wa jana Aprili 30, 2025, Jeshi la Polisi limesema linamshikilia Rauli Mahabi “Haraja”, Mkazi wa Kurasini kutokana na tukio hilo na uchunguzi unaendelea

Kamanda wa Polisi Kanda Maalum ya Dar es Salaam, Jumanne Muliro amesema tukio limetokea Saa Nne Usiku maeneo ya TEC - Kurasini, Temeke na kwamba alishambuliwa kichwani na kitu butu akiwa maliwatoni pembeni ya kantini

Muliro amesema Padre Kitima anaendelea na matibabu katika Hospitali ya Aga Khan

Soma https://jamii.app/KitimaUpdates

#JFMatukio #JamiiForums #Governance #HumanRights