DAR: Mkuu wa Mkoa, Albert Chalamila amethibitisha kuwa miili mitatu imetolewa chini ya Lori lililoanguka katika eneo la Kimara Stop Over mpaka kufikia majira ya saa 9 Usiku wa kuamkia leo (Februari 14, 2025)

Pia, Bodaboda sita zimetolewa chini ya Lori hilo ambalo liliacha njia na kuparamia Abiria na Madereva wa Bodaboda waliokuwa pembezoni mwa Barabara

Chalamila amesema walifanikiwa kulinyanyua Lori kwa zaidi ya asilimia 95% na taarifa zaidi za Ajali hiyo zitaendelea kutolewa na Jeshi la Polisi

Soma https://jamii.app/AjaliLoriStopOver

Video Credits: Clouds TV

#JamiiForums #JFMatukio

KILIMANJARO: Mdau wa JamiiForums.com kutokea Kitefure Longuo A, Moshi Vijijini anasema eneo hilo lina changamoto ya kutokuwa na Huduma ya Maji hali ambayo inaathiri Watu wengi huku ikiwa imedumu kwa muda mrefu sasa

Ameomba Mamlaka husika kushughulikia changamoto hiyo kwasababu kuna wakati Maji yanapatikana mara moja kwa Wiki au baada ya Siku 9 - 10

Soma https://jamii.app/KitefureMajiHakuna

#JamiiForums #HudumaZaKijamii #ServiceDelivery

Kabla Mshukiwa hajakamatwa na Polisi ana Haki ya kuelezwa kwanini anakamatwa. Aidha, Polisi mkamataji ni lazima ajitambulishe na kueleza kituo cha Polisi anachotoka

Raia aliyekamatwa ana Haki ya kuomba na kupewa dhamana wakati akiwa Kituo cha Polisi endapo kosa lake linastahili dhamana

Pia, ana Haki ya kufikishwa Mahakamani katika muda usiozidi Saa 24 tangu alipokamatwa na kufikishwa kituo cha Polisi

Soma zaidi https://jamii.app/HakiKukamatwaPolisi

#JamiiForums #HakiZaKiraia #CivilRights #HumanRights #KesiYaHaki #HakiZaBinadamu #UtawalaWaSheria

DODOMA: Jana, Februari 13, 2025, Waziri wa Fedha, Dkt. Mwigulu Nchemba aliwasilisha mapendekezo ya nyongeza ya Tsh. bilioni 945.7 kwenye Bajeti Kuu ya Serikali ya 2024/25 kutoka kwenye ile ya awali ya Tsh. Trilioni 49.3 iliyowasilisha Bungeni Juni 13, 2024

Leo Februari 14, 2025 Wabunge watajadili kuhusu Mapendekezo hayo pamoja na Muhtasari wa Tamko la Sera ya Fedha – Mapitio ya Nusu Mwaka 2024/2025.

Soma https://jamii.app/NyongezaBajeti

#JamiiForums #Governance

ARUSHA: Waziri wa Nchi, Ofisi ya Rais, Menejimenti ya Utumishi wa Umma na Utawala Bora, George Simbachawene amesema kwa mujibu wa utafiti uliofanywa hivi karibuni na Tume ya Utumishi wa Umma Nchini umebainika zaidi ya asilimia 40 ya Watumishi wa Umma hawafanyi kazi licha ya kulipwa mshahara kila Mwezi

Amefafanua kuwa kwa mujibu wa tafiti hiyo, Wavivu, Wazembe, Wagonjwa pamoja na waliosusiwa kutokana na Vipaji na Uwezo wao ni asilimia 40 ya Watumishi wanaolipwa pasipo kufanya kazi

Aidha, Simbachawene amesema kumeibuka tabia ya baadhi ya Watendaji Wakuu hao pindi Mtumishi mwenye sifa za ziada anapohamia kwenye Taasisi anayoiongoza hupata hofu na kutompangia Majukumu kwa Hisia kuwa ametumwa kumchunguza au kuchukua nafasi yake

Soma zaidi https://jamii.app/WatumishiUmmaLazy

#JamiiForums #Governance #Uwajibikaji #Accountability

DAR: Baada ya kushushwa na #Simba katika nafasi ya kwanza, #Yanga imerejea kwa kishindo katika nafasi hiyo kwenye Msimamo wa Ligi Kuu Bara kwa kuitandika KMC magoli 6-1 kwenye Uwanja wa KMC

Wafungaji wa Yanga ni Prince Dube (11), Ki Aziz (17, 49, 56), Maxi Nzengeli (90) na Israel Mwenda (90+3) wakati Redemtus Mussa alifunga Goli la #KMC katika dakika ya 51

Yanga imefikisha pointi 49 ikiwa na michezo 19, ikiishusha Simba ambayo ina pointi 48 katika michezo 18 wakati KMC imebaki nafasi ya saba ikiwa na alama 22

Soma https://jamii.app/KMC1Yanga6

#JFSports #JamiiForums #JFLigiKuu25

Bill Nye, Raia kutoka Nchini Marekani anasema Kupiga kura ni nguvu yako kama Raia, Dunia inahitaji Watu wanaotaka kuifanya kuwa mahali pa Haki kwa wote.

#HakiYaKupigaKura #Demokrasia #JamiiForums #HakiZaKiraia #CivilRights #HumanRights #Democracy

Mdau umepokea mualiko au zawadi gani katika kuadhimisha sikukuu ya Wapendanao?

Mjadala zaidi https://jamii.app/ValentineDayCelebrations

#JamiiForums #LifeStyle #ValentinesDay2025

Kila unapopokea au kutoa rushwa, unahujumu maendeleo yako binafsi, jamii yako, na taifa kwa ujumla

Rushwa inaharibu mifumo ya haki, inavunja ndoto za vijana, na kuzorotesha huduma za msingi kama elimu, afya, na miundombinu

Kila kura, kila uamuzi, na kila hatua tunayochukua inaathiri mustakabali wa nchi yetu. Tusikubali kuuza haki na utu wetu kwa faida ya muda mfupi. Kataa rushwa kwenye Uchaguzi

#ChaguaKiongoziSioPesa #KemeaRushwa25 #Accountability #Demokrasia #ServiceDelivery #Uwajibikaji