法庭文字直播台

#粉嶺裁判法院第五庭
#陳炳宙裁判官
#1224元朗 #審訊 [2/3]

下午進度

張 (24)

控罪：
(1)參與非法集結
(2)抗拒在正當執行職務的警務人員

詳情：
(1)被控於2019年12月24日，在元朗元龍街9號形點I期內與其他不知名人士，參與憑藉香港法例第245章《公安條例》第18(1)條屬非法集結的集結。
(2)被控於2019年12月24日，在元朗元龍街9號形點I期2樓2009號鋪外抗拒在正當執行職務的警務人員，即督察游天健。

14:30 開庭

PW2 警員 19157 唐澤華(音)繼續作供，辯方質疑無做警誡；在庭上描述被告作反抗的動作，無在口供中紀錄；為何要在一年後再做口供，而兩份口供分別不大；最後向證人指出辯方案情。

證人作供完畢；辯方一度想再傳召另外一名警員作證，後來撤回；控方舉證完畢，辯方無中段陳詞，裁判官裁定表面證據成立，被告需要答辯；律師表示被告選擇不作供，不會傳召證人。

律師呈上簡短書面陳辭，再作口頭補充，辯方表示本案證據唔係太多，PW1唔可靠，口供話被告激烈反抗，但無講細節；法庭可以將閉路電視片段，和立場新聞片段給予十足比重，片段見唔到被告有撞警員，在10多秒內被撳低，如果有撞到都係意外，片段中見到PW1有揮動警棍，被告閃避亦係合理。

被告嘅衣着、背囊嘅裝備，係有好多可能性，可能想、但未參與「合法集結」… 被裁判官追問何為合法集結！

PW2做咗兩份口供，但都係無提過如庭上描述，被告所做的大動作，PW1講無舉旗警告，PW2 講出藍旗。

裁判官又問辯方可否運用司法認知，判定案發期間，暴力示威者用咩裝備去抵禦警方，或者用咩工具進行破壞；辯方表示專業嘅事實裁判官可以，再呈上一份區域法院的案例，被裁判官詢問文件從何而來，律師表示有人畀佢，不是在司法機構網站下載。

案件押後至2021年9月1日09:30，在粉嶺裁判法院第五庭再訊，期間被告以現有條件繼續保釋。

================
13/10/2021 後補資料

辯方表示睇完閉路電視片段後，不再爭議頭盔事項，原因係無足夠基礎向證人指出，所以無需再傳召PW1。

PW2 警員 19157 唐澤華(音)繼續作供

辯方盤問（括弧內為證人回應）
播出P2 21:06:18~21:07:07，期間見到被告企在玩具反斗城外，PW2企在右邊頂住其他市民，不是第一時間上前協助督察拘捕被告，PW2 解釋因為有人群從右邊迫近，要控制現場環境，再返去幫手。

辯方質疑PW2無向被告作警誡，解釋因為現場環境不適合，亦因為身穿防暴服，攞唔到記事冊出嚟做紀錄；辯方打算呈上另一名警員的口供，與證人對質，但被裁判官制止，因為文件不是有證人書寫或者有簽名作實，對控方不公，指辯方如有需要，可傳召該名警員作供。

質疑PW2在庭上描述被告作反抗的動作，無在2019年12月25日的口供中紀錄（同意），係今日先作出嚟（唔同意）；為何要在一年多後，在2021年1月5日再做口供，而且兩份口供分別不大，PW2解釋內容多咗形容周圍嘅環境，例如在第二份口供中的第3段，20:10時同本隊成員在Sinomax設立封鎖線期間，聽到現場有大量人士大叫黑警死全家，21:05時得知警員18309在我右方宣布拘捕一名男子，罪名係非法集結。

PW2同意兩份口供中對被告的形容都係差唔多，主要係多咗「18309在我右方拘捕一名男子」一段，因為想詳細描述現場環境嘅情況，在紀錄冊有寫低，律師質疑係唔係上司叫做（唔係），心血來潮做（唔係），係因為收到案件主管通知（後來修正為案件隊員，但唔記得係邊個），叫形容多啲現場環境；律師質疑第一份口供已經寫咗，點解要寫第二份，係因為已經知道搞錯咗，拘捕錯咗人士（唔同意）。

叫證人睇辯方文件，指出辯方案情：
1號相，係被告被拉出前4分鐘的畫面，有其他途人在場，並非只有示威者（同意）
2號相，部份途人被限制在店舖內不准離開（同意）
3號相，有多名警員衝向玩具反斗城，左邊還有其他途人（同意）
4號相，右邊係不知名男子X（同意），有拒捕及用腳撞向警員腳部(唔清楚)
5號相，右邊男子X在郁動（同意），所以整件案件係X做嘅（唔同意）
6號相，X的面貌不是被告（同意）
7號相，被告身處途人之內，突然被拉出(唔清楚)，身邊有不同顏色衫嘅途人（同意）
8號相，當警員拉出被告時被告再影相（同意），被告並非非法集結唔同意，佢右手攞住手機舉高個膊頭（同意）
9號相，被告被拉出時雙手舉高（同意），配合警員行動（唔同意），過程中警員向被告搜查（同意），X的樣貌並不是被告容貌（同意）
10號相，被告被警員向下壓跪在地上（同意）
11號相，不知名男子X並不是被告容貌（同意）
12號相，被告一直跪在地上並沒有反抗（唔同意），X並不是被告（同意）
13號相，被告仍然跪在地上並沒有反抗（唔同意）
14號相，被告跟隨警員移到一旁搜出背囊，並沒有反抗（同意）
15號相，被告被拉出時的樣貌（同意）
被告並沒有參與非法集結（唔同意）

15:14 控方覆問
在第二份口供中，警員18309在2105時，在我右邊方向宣布拘捕一名男子，該男子係X，並不是被告。

證人作供完畢；辯方一度想再傳召另外一名警員16039作供，後來撤回；控方舉證完畢，辯方無中段陳詞。

裁判官裁定表面證據成立，被告需要答辯；律師表示被告選擇不作供，不會傳召辯方證人。

律師呈上簡短書面陳辭，再作口頭補充；辯方表示本案證據唔係太多，PW1唔可靠，12月25日嘅口供話被告激烈反抗，但無講細節，只係簡單一兩句，但似乎係X唧動作，不是被告高舉雙手嘅動作，醫生報告寫踢到，口供講撞到。

法庭可以將閉路電視片段，和立場新聞片段給予十足比重，片段見唔到被告有撞警員，在10多秒內被撳低，如果有撞到都係意外，片段中見到PW1有揮動警棍，被告閃避亦係合理；片段睇到無逃走、無掙扎、無撞到PW1、無破壞社會安寧等動作。

被告嘅衣着、背囊嘅裝備，係有好多可能性，可能想、但未參與「合法集結」… 被裁判官追問何為合法集結！

PW2做咗兩份口供，但都係無提過如庭上描述，被告所做的大動作，PW2迴避點解再畀口供，只係話調查人員叫佢畀，無講原因，目的係右邊有人被捕，突顯被告係企喺度嗰個，撞人嗰啲情節，似乎更適合X的情況。P2片段無P W2所講被告雙手有大動作，PW1都無講過雙手動作，或者想逃走、與PW2嘅口供不符。

PW1講無舉旗警告，PW2 講出籃旗；PW1話拉低口罩觀察兩三秒，PW2話口罩在掙扎期間爛咗，PW2比PW1更不可靠。

裁判官又問辯方可否運用司法認知，判定案法期間，暴力示威者用咩裝備去抵禦警方，或者用咩工具進行破壞；辯方表示專業嘅事實裁判官可以，再呈上一份區域法院的案例，被裁判官詢問文件從何而來，律師表示有人畀佢，不是在司法機構網站下載，陳官話從「不明來歷網站」下載做案例？律師想收返，陳官唔比，要列入為MFI，等以後有人查起上嚟，知道點解唔批准呈堂。

4.4K viewsedited 09:29