SAMARQAND KONFERENSIYASI: QATAR VAZIRI BILAN UCHRASHUV O‘TKAZILDI
🇺🇿🤝🇧🇭
O‘zbekiston Qishloq xo‘jaligi vaziri Aziz Voitov Samarqandda o‘tayotgan oziq-ovqat xavfsizligi bo‘yicha xalqaro konferensiya doirasida xorijiy hamkasblari bilan ikki tomonlama uchrashuvlar o‘tkazdi.

Jumladan, Qatar munitsipalitet va atrof-muhit vaziri Abdulla bin Abdulaziz bin Turki as-Subayya bilan uchrashuvda tomonlar o‘rtasida qishloq xo‘jaligi sohasidagi hamkorlik aloqalarini mustahkamlash masalalari muhokama etildi. Aziz Voitov O‘zbekiston va arab mamlakatlari o‘rtasida agrar sohadagi hamkorliklar qadimdan mustahkam bo‘lib kelgani, bunda O‘zbekiston-Qatar munosabatlari alohida o‘rin tutishini bildirdi.
*****
МЕЖДУНАРОДНАЯ КОНФЕРЕНЦИЯ В САМАРКАНДЕ: ВСТРЕЧА С МИНИСТРОМ ГОСУДАРСТВА КАТАР
🇺🇿🤝🇧🇭
Министр сельского хозяйства Узбекистана Азиз Воитов провел двусторонние встречи со своими зарубежными коллегами в рамках международной конференции по продовольственной безопасности в Самарканде.

В частности, на встрече с министром муниципалитетов и окружающей среды Катара Абдуллой бен Абдулазизом бин Турки аль-Субайей, сторонами были обсуждены вопросы укрепления сотрудничества. Азиз Воитов отметил, что сотрудничество между Узбекистаном и арабскими странами в аграрной сфере было крепким с давних времен, и узбекско-катарские отношения занимают в них особое место.

#Xalqaro_konferensiya #vazir #xalqaro_hamkorlik #oziq_ovqat_xavfsizligi #forum #Uzbekistan #Qatar #Международная_конференция #министр #международное_сотрудничество #продовольственная_безопасность #форум #Узбекистан #Катар

🌐Website💬Telegram💬Facebook📺YouTube📷Instagram

QASHQADARYO: ISLOHOTLAR NATIJASI VA YANGI IMKONIYATLAR

🔰Qishloq xo‘jaligi vaziri Aziz Voitov sohada kechayotgan islohotlarning bevosita joylardagi ijrosini ko‘zdan kechirish maqsadida ayni paytda navbatdagi tashrif bilan Qashqadaryoda bo‘lib turibdi.

Yaratilayotgan yangi navlar, suv tejovchi texnologiyalarni joriy etilishi ana shu uyg‘unlik va izlanishlarning natijasidir. Jumladan, yangiliklar yaratish borasida respublikaning Qashqadaryo viloyatida joylashgan Janubiy dehqonchilik ilmiy-tadqiqot institutida shart-sharoitlar yetarlicha va yutuqlar ham shunga yarasha. Vazir institutning ochiq maydon va issiqxonalardagi tajriba dalalarida amalga oshirilayotgan tadqiqotlar bilan tanishdi.

Tashrif davomida vazir Aziz Voitov yondosh hududda joylashgan “Asian Golden Oil” MCHJning oziq-ovqat uchun mo‘ljallangan un va yog‘ mahsulotlari ishlab chiqarish loyihasi bilan ham tanishdi. Korxona xodimlarining fikr-mulohazalari tinglandi. E'tiborlisi, ulkan maqsadlarni ko‘zlab ish boshlagan mazkur korxona nafaqat mahalliy bozorlarimizni sifatli un va yog‘ mahsulotlari bilan ta'minlashni, balki xorijiy davlatlarga eksportga yo‘naltirishni ham rejalashtirgan.

#vazir #tashrif #ilmiy_tadqiqot_instituti #un_va_yog_mahsulotlari #eksport

🌐Website💬Telegram💬Facebook📺YouTube📷Instagram

QASHQADARYO MIRISHKORLAR YURTI

Avval xabar berganimizdek, Qishloq xo‘jaligi vaziri Aziz Voitov sohada kechayotgan islohotlarning bevosita joylardagi ijrosini ko‘zdan kechirish maqsadida amaliy tashrif bilan Qashqadaryoda bo‘lib turibdi.

Qashqadaryolik mehnatkashlar paxta deymizmi, g‘alla deymizmi yoki mevalar yetishtirishmi – har sohada yuzlari yorug‘ bo‘lib kelgan va bundan keyin ham shunday bo‘lishi uchun tinimsiz mehnat qilmoqdalar. Birgina Kasbi tumanidagi “Naxshab Tex Group” misolida ko‘radigan bo‘lsak, ayni paytda bu erda sifatli kiyim-kechak ishlab chiqarish yo‘lga qo‘yilgan.

O‘z navbatida, Vazir korxona faoliyatini yanada rivojlantirish, kelgusida qilinajak ishlar va uning yechimlari borasida ham fikrlarini o‘rtoqlashdi. Shundan so‘ng Aziz Voitov korxonaga yondosh hududda joylashgan, “Do‘stmurod Eshonqulov” fermer xo‘jaligi faoliyati bilan ham tanishdi.

Viloyatda ekin maydonlarining o‘tgan yillardagiga qaraganda qisqargani ham, suv taqchilligi ham qashqadaryolik mirishkorlarini shashtlaridan qaytara olmagan. Fermer xo‘jalik tomonidan 20 gektar maydonga sabzi, 3 gektarga karam, 3 gektariga esa sholg‘om ekilgan.

Shundan so‘ng, Vazir keyingi lokatsiya bo‘yicha Qarshi tumanida joylashgan “Sulton Golden Teks” MCHJ dala maydonlarida olib borilayotgan agrotexnik tadbirlar bilan tanishdi.

Ko‘pni ko‘rgan tajribali dehqon-u fermerlar har bir agrotexnik tadbir o‘z vaqtida bajarilsagina yerdan unumli hosilni olish mumkin, deb hisoblaydi. Shu bois fermer xo‘jaligi mutasaddilari asosiy dala maydonlarida suv kirish qismining har 5 gektariga mo‘ljallab sharbat xandaqlar qazib, mahalliy o‘g‘it bilan to‘ldirmoqda.

#vazir #tashrif #agrotexnik_tadbirlar #fermer_xojaligi

🌐Website💬Telegram💬Facebook📺YouTube📷Instagram

QASHQADARYODA ISLOHOTLAR JADAL SUR'ATLARDA OLIB BORILMOQDA

🔰Xabar berganimizdek, Qishloq xo‘jaligi vaziri Aziz Voitov Qashqadaryo viloyatida ishchi tashrif bilan bo‘lib turibdi.

Viloyat agrosanoati istiqbollarini belgilash, sohada amalga oshirilayotgan islohotlar izchilligini ta'minlash bilan tanishuv davomida "Hosildor Zamin" zamonaviy ko‘chatchilik ta'lim majmuasida ham bo‘ldi. Bu yerda yangiliklar yaratish borasida shart-sharoitlar yetarlicha va yutuqlar ham shunga yarasha. Vazir institutning ochiq maydon va issiqxonalardagi tajriba dalalarida amalga oshirilayotgan tadqiqotlar bilan tanishdi.

Shuningdek, tashrif davomida Aziz Voitov “Xonobod” MFY da 10 gektar maydonda zamonaviy texnologiyalar asosida tashkil etilgan intensiv bodomzor bilan tanishdi. Xodimlarning fikr-mulohazalari tinglandi.

Qishloq xo‘jaligi vaziri Aziz Voitov navbatdagi manzil-lokatsiya bo‘yicha Qarshi tumanida joylashgan “Sulton Golden Teks” MChJ dala maydonlarida olib borilayotgan agrotexnik tadbirlar bilan tanishdi. Shu yerning o‘zida soha mutaxassislari bilan ekinlar hosildorligini oshirishda amalga oshiriladigan agrotexnik tadbirlar yuzasidan fikr almashildi. Zarur tavsiyalar berildi.

#vazir #tashrif #agrotexnik_tadbirlar #fermer_xojaligi

🌐Website💬Telegram💬Facebook📺YouTube📷Instagram

QASHQADARYO: QISHLOQ XO‘JALIGIDA ISLOHOTLARNING YANGI BOSQICHI

🔰Sohada kechayotgan islohotlarning bevosita joylardagi ijrosini ko‘zdan kechirish maqsadida amaliy tashrif bilan Qashqadaryoda bo‘lib turgan Aziz Voitov Chim hududida joylashgan “Javlonbek sifat invest” fermer xo‘jaligi tomonidan oziq-ovqat ekinlari ekish uchun kollektor va zovur atrofidan 6 gektar maydonni foydalanishga kiritish ishlari bilan tanishidi.
Bu yerda bir necha yil avval qarovsiz yotgan adirliklarda bugun o‘zlashtirish ishlari olib borilmoqda.

Shundan so‘ng Aziz Voitov “Fayzullaev Muxiddin” fermer xo‘jaligining issiqxonasida yetishtirilayotgan uzum, gul, bodring hamda 6 gektar paxta maydoni g‘o‘za qator orasida uzum ko‘chatlari yetishtirish ishlari bilan tanishdi. Ekin maydonlarining o‘tgan yillardagiga qaraganda qisqargani ham, suv taqchilligi ham qashqadaryolik mirishkorlarni shashtlaridan qaytara olmagan. Ishning ko‘zini bilgan fermer har bir qarich yeri bilan nafaqat qishloq xo‘jaligining rivojiga, balki mahalliy bozorlarning to‘kinligiga ham o‘z hissasini qo‘shmoqda.

Tashrif yakunida vazir dasturdan chetga chiqqan holda, ipak qurtidan ipak mahsulotlarni ishlab chiqaradigan fabrika faoliyati bilan ham tanishdi. Aytish kerakki, qishloq xo‘jaligi sohasini rivojlantirish maqsadida bir qator ishlar amalga oshirilmoqda. Xususan, sifatli pilla yetishtirish va tayyorlash, uni qayta ishlash, xom ipak va ipak kalava ishlab chiqarish bo‘yicha yangi quvvatlarni tashkil etish bugun asosiy masalalardan biriga aylanib ulgurgan. Korxona hududdagi xotin-qizlarni doimiy va mavsumiy ish bilan ta'minlab ulgurgan.

#vazir #tashrif #agrotexnik_tadbirlar #fermer_xojaligi

🌐Website💬Telegram💬Facebook📺YouTube📷Instagram

O‘ZBEKISTON VA XITOY: QISHLOQ XO‘JALIGIDA AGROINNOVASIYALARNI JORIY ETISH BO‘YICHA HAMKORLIKLAR MUSTAHKAMLANMOQDA

✅O‘zbekiston Respublikasi Qishloq xo‘jaligi vaziri Aziz Voitov boshchiligidagi delegasiya Xitoy Xalq Respublikasida bo‘lib turgani to‘g‘risida xabarlar berib boryapmiz. Tashrif doirasida qishloq xo‘jaligi sohasida ikki tomonlama hamkorlikni yanada rivojlantirish maqsadida Xitoyning bir qator yirik kompaniyalari va ilmiy-tadqiqot tashkilotlari vakillari bilan hamkorlik uchrashuvlari o‘tkazilmoqda.

Delegasiyamiz vakillari, shuningdek, Xitoydagi “Tuproq sifatini sinash” markazi, “Aqlli qishloq xo‘jaligi” parki, “Pitahaya” issiqxonasi, ShHT bazasi ko‘rgazma zali hamda transchegaraviy elektron tijorat markazlarida bo‘lishdi hamda mamlakatlarimiz uchun manfaatli bo‘lgan yo‘nalishlarda hamkorlik qilish bo‘yicha muzokaralar o‘tkazildi.

Bundan tashqari, Xitoy tomoni bilan birga qishloq xo‘jaligida “Yerdan foydalanish islohotlari”, “Mintaqaviy rivojlanish va urbanizatsiya strategiyasi”, “Bandlik va ijtimoiy taʼminotni rivojlantirish, oziq-ovqat va strategik zaxiralarni boshqarish” kabi yo‘nalishlarda hamkorlikni yo‘lga qo‘yish masalalariga ham eʼtibor qaratildi, shuningdek, “Yashil energetika” hamda agrar sohada ilg‘or loyihalarni amalga oshirish muhimligi ham qayd etildi.

#xalqaro_hamkorlik #vazir #tashrif

🌐Vebsayt💬Telegram💬Facebook📺YouTube📷Instagram

QISHLOQ XO‘JALIGI VAZIRI – QASHQADARYODA

🔰Viloyat qishloq xo‘jaligi rivojlanishining joriy holati bilan joyida, yaqindan tanishish, kuzgi agrotadbirlar o‘z vaqtida va to‘g‘ri bajarilayotganligini nazorat qilish maqsadida, O‘zbekiston Qishloq xo‘jaligi vaziri Aziz Voitov Qashqadaryo viloyatida bo‘lib turibdi.

Hozirda qashqadaryolik fermer-dehqonlar oldida turgan dolzarb masalalar – bu paxtaning birinchi terimini tezroq yakuniga yetkazish, peshma-pesh g‘alla ekishni amalga oshirish sanaladi. Qolaversa, ekin ekilgan maydonlarda peshma-pesh sug‘orishni amalga oshirish, kuzgi piyoz, sarimsoqpiyoz va to‘qsonbosdi ekinlarini ekishni tashkil etish kabilar kechiktirib bo‘lmaydigan chora-tadbirlar sirasiga kiradi.

Jumladan, safar davomida vazir Qarshi tumanidagi Bog‘obod mahallasida faoliyat yuritayotgan “Hosildor zamin” ko‘chatchilik majmuasida ham bo‘ldi. Ushbu majmua 4 gektar ochiq va 1 gektar yopiq ko‘chatxonalar, “in-vitro” laboratoriyasi va o‘quv markazidan iborat bo‘lib, bu yerda bir yilda 200 ming dona mevali daraxt va 100 ming dona tok ko‘chatlari, 200 ming dona mavsumiy gullar yetishtirish hamda yuzlab yoshlarga zamonaviy ko‘chatchilik sir-asrorlarini o‘rgatish imkoniyati yaratilgan.

👉Batafsil
👉Подробнее

#tasrif #vazir #in_vitro #laboratoriya #paxta #galla #bugdoy #Qashqadaryo

🌐Website💬Telegram💬Facebook📺YouTube📷Instagram

Soha oldidagi dolzarb masalalar muhokama etildi

🔰Qishloq xo‘jaligi vaziri Ibrohim Abdurahmonov Samarqand viloyatiga tashrifi davomida viloyatdagi 16 ta tuman fermer xo‘jaligi va klasterlari rahbarlari, viloyat karantin inspeksiyasi va Toyloq tuman hokimi qishloq xo‘jaligi bo‘yicha o‘rinbosari va masʼul rahbarlar ishtirokida ishchi yig‘ilish o‘tkazdi.

📌Vazir o‘z navbatida, fermer xo‘jaliklarining fikr va mulohazalarini tinglab, qishloq xo‘jaligi mahsulotlarini quritish uchun zamonaviy qishloq xo‘jaligi texnologiyalarini keng tatbiq etish, agrar sohada hosildorlik va mehnat unumdorligini yana-da oshirish, paxta unumdorligi, ishlab chiqarishni diversifikatsiya qilish, qulay agrobiznes muhitini va yuqori qo‘shilgan qiymat zanjirini yaratish, sohada ilg‘or texnologiyalarni qo‘llash masalalariga alohida to‘xtalib o‘tdi.

🖋Aytish kerak, sifatli paxta xom-ashyosini yetishtirish – mashaqqatli ish. Buni ayniqsa, yillar davomida dehqonchilik qilib kelayotgan fermerlar juda yaxshi biladi. Yerga chigit qadalgandan toki uning o‘sib chiqishidan tortib yetilguniga qadar tinimsiz mehnat, kunni tunga, tunni kunga ulash talab etiladi. Ob-havoning injiqligi, tabiatning kutilmagan hodisalari esa bu masʼuliyatini yana-da oshiradi.

✅O‘z vaqtida olib borilgan sifatli agrotexnik tadbirlar esa paxta xom-ashyosini o‘z vaqtida yetishtirish, pirovardida iqtisodiyotimiz rivojiga munosib ulush qo‘shishga xizmat qilishi bilan ahamiyatli.

#qishloq_xojaligi #vazir #yigilish #videokonferens_aloqa

🌐Vebsayt💬Telegram💬Facebook📺YouTube📷Instagram

Qo‘shimcha qiymat zanjirini yaratish agrotarmoqning muhim vazifalaridan biri

Qishloq xo‘jaligi O‘zbekiston iqtisodiyotining muhim tarmoqlaridan biridir. Meva-sabzavot va poliz ekinlarini yetishtirish va ularni qayta ishlash jarayonlarini texnik va texnologik yangilash hamda modernizatsiya qilish, tarmoqning xalqaro savdo tizimiga integratsiyalashuvi uchun turtki bermoqda. O‘z-o‘zidan meva va sabzavotlarni qayta ishlash, qadoqlashga bo‘lgan talab ham oshib bormoqda.

Ana shunday imkoniyatlarni o‘zida jamlagan yana bir tashabbus Samarqand tumani “Gulobod” qo‘rg‘onida joylashgan «Agromir» MCHJ meva va sabzavotlarni qayta ishlash korxonasidir.

Qishloq xo‘jaligi vaziri Ibrohim Abdurahmonovning Samarqand viloyatidagi navbatdagi tashrif obyekti aynan mana shu korxona bo‘ldi. Bu manzilda zaminimiz bog‘larida yetishtiriladigan meva va sabzavotlar qayta ishlanib, turli xildagi sharbatlar ko‘rinishda qadoqlanadi. Natijada 680 ta doimiy ish o‘rni yaratilgan.

Mahsulot ishlab chiqarishni keng ko‘lamda tashkil etish maqsadida, quvvat zamonaviy texnologik liniya bilan jihozlangan. Bu yerda nafaqat meva sharbatlari, balki barcha soklarning asosi bo‘lgan meva pyurelari ham tayyorlanadi. Xorijga ham ayni mahsulot eksportga chiqariladi. Jahonning mashhur brendlari korxonaning asosiy xaridorlaridir.

I.Abdrurahmonov o‘z navbatida bugungi kunda korxona oldida turgan masalalar yechimi hamda ishlab chiqarish jarayonini optimallashtirish bo‘yicha atroflicha fikr almashdi. Mevalar tarkibini saqlanishi, ulardagi vitamin, suvlilik darajasini meʼyorida bo‘lishi uchun lozim ishlar ko‘lami belgilanishini bildirdi. Zero, bu ishlar mamlakatimiz tadbirkorlarining ishini yengillashtirib, savdo peshtaxtalariga sifatli mahsulot yetkazilishiga zamin yaratadi.

#qishloq_xojaligi #vazir #meva #qayta_ishlash

🌐Vebsayt💬Telegram💬Facebook📺YouTube📷Instagram

Zamin sayqalining sara mevalari qayta ishlanmoqda

🔰O‘zbekiston meva-sabzavotlarni yetishtirish va qayta ishlashda ulkan imkoniyatlarga ega. Aholi farovonligini doimo oshirib borishda xalqimiz turmush tarziga eng yaqin va tez natija beradigan yo‘nalish qishloq xo‘jaligida yuqori daromadli intensiv ishlab chiqarishni tashkil etish har qachongidan ham muhim o‘rin tutadi.

🖋Qishloq xo‘jaligi mahsulotlari va meva va sabzavotlarni qayta ishlashni o‘z oldiga maqsad qilgan Samarqand tumanida joylashgan “Samfruit” MChJ HK ham ana shunday korxonalardan biri.

🏫O‘zbekiston Respublikasi Qishloq xo‘jaligi vaziri Ibrohim Abdurahmonov Samarqanddagi navbatdagi tashrif obyekti ayni shu korxona bo‘ldi.

✅Aytish joizki, 5,7 gektarda qad rostlagan ushbu majmuada bugungi kunda bozorgir bo‘lgan mahsulot ishlab chiqarish yo‘lga qo‘yilmoqda.

📝 “Mahsulot yetishtirish – xarid qilish – saqlash va qayta ishlash – eksport” zanjirini tashkil etishni o‘z oldiga maqsad qilib qo‘ygan mazkur korxonada ishlab chiqarishni keng ko‘lamda tashkil etish maqsadida, Yevropa Ittifoqi davlatlari, Rossiya va Xitoy Xalq Respublikasidan texnologiyalar keltirilib o‘rnatilmoqda. Yillik qiymati 2 milliard so‘m bo‘lgan, 30-35 ming tonna qishloq xo‘jaligi mahsulotlari qayta ishlash va to‘liq eksport qilish ko‘zda tutilgan. Korxona yil so‘ngiga qadar ishga tushirilishi rejalashtirilgan. Bu orqali esa, 100 ta ish o‘rni yaratiladi.

📌Vazir o‘z navbatida korxona mutasaddilarining fikr va mulohazalarini tinglab, qishloq xo‘jaligi mahsulotlarini quritish uchun zamonaviy qishloq xo‘jaligi texnologiyalarini keng tatbiq etish masalalariga alohida to‘xtalib o‘tdi. Suhbat asosini konstruktiv muloqot tashkil etdi. Bunda eng asosiysi hozirgi holatni buzmagan holda galdagi vazifalar va mahsulotning tannarxini tushirish yuzasidan qilinadigan ishlarning ko‘lami belgilab olindi.

#qishloq_xojaligi #vazir #meva #qayta_ishlash

🌐Vebsayt💬Telegram💬Facebook📺YouTube📷Instagram

Har sohada ilg‘or Samarqand

Samarqand viloyatida bo‘lib turgan Qishloq xo‘jaligi vaziri Ibrohim Abdurahmonov “Navobod Naslli Parranda” fermer xo‘jaligi faoliyati bilan ham tanishdi.

Aytish kerakki, O‘zbekistonda uzumning ho‘l meva va quritilgan ko‘rinishda (mayiz) hamda uzum vinosini eksport qilish imkoniyatlari juda keng. Respublika hududida uzumchilik sanoatini rivojlantirish uchun Buxoro, Samarqand, Toshkent va Farg‘ona viloyatlari iqlimi juda qulay hisoblanadi.

Bugungi kunda har sohada ilg‘orlik qilib kelayotgan 119,9 gektar maydonga ega “Navobod Naslli Parranda” fermer xo‘jaligi o‘z navbatida uzum yetishtirish, uzumni quritish, qadoqlash va eksport qilish bilan bir qatorda naslli parrandachilik, parranda ozuqasini ishlab chiqarishni ham yo‘lga qo‘ygan.

Korxona o‘z mahsulotlarini Rossiya, Qirg‘iz Respublikasi, Qozog‘iston, Tojikiston va Saudiya Arabistoni kabi xorijiy davlatlarga eksport qilish bilan bir qatorda va ichki bozorga ham chiqaradi. Xususan, korxona joriy yilning iyul oyi holatiga ko‘ra 5 mln. 164 ming 685 AQSH dollari miqdorida xorijga mahsulot eksport qilgan. Bugungi kunda fermer xo‘jaligida 200 nafardan ortiqdan ishchi va xodimlar faoliyat olib bormoqda.

Vazir korxona rahbarlari bilan o‘tkazgan muloqotida sohani yana-da rivojlantirish, kelgusida qilinajak ishlar va uning yechimlari borasida ham o‘z fikrlarini bildirib o‘tdi. Ayniqsa, parrandachilik sanoat usulida keng rivoj topayotgani, uning ozuqa bazasini mustahkamlash yo‘lida keng ko‘lamli izlanishlar olib borilayotganligi qayd etildi.

Respublikada parranda go‘shti yetishtirish va tuxum ishlab chiqarish hajmlari muttasil oshib borayotgani buning yaqqol dalilidir. Bu borada tashabbus va takliflar, konstruktiv muloqot ruhi ustuvor bo‘lishi lozimligi bildirildi. Bu esa, O‘zbekistonni mazkur yo‘nalishda eksport salohiyatini yuksaltirishga zamin yaratadi.

#qishloq_xojaligi #vazir #parranda

🌐Vebsayt💬Telegram💬Facebook📺YouTube📷Instagram

Zamon bilan hamnafas: talabalarning qiziqishi, intilish va ehtiyojlari o‘rganilmoqda

🇺🇿O‘zbekiston Respublikasi Qishloq xo‘jaligi vaziri Ibrohim Abdurahmonov Toshkent davlat agrar universiteti faoliyati va turar joy binolarida talaba yoshlar uchun yaratilgan sharoit bilan yaqindan tanishish maqsadida universitetga tashrif buyurdi.

⏺Aytish kerak, bugun, Toshkent davlat agrar universiteti bakalavriat yo‘nalishlari kunduzgi ta’lim shaklida 7180 nafar talaba-yoshlar tahsil olmoqda.

📌Qishloq xo‘jaligi vaziri I.Abdurahmonov universitet hududidagi 13-son talabalar turar joyi bilan yaqindan tanishar ekan, u yerda talabalarga yaratilgan sharoit, muammo va takliflar bilan qiziqdi. Vazir o‘z navbatida talabalar tomonidan amalga oshiriladigan har bir loyihani qo‘llab-quvvatlashini bildirdi. Talabalar faqat auditoriyalarda saboq olish bilan chegaralanmasdan, o‘z bilimlarini amaliyot bilan mustahkamlab borishlarini ta’kidladi.

✅Maqsad yagona: talaba ilm olish bilan birgalikda o‘zidagi iste’dod va qobiliyatni shakllantirsin. Zamonaviy fikrlaydigan hamda yangilik yarata oladigan shaxs bo‘lsin. Tillarni bilishi, to‘garaklardagi ishtiroklari uning kelgusi faoliyati hamda oila muhitida aks etishi joiz. Shunda agrotarmoqning zamonaviy menejerlari zamonaviy qishloq xo‘jaligini aqlli yo‘nalishlarini vujudga kelishiga zamin yarata oladilar.

#vazir #agrar #turar_joy #talaba

🌐Website💬Telegram💬Facebook📺YouTube📷Instagram

Qishloq xo‘jaligini raqamlashtirish ertangi taraqqiyot demak

✅Bugungi kunda raqamli iqtisodiyot mamlakatimizning turli tarmoq va sohalariga jadallik bilan tatbiq etilayotgani rost. Qishloq xo‘jaligi ham bundan istisno emas. Ayniqsa, tarmoqni rivojlantirishda, mahsulotlarni yetishtirishdan tortib, isteʼmolchiga yetkazib berishgacha bo‘lgan jarayonda raqamlashtirishning o‘rni katta.

🌳Jumladan, Qishloq xo‘jaligi vaziri Ibrohim Abdurahmonov boshchiligida o‘tkazilgan yig‘ilishda ham ayni shu masala xususida so‘z bordi.

🖥Zamonaviy jamiyat uchun raqamli iqtisodiyot nisbatan yangi jarayondir. Davlatimiz tomonidan ham bu borada qaror amaliy ishlar olib borilmoqda.

🔊Tashkil etilgan yig‘ilishda yer maydonlaridan oqilona foydalanish, suv resurslarini boshqarishni avtomatlashtirish, sohada foydalanuvchilarning malakalarni shakllantirish, elektron tijorat va elektron bozorni rivojlantirish, qishloq xo‘jaligi texnikalarini sinovdan o‘tkazish, subsidiyalarni ajratish kabi yo‘nalishlarga ham to‘xtalib o‘tildi.

#vazir #agrar #raqamlashtirish #yigilish

🌐Website💬Telegram💬Facebook📺YouTube📷Instagram

Aholini sifatli sut va go‘sht mahsulotlari bilan ta’minlash muhim vazifa

🐄Chorvachilik tarmog‘ini jadal rivojlantirish xalqimizni arzon va sifatli go‘sht hamda boshqa oziq-ovqat mahsulotlari bilan ta’minlash, ayniqsa, qishloq joylarida istiqomat qilayotgan fuqarolarning bandligini oshirish va daromadlarini ko‘paytirishda muhim o‘rin tutadi.

🏫Surxondaryo viloyati, Muzrabot tumanidagi “Mexnat Roxat” X/K ga qarashli chorvachilik hamda baliqchilikka ixtisoslashgan kompleks ham ayni shu maqsadlarni olg‘a surayotgan korxonalardan biri.

✅Qishloq xo‘jaligi vaziri Ibrohim Abdurahmonovning navbatdagi tashrifi ham aynan shu lokatsiyada bo‘lgani ham bejiz emas.

🥛Korxona asosan sut va go‘sht ishlab chiqarishga ixtisoslashgan. Ushbu majmuada 647 bosh “Simmental” zotli qoramol parvarishlanmoqda. Yillik ishlab chiqarish hajmi 810 tonna sut va 105 tonna go‘shtni tashkil etadi. Korxonaga tegishli 2 gektar maydon baliqchilik uchun ajratilgan.

🐟Ulkan maqsadlarni ko‘zlagan mazkur korxonada asosan “Oq amur” baliqlari yetishtirilmoqda. E’tiborlisi, xo‘jalik bir yilda 15 tonna baliq mahsulotlarini yetishtirib, mahalliy bozorga sotuvga chiqarmoqda.

⏩Vazir korxonani ko‘zdan kechirar ekan, o‘z navbatida fermer xo‘jaliklarining fikr va mulohazalarini tinglab, xalqimizning chorvachilikni rivojlantirish borasidagi tadbirkorlik tashabbuslarini har tomonlama qo‘llab-quvvatlash, import o‘rnini bosuvchi va eksportbop chorva mahsulotlarini ishlab chiqarish va qayta ishlashni yanada rag‘batlantirish, pirovardida aholi farovonligini yuksaltirish va daromadlarini ko‘paytirish va aholini sifatli go‘sht va sut mahsulotlari bilan ta’minlashda zamonaviy qishloq xo‘jaligi texnologiyalarini keng tatbiq etish, masalalariga alohida to‘xtalib o‘tdi.

#agrar #vazir #ibaliqchilik #chorvachilik #surxondaryo

🌐Website💬Telegram💬Facebook📺YouTube📷Instagram

Ko‘ptarmoqli tadbirkorlik rivoj topmoqda

🐓Tovuq – yetti xazinaning biri, deb bejizga aytishmaydi. Tovuq nafaqat tuxumi, balki go‘shti bilan ham oilalarga baraka olib kiradi. Shu bois ham hozirda davlatimizda parrandachilikka ixtisoslashtirilgan korxonalarning sonini yana-da ko‘paytirish, ularning rivojlanishi uchun imkoniyat va sharoitlar yaratib berishga harakat qilinmoqda.

🌍Xususan, Surxondaryo viloyatining Qumqo‘rg‘on tumanidagi “Niyozov Abulqosim” x/k ham mana shunday imkoniyat va imtiyozlardan foydalanib rivojlanayotgan korxonalardan biri. Ushbu korxonada 45 ming bosh parranda mavjud bo‘lib, yiliga 6 mln dona tuxum yetishtirilmoqda.

📍Vazirning navbatdagi ushbu tashrif obyekti aynan shu manzilga belgilandi.

📌Bugun mamlakatimizdagi qishloq xo‘jaligi sohasida faoliyat olib borayotgan korxona, tashkilotlar yanada ko‘proq mahsulot ishlab chiqarish va yuqori samaradorlikka erishish uchun xorijning eng so‘nggi texnologiyalarini olib kelib, ulardan foydalanishmoqda. Ushbu texnologiyalarning afzalligi shundaki, ular avtomatlashtirilgan bo‘lib, tovuqlarga beriladigan ozuqadan tortib, tuxumlar sifatli va foydalilik xususiyatini saqlagan holda yetishtirilgungacha barchasi kompyuter nazorati ostida amalga oshiriladi.

⏩Navbatdagi lokatsiya mazkur korxonaga yondosh hududda joylashgan “Qumtex invest” Q/K MChJ bo‘ldi.

✅12 gektar yer maydonida barpo etilayotgan korxona tez fursatlarda ishga tushishi belgilangan. Tadbirkorning o‘z mablag‘lari hisobidan qurilayotgan majmua ishga tushgach 1150 nafar surxonlik yigit-qizlarni ish ta’minlaydi.

⏺Bu yerda vohaning ingichka tolali paxta navidan tayyorlangan eng sifatli kiyim-kechak mahsulotlari nafaqat milliy bozorni, balki Yevropaning eng nufuzli supermarketlar tarmog‘ini to‘ldirishi shubhasiz.

#agrar #vazir #qurilish #surxondaryo

🌐Website💬Telegram💬Facebook📺YouTube📷Instagram