🌳 NOYOB REZAVOR MEVALARNI O‘ZBEKISTONDA YETISHTIRISH YO‘LGA QO‘YILMOQDA

Qishloq xo‘jaligi vaziri Aziz Voitov ishchi tashrif bilan Andijon viloyatida bo‘lgani haqida xabar bergan edik.

Tashrif doirasida vazir 470 gektarda joylashgan Paxtaobod tumanidagi “2 U” MCHJ meva-sabzavotchilik klasteri faoliyati bilan yaqindan tanishdi.

💧Bugungi kunda mazkur yer maydonlariga tomchilatib sug‘orish texnologiyasi joriy qilingan hududda birinchi bosqichda jami 190 gektar maydonda intensiv bog‘ yaratilib ekinlarni parvarishlash rejalashtirilgan.

Italiya va Ispaniyadan gilos, golubika ko‘chatlari olib kelinib, tomchilatib sug‘orish asosida zamonaviy bog‘ yaratilgan, jumladan, 145 gektar gilos, 25 gektar golubika, rezavorlardan 20 gektar malina va qulupnay ekiladi.

📈 Yillik ishlab chiqarish quvvati 50000 tonnani tashkil etadigan mevalarni qayta ishlash korxonasi hududida bugungi kunda 4400 kv. maydonda sig‘imi 6 ming tonna bo‘lgan muzlatkich qurilish ishlari olib borilmoqda va bu orqali 2000 nafar ishchi o‘rni yaratish ko‘zda tutilgan.

Eʼtiborlisi, ulkan maqsadlarni ko‘zlab ish boshlagan mazkur korxona nafaqat mahalliy bozorlarimizni sifatli mahsulot bilan taʼminlashni, balki xorijiy davlatlarga eksportga yo‘naltirishni ham rejalashtirgan. Albatta, bunday natijaga erishish uchun ko‘p mehnat va vaqt talab qilinadi.

O‘z navbatida, vazir korxona faoliyatini yana-da rivojlantirish, kelgusida qilinajak ishlar va uning yechimlari borasida ham o‘z fikrlarini o‘rtoqlashdi. Konstruktiv ruhda kechgan ushbu samimiy uchrashuv tomonlar uchun manfaatli kechdi.

#vazir_tashrifi #ishlab_chiqarish #noyob_rezavor

🌐Website💬Telegram💬Facebook📺YouTube📷Instagram