“Yangi agronom” va dual ta’lim: talabalar zamonaviy agrotexnikalarni amaliyotda o‘zlashtirmoqda

🗣Toshkent davlat agrar universitetida “Yangi agronom” dasturi doirasida dual ta’limning amaliy bosqichi davom etmoqda.

📍Agromuhandislik va agrotexnologiyalar fakulteti talabalari Toshkent viloyatining Oqqo‘rg‘on va Quyi Chirchiq tumanlaridagi “Global Textile” klasteri hamda “Saidabror Sulton Sayyid” ko‘p tarmoqli fermer xo‘jaligi paxta dalalarida amaliy mashg‘ulotlarda ishtirok etmoqda.

🚜 Talabalar paxta yetishtirish va hosilni yig‘ib-terib olish jarayonlarida qatnashib, zamonaviy qishloq xo‘jaligi texnikalaridan foydalanish, paxta terim mashinalarini boshqarish hamda mexanizatsiyalashgan ishlarni amaliy o‘rganmoqda.

✅Ushbu amaliyot yoshlarning nazariy bilimlarini mustahkamlash, ishlab chiqarish sharoitida kasbiy ko‘nikmalarini rivojlantirish va zamonaviy agrotexnologiyalarni puxta egallashiga xizmat qilmoqda.

➕“Yangi agronom” dasturi orqali zamonaviy bilim va amaliy tajribaga ega agrar soha mutaxassislarini tayyorlashga alohida e’tibor qaratilmoqda.

🌐Website 💬Telegram 💬Facebook 📺YouTube 📷Instagram

IAU’da “Induction Week” tanishtiruv haftaligi boshlandi

🏢 Xalqaro qishloq xo‘jaligi universitetida (IAU) yangi qabul qilingan talabalar uchun “Induction Week” tanishtiruv haftaligi o‘z ishini boshladi.

👥 Haftalik doirasida talabalar universitet rahbariyati, professor-o‘qituvchilar, Qishloq xo‘jaligi vazirligi vakillari, xorijiy elchilar va xalqaro mehmonlar bilan uchrashdilar.

📚 Uchrashuvlarda universitetdagi ta’lim jarayoni, kampus hayoti, talabalarning huquq va majburiyatlari hamda mavjud akademik imkoniyatlar haqida ma’lumot berildi.

🌍 Shuningdek, “Work and Travel” dasturi, xalqaro hamkorlik va talabalar uchun yaratilgan kasbiy rivojlanish imkoniyatlari haqida so‘z yuritildi.

🎓 Tanishtiruv haftaligi davomida yangi talabalar universitet hayoti va uning imkoniyatlari bilan yaqindan tanishishda davom etadilar.

🌐Website 💬Telegram 💬Facebook 📺YouTube 📷Instagram