У гістарычным будынку па вуліцы Савецкай, 5 у Пінску адкрыецца аптэка-музей. Дзеля гэтага ўжо прабіты дзвярны праём на галоўным фасадзе, устаноўлены ярка-чырвоныя металічная брамка, дзверы і акно. Цяпер ствараюцца інтэр'еры, выраблена і ўстанаўліваецца адпаведная мэбля. У 2021 годзе споўніцца 460 гадоў з першага ўспаміну пра аптэку ў Пінску.

#Пінск #гістарычнаязабудова #музеі
http://www.pinsk.gov.by/about/info/news/1496/

Музей народнай архітэктуры і побыту не збіраецца займацца выратаваннем драўлянай архітэктурнай спадчыны, у прыватнасці забіраць старасвецкі дом з Першамайскай 60а у Магілёве, якому пагражае знос, таму што ў яго ёсць нейкі генплан. Відаць, менавіта гэты генплан 30 гадоў замінае музею прадставіць хоць у якім выглядзе 3 з 6 рэгіёнаў Беларусі — Панямоння, Заходняга і Усходняга Палесся быццам не існуе (прывітанне ідэолагам «мы этот клочек земли никому не отдадим»), ды і Падняпроўе прадстаўлена не ў поўным аб'ёме. Нагадаю, што не так даўно музей адмовіўся забіраць сядзібу ў Двор-Гомель, якая была пасля знішчана. Вось такая навукова-даследчая ўстанова народнага дойлідства.

#музеі #гістарычнаязабудова #драўлянаедойлідства #Магілёў

У Мінску адкрываецца музейны квартал Нацыянальнага мастацкага музея Беларусі. Новыя карпусы размясціліся ў гісторыка-культурных каштоўнасцях па Кірава і Карла Маркса. Хочацца адзначыць, што працы на будынку па вуліцы Кірава, 25 выкананы жудасна, такіх крывых прафілёчкаў аконных ліштваў я яшчэ не бачыў.

https://minsknews.by/novye-korpusa-naczionalnogo-hudozhestvennogo-muzeya-otkryvayutsya-posle-rekonstrukczii/
#Мінск #музеі #Савецкаяспадчына

У будынку XIX стагоддзя на вул. Ракаўскай, 17 у Мінску, які быў нядаўна адрэстаўраваны, размясціцца музей савецкага Мінска. Усё лагічна.

P. S. Звярніце ўвагу на раскрыцці размалёвак у інтэр'ерах.


#музеі #Мінск #гістарычнаязабудова #інтэр'еры

Атрымалі адказ ад Міністэрства культуры на нашу петыцыю стварыць у Магілёве філіял Беларускага дзяржаўнага музея народнай архітэктуры і побыту, каб захаваць прыклады драўлянага дойліства, якія хутка вымываюцца з гарадской прасторы.

У адказе адзначана, што стварэнне філіяла немэтазгодна, бо будынкі размешчаны дысперсна, не ўтвараюць адзіны квартал ці вуліцу, і пакуль застаюцца жылымі. Таксама згодна з усё тым жа генпланам Музея народнага дойлідства, які не дазволіў вывезці сядзібу Арліцкіх з в. Двор-Гомель, ягоная тэрыторыя прадстаўлена ў выглядзе экспазіцыйных зон гісторыка-этнаграфічных рэгіёнаў цэласнага горадабудаўнічнага ўтварэння — паселішча сельскага тыпу [і што? Паўночны завулак у Мінску гэта філіял музея, але вёскай ніколі не быў, а на тэрыторыі самога музея знаходзіцца дом з вуліцы Вызвалення].

Тым не менш у рамках разгляду пытання аб мэтазгоднасці надання статусу гісторыка-культурнай каштоўнасці аб’ектам драўлянага жылога будаўніцтва, Музею гісторыі Магілёва даручана падрабязнае вывучэнне дадзенай тэмы.

Будзем адсочваць сітуацыю далей і спадзявацца на станоўчы вынік. А пакуль мо варта было б і па Гомелі атывізавацца, ці там ужо нічога не засталася?

Калі вам падабаецца, як мы змагаемся за культурную спадчыну, вы можаце падтрымаць наш канал праз Boosty ці Patreon (уваход праз ВПН).

#Магілёў #петыцыі #драўлянаедойлідства #гістарычнаязабудова #ахова #музеі

Канцэпцыя музеефікацыі старажытнарускага храма на дзяцінцы Старога замка з галаграмай святыні. Аўтар Славамір Вайткевіч.

Крыніца

#Старызамак #Гродна #замкі #музеі