Праект мураванай званіцы ў губернскім г. Магілёве, фасад царквы ў г. Княжыцах, званіца ў с. Сар'я Віцебскай губерні. Іванаўскі абласны мастацкі музей

То бок перад фасадам Сар'еўскай царквы магла быць неагатычна-псеўдаруская званіца 🥴

#Магілёў #Княжыцы #Сар'я #цэрквы #касцёлы #праекты

Праект газетнага шапіка для Мінска. Пачатак ХХ ст. З фондаў НГАБ
Пазначаныя месцы ўсталявання - Нізкі рынак, Ніжняя Ляхаўка, Траецкі рынак

#Мінск #малаяархітэктура #праекты

План гістарычнай забудовы XVII—XX ст.ст. у раёне Цэнтральнай плошчы, 23 жніўня 1977 г.

Чырвонай лініяй пазначаны пляц пад будаўніцтва Палаца Рэспублікі і знос гістарычнай забудовы. Знесці планавалі ўсю забудову Інтэрнацыянальнай вуліцы і музычнага завулка. Два будынкі, на той час афіцыйна прызнаныя помнікамі архітэктуры - Дом мастака Ваньковіча і Дом масонаў - па праекце "ўзнаўляліся" на новым месцы. Такім месца стала тэрыторыя кляштара бернардзінак (цяпер праваслаўны сабор). Сядзіба Ваньковічаў мусіла адкрывацца ў бок Гандлёвай (цяпер Зыбіцкай), а Дом масонаў яшчэ ніжэй да Нямігі.

Дарэчы на плане захавалася трасіроўка страчанай Касьмадзям'янаўскай вуліца (Цёмных крам), ад якой на той час заставаўся ўсяго адзін будынак пад № 8.

З фондаў НАРБ
Крыніца
#Мінск #праекты