☝️#Халқаро_олимпиада #IJSO #Departament
Tабиий фанлар бўйича ўсмирлар олимпиадаси
(International Junior Science Olympiad, IJSO)

Ушбу олимпиадада 15 ёш ва ундан кичик ўқувчилар иштирок этадилар. Бу олимпиадада физика, биология ва кимё фанлари бўйича ўқувчиларнинг билим ва кўникмалари синаб кўрилади. Ўқувчилардан учта фанни бирдек мукаммал билиш талаб этилгани боис, ушбу олимпиадани мураккаб ва ўзига хос деб таснифлаш мумкин.

✅ Ҳар бир иштирокчи давлатдан 6 нафар иштирокчи ва 3 нафар жамоа раҳбари ва етакчилардан иборат гуруҳ юборилади. Ушбу нуфузли олимпиада 2004 йилдан бери ҳар йили декабрь ойида ўтказиб келинади. Илк бор Индонезия давлатида бўлиб ўтган.
Ўтган 2019 йилги 16-IJSO олимпиадаси 3-12 декабрь кунлари Қатар давлатининг Доҳа шаҳрида бўлиб ўтди. Унда 70 та давлатдан келган 400 нафардан ортиқ ўқувчилар иштирок этди. 17- Халқаро табиий фанлар бўйича ўсмирлар олимпиадаси IJSO 2020 – Германия давлатида бўлиб ўтиши режалаштирилган.

🇺🇿Ўзбекистон иштироки: IJSO табиий фанлар бўйича ўсмирлар ўртасида Қатар давлатида бўлиб ўтган олимпиадада мамлакатимиз вакиллари 2019 йил илк маротаба иштирок этиб, битта бронза медалга сазовор бўлишди.

📄Назорат материаллари: Олимпиада турли кунларда ўтказиладиган 3 та турдан иборат:
👉1-босқич: тест
👉2-босқич: назарий саволлар
👉3-босқич: экспериментал турларни ўз ичига олади. Иштирокчилар физика, кимё ва биология бўйича амалий тажрибаларни ўтказишади.
👉1- турда - қатнашчилардан 30 та саволга жавоб беришлари сўралади, улардан 10 таси физика, 10 - кимё ва 10 - биологияга бағишланган.
👉2- назарий турда - ҳар бир иштирокчи гуруҳ кимё, физика ва биологияда бир нечта муаммоли масалаларни ҳал қилиши керак. Назариядаги барча фикрлар индивидуал таснифга ўтади.
👉3-экспериментал турда - вазифа сифатида, физика, кимё ва биология бўйича билимларни талаб қиладиган тадқиқотлар ўтказиш таклиф этилади.
Уч кишидан иборат жамоалар экспериментал турда қатнашадилар. Унинг натижалари одатда рақамлар, жадваллар ва графикалар шаклида тақдим этиладиган экспериментга қўшимча равишда, иштирокчиларга эксперимент билан боғлиқ бўлган бир қатор тест, назарий саволларга жавоб бериш таклиф этилади. Одатда, меҳнат тақсимоти (топшириқлар) шу 3 кишидан иборат жамоага бўлинади: бири асбоб-ускуналар билан ишлайди, бошқаси назарияни ҳисоблаш билан машғул бўлади, учинчиси эса, тестларни ечиш вазифаларни бажарадилар.

🥉Ўзбекистон терма жамоаси натижалари: 2019-йилдаги олимпиада натижаларига кўра, Ўзбекистон терма жамоасидан Муҳаммадризо Мажидов бронза медаль совриндори деб топилди.
✅ Ушбу олимпиада барча жалб қилинган ўқувчиларнинг жамоавий ҳаракатлари натижаси бўлиши керак. Ушбу танловнинг мақсади ўқувчиларни ёшлигиданоқ табиий фанлар ихлосмандлари қаторига жалб қилишдир. Бундан ташқари, у илмий ишларда устунликка эришишга ёрдам беради ва мукофотлайди ҳамда иқтидорли ўқувчиларни табиий фанлар бўйича иқтидорларини янада ривожлантиришга рағбатлантиради.

Қуйида 2019 йилда бўлиб ўтган олимпиададан видеолавҳа тақдим этилади:
https://youtu.be/pMoEMerh3p8

Каналга уланиш: 👇👇👇
https://t.me/olimpdep

☝️#Халқаро_олимпиада #IBO #Departament
Халқаро биология олимпиадаси
(International Biology Olympiad)
15 ёшдан кичик ва 20 ёшдан катта бўлмаган мактаб ўқувчилари ўртасида ҳар йили биология фанидан ўтказиладиган нуфузли халқаро олимпиада ҳисобланади.
✅Олимпиадада иштирок этиш учун ҳар бир давлатдан 4 нафар иштирокчи ва 2 нафар жамоа раҳбаридан иборат миллий терма жамоа шакллантирилади ва одатда мазкур 4 нафар ўқувчилар шу давлатнинг миллий олимпиадаси ғолиблари орасидан сараланади. Ушбу олимпиада 1990 йилдан бери ҳар йили июль ойида турли давлатларда ўтказиб келинмоқда. Илк маротаба олимпиада Чехословакия давлатида ўтказилган ва унда 6 нафар терма жамоа иштирок этган. Бугунги кунга келиб олимпиадада 80 га яқин турли мамлакат терма жамоалари мунтазам қатнашиб келмоқда. 2019 йилда Халқаро биология олимпиадаси Венгриянинг Сегет шаҳрида бўлиб ўтди. Бу йилги 31- Халқаро биология олимпиадаси (IBO) 2020 йил 3-11 июль кунлари Япониянинг Нагасаки шаҳрида ўтказилиши режалаштирилган.
🇺🇿 Ўзбекистон иштироки: Ўзбекистон терма жамоаси 1997 йилдан буён иштирок этиб келмоқда.
📄Назорат материаллари: Олимпиаданинг расмий тили - бу инглиз тилидир. Ташкилий қўмита томонидан тайёрланган назорат материаллари ва баҳолаш мезонлари барча терма жамоалар раҳбарлари олдида муҳокама қилинади ва тасдиқланади.
Барча иштирокчилар индивидуал тартибда баҳоланади. Олимпиадада биологиянинг бир неча асосий йўналишлари: ҳужайра биологияси, молекуляр биология, ўсимлик анатомияси ва физиологияси, ҳайвонлар ва одамларнинг анатомияси ва физиологияси, этология, генетика ва эволюция, экология, биосистематикадан синовлар ўтказилади.
Олимпиада 2 босқичда ўтказилади:
👉1-босқич - амалий-лаборатория топшириқлари.
👉2-босқич - назарий саволлар.
Жорий йилги IBO-2020 халқаро биология олимпиадасида назорат материаллари қуйидаги тартибда берилиши белгиланган:
👉1-босқичда биологиянинг қуйидаги 3 та йўналишига оид:
а) Ҳайвонлар физиологияси, гистологияси ва ривожланиш биологияси (3 соат); б) Ўсимликлар биологияси (1,5 соат); в) Биоинформатика (1,5 соат) амалий-лаборатория топшириқлари ўтказилади.
👉2-босқичда бериладиган барча назарий саволлар биологиянинг асосий йўналишига асосланади ва бу босқичда ўқувчиларнинг биология фанига оид билимларидан ташқари чуқур мантиқий фикрлаш, кучли математик ҳисоблаш малакалари синовдан ўтказилади.
Олимпиада 2 кун мобайнида ўтказилиб, ҳар бир босқич учун 6 соатдан вақт ажратилади. Ғолиб ва совриндорлар баллар кетма-кетлигида аниқланади. Жами иштирокчиларнинг 10 фоизи олтин, қолган 20 фоизи кумуш, қолган 30 фоизи бронза медалларига сазовор бўладилар.
💵 Рағбатлантириш:
Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги ПҚ-4306-сонли қарорига асосан ушбу халқаро олимпиадада ғолиб бўлган ўқувчилар, уларнинг ўқитувчилари учун пул мукофотлари (ҳамда устамалар) берилиши белгиланган.
🥈🥉Ўзбекистон терма жамоаси натижалари: Терма жамоамиз 1997-2018 йилларда жами 1 та кумуш, 5 та бронза медалларни қўлга киритган бўлса, биргина 2019 йилнинг ўзида Ўзбекистон тарихида биринчи марта мазкур олимпиадада бирданига 3 та бронза медаль қўлга киритилди.
Бу албатта Ўзбекистон Республикаси Президентининг ёшларга билдирган ишончининг ижобий натижасидир. Юртимиз ифтихорлари: Худойбердиев Шароф (БРОНЗА, 1997, Ашхобод, Туркманистон); Худойбердиев Шароф (БРОНЗА, 1998, Киль, Германия); Қосимов (БРОНЗА, 1998, Киль, Германия); Алиев Алишер (БРОНЗА, 1999, Уппсала, Швеция); Аширов Азиз (БРОНЗА, 2000, Анталия, Туркия); Тургунов Жахонгир (БРОНЗА, 2000, Анталия, Туркия); Алиев Алишер (КУМУШ, 2000, Анталия, Туркия); Қудратова Хосиятхон (БРОНЗА, 2019, Сегет, Венгрия); Эгамов Хусен (БРОНЗА, 2019, Сегет, Венгрия); Валижонова Саида (БРОНЗА, 2019, Сегет, Венгрия)
Қуйида 2019 йилда Венгриянинг Сегет шаҳрида бўлиб ўтган олимпиададан видеолавҳани тақдим этамиз: https://youtu.be/HEMKDZQ-wl0 Каналга уланиш: 👇
https://t.me/olimpdep

☝️#Халқаро_олимпиада #IPhO #Departament Халқаро физика олимпиадаси
(International Physics Olympiad, IPhO)
20 ёшдан катта бўлмаган мактаб ва академик лицейларнинг юқори синф ўқувчилари ўртасида ҳар йили ўтказиладиган халқаро фан олимпиадасидир.
✅ Олимпиадада иштирок этиш учун ҳар бир давлат 5 нафар иштирокчи ва 2 нафар жамоа раҳбаридан иборат миллий терма жамоани шакллантиради. Мазкур 5 нафар ўқувчилар ўз давлатида миллий олимпиада ғолиблари ичидан сараланади. Олимпиада 1967 йилдан бери турли давлатларда ўтказиб келинмоқда. Илк маротаба олимпиада Польша давлатида ўтказилган. Бугунги кунга келиб, унда 5 қитъанинг 90 га яқин турли мамлакат терма жамоалари мунтазам қатнашиб келмоқда. 2019 йилда Халқаро физика олимпиадаси Исроилнинг Тель-Aвив шаҳрида бўлиб ўтган бўлса, 2020 йилда 51-Халқаро физика олимпиадаси IPhO-2020 июль ойида Литвада ўтказилади.
📄Назорат материаллари: Олимпиаданинг расмий тили - бу инглиз тилидир. Ташкилий қўмита томонидан тайёрланган назорат материаллари ва баҳолаш мезонлари барча терма жамоалар раҳбарлари олдида муҳокама қилинади ва тасдиқланади. Шундан сўнг, терма жамоаларнинг раҳбарлари назорат материалларини ўзларининг давлат тилларига таржима қиладилар.
Олимпиада 2 босқичда ўтказилади:
👉1-босқич: амалий-лаборатория топшириқлари.
👉2-босқич: назарий саволлар.
Ҳар бир босқич учун 5 соат вақт берилади.
Барча иштирокчилар индивидуал тартибда баҳоланади. Ғолиб ва совриндорлар баллар кетма-кетлигида аниқланади. Жами иштирокчиларнинг 8 фоизигача олтин, қолган 17 фоизигача кумуш, қолган 25 фоизигача бронза медаллари топширилади.
🥉🇺🇿Ўзбекистон терма жамоаси натижалари: Терма жамоамизда ҳозирча битта бронза медаль бор. Ушбу медаль 2018 йил Португалиянинг, Лиссабон шаҳрида бўлиб ўтган олимпиадада Ҳофизов Умиджон томонидан қўлга киритилган.
Ушбу олимпиада бўйича келажакдаги мақсадларимиз мактаб ўқувчиларининг тайёргарликларини тўғри ташкил қилиб, медаллар нуфузини яхшилашдан иборат.
💵 Рағбатлантириш: Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги ПҚ-4306-сонли қарорига асосан ушбу халқаро олимпиадада ғолиб бўлган ўқувчилар, уларнинг ўқитувчилари учун пул мукофотлари (ҳамда устамалар) берилиши белгиланган.
Қуйида 2019 йилда Исроилнинг Тель-Авив шаҳрида бўлиб ўтган олимпиададан видеолавҳани тақдим этамиз: https://youtu.be/D4jkvtSh088 Каналга уланиш: 👇
https://t.me/olimpdep

☝️#Халқаро_олимпиада #IOI #Биласизми
Халқаро информатика олимпиадаси
(International Olympiad in Informatics, IOI)
Халқаро информатика олимпиадаси ҳар йили юқори синф ўқувчилари ўртасида ўтказиладиган нуфузли халқаро фан олимпиадаларидан биридир.
✅ Ушбу олимпиадада ҳар бир давлатдан битта терма жамоа иштирок этади. Терма жамоа 2 нафар жамоа раҳбари ва 4 нафар иштирокчи ўқувчилардан иборат бўлади. Иштирокчи ўқувчилар одатда ҳар бир давлатнинг саралаш олимпиадаси натижаларига кўра терма жамоага танланади. IOI илк маротаба 1989 йил Болгария давлатида бўлиб ўтган ва ҳар йили олимпиадага мезбонлик қиладиган мамлакатлар ўзгариб туради. Олимпиадада 80 дан ортиқ мамлакат терма жамоалари иштирок этиб келмоқда.
2020 йилги 32-Халқаро информатика олимпиадаси 19-26 июль кунлари Сингапур Миллий университетида бўлиб ўтиши режалаштирилган.
Ушбу олимпиадада 80 дан ортиқ мамлакатдан келган жамоалар қатнашадилар.
🇺🇿Ўзбекистон иштироки: Мамлакатимиз ўқувчилари ушбу нуфузли халқаро олимпиадада 2015 йил Қозоғистоннинг Олма-ота шаҳрида ташкил қилинган 27-Халқаро информатика олимпиадасида илк маротаба иштирок этган.
💵Рағбатлантириш:
Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги ПҚ-4306-сонли Қарорига асосан ушбу халқаро олимпиадада ғолиб бўлган ўқувчилар, уларнинг ўқитувчилари учун пул мукофотлари (ҳамда устамалар) берилиши белгиланган.
📄Олимпиада ўтказилиш тартиби. Халқаро олимпиадада дастурлашга оид ҳар куни 3 тадан учта жами 6 та амалий топшириқ берилади. Бу топшириқларнинг ҳар бири 100 баллдан баҳоланиб, уларни бажариш учун ҳар бир турда 5 соат вақт ажратилади.
Ҳар бир иштирокчи компьютерда C, C++ ёки Паскаль дастурлаш тиллари ёрдамида берилган топшириқларни мустақил бажаради. Топшириқларга тузилган дастурларнинг тўғрилиги компьютерда текшириш тестлари ёрдамида аниқланади. Иштирокчиларнинг 50%и олтин, кумуш ва бронза медаллар билан тақдирланадилар. Тақдирлаш маросимида иштирокчилар умумий баллар сонидан келиб чиққан ҳолда рейтингга мувофиқ тақдирланадилар.
🇺🇿Ўзбекистон терма жамоаси натижалари. Ўзбекистон ушбу олимпиадада ҳали медалларга сазовор бўлмаган. Республикамизда илм-фанга қаратилаётган эътибор туфайли иқтидорли ёшларни қўллаб қувватлаш, уларга зарур шароитларни яратиш ҳамда уларни моддий рағбатлантириш бўйича кенг кўламли ислоҳотлар олиб борилмоқда. Бундай юксак эътиборга жавобан информатика фани ўқитувчилари, олимпиада тренерлари ва мутахассислари, шунингдек олимпиадада иштирок этишни хоҳлаган ўқувчилар келгуси Халқаро информатика олимпиадаларида бор билими ва имкониятларидан фойдаланиб юртимиз шарафини муносиб ҳимоя қилиб, малакатимиз байроғини халқаро майдонда юқори кўтаришига ишонч билдирамиз.

Қуйида 2019 йилда Баку шаҳрида бўлиб ўтган олимпиададан видеолавҳани тақдим этамиз: https://youtu.be/8PIBynaXhyQ
Каналга уланиш: 👇
https://t.me/olimpdep

☝️#Халқаро_олимпиада #ICHO #Биласизми
Халқаро кимё олимпиадаси
(International Chemistry Olympiad, ICHO)
Ушбу олимпиада ҳар йили 20 ёшдан катта бўлмаган ҳамда ОТМда ўқимайдиган ўқувчилар ўртасида ўтказилади. Олимпиаданинг асосий мақсади - дунё бўйлаб мактаб ўқувчиларининг кимёвий фанларга қизиқишини ошириш.
✅ Ҳар бир мамлакатдан тўрт нафар ўқувчи ва икки нафар мураббийдан иборат жамоа иштирок этади. Илк маротаба IСhO 1968 йилда Чехословакияда ўтказилган. Дастлабки мусобақада 3 та давлат, Чехословакия, Польша ва Венгрия жамоалари иштирок этган. Йилдан-йилга ушбу мусобақанинг нуфузи ортиб, иштирокчи давлатлар сони доимий равишда кўпайиб борди ва ҳозирги кунда Халқаро кимё олимпиадасида 68 та давлатдан келган жамоа иштирок этмоқда. Ўтган 2019 йилги Олимпиада Парижда 21-30 июль кунлари бўлиб ўтди. Навбатдаги 52-Халқаро кимё олимпиадаси жорий йилнинг 6-15 июль кунлари Туркиянинг Истанбул шаҳрида бўлиб ўтиши режалаштирилган.
🇺🇿 Ўзбекистон иштироки: миллий терма жамоамиз вакиллари ушбу олимпиадада илк бор 2013 йилда қатнашиб битта олтин ва иккита бронза медали соҳиби бўлганди. Шу йилдан бошлаб терма жамоамиз ушбу олимпиадада мунтазам иштирок этиб келмоқда.
📄Назорат материаллари: Олимпиада икки босқичдан иборат:
👉 1-босқич экспериментал.
👉 2-босқич назарий саволлар.
Иккала босқичга ҳам 5 соатдан вақт ажратилади ва алоҳида кунларда ўтказилади. Назарий турда максимал 60 балл, амалий турда эса, 40 балл берилади. Ҳар бир тур бир-биридан мустақил равишда баҳоланади ва имтиҳон натижалари йиғиндиси қатнашчининг умумий натижасини аниқлайди. Ҳар бир иштирокчи давлатдан икки нафар мураббий халқаро ҳайъат аъзолари тайёрлаган топшириқлар муҳокамасида иштирок этади ва уларни ўз давлат тилига таржима қилади. IСhOда иштирокчилар индивидуал баҳоланадилар.
💵 Рағбатлантириш:
Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги ПҚ-4306-сонли қарорига асосан ушбу халқаро олимпиадада ғолиб бўлган ўқувчилар, уларнинг ўқитувчилари учун пул мукофотлари (ҳамда устамалар) берилиши белгиланган.

🥇🥈Ўзбекистон терма жамоаси натижалари. Халқаро кимё олимпиадасида терма жамоамиз вакиллари 2013 йилдан буён қатнашиб, бу давр ичида жами 21 та медаль, шундан 2 та олтин, 4 та кумуш, 15 та бронза медалларни қўлга киритганлар. Биргина ўтган 2019 йилда 21-30 июль кунлари Франциянинг Париж шаҳрида бўлиб ўтган 51-Халқаро кимё олимпиадасида (IChO) Ўзбекистон терма жамоаси 2 та кумуш ва 2 та бронза медаль соҳиби бўлишди.
Ўтган 2019 йилги Халқаро кимё олимпиадасида қуйидаги ўқувчилар
Каримов Исломжон, Болтаева Моҳира - кумуш, Хаитов Диёр, Боирбеков Улуғбек - бронза медаллари билан тақдирланганлар.
Келгусида кимё фани бўйича ўтказиладиган олимпиадаларда юртимиз терма жамоасига бундан ҳам яхши натижаларни қўлга киритишларида омад тилаймиз.
Қуйида 2019 йилда Париж шаҳрида бўлиб ўтган олимпиададан видеолавҳани тақдим этамиз: https://youtu.be/VZ-4JsquYGQ

#IMO #Xalqaro_olimpiada #Халқаро #bilasizmi #биласизми #международная_олимпиада

Xalqaro matematika olimpiadasi
(International Mathematical Olympiad, IMO)
Xalqaro matematika olimpiadasi dunyoning yosh matematiklari uchun eng katta va eng nufuzli forum deb nomlasak adashmagan boʼlamiz. Har yili iyul oyida, dunyoning 100 dan ortiq mamlakatidan kelgan 500-600 nafar iqtidorli yoshlar unda oʼzaro bellashadilar, muloqotda boʼlishadi va tajriba almashishadi.
✅ Birinchi xalqaro matematika olimpiadasi Brashovda 1959 yilda boʼlib oʼtgan va unda Bolgariya, Vengriya, Sharqiy Germaniya, Polsha, Ruminiya, Sovet Ittifoqi, Chexoslovakiya terma jamoalari ishtirok etgan. Oʼzbekiston jamoasi ilk bor 1997 yili Аrgentinada boʼlib oʼtgan Xalqaro matematika olimpiadasida 3 nafar ishtirokchi va 1 nafar rahbar bilan qatnashgan. Oʼzbekiston terma jamoasi 1999 yildan boshlab Xalqaro matematika olimpiadasida toʼliq tarkibda, yaʼni 6 nafar ishtirokchi va 2 nafar jamoa rahbari bilan ishtirok etib kelmoqda.
🇺🇿Oʼzbekiston ishtiroki: Oʼzbekiston terma jamoasi birinchi medalni 2000 yilda Janubiy Koreyada qoʼlga kiritgan. Oʼzbekiston terma jamoasi oʼtgan davrda 18 marta ushbu olimpiadada ishtirok etib, 9 ta kumush va 27 ta bronza medallarini qoʼlga kiritgan. Bundan tashqari 30 dan ortiq ishtirokchilar olimpiadaning faxriy diplomlari bilan taqdirlangan.
📄Nazorat materiallari: Olimpiadaning rasmiy tili - bu ingliz, fransuz, ispan, rus va nemis tillaridir. Tashkiliy qoʼmita tomonidan tayyorlangan nazorat materiallari va baholash mezonlari barcha terma jamoalar rahbarlari oldida muhokama qilinadi va tasdiqlanadi. Shundan soʼng, terma jamoalarning rahbarlari nazorat materiallarini oʼzlarining davlat tillariga tarjima qiladilar.
Olimpiada musobaqasi ikki bosqichdan iborat boʼlib, har bosqichida 3 tadan masala, jami 6 ta masala taqdim etiladi. Har bir masala maksimal 7 ball (jami 42 ball) bilan baholanadi. Masalalar murakkabligi darajasi yuqori boʼlib, ular algebra, sonlar nazariyasi, geometriya, kombinatorika boʼlimlariga mansubdir.
💵 Ragʼbatlantirish: Oʼzbekiston Respublikasi Prezidentining 2019 yil 3 maydagi “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʼgʼrisida”gi PQ-4306-sonli qaroriga asosan ushbu xalqaro olimpiadada gʼolib boʼlgan oʼquvchilar va ularning oʼqituvchilari uchun pul mukofotlari (hamda ustamalar) berilishi belgilangan.
20 yildan buyon bu olimpiadalarga oʼquvchilarimizning ona yurt sharafini himoya qilish uchun bor kuchi va bilimi bilan gʼoliblikka intilishi, ishtiyoqini oʼlchab boʼlmaydi.
Bularning bari bizga davlatimiz tomonidan yaratib berilgan sharoit va aziz ustozlarning fidokorona mehnati samarasidir. Oldimizda yana bir marra - oltin medalni qoʼlga kiritish turibdi.
👉 @olimpdep 👈
Quyidagi videolavhada 1959 yildan 2019 yilgacha Xalqaro matematika olimpiadasida oltin medal olgan davlatlar statistikasi koʼrsatilgan:
https://www.youtube.com/watch?v=38xeYPAUPd0&feature=emb_title

#IMO #Xalqaro_olimpiada #Халқаро #bilasizmi #биласизми #международная_олимпиада

Международная математическая олимпиада
(International mathematical Olympiad, IМО)
Международную математическую олимпиаду можно назвать самым престижным в мире соревнованием для юных математиков. Каждый год в июле около 500-600 одарённых учащихся из более чем 100 стран мира соревнуются между собой, общаются с друг другом и делятся своим опытом.
✅ Первая Международная олимпиада по математике была проведена в Брашове в 1959 году, в которой приняли участие команды из Болгарии, Венгрии, ГДР, Польши, Румынии, СССР и Чехословакии. Сборная Узбекистана впервые приняла участие в Международной математической олимпиаде, проходившей в Аргентине в 1997 году, с тремя участниками и одним лидером. Начиная с 1999 года сборная Узбекистана участвует в полном составе - шесть участников и двое лидеров команды.
🇸🇱Участие Узбекистана: Сборная Узбекистана завоевала первую медаль в 2000 году в Южной Корее. Сборная команда Узбекистана участвовала в олимпиаде 18 раз и завоевала 9 серебряных и 27 бронзовых медалей. Кроме того, более 30 участников были награждены похвальными дипломами. Перед Узбекистаном ещё стоит задача завоевать золотую медаль данной престижной олимпиады.
📄Контрольные материалы: Официальные языки олимпиады - английский, французский, испанский, русский и немецкий. Контрольные материалы и критерии оценки, подготовленные Оргкомитетом, обсуждаются и утверждаются лидерами всех национальных сборных. После этого лидеры команд переводят контрольные материалы на свой государственный язык.
Олимпиада проводится в два этапа, по три вопроса на каждом, в общей сложности шесть вопросов. Каждый предмет оценивается максимум в 7 баллов (всего 42 балла). Задачи имеют высокую степень сложности и связаны с такими разделами, как алгебра, теория чисел, геометрия, комбинаторика.
💵 Поощрение: В соответствии с постановлением Президента Республики Узбекистан № ПП-4306 «О мерах по организации непрерывной системы выявления одаренной молодежи и подготовки высококвалифицированных кадров» победителям данной международной олимпиады и подготовившим их учителям определено единоразовое денежное вознаграждение (а также надбавки к зарплате учителей и директоров).
👉 @olimpdep 👈
Нижеследующий видеоролик показывает статистику стран, завоевавших золотые медали на Международной математической олимпиаде с 1959 по 2019 годы:
https://www.youtube.com/watch?v=38xeYPAUPd0&feature=emb_title

#IMO #medalists #Xalqaro_olimpiada #Халқаро #bilasizmi #биласизми #международная_олимпиада #медалисты

|UZ| Xalqaro matematika olimpiadasida (IMO) 1997 yildan shu kunga qadar medalga sazovor bo'lgan O'zbekiston terma jamoasi a'zolari

|RU| Члены сборной команды Узбекистана завоевавшие медали на Международной математической олимпиаде (IMO) с 1997 года по сегодняшний день.

👏👏👏

👉 @olimpdep 👈