အာရက္ခပြည်၊ စစ်တွေမြို့၊ ဗျိုင်းဖြူကျေးရွာမှ အပြစ်မဲ့ပြည်သူလူထုများအပေါ် အကြမ်းဖက်လုပ်ရပ်များနှင့်အတူ စစ်ရာဇဝတ်မှုကျူးလွန်ခဲ့သော မြန်မာစစ်ကောင်စီ၏လုပ်ရပ်အား ကန့်ကွက်ရှုတ်ချခြင်းနှင့် ထိုလုပ်ရပ်များကို အမြန်ဆုံးချက်ချင်းရပ်တန့်ရန် သတိပေးသည့် PSLF/TNLA နှင့် MNTJP/MNDAA တို့၏ သဘောထားထုတ်ပြန်ချက်

၂၀၂၄ ခုနှစ်၊ ဇွန်လ (၆) ရက်

DAILY HIGHLIGHTS (06 Jun 2024)
•••••••••••••••®•••••••••••••••
📰 စစ်ရေးထူးခြားသတင်းများ

စစ်ကောင်စီတပ်နှင့် တိုက်ပွဲများ အပြင်းအထန်ဖြစ်ပွားနေသော သံတွဲမြို့နယ်ရှိ နေရာ တချို့ကို AA က စတင်သိမ်းပိုက် – KT

သံတွဲလေဆိပ်တွင် စစ်တပ်က တပ်စွဲထားပြီး AA ၏ထိုးစစ်ကို ခုခံနေ – KT

စစ်ကောင်စီနှင့်ALPတို့၏ ဗျိုင်းဖြူရွာလူသတ်ပွဲ – MN

ဖာပွန်မြို့ လက်ကျန်စခန်းများကို တော်လှန်ရေးပူးပေါင်းတပ် ထိုးစစ်ဆင် – MN

ရှမ်းမြောက်၊ လားရှိုးရှိ အရှေ့မြောက်တိုင်းစစ်ဌာနချုပ်သို့ ဒရုန်းစင်းရေ ၄၀၀ နီးပါး နှင့် ဒရုန်းဗုံးထောင်ချီ စစ်ကောင်စီက ပေးပို့ – KT

မကွေးတိုင်း၊ ရေနံချောင်းတွင် PDF များကို စစ်ဆင်ရေးဖြင့် တိုက်ခိုက်ရန် စစ်ကောင်စီက ပြင်ဆင်နေပြီး စစ်ကြောင်းများ ပြင်ဆင်ထားဟု လျှို့ဝှက် အစီ ရင်ခံစာတွင် ဖော်ပြ – KT

စစ်မှုထမ်းဥပဒေကြောင့် တောင်ပိုင်းစစ်ဒေသက ၂ လအတွင်း PDF ရဲဘော် ၁၀၀၀ နီးပါး ရောက်ရှိ စစ်သင်တန်းဆင်းသွားပြီး ရဲဘော်သစ်များ ဆက်လက်ခေါ်ယူ လက်ခံနေ – KT

📰 နိုင်ငံခြားရေးထူးခြားသတင်းများ

မြဝတီ အလုပ်အကိုင် ကမ်းလှမ်းမှုအတုများကို အိန္ဒိယနိုင်ငံသားများ သတိထားကြရန် သံရုံး ထုတ်ပြန် – MPA

မော်ရိုကိုနိုင်ငံသား လူသိများသော YouTube သမား မြန်မာနိုင်ငံတွင် ပျောက်ဆုံးနေ – MPA

📰 စီးပွားရေးထူးခြားသတင်းများ

ရန်ကုန်တိုင်းအတွင်းရှိ ရွှေဆိုင်များကို စစ်ကောင်စီက ဆိုင်ဖွင့်၊ မဖွင့်၊ သတ်မှတ်စျေးဖြင့် အရောင်းအဝယ် လုပ်၊ မလုပ် စုံစမ်းထောက်လှမ်းနေ၍ ရွှေဆိုင်များ အပြီးပိတ်သိမ်းရမည့် အခြေအနေ ဆိုက်ရောက်လာ – KT

အရပ်သားအစိုးရ ကလုပ်ငန်းများကိုထုတ်ချေးခဲ့​သော ကိုဗစ်​ချေး​​ငွေကို အတိုး​​ရော၊အရင်းပါပြန်ဆပ်ရန်စစ်​ကောင်စီဖိအား​ပေး – PS

📰 အခြားထူးခြားသတင်းများ

ကရင်နီ ၈ မြို့နယ်၌ ကြားကာလအုပ်ချုပ်ရေးလည်ပတ်၊ ဖက်ဒရယ်ပြည်နယ်အဖြစ် ပါဝင်မည် – DVB

TNLA ထိန်းချုပ်မြို့များတွင် အရပ်သားအုပ်ချုပ်ရေးဖြင့် အစားထိုးအုပ်ချုပ်မည် – DVB

ဆယ်လီမီဒီယာများအား ဆင်ဆာ တင်းကျပ်ရန် စစ်ကောင်စီ ပြန်ကြားရေး စီစဥ်နေ – MPA

နေပြည်တော်တွင် စစ်အရာရှိမှ အသွင်ပြောင်းလာသော ရဲမှူး လှကျော်ဦးက ရဲတပ်ကြပ်တစ်ဦး၏ အသက်မပြည့်သေးသော ဆယ်ကျော်သက်အရွယ် သမီးငယ်ကို အကြိမ်ကြိမ် မုဒိမ်းပြုကျင့်မှုဖြစ်ပွား – KT

VPN ဖြင့် လူမှုကွန်ရက်အသုံးပြုမရစေရန် ဆက်သွယ်ရေးက ညွှန်ကြားထား – DVB

VPN App အသစ်တစ်ခု သုံးနိုင်တော့မယ်လို့ NUG ပြော – RFA

အင်တာနက် ဖြတ်ခံထားရတဲ့နေရာ သုံးရာနီးပါးရှိလာ – RFA

မြေရှားသတ္တုလုပ်ကွက် ပြိုကျမှု မြန်မာ ၂ ဦးနဲ့ တရုတ် ၂ ဦး ရုပ်အလောင်းတွေ့ရှိထား – MZM

လူသိနည်းဆေးလိပ်ကို စစ်တပ်ကုမ္ပဏီက အဆပေါင်းများစွာ တိုးထုတ်နေ – MN

#rangoonscoutnetwork

⛔ သောက်သုံးရေအသိပေးချက်⛔

ချင်းတွင်းမြစ်ရေ အလွန်အမင်းညစ်ညမ်းနေခြင်းကြောင့် လူနှင့် ကျွဲနွား တိရိစ္ဆာန်များ ဘေးအန္တရာယ်ရှိနိုင်ပါသဖြင့်  မြစ်ကမ်းတလျောက်ကျေးရွာများမှ အများပြည်သူများ သောက်သုံးရေအဖြစ် အသုံးမပြုကြပါရန် အသိပေးနှိုးဆော်အပ်ပါသည်။

ဖြန့်ဝေပေးရန် ( ကနီမြို့နယ် ပအဖ )

#ချင်းတွင်းမြစ်ကမ်းဘေးကျေးရွာများသပိတ်ကော်မတီ
#သတင်းနှင့်ပြန်ကြားရေး

ဂိတ်ကြေးတောင်းပြီး လမ်းဖြတ်ကူးတဲ့ ရဲတပ်ကြပ်ကြီးတဦး ဆီဘောက်ဆာကားနဲ့ တိုက်ခံရ

အင်းတော်၊ ဇွန် ၇၊ ၂၀၂၄။

စစ်ကိုင်းတိုင်း၊ အင်းတော်မြို့ ရထားသံလမ်းအနီးက စစ်ကောင်စီဂိတ်မှာ ကားတွေဆီက ပိုက်ဆံကောက်နေတဲ့ ရဲတပ်ကြပ်ကြီးတဦး ဆီဘောက်ဆာကားနဲ့တိုက်ခံရပြီး ဆေးရုံတင်ထားရကာ အသက်အန္တရာယ်စိုးရိမ်ရတယ်လို့ ဒေသခံတွေဆီက သိရပါတယ်။

ဇွန် ၆ ရက် မနေ့က ညနေ ၅ နာရီခွဲမှာ မန္တလေး-မြစ်ကြီးနား ဆီတင်ပို့နေတဲ့ ၁၂ ဘီး ဆီဘောက်ဆာကားက မြို့ထဲကနေ မြို့ပြင်ကိုမောင်းလာချိန် ကားတွေဆီက ဂိတ်ကြေးတောင်းပြီး လမ်းဖြတ်ကူးလာတဲ့ ရဲတပ်ကြပ်ကြီးကို တိုက်မိခဲ့တာလို့ ဆိုပါတယ်။

“ရဲတပ်ကြပ်ကြီးက ကားတစီးမှာ ပိုက်ဆံတောင်းနေတာ။ တောင်းပြီး လမ်းတဖက်ကို ဖြတ်ကူးတာမှာ ဟိုဘက်က လာတဲ့ကားနဲ့တိုက်မိတာ။ လွင့်ထွက်သွားပြီး သေနတ်လည်းကျိုးသွားတယ်။ ဒဏ်ရာတော့ တော်ဝောာ်ပြင်းထန်တယ်။ သေနိုင်တယ်လို့လည်း ပြောတယ်။”လို့ အင်းတော် ဒေသခံတဦးက ပြောပါတယ်။

သတင်းအပြည့်အစုံ - https://www.myaelattathan.org/articles/ဂိတ်ကြေးတောင်းပြီးလမ်းဖြတ်ကူးတဲ့ရဲတပ်ကြပ်ကြီးတဦး_ဆီဘောက်ဆာကားနဲ့တိုက်ခံရ

အန္တရာယ်ဖြစ်နိုင်သည့်လက်နက်များအကြောင်း ပညာပေးပိုစတာ စာသင်ကျောင်းများတွင် စိုက်ထူမည်

ထားဝယ်မြို့ အိမ်ရှေ့ပြင်ရပ်ကွက်ရှိ မူလတန်းကျောင်းတွင် စစ်ကျန်ဗုံးပေါက်ကွဲကာ ကျောင်းသား၊ ကျောင်းသူများ ထိခိုက်သေဆုံးပြီးနောက် ယခုကဲ့သို့ ပိုစတာစိုက်ထူရန် စီစဉ်ခြင်းဖြစ်သည်။

Photo - UNOCHA

သတင်းအပြည့်အစုံဖတ်ရန် >
https://www.facebook.com/DaweiWatch/posts/828943676051649?ref=embed_post

ကိုယ့်ကိုယ်ကို သတ်သေသွားတဲ့ တပ်သား စိုင်းကို တာဝန်ကျတဲ့စစ်ကောင်စီစစ်ဆေးရေးဂိတ်ဟာ ညောင်ပင်ကွင်းရွာ အရှေ့ကမ်းနဲ့ အနောက်ကမ်းကို ဆက်သွယ်ထားတဲ့ တံတားမှာရှိတဲ့ ဂိတ်ဖြစ်ပါတယ်။

(အပြည့်အစုံဖတ်ရန် Link ကို နှိပ်ပါ)

https://www.tntynews.com/07/06/2024/37004/

တနင်္သာရီမြို့နယ် ခမရ(၅၆၁)တပ်ရင်းမှ စစ်ကောင်စီတပ်သားတစ်ဦး အဆုံးစီရင်

ကျော်ဇော/People's Spring

တနင်္သာရီမြို့နယ် ခမရ(၅၆၁)တပ်ရင်းမှ စစ်ကောင်စီတပ်သားတစ်ဦး ယနေ့(ဇွန်လ ၇ ရက်)နံနက် အစောပိုင်းတွင် ကိုယ့်ကိုကိုယ်သေနတ်ဖြင့်ပစ်ခတ် အဆုံးစီရင်သွားကြောင်း မြိတ်ခရိုင် ပြည်သူ့ကာကွယ်ရေးပူးပေါင်းစစ် ကြောင်းက တပ်တွင်းသတင်းရင်းမြစ် ကိုးကားပြီး ပြောသည်။

ညောင်ပင်ကွင်းကျေးရွာအခြေစိုက် ခမရ(၅၆၁) တပ်ရင်းမှ စစ်ကောင်စီတပ်သား စိုင်းကိုဆိုသူသည် ညောင်ပင်ကွင်းတံတားစစ်ဆေးရေးဂိတ်၌ ဂိတ်စောင့်တာဝန်ချထားခြင်းခဲရစဥ် ယနေ့နံနက် ၁ ခန့်က မိမိကိုယ်ကိုကိုယ်အဆုံး စီရင်သွားခြင်းဖြစ်သည်။

"အသက်က ၁၉ နှစ်ပဲရှိပါသေးတယ်။ စစ်မှု ထမ်းသင်က ၃ နှစ်ပါ။ တပ်တွင်းဖိအားများလို့ ခုလိုလုပ်သွားတာလို့ ခန့်မှန်းရပါတယ်"ဟု မြိတ်ခရိုင် ပြည်သူ့ကာကွယ်ရေးပူးပေါင်းစစ် ကြောင်း(၂)မှ တာဝန်ရှိသူတစ်ဦးက လူထုနွေဦးသို့ ပြောသည်။

အဆိုပါ စစ်ကောင်စီ ခမရ(၅၆၁)တပ်ရင်းသည် တပ်တွင်းအရာရှိများမှ အောက်လက်အငယ်သားများအပေါ် ညှင်းပန်းနှိပ်စက်မှုများ တစ်နေ့ထက် တစ်နေ့ ပိုမိုဆိုးရွားလာနေ သည်ဟု ထောက်လှမ်းသိရှိရကြောင်း ၎င်းက ဆက်ပြောသည်။

ယခုနှစ်(၂၀၂၄)ပြီးခဲ့သည့် ဖေဖော်ဝါရီအတွင်းကလည်း အထက်ပါ ညောင်ပင်ကွင်းရွာအခြေစိုက် ခမရ(၅၆၁)တပ်ရင်း လက်အောက်ခံ ညောင်ပင်ကွင်း တံတားစစ်ဆေးရေးဂိတ်မှ ပြည်သူ့စစ်တစ်ဦး လက်နက်အပြည့်စုံဖြင့် မြိတ်ခရိုင်တပ်ရင်း -၂ ထံတွင် အလင်းဝင်ခဲ့ဖူးသည်။

အလားတူ ပြီးခဲ့သည့် မတ်လကလည်း တနင်္သာရီမြို့နယ်၊ သိန္ဓောကျေးရွာအခြေစိုက် စစ်ကောင်စီရှေ့တန်းစခန်းမှ တပ်သားတစ်ဦး မြိတ်ခရိုင် ပြည်သူ့ကာကွယ်ရေးပူးပေါင်းစစ်ကြောင်း(၁)ထံ လက်နက်အပြည့်အစုံဖြင့် အလင်းဝင်ရောက်ခဲ့ရာ စစ်ကြောင်းမှ ချီးမြှင့်ငွေ ကျပ် ၇၅သိန်း ပေးအပ်ခဲ့သေးသည်။

ပုလဲမောင် သေဆုံးမှု အမှုမှန်ပေါ်ပေါက်ရေး မိသားစုဝင်နဲ့ရွာခံတွေက ဆန္ဒပြတောင်းဆို (ရုပ်/သံ)

ပုလဲ၊ ဇွန် ၇၊ ၂၀၂၄။

စစ်ကိုင်းတိုင်း၊ ပုလဲမြို့နယ်၊ ပြည်သူ့လုံခြုံရေးအဖွဲ့(ပလဖ) သတင်းပြန်ကြားရေးတာဝန်ခံ ကိုပုလဲမောင် သေဆုံးမှုနဲ့ပတ်သက်ပြီး အမှုမှန်ပေါ်ပေါက်ရေးအတွက် မိသားစုဝင်တွေနဲ့ ရွာခံအင်အား ၃၀၀ ကျော်က မင်းတိုင်ပင်ကျေးရွာမှာ ဆန္ဒဖော်ထုတ်ခဲ့ကြတယ်လို့ ဒေသခံတွေက ပြောပါတယ်။

ဇွန် ၆ ရက် မနက် ၇ နာရီကနေ ၉ နာရီခွဲအထိ ဆန္ဒပြခဲ့တာဖြစ်ပြီး မင်းတိုင်ပင်ကျေးရွာပအဖရုံးသို့ ပုလဲမြို့နယ်၊ ပအဖခေါင်းဆောင် ကိုဇော်ထက်ရောက်ရှိနေချိန်မှာ ဆန္ဒပြခဲ့ကြတာဖြစ်တယ်လို့ သိရပါတယ်။

“ပုလဲမြို့နယ်၊ မင်းတိုင်ပင်စံပြကျေးရွာမှာ ဆန္ဒပြခဲ့ကြတာ။ အကို ပုလဲမောင် သေဆုံးမှုက လူသတ်မှုလို့ ခံယူတဲ့ အတွက် အမှုမှန်ပေါ်ပေါက်အရေး ဆန္ဒပြခဲ့တာပါ” လို့ သေဆုံးသွားသူ ကိုပုလဲမောင်ရဲ့ မိသားစုဝင်တဦးက ပြောပါတယ်။

ပုလဲမြို့နယ်၊ ပြည်သူ့လုံခြုံရေးအဖွဲ့ သတင်းပြန်ကြားရေးတာဝန်ခံ ကိုပုလဲမောင်ဟာ မေ ၂၃ ရက် ညနေပိုင်းမှာ ပျောက်ဆုံးခဲ့တာဖြစ်ပြီး မေ ၂၄ ရက် ည ၁၀ နာရီကျော်အချိန်မှာ ပုလဲမြို့နယ်ပအဖခေါင်းဆောင် ကိုဇော်ထက်နေအိမ်ရဲ့ မြေအောက်ခန်းထဲမှာ သေဆုံးလျက်တွေ့ခဲ့တာ ဖြစ်ပါတယ်။

အလောင်းကို တွေ့ခဲ့တဲ့အချိန်က ပုလဲမောင်ဟာ ပုဇွန်ခြောက်၊ သရက်သီးနဲ့ ငရုတ်သီးစားပြီးသွေးတိုးသေဆုံးခဲ့တာလို့ ပြောဆိုကြပေမယ့် “ဖုန်းပြောခဲ့တဲ့ တလျှောက်လုံးမှာ သွေးတိုးလည်း မရှိဘူး။ ‌သူတို့ပြောတာက ကိုကိုက အဲဒီမြေအောက်အခန်းထဲကို ဆင်းပြီးအိပ်လေ့ရှိတယ်တဲ့၊ ကိုကိုက အသန့်အရှင်းကြိုက်တယ်၊ အဲ့ဒီမြေအောက်ခန်းထဲကို ဘယ်လိုမှ ကိုကိုက ဆင်းမအိပ်လောက်ဘူး။ သူတို့ပြောသလို သွေးတိုးပြီးသေတယ်ဆိုရင် အခုဟာက လှေခါးရဲ့အောက်ထဲကို ရောက်နေတာ” လို့ ကိုပုလဲမောင်ရဲ့ ညီမဖြစ်သူက ပြောပါတယ်။

ဒါကြောင့်လည်း အမှုမှန်ပေါ်ပေါက်ရေးအတွက် မိသားစုဝင်တွေနဲ့ ရွာခံတွေက ဆန္ဒပြရတာဖြစ်တယ်လို့ ဆိုပါ တယ်။

ပုလဲမြို့နယ်ပအဖခေါင်းဆောင် ကိုဇော်ထက်က ကိုပုလဲမောင်သေဆုံးမှုနဲ့ပတ်သက်ပြီး အမှုမှန်ပေါ်ပေါက်ရေးအတွက် သေချာစုံစမ်းစစ်ဆေးဖို့ မြို့နယ်ပကဖအဖွဲ့ဝင် ၃ ဦး၊ ပအဖအဖွဲ့ဝင် ၃ ဦး၊ ပလဖ အဖွဲ့ဝင် ၃ ဦးနဲ့ တရားရေးဌာနက ၁ ဦးတို့ပါဝင်တဲ့ စုံခုံအဖွဲ့ကို ဖွဲ့စည်းကာ စုံစမ်းမှုတွေလုပ်နေတယ်လို့ ပြောပါတယ်။

“မြေအောက်ခန်းမှာ ဘယ်လိုဘယ်လိုဖြစ်သွားတယ်ဆိုတာတော့ စုံခုံဖွဲ့ထားတဲ့ အဖွဲ့တွေက စစ်ရမှာပေါ့၊ သာမန် သေမှုသေခင်းလား၊ လုပ်ကြံခံရတာလားဆိုတာ ဘာမှ အတိအကျမပြောနိုင်သေးဘူး” လို့ သူက ဆိုပါတယ်။

သေဆုံးသွားတဲ့ ပုလဲမောင်ရုပ်အလောင်းကို ဆရာဝန်ဆေးစစ်ချက်ယူကာ သက်ဆိုင်ရာပလဖက စုံစမ်းစစ်ဆေးမှုတွေလုပ်ခဲ့တယ်လို့ ပအဖခေါင်းဆောင် ကိုဇော်ထက်က ဆိုပါတယ်။

အလောင်းမှာ ပက်လက်လန်အနေအထားနဲ့ သေဆုံးတာဖြစ်ပြီး ဦးခေါင်းအောက်ဘက်မှာ သွေးကွက်တွေ့ရသလို နှာခေါင်းမှလည်း သွေးထွက်နေတာကို တွေ့ခဲ့ရတယ်လို့ သူက ဆက်ရှင်းပြပါတယ်။

“ပအဖ အဖွဲ့တွေကတော့ ကိုပုလဲမောင်သေဆုံးမှုနဲ့ ဘာမှလုပ်ပေးထားတာ မရှိပါဘူး၊ အမှုမှန်ပေါ်ပေါက်တဲ့ အထိလိုက်မှာပါ။ ဒါက မတရားခံရတာ၊ သူတို့ဘက်က ရိုးသားရင် ကိုပုလဲမောင်အလောင်းကို ပြရမှာပါ၊ သူတို့က မပြဘူးလေ၊ အကိုအလောင်းကို ကြည့်ချင်လို့ပြောတာတောင် သူတို့က ဇွတ်မြေချကြတာ၊ သူတို့ပြောသလို သွေးတိုးသေတာဆိုရင် ဓားဒဏ်ရာဘာလို့ရှိတာလဲ၊ သူ့ချိုင်း(ဂျိုင်း)အောက်မှာ သွေးတွေ ဘာလို့ထွက်ရတာလဲ” လို့ ကိုပုလဲမောင် ညီမဝမ်းကွဲတဦးက ပြောပါတယ်။

သတင်း - ဒိန်းဂျား၊ စာတည်း - လင်းဇေ၊ တည်းဖြတ် - HP

#မြေလတ်အသံ
#စစ်ကိုင်းတိုင်း #ပုလဲမြို့နယ် #ပလဖ #ပုလဲမောင် #ဆန္ဒဖော်ထုတ် #ပအဖ #ကိုဇော်ထက်

https://youtu.be/C23Ng2lkZWM

ကရင်နီပြည်နယ်တွင် ခြေတုတပ်ဆင်ရေးအလုပ်ရုံ ဖွင့်လှစ်မည်

7 June 2024 By Ko Paing / MPA

ကရင်နီပြည်နယ်အတွင်း ခြေတုတပ်ဆင်ရေးအလုပ်ရုံ ဖွင့်လှစ်ရန် ကရင်နီပြည်နယ်ကြားကာလအုပ်ချုပ်ရေးကောင်စီ(IEC)က ကြိုးပမ်းနေကြောင်း သိရသည်။

ဇွန်လခြောက်ရက်၊ကရင်နီပြည်ကြားကာလ အုပ်ချုပ်ရေးကောင်စီ (IEC) ဖွဲ့စည်းခြင်း တစ်နှစ်ပြည့် အဖြစ် ကရင်နီပြည်ကြားကာလအုပ်ချုပ်ရေးကောင်စီ ဥက္ကဋ္ဌ ခူဦးရယ်က မိန့်ခွန်းပြောကြားရာတွင် ယင်းသို့ ထည့်သွင်းပြောကြားခဲ့ခြင်း ဖြစ်သည်။

သတင်းအပြည့်အစုံဖတ်ရန် >>>> https://tinyurl.com/3x9nt3jd
Telegram Link - https://t.me/MPANews
Twitter Link - https://twitter.com/mmpressphoto
MPA English Website - https://mpapress.com/en

ပြည်သူလူထုကို သရေပေါ်နေ သရေနားစားသူများဟု စစ်ခေါင်းဆောင်ပြောဆို
https://www.youtube.com/TachileikNewsAgency/?sub_confirmation=1
* * * * *

ပြည်သူလူထုကို သရေပေါ်နေ သရေနားစားသူများဟုဆိုကာ နိုင်ငံကိုပျက်စီးအောင် နိုင်ငံသားများက ပြုလုပ်နေသည်ဟု အာဏာသိမ်းစစ်ခေါင်းဆောင် မင်းအောင်လှိုင်က ယနေ့ ၂၀၂၄ ခုနှစ် ဇွန်လ (၇)ရက်နေ့တွင်ပြုလုပ်သည့် စစ်ကောင်စီအစည်းအဝေးတွင် စွပ်စွဲပြောဆိုသည်။

တစ်နိုင်ငံလုံးတွင် စစ်ကြောင်းထိုး၊ လူသတ်၊ ရွာကိုမီးရှို့ခိုင်းနေသည့် စစ်ခေါင်းဆောင်က ၎င်းတို့လုပ်ရပ်ကို ဖုံးကွယ်ကာ နိုင်ငံကိုပျက်စီးအောင်လည်း အဖျက်သမားစိတ်ဓာတ်ရှိသည့် နိုင်ငံသားများကပင် အဓိကပြုလုပ်ခြင်းဖြစ်သည်ဟုဆိုသည်။

ထို့အပြင် ဒေသတစ်ခု ပျက်စီးစေရန်အတွက် လုပ်ဆောင်ကြသူများမှာ ဒေသတွင်နေထိုင်ကြသည့် ဒေသခံ အဖျက်သမားများဖြစ်သည်ဟု ပြောဆိုသည်။

တိုင်းဒေသကြီးနှင့် ပြည်နယ်အလိုက် ဖြစ်ပေါ်နေသည့် အကြမ်းဖက်လုပ်ရပ်များကို အဆိုပါဒေသတွင်နေထိုင်ကြသူများက လုပ်ဆောင်
ခြင်းဖြစ်ကာ အခြားဒေသတွင် နေထိုင်သူများက လာရောက်လုပ်ဆောင်ခြင်းမရှိဟု ဆိုသည်။

ထို့အပြင် ပြည်သူများကို သရေပေါ်နေ သရေနားစားသူများဖြစ်ကြောင်း အရှက်မရှိပြောဆိုပြီး လူထုအားဖြင့် ကာကွယ်ထိန်းသိမ်းရန် လိုသည်ဟုလည်း ပြောသည်။

စစ်ကောင်စီဝင်များကိုလည်း ၎င်းတို့လုပ်ရပ်များအား ဖုံးကွယ်ရန် ရောက်ရာဒေသတွင် ၎င်း‌ပြောဆိုခဲ့သည့်အချက်ကို ပြည်သူလူထုသဘောပေါက်နားလည်ရန် ပြောဆိုပေးကြရန်လည်း စစ်ခေါင်းဆောင်က တိုက်တွန်းသွားသည်။

News : https://www.tachileik.net/mm/news/36203

#TachileikNewsAgency

မန္တလေးအိုးဘိုထောင်မှာ အရေပြားရောဂါဖြစ်ပွားနေ
~~~
■ မန္တလေးမြို့ အိုးဘိုထောင်က အကျဉ်းဆောင်တွေမှာ ပုံမှန်ထားရမဲ့ လူဦးရေထက် နှစ်ဆနီးပါး စုပြုံထားရှိတဲ့အပြင် ထောင်ဝတ်စုံ လုံလုံလောက်လောက် မပေးတာကြောင့် အရေပြားရောဂါတွေ ဖြစ်ပွားနေတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က ဇွန်လ ၇ ရက်နေ့မှာ ထုတ်ပြန်ပါတယ်။

လက်ရှိ အိုးဘိုထောင်မှာ တစ်ဦးနဲ့တစ်ဦး ထပ်လုနီးပါးအိပ်နေရပြီး မိုးတွင်းကာလ အဝတ်မခြောက်တာနဲ့ ထောင်ဝတ်စုံ အလုံအလောက်မရတာကြောင့် နောက်ဆက်တွဲအနေနဲ့ ပွေး၊ ဝဲ၊ ယားနာတွေ ဖြစ်ပွားနေတာလို့ PPNM ရဲ့ ကော်မတီဝင် ကိုသိုက်ထွန်းဦးက RFA ကို ပြောပါတယ်။

“နိုင်ငံရေးအကျဉ်းသား အကျဉ်းသူတွေအားလုံးဟာ ရှင်လျှက်နဲ့ သေတဲ့သူတွေလို့ နေနေကြရတယ်။ တစ်ယောက်ကို တစ်ပေနဲ့ သုံးလက်မဝန်းကျင် နေရာလေးမှာ အိပ်စက်နေရပြီး အဆင်ပြေအောင်နေနေရတယ်။ တစ်ယောက်ကို ထောင်ကျအဝတ်အစား နှစ်ထည် သုံးထည်ပဲ ထုတ်ပေးတယ်။ အခုမိုးတွင်းကာလ မခြောက်တဲ့ အဝတ်အစားတွေကို ဝတ်နေရတာကြောင့် နောက်ဆက်တွဲ ပွေး၊ ဝဲ၊ ယားနာတွေ ဖြစ်လာတာပါ။”

စစ်ကောင်စီရဲ့ အစုလိုက်အပြုံလိုက် ဖမ်းဆီးမှုတွေကြောင့် အိုးဘိုထောင်အတွင်း အကျဉ်းသားဦးရေများပြားနေပြီး အကျဉ်းသား ၅၀ နီးပါးလောက်သာထားနိုင်တဲ့ အဆောင်တွေကို နှစ်ရာနီးပါးအထိ ထားရှိတယ်လို့ ဆိုပါတယ်။

ဒါ့အပြင် နေရာမလုံလောက်မှုကြောင့် အမျိုးသမီးအဆောင်က ကိုယ်ဝန်သည်အကျဉ်းသူတွေနဲ့ ကလေးတွေလည်း အပူနာတွေ စွဲကပ်ခံစားနေရတယ်လို့ PPNM က ထုတ်ပြန်ထားပါတယ်။

နိုင်ငံရေးကျဉ်းသားများ ကူညီစောင့်ရှောက်ရေးအသင်း (AAPP) ရဲ့ ဇွန်လ ၄ ရက်နေ့အထိ စာရင်းတွေအရ အာဏာသိမ်းကာလအတွင်း နိုင်ငံရေးနဲ့ ဆက်စပ်ပြီး လူပေါင်းနှစ်သောင်းကျော် (၂၀,၅၅၈ ဦး) ဖမ်းဆီးခံထားရဆဲဖြစ်ပြီး အဲဒီအထဲက လူ ကိုးထောင်ကျော် (၉၁၄၇ ဦး) ထောင်ဒဏ်တွေ ချမှတ်ခံထားရပါတယ်။
RFA Burmese Website တွင် ဖတ်ရှုရန် .....

DAILY HIGHLIGHTS (07 Jun 2024)
•••••••••••••••®•••••••••••••••
📰 စစ်ရေးထူးခြားသတင်းများ

မောင်တော နခခ ၆ နှင့် နခခ ၉ ကို AA သိမ်းပိုက် – DVB

မောင်တောရှိ စစ်ကောင်စီတပ်စခန်း ၆ ခုကို AA က တိုက်ခိုက်သိမ်းပိုက်ရရှိပြီး မောင်တော၊ သံတွဲနှင့်အမ်းတိုက်ပွဲများတွင် စစ်တပ်ဘက်မှ စစ်သား ၅၀၀ ထက်မနည်းသေဆုံး – MZM

စစ်ကောင်စီ၏ အင်အား ၅၀၀ ကျော်ပါ စစ်ကြောင်း လွိုင်ကော်ကို ရောက်လာ – MN

📰 နိုင်ငံခြားရေးထူးခြားသတင်းများ

မြန်မာနိုင်ငံတွင် နျူစွမ်းအင်သုံး ဓာတ်အားပေးစက်ရုံဆောက်ရန် ရုရှားအတည်ပြု – MN

မြန်မာအပါအဝင် အထောက်အထားမဲ့ရွှေ့ပြောင်းလုပ်သားများကို ထိုင်းနိုင်ငံအတွင်း တရားဝင် နေထိုင် အလုပ်လုပ်ခွင့် ပန်းရောင်ဘတ်လုပ်ပေးရန် ထိုင်းအစိုးရ ခွင့်ပြု – KT

ရခိုင်နှင့် စစ်ကိုင်းတွင် စစ်တပ်၏ သတ်ဖြတ်မှုများကြောင့် ပြည်သူအများအပြား သေဆုံးရမှုအပေါ် ကုလအထွေထွေအတွင်းရေးမှူးချုပ်က ကန့်ကွက်ရှုတ်ချပြီး အလွန်စိုးရိမ် – KT

📰 စီးပွားရေးထူးခြားသတင်းများ

မြန်မာ့ရွှေစျေး အခေါက်ရွှေတစ်ကျပ်သားလျှင် ၅၃ သိန်းဝန်းကျင်ရှိပြီး အမေရိကန်တစ်ဒေါ်လာလျှင် ၄၂၃၀ ကျပ်ဝန်းကျင် စျေးပေါက်နေကာ စစ်တပ်၏ ဖမ်းဆီးခြိမ်းခြောက်မှုများကြောင့် အရောင်းအဝယ် ဆက်လက် ရပ်ဆိုင်း – KT

📰 အခြားထူးခြားသတင်းများ

NUGအစိုးရ နှင့် အလှူရှင်များ၏ ထောက်ပံ့မှု၊ ကရင်နီပြည်တွင် အခွန်ကောက်ခံမှုများမှ ၁နှစ်လျှင် ကျပ်ငွေ သန်း ၈၀၀၀ကျော် ရရှိဟု ကရင်နီ IEC ဥက္ကဌပြောဆို – KT

နိုင်ငံကူးလက်မှတ် အလုပ်အကိုင်(PJ) အမျိုးအစား မှ အလည်အပတ် PV သို့ ပြောင်းလဲမှုများကို စစ်ကောင်စီက ပိတ်ပင်၊ လူငယ်အများစုမှာ ပြည်ပအလုပ်လုပ်ခွင့်ပိတ်ပင်ထား၍ PJ မှ PV ပြောင်းလဲ နိုင်ငံခြားသို့ထွက်ခွာနေမှု ရပ်ဆိုင်းသွားပြန် – KT

မြန်မာတွင် ဇွန်လအတွင်း ဖေ့စ်ဘွတ်ခ်အသုံးပြုသူ ထက်ဝက်ခန့် လျော့ကျ – DVB

တပ်မ ၇၇ လက်အောက်ခံ ဆက်သွယ်ရေးတပ်ခွဲမှ အကြပ်နှင့်စစ်သည် ၇ ဦး၏ ဇနီးများက ၎င်းတို့၏ခင်ပွန်းများ ကို စွန့်ခွာသွားမှု တပ်တွင်း ဟိုးလေးတကျော်ကျော်ဖြစ် – KT

စစ်တွေ၊ ဗျိုင်းဖြူရွာမှ ပြည်သူ ၇၆ ဦးကို စစ်ကောင်စီနှင့်လက်အောက်ခံများက သတ်ဖြတ်မှု TNLA နှင့် MNDAA က အပြင်းအထန် ကန့်ကွက်ရှုတ်ချ – KT

စစ်တွေမြို့နယ်တွင် ဗျိုင်းဖြူရွာမှ ပြည်သူ ၇၆ ဦးကို အစုလိုက်အပြုံလိုက် သတ်ဖြတ်ခဲ့သော စစ်ကောင်စီကို ရခိုင်နှင့် မဟာမိတ်အဖွဲ့ ၂၀၃ ခုက ပြင်းထန်စွာ ကန့်ကွက် ရှုတ်ချ – KT

#rangoonscoutnetwork

ချင်းပြည်မှာ ၃ နှစ်အတွင်း မြေမြုပ်မိုင်းကြောင့် ၃၆ ဦးသေဆုံးကာ သေဆုံးသူတွေထဲ ၄၀ ရာခိုင်နှုန်းဟာ အမျိုးသမီးနဲ့ကလေးငယ်တွေဖြစ်တယ်လို့သိရ

ဇွန်လ ၈ ရက်။

စစ်ကောင်စီတပ်အာဏာသိမ်းမှုအလွန် ၂၀၂၁ ခုနှစ်မှစတင်ပြီး ၂၀၂၄ ခုနှစ် မေလအထိ မြေမြုပ်မိုင်းကြောင့် ချင်းပြည်အတွင်းမှာ အမျိုးသမီးနဲ့ ကလေးငယ် သေဆုံးမှု ၄၀ ရာခိုင်နှုန်းထိ ရှိလာတယ်လို့ချင်းလူ့အခွင့်အရေးအဖွဲ့( CHRO )ရဲ့ ဇွန်လ ၈ ရက်နေ့ ထုတ်ပြန်ချက်အရ သိရပါတယ်။

ချင်းပြည်နယ်အတွင်းမှာ ၂၀၂၁ ခုနှစ်ကစလို့ ၂၀၂၄ ဇွန်လ ၈ ရက်နေ့အထိ မြေမြုပ်မိုင်းကြောင့် အရပ်သားပြည်သူ အနည်းဆုံး ၃၆ ဦးသေဆုံးကာ ၆၆ ဦးထိခိုက်ဒဏ်ရာရခဲ့လို့ စုစုပေါင်း ၁၀၂ ဦးအထိ ထိခိုက်ဒဏ်ရာရ သေဆုံးခဲ့ပြီလို့လည်း CHRO ကထုတ်ပြန်ထားပါတယ်။

ဇွန်လ (၅) ရက်နေ့ကလည်း ချင်းပြည်နယ် ဖလမ်းမြို့နယ် ကြောင်ဟဲင်းရွာသား အသက် ၆၂ နှစ်အရွယ် အမျိုးသားတစ်ဦးလည်း သရက်ခြံသွားရာလမ်းမှာ မိုင်းနင်းမိကာ ခြေထောက်နှစ်ဖက်လုံးပြတ်ပြီး သေဆုံးခဲ့ရပါတယ်။