【助理T手記：ERROR係符號，區議員都係】
《Error 自肥企画》最後一節簡直就係神作，見好多人都寫緊評論，做議員助理喺議員個Page，可以寫咩手記呢？
好似無理由班門弄斧，雖然老細由星期五晚播完節目開始已經係咁喺Group Tag我🥲，想借呢個浪潮「自肥」一下...... 好啦終於畀我諗到寫咩：其實除咗ERROR係符號，區議員都係符號。
* * * * * * * *
【區議員、是甚麼】
🎃：只要做區議員，就可以搵到自己嘅價值架喇咩？
🤕：係，只要做區議員，大家會話我Good Job，話後生仔好做得嘢，我覺得做區議員，大家會鍾意我多啲。係好自肥，咁樣有咩唔啱喎！
👽：努力迎合期望，唔會填滿你嘅空虛。
🤕：大家唔係一直，都好希望我做好議員㗎咩？係咁㗎啦！
🎃：呢個係你說服自己嘅答案。
👺：區議員嘅本質係咩呀？
🤕：呃.....吓？
【區議員】
🎃：區議會係香港地區層次的地方議會和區域組織，就市民日常生活事務向政府提供意見，議員大多透過民選產生。大埔區議員有姚鈞豪、何偉霖、陳振哲、周炫瑋，仲有...
🤕： 呢幾個人睇落有啲陌生，就算我喺入面都有咁嘅感覺。點解嘅？
👽：由Facebook呢啲片段，係片段嘅存在，缺乏前文後理。
🎃：但好多人都會自行整理出立體嘅人格，投射落去。
👹： 你根本唔識我。立體嘅人格唔係真人相處，你整合唔到，你根本唔識我。
🎃： 鏡頭同埋社交媒體面前，有時我哋只係一組剪接出嚟嘅符號。
👹：區議員有時都係符號，係一種意義嘅載體。 修橋補路手指指，投訴反映蛇齋餅，都係一種意義嘅載體。
🤕：係.....係咩意義呀？
🎃：係政治。
【政治、何故】
👹： 政治嘅目的同意義，就係政治本身，係你同我點樣生活喺同一個地方， 係共存、係創造。
🎃： 呢個係艱難嘅時代。
👹： 區議員隱喻緊香港其實雖然有好多制肘，但仲有空間去戰鬥。
🤕：但現實打都無得你打。
👹：區議員隱喻緊世界其實唔係有咁多痛楚。
🤕：但每日都痛不欲生！宣誓同唔宣誓都夠痛啦！
👽：最痛嘅時候，都可以不按牌理咁做地區工作，係區議員發放嘅意義，係呢時代大家都需要嘅能力。
🎃：都係你需要嘅能力， 你都係大家嘅一份子。
👽： 繼續做落去。
👹：繼續做落去。
🎃：繼續撐落去啦。
🤕：但.....但其實我唔一定要做區議員㗎， 我做KOL都可以講政治㗎， 我有捐錢、我食黃店、我可以簽下聯署， 或者我可以用其他媒體，將政治用文字講出嚟，大家都係理性㗎，會明白㗎！ 我唔需要做議員、唔需要留喺社區！
【社區、為甚麼】
🎃：因為所有嘢都係政治。
🤕：我唔認同！ 隔離陳師奶同張師奶鬧交，唔通又係政府嘅錯？
👹：有無諗過點解你住緊嘅地方咁細？居住地方細，財富分配唔公平，鄰舍先越來越無社區嘅情誼？如果樓下個公園整得靚啲舒服啲，師奶們會唔會落咗去傾計而唔係鬧交吖？如果個街市同商場正啲，你會唔會淨係屈埋喺屋企聽隔離屋鬧交吖？
🤕： 唔係咁㗎，做區啲嘢無關政治㗎！
👽： 所有嘅組織、所有同你條村、你返工、交通、就業、墟市，以至你對呢個地方嘅認同。
👹：都係政治。
🎃： 你坐喺office、坐喺地鐵、瞓喺張床度，有咩中美爭霸、有咩以巴衝突、邊個政治人物私生活點點點、邊個同邊個鬥黃。
👽：全部缺乏前文後理，了無意義，係片段化，泛濫、無用嘅麻醉藥。呢啲政治就真係假政治喇，淨係成為你茶餘飯後嘅話題，同你生活根本唔相關。
🎃：擘大你雙眼。
🤕： 唔係咁㗎！
👹：擘大你雙眼！
（🤕捂耳尖叫）
🎃：片段化嘅假政治，令大家習慣覺得 ，政治唔關平時嘅日常生活，一定係啲污糟爭鬥。
👽：但政治其實唔係咁。
👹：慢慢所有人都唔能夠再有開放嘅心，去參與真實嘅政治。
🎃： 雖然區議員本身只係諮詢架構嘅一部分，無乜真係執政嘅實權，本身可能真係只係爭取下紅綠燈長兩秒，處理下街坊個案，但而家反而變成對抗假政治嘅武器。
👽： 地區組織嘅戰鬥、區議員嘅戰鬥，係用社區凝聚返大家去重新理解政治。一個社區，Local Community，就係政治嘅基層單位。佢可以係街坊互助會，可以係業主委員會，可以係一個街市，可以係一班師奶......
🤕：組織？
👹：組織，唔一定係民X聯義工團。
🤕：啊，我想問講咗咁耐，係咪因為為咗繼續有糧出，所以堆砌一啲唔辭職嘅藉口？
👽：絕對唔係。
👹：你嘅睇法反映咗你嘅高度。
🤕：答我呀！ 你哋係咪食人血饅頭呀？
🎃： 如果剛才嘅解說，對你嚟講了無意義，咁就係。如果講咁多嘢，都係為咗表達區議員為咗錢而宣誓，咁樣樣繼續做區，對議員嘅政治前途有意義咩？
👽：非常大嘅意義。
👹：如果係咁你不如直接加入民X聯啦！
🎃： 如果大家未準備好戰鬥，嚴肅謹慎嘅警醒有咩為？
🤕： 哈， 好彩你哋係食人血饅頭嘅啫，幾驚你哋認真做區呀。
🎃（搖頭）：佢未準備好。
* * * * * * * *
其實娛樂嘅戰鬥唔係淨得ERROR，社區嘅戰鬥都唔應該得區議員。無論你嘅區議員係咪認真貢獻社區，你自己都一定係社區嘅一份子。你本身，就可以參與社區，重奪真實嘅政治。無錯呀，國安法立咗，議員都DQ緊，助理我都唔知老細仲會做到幾耐區議員。但我相信就算議席被剝奪，社區都唔會無人——
如果我哋每個人做多少少。
邊個話社區活動淨係可以由議員搞？
邊個話向部門反映爭取，淨係可以由議員做？
邊個話社區嘅合作同埋聯絡，一定要由議員牽線？
2021年喇，係，區議員好多會堅持落去，但我哋唔可以將改革社區嘅希望擺曬落議員身上。莫講話DQ啦，一個諮詢架構嘅成員，你Expect會有幾大嘅能力去到扭轉乾坤？無錯，區議員係代議士，但一個制度崩壞嘅地方，一個錯嘅結構，你Expect一個代議士能夠肩負所有社區嘅責任？大家都係社區嘅一份子，大家對社區嘅回憶，都可能多過我哋；大家對社區嘅諗法，亦都可能多過我哋，有啲嘢我唔係你，我真係會唔知，就算知道，我都未必會好似你咁Care。每個人都會有自己嘅興趣，自己嘅關注，自己嘅熱情。如果大家都有機會種種興趣、關注、熱情傾注於身處嘅社區入面，我相信大家能夠改變到嘅事情仲會有好多好多。
🤕：區議員並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！
【全篇完】
#希望大家雖然Long都會Read啦 #聲演版要考慮下因為真係好長 #助理手記 #助理T手記 #區議員的戰鬥 #何謂社區 #何謂政治 #以有限製無限 #攜手革新
《Error 自肥企画》最後一節簡直就係神作，見好多人都寫緊評論，做議員助理喺議員個Page，可以寫咩手記呢？
好似無理由班門弄斧，雖然老細由星期五晚播完節目開始已經係咁喺Group Tag我🥲，想借呢個浪潮「自肥」一下...... 好啦終於畀我諗到寫咩：其實除咗ERROR係符號，區議員都係符號。
* * * * * * * *
【區議員、是甚麼】
🎃：只要做區議員，就可以搵到自己嘅價值架喇咩？
🤕：係，只要做區議員，大家會話我Good Job，話後生仔好做得嘢，我覺得做區議員，大家會鍾意我多啲。係好自肥，咁樣有咩唔啱喎！
👽：努力迎合期望，唔會填滿你嘅空虛。
🤕：大家唔係一直，都好希望我做好議員㗎咩？係咁㗎啦！
🎃：呢個係你說服自己嘅答案。
👺：區議員嘅本質係咩呀？
🤕：呃.....吓？
【區議員】
🎃：區議會係香港地區層次的地方議會和區域組織，就市民日常生活事務向政府提供意見，議員大多透過民選產生。大埔區議員有姚鈞豪、何偉霖、陳振哲、周炫瑋，仲有...
🤕： 呢幾個人睇落有啲陌生，就算我喺入面都有咁嘅感覺。點解嘅？
👽：由Facebook呢啲片段，係片段嘅存在，缺乏前文後理。
🎃：但好多人都會自行整理出立體嘅人格，投射落去。
👹： 你根本唔識我。立體嘅人格唔係真人相處，你整合唔到，你根本唔識我。
🎃： 鏡頭同埋社交媒體面前，有時我哋只係一組剪接出嚟嘅符號。
👹：區議員有時都係符號，係一種意義嘅載體。 修橋補路手指指，投訴反映蛇齋餅，都係一種意義嘅載體。
🤕：係.....係咩意義呀？
🎃：係政治。
【政治、何故】
👹： 政治嘅目的同意義，就係政治本身，係你同我點樣生活喺同一個地方， 係共存、係創造。
🎃： 呢個係艱難嘅時代。
👹： 區議員隱喻緊香港其實雖然有好多制肘，但仲有空間去戰鬥。
🤕：但現實打都無得你打。
👹：區議員隱喻緊世界其實唔係有咁多痛楚。
🤕：但每日都痛不欲生！宣誓同唔宣誓都夠痛啦！
👽：最痛嘅時候，都可以不按牌理咁做地區工作，係區議員發放嘅意義，係呢時代大家都需要嘅能力。
🎃：都係你需要嘅能力， 你都係大家嘅一份子。
👽： 繼續做落去。
👹：繼續做落去。
🎃：繼續撐落去啦。
🤕：但.....但其實我唔一定要做區議員㗎， 我做KOL都可以講政治㗎， 我有捐錢、我食黃店、我可以簽下聯署， 或者我可以用其他媒體，將政治用文字講出嚟，大家都係理性㗎，會明白㗎！ 我唔需要做議員、唔需要留喺社區！
【社區、為甚麼】
🎃：因為所有嘢都係政治。
🤕：我唔認同！ 隔離陳師奶同張師奶鬧交，唔通又係政府嘅錯？
👹：有無諗過點解你住緊嘅地方咁細？居住地方細，財富分配唔公平，鄰舍先越來越無社區嘅情誼？如果樓下個公園整得靚啲舒服啲，師奶們會唔會落咗去傾計而唔係鬧交吖？如果個街市同商場正啲，你會唔會淨係屈埋喺屋企聽隔離屋鬧交吖？
🤕： 唔係咁㗎，做區啲嘢無關政治㗎！
👽： 所有嘅組織、所有同你條村、你返工、交通、就業、墟市，以至你對呢個地方嘅認同。
👹：都係政治。
🎃： 你坐喺office、坐喺地鐵、瞓喺張床度，有咩中美爭霸、有咩以巴衝突、邊個政治人物私生活點點點、邊個同邊個鬥黃。
👽：全部缺乏前文後理，了無意義，係片段化，泛濫、無用嘅麻醉藥。呢啲政治就真係假政治喇，淨係成為你茶餘飯後嘅話題，同你生活根本唔相關。
🎃：擘大你雙眼。
🤕： 唔係咁㗎！
👹：擘大你雙眼！
（🤕捂耳尖叫）
🎃：片段化嘅假政治，令大家習慣覺得 ，政治唔關平時嘅日常生活，一定係啲污糟爭鬥。
👽：但政治其實唔係咁。
👹：慢慢所有人都唔能夠再有開放嘅心，去參與真實嘅政治。
🎃： 雖然區議員本身只係諮詢架構嘅一部分，無乜真係執政嘅實權，本身可能真係只係爭取下紅綠燈長兩秒，處理下街坊個案，但而家反而變成對抗假政治嘅武器。
👽： 地區組織嘅戰鬥、區議員嘅戰鬥，係用社區凝聚返大家去重新理解政治。一個社區，Local Community，就係政治嘅基層單位。佢可以係街坊互助會，可以係業主委員會，可以係一個街市，可以係一班師奶......
🤕：組織？
👹：組織，唔一定係民X聯義工團。
🤕：啊，我想問講咗咁耐，係咪因為為咗繼續有糧出，所以堆砌一啲唔辭職嘅藉口？
👽：絕對唔係。
👹：你嘅睇法反映咗你嘅高度。
🤕：答我呀！ 你哋係咪食人血饅頭呀？
🎃： 如果剛才嘅解說，對你嚟講了無意義，咁就係。如果講咁多嘢，都係為咗表達區議員為咗錢而宣誓，咁樣樣繼續做區，對議員嘅政治前途有意義咩？
👽：非常大嘅意義。
👹：如果係咁你不如直接加入民X聯啦！
🎃： 如果大家未準備好戰鬥，嚴肅謹慎嘅警醒有咩為？
🤕： 哈， 好彩你哋係食人血饅頭嘅啫，幾驚你哋認真做區呀。
🎃（搖頭）：佢未準備好。
* * * * * * * *
其實娛樂嘅戰鬥唔係淨得ERROR，社區嘅戰鬥都唔應該得區議員。無論你嘅區議員係咪認真貢獻社區，你自己都一定係社區嘅一份子。你本身，就可以參與社區，重奪真實嘅政治。無錯呀，國安法立咗，議員都DQ緊，助理我都唔知老細仲會做到幾耐區議員。但我相信就算議席被剝奪，社區都唔會無人——
如果我哋每個人做多少少。
邊個話社區活動淨係可以由議員搞？
邊個話向部門反映爭取，淨係可以由議員做？
邊個話社區嘅合作同埋聯絡，一定要由議員牽線？
2021年喇，係，區議員好多會堅持落去，但我哋唔可以將改革社區嘅希望擺曬落議員身上。莫講話DQ啦，一個諮詢架構嘅成員，你Expect會有幾大嘅能力去到扭轉乾坤？無錯，區議員係代議士，但一個制度崩壞嘅地方，一個錯嘅結構，你Expect一個代議士能夠肩負所有社區嘅責任？大家都係社區嘅一份子，大家對社區嘅回憶，都可能多過我哋；大家對社區嘅諗法，亦都可能多過我哋，有啲嘢我唔係你，我真係會唔知，就算知道，我都未必會好似你咁Care。每個人都會有自己嘅興趣，自己嘅關注，自己嘅熱情。如果大家都有機會種種興趣、關注、熱情傾注於身處嘅社區入面，我相信大家能夠改變到嘅事情仲會有好多好多。
🤕：區議員並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！
【全篇完】
#希望大家雖然Long都會Read啦 #聲演版要考慮下因為真係好長 #助理手記 #助理T手記 #區議員的戰鬥 #何謂社區 #何謂政治 #以有限製無限 #攜手革新
【助理T手記：互助委員會將被解散？（上篇）】
喺收緊防疫措施之際，有一單未必好起眼但其實好重要嘅新聞值得大家關注。
今日有「消息人士」放風話政府打算分階段解散全港超過1600個互助委員會，原因係認為「現今鄰里關係及大廈管理模式已改變」、「『社會有意見認為』 互委會的角色式微」、以及「政府有多方渠道與居民溝通 」等等。你又信唔信政府呢啲原因呢？
［現今鄰里關係是否無須互委會？］
互助委員會係70年代由政府嘅民政署推動成立，當時嘅背景係香港正值港督麥理浩管治，大力推動緊嘅整個社會建設，十年建屋計劃推動得如火如荼，第一代新市鎮例如沙田、屯門翻天覆地咁起緊公屋，而經濟起飛嘅同時香港都面對嚴重嘅治安同埋衛生問題。1976年麥理浩嘅《施政報告》就提出成立互助委員會，一方面令居民有制度化嘅組織可以自發地維持邨入面嘅治安同埋衛生，另一方面都令居民有渠道將基層嘅意見反映畀官員。
以前聽媽媽講，公共屋邨嘅互助委員會真係好重要，因為當時唔會有咩屋邨保安公司管理公司，所謂嘅保安同埋清潔都係居民自己，當時佢哋係要輪流攞住枝棍看門口同埋巡邏，互委會就真係一個非常實用嘅組織，等大家可以透過層代表同埋互委會管理返自己座樓同埋屋邨。
奈何去到八九十年代，屋邨嘅保安同埋清潔開始用外判嘅方式去做，而且因為經濟轉型，屋邨已經唔係大家投放大量時間生活嘅地方：以前穿膠花可以喺屋企穿，工廠返工都好多係同區，但慢慢變曬服務業同埋金融業嘅香港，返工就要出市區，變咗停留喺區內以及邨內嘅時間同餘暇都越來越少。呢個情況下，隔籬鄰舍因應實際嘅條件形成嘅互助關係同埋義務，都逐漸不再存在：有保安同清潔工，你再無義務幫全棟樓夜晚當值守門口同埋清潔。
咁好自然地到咗宜家，互助委員會似乎對絕大多數人都唔重要。根據助理邨內嘅觀察，互助委員會嘅主要委員，平均嘅年齡都比較大，好多都已經退休，而且有唔少已經做咗好多屆，難以避免地形成一啲圍內嘅圈子。佢哋依然有邨內嘅網絡，但網絡入面嘅人可能好多都識咗幾十年，新一代或者新住客一般都唔會對互委會有興趣或感覺（除非主席主動介入居民嘅難題同個案啦，有個別會咁做，但好少）。
［開始式微等於要摺埋？甚麼邏輯？］
就咁睇，時移世易之下互助委員會似乎真係減少咗佢嘅一啲角色。但是否等於就應該摺埋互助委員會呢？如果睇返同互助委員會性質有少少似嘅法團，近年其實係越來越多新一代去參與，大家唔參與互委會，會唔會只係大家對互委會嘅刻板印象？睇返互委會嘅章則，其實互委會可以做好多嘢。
如果出於鼓勵居民參與基層管治同埋社區互助，民政事務局其實大可用好多方法鼓勵大家多加參與互助委員會，正如政府都用好多方法大力宣傳立法會投票啦係咪（笑）。所以問題唔係互委會式微，而係政府有無心機同埋有無原因要支持互委會。助理T想同大家睇返互委會嘅架構係點，或者大家會諗到多一啲。但我諗篇幅太長，大家未必一次過會睇咁多次，等下次再同大家講～
下一篇之前，淨係想拋低一個問題先，政府DQ民選區議員、又解散互委會，到底聽市民講嘢靠咩渠道？靠你自己委任嘅分區委員會呀？定係靠防火會滅罪會呀？
#助理T手記 #互助委員會 #送畀大家幾張廣福邨互委會嘅門口嘅相
喺收緊防疫措施之際，有一單未必好起眼但其實好重要嘅新聞值得大家關注。
今日有「消息人士」放風話政府打算分階段解散全港超過1600個互助委員會，原因係認為「現今鄰里關係及大廈管理模式已改變」、「『社會有意見認為』 互委會的角色式微」、以及「政府有多方渠道與居民溝通 」等等。你又信唔信政府呢啲原因呢？
［現今鄰里關係是否無須互委會？］
互助委員會係70年代由政府嘅民政署推動成立，當時嘅背景係香港正值港督麥理浩管治，大力推動緊嘅整個社會建設，十年建屋計劃推動得如火如荼，第一代新市鎮例如沙田、屯門翻天覆地咁起緊公屋，而經濟起飛嘅同時香港都面對嚴重嘅治安同埋衛生問題。1976年麥理浩嘅《施政報告》就提出成立互助委員會，一方面令居民有制度化嘅組織可以自發地維持邨入面嘅治安同埋衛生，另一方面都令居民有渠道將基層嘅意見反映畀官員。
以前聽媽媽講，公共屋邨嘅互助委員會真係好重要，因為當時唔會有咩屋邨保安公司管理公司，所謂嘅保安同埋清潔都係居民自己，當時佢哋係要輪流攞住枝棍看門口同埋巡邏，互委會就真係一個非常實用嘅組織，等大家可以透過層代表同埋互委會管理返自己座樓同埋屋邨。
奈何去到八九十年代，屋邨嘅保安同埋清潔開始用外判嘅方式去做，而且因為經濟轉型，屋邨已經唔係大家投放大量時間生活嘅地方：以前穿膠花可以喺屋企穿，工廠返工都好多係同區，但慢慢變曬服務業同埋金融業嘅香港，返工就要出市區，變咗停留喺區內以及邨內嘅時間同餘暇都越來越少。呢個情況下，隔籬鄰舍因應實際嘅條件形成嘅互助關係同埋義務，都逐漸不再存在：有保安同清潔工，你再無義務幫全棟樓夜晚當值守門口同埋清潔。
咁好自然地到咗宜家，互助委員會似乎對絕大多數人都唔重要。根據助理邨內嘅觀察，互助委員會嘅主要委員，平均嘅年齡都比較大，好多都已經退休，而且有唔少已經做咗好多屆，難以避免地形成一啲圍內嘅圈子。佢哋依然有邨內嘅網絡，但網絡入面嘅人可能好多都識咗幾十年，新一代或者新住客一般都唔會對互委會有興趣或感覺（除非主席主動介入居民嘅難題同個案啦，有個別會咁做，但好少）。
［開始式微等於要摺埋？甚麼邏輯？］
就咁睇，時移世易之下互助委員會似乎真係減少咗佢嘅一啲角色。但是否等於就應該摺埋互助委員會呢？如果睇返同互助委員會性質有少少似嘅法團，近年其實係越來越多新一代去參與，大家唔參與互委會，會唔會只係大家對互委會嘅刻板印象？睇返互委會嘅章則，其實互委會可以做好多嘢。
如果出於鼓勵居民參與基層管治同埋社區互助，民政事務局其實大可用好多方法鼓勵大家多加參與互助委員會，正如政府都用好多方法大力宣傳立法會投票啦係咪（笑）。所以問題唔係互委會式微，而係政府有無心機同埋有無原因要支持互委會。助理T想同大家睇返互委會嘅架構係點，或者大家會諗到多一啲。但我諗篇幅太長，大家未必一次過會睇咁多次，等下次再同大家講～
下一篇之前，淨係想拋低一個問題先，政府DQ民選區議員、又解散互委會，到底聽市民講嘢靠咩渠道？靠你自己委任嘅分區委員會呀？定係靠防火會滅罪會呀？
#助理T手記 #互助委員會 #送畀大家幾張廣福邨互委會嘅門口嘅相
以前有呢啲新聞出，可能會有《立場》、《眾》等等去寫專題講，但宜家無嘞，唯有用自己嘅努力去寫多少少，我想交多啲背景畀大家思考同埋理解。解散互委會唔單只係互委會本身，而係整個幾十年嚟嘅半民主嘅諮詢架構嘅最底層，而上面所有嘢都逐漸唔同曬喇。
［曾經擁有嘅半民主體制］
互助委員會聽落係一樣好保守老舊嘅嘢，但其實佢From the very beginning已經係一個幾民主嘅基層管治組織。唔知你有無印象，每隔幾年就有民政署嘅職員拍門，問有無人想做層代表，跟住有人爭嘅話就去𨋢口協商或者投票，一層一層咁選，最後就由層代表互選出互委會嘅委員。互委會就一直係咁樣由居民間接選舉組成，居民透過定期選舉層代表係可以直接參與自己棟樓嘅事務。
一個似樣嘅民主社會，其實講政治唔係淨係講好大好全個社會嘅政治㗎，而係有一層一層嘅系統去畀人參與管治；而香港喺早三四十年開始其實係建立緊呢樣嘢。70年代因應公共屋邨同屋苑嘅興起，香港政府大力推動民選嘅互助委員會之外，仲開始預備推動更高層級嘅地方政制改革。1980年政府發表《地方政制白皮書》之後，大力推動「三級議會」，除咗最高層嘅立法局開始實現部分民選之外，仲擴大咗市政局嘅參與，管理區域嘅民生事務（例如衛生、文娛康體等等），仲將香港分成18個地方行政區，成立民選嘅區議會，將市民嘅地區聲音納入制度。
自此以後，如果參與最微細嘅管治，居民可以加入互助委員會；如果關心成個區嘅嘢有區議會；如果係講到市鎮嘅管理，仲有市政局，而呢幾個機構都係（至少部分）民選嘅。慢慢大家開始熟習各個層級嘅參與,從樓宇管理例如係咪搞個旅行團，今年新年棟樓點裝飾，到地區嘅管理例如巴士班次係咪唔夠密，大埔係咪唔夠公園或者診所，再到更加大嘅全港性議題......先培養到似樣嘅公民，民主參與成為一個生活方式。
［壟斷唔到，就索性解散佢？］
一個專制嘅政府當然會害怕民主成為生活方式，因為咁佢哋就難以迴避市民嘅訴求，而且政治人物亦都要受到民意洗禮同埋問責，唔可以獨斷獨行。佢哋好多時面對嘅選擇就係適應民主化帶來嘅轉變，抑或乾脆「政變」，摧毀民主制度設計？特區政府同背後嘅勢力到底選擇咗啲咩，交畀大家判斷喇。
民選嘅市政局喺回歸後，如果唔計委任議員，因為民心所向，民主派係佔多數。1999年特區政府以「駕床疊屋」之名強行「殺局」，但時任市政局議員鍾樹根近年接受傳媒訪問時咁講：「當時形勢上我們一定要支持殺局，因為連民主黨也一併殺了，他們在局內人多，我們想他們死，所以要殺局，連自己都賠上了，自己前途都堵塞了。」市政局嘅職能被拼入康文署、民政署等政府部門。
民選嘅區議會喺2019年嘅時候亦出現變天，民主派大勝之後，特區政府派「消息人士」迫使大量民選議員辭職甚至離港，令到好多區議會都無法運作，即使開到會，都因為人數少而好難做到啲咩；早幾個月，政府亦宣布收回撥款審批權，同時亦增強全屬委任嘅分區委員會權力。
到立法會都完善埋之後，最後可以稱得上係民主嘅架構就淨返最基層嘅互助委員會了。其實去到20年頭嘅時候，民政署已經用疫情為名暫停互委會選舉，明明好多互委會已經任期屆滿，都因為咁而不斷延遲，當時我哋都有預計政府會想咁樣做，因為區議會嘅經驗，任何能夠彰顯民意嘅空間佢哋都好恐懼。
咁樣成個Picture睇，或者大家都會諗到點解政府要取消互委會喇，係咪真係因為鄰里關係改變嘅原因呢？
［互委會的行政權力］
如果互助委員會毫無權力，政府其實唔使驚吖。就係各種歷史原因令互委會其實有事可為，所以先......（你懂的）互委會一來有官方認可，可以用獲豁免團體嘅身份申請各種民政署或者區議會嘅撥款，仲有自己所屬嘅會址，你有心可以做好多社區服務同公共空間。除此之外好多人唔知道，委員會主席係「屋邨管理諮詢委員會」嘅當然委員，喺公屋入面呢個委員會可以過問屋邨日常嘅一啲活動同埋管理，例如決定今年節日活動啦（係呀唔應該係區議員自己揼資源搞㗎），跟進屋邨嘅各種問題例如衛生呀清潔呀等等，互委會Suppose作為民意代表，房署同埋屋邨經理係要聽嘅。如果互助委員會取消，屋邨會由咩人直接話事呢？
今次助理T就講到呢度喇，下次如果有機會再講，想同大家唔淨係停留喺分析，而係可以探討——撇除一啲官方權力之外，我哋有無可能自己運作「互委會」呢？
#助理T手記 #RIP半民主體制 #互助委員會
［曾經擁有嘅半民主體制］
互助委員會聽落係一樣好保守老舊嘅嘢，但其實佢From the very beginning已經係一個幾民主嘅基層管治組織。唔知你有無印象，每隔幾年就有民政署嘅職員拍門，問有無人想做層代表，跟住有人爭嘅話就去𨋢口協商或者投票，一層一層咁選，最後就由層代表互選出互委會嘅委員。互委會就一直係咁樣由居民間接選舉組成，居民透過定期選舉層代表係可以直接參與自己棟樓嘅事務。
一個似樣嘅民主社會，其實講政治唔係淨係講好大好全個社會嘅政治㗎，而係有一層一層嘅系統去畀人參與管治；而香港喺早三四十年開始其實係建立緊呢樣嘢。70年代因應公共屋邨同屋苑嘅興起，香港政府大力推動民選嘅互助委員會之外，仲開始預備推動更高層級嘅地方政制改革。1980年政府發表《地方政制白皮書》之後，大力推動「三級議會」，除咗最高層嘅立法局開始實現部分民選之外，仲擴大咗市政局嘅參與，管理區域嘅民生事務（例如衛生、文娛康體等等），仲將香港分成18個地方行政區，成立民選嘅區議會，將市民嘅地區聲音納入制度。
自此以後，如果參與最微細嘅管治，居民可以加入互助委員會；如果關心成個區嘅嘢有區議會；如果係講到市鎮嘅管理，仲有市政局，而呢幾個機構都係（至少部分）民選嘅。慢慢大家開始熟習各個層級嘅參與,從樓宇管理例如係咪搞個旅行團，今年新年棟樓點裝飾，到地區嘅管理例如巴士班次係咪唔夠密，大埔係咪唔夠公園或者診所，再到更加大嘅全港性議題......先培養到似樣嘅公民，民主參與成為一個生活方式。
［壟斷唔到，就索性解散佢？］
一個專制嘅政府當然會害怕民主成為生活方式，因為咁佢哋就難以迴避市民嘅訴求，而且政治人物亦都要受到民意洗禮同埋問責，唔可以獨斷獨行。佢哋好多時面對嘅選擇就係適應民主化帶來嘅轉變，抑或乾脆「政變」，摧毀民主制度設計？特區政府同背後嘅勢力到底選擇咗啲咩，交畀大家判斷喇。
民選嘅市政局喺回歸後，如果唔計委任議員，因為民心所向，民主派係佔多數。1999年特區政府以「駕床疊屋」之名強行「殺局」，但時任市政局議員鍾樹根近年接受傳媒訪問時咁講：「當時形勢上我們一定要支持殺局，因為連民主黨也一併殺了，他們在局內人多，我們想他們死，所以要殺局，連自己都賠上了，自己前途都堵塞了。」市政局嘅職能被拼入康文署、民政署等政府部門。
民選嘅區議會喺2019年嘅時候亦出現變天，民主派大勝之後，特區政府派「消息人士」迫使大量民選議員辭職甚至離港，令到好多區議會都無法運作，即使開到會，都因為人數少而好難做到啲咩；早幾個月，政府亦宣布收回撥款審批權，同時亦增強全屬委任嘅分區委員會權力。
到立法會都完善埋之後，最後可以稱得上係民主嘅架構就淨返最基層嘅互助委員會了。其實去到20年頭嘅時候，民政署已經用疫情為名暫停互委會選舉，明明好多互委會已經任期屆滿，都因為咁而不斷延遲，當時我哋都有預計政府會想咁樣做，因為區議會嘅經驗，任何能夠彰顯民意嘅空間佢哋都好恐懼。
咁樣成個Picture睇，或者大家都會諗到點解政府要取消互委會喇，係咪真係因為鄰里關係改變嘅原因呢？
［互委會的行政權力］
如果互助委員會毫無權力，政府其實唔使驚吖。就係各種歷史原因令互委會其實有事可為，所以先......（你懂的）互委會一來有官方認可，可以用獲豁免團體嘅身份申請各種民政署或者區議會嘅撥款，仲有自己所屬嘅會址，你有心可以做好多社區服務同公共空間。除此之外好多人唔知道，委員會主席係「屋邨管理諮詢委員會」嘅當然委員，喺公屋入面呢個委員會可以過問屋邨日常嘅一啲活動同埋管理，例如決定今年節日活動啦（係呀唔應該係區議員自己揼資源搞㗎），跟進屋邨嘅各種問題例如衛生呀清潔呀等等，互委會Suppose作為民意代表，房署同埋屋邨經理係要聽嘅。如果互助委員會取消，屋邨會由咩人直接話事呢？
今次助理T就講到呢度喇，下次如果有機會再講，想同大家唔淨係停留喺分析，而係可以探討——撇除一啲官方權力之外，我哋有無可能自己運作「互委會」呢？
#助理T手記 #RIP半民主體制 #互助委員會
【#助理T手記：自肥的Banner？】
如果大家呢幾日有經過廣福邨行去火車站條橋，或者都會見到有幾塊手畫嘅Banner。見到有人Share咗入前夫反擊戰嗰啲應援Group，亦有人笑言話係公器私用（自肥）。呢個掛Banner嘅活動以至Banner上面係咪可以應援，作為「搞手」我都想同大家分享一下睇法。
［Banner位可以點用？］
區議員作為政府承認嘅民意代表，係會獲分配一啲Banner位嘅，一般區議員都會有十個八個位置，用作「為促進公眾關注或參與地方行政和社區建設事務而與選民溝通所展示的宣傳」，至於點樣先為之以上用途，其實都係無特別嘅定義，大部分議員都會用嚟做議員服務嘅宣傳或者一啲政策措施嘅爭取或要求。而大家用下用下，就好似慣咗Banner位一定要係成功爭取，或者要求政府乜乜乜咁。
但去到2022年，其實大家都知道區議員基本上都無乜權力去爭取到啲咩（自身都難保），Banner掛任何政策措施嘅內容，喺咁「完善」嘅香港其實都顯得好蒼白無力。我自己會諗，或者我哋唔應該再諗咁多議事嘅政治，呢一套2019年前或者仲有得講，宜家繼續配合呢套遊戲嘅方式，只會令自己更加迷失。
［其實好多嘢都係社區建設］
社區建設（Community Building）其實根本就唔只一啲好正經嘅議題，而係關乎大家點樣一齊生活。既然大家平時嘅生活都唔係得紅綠燈有幾多秒，咁點解Banner唔可以容納多啲有關平時大家鍾意啲咩嘅話題呢？當大家見慣議員好正經咁祝大家新年快樂，我就覺得祝大家Day Day平安、福至芯駖、Ivy屋潤、瑤瑤領先仲開心喇～
當區議員仍然有少少空間立足社區，或者開放Banner嘅空間畀大家發表下，祝福下唔同嘅人，本身就係一件推動緊社區建設嘅事。
［2022年的公民參與］
還記得立場最後一個Series係講「我哋有歌」，就係講Mirror以至整個樂壇嘅發展原由，好多人無得再放心力落政治，或者已經灰到無心機，尋求娛樂嘅慰藉之餘，歌同埋追星反過來可以鼓勵到大家。到底喺社會運動被迫偃旗息鼓、紅線以至社會監控處處嘅時候，仲可以點樣講公民參與呢？我認為答案係我哋如何重新看待我哋香港人嘅共同生活，點樣喺細小嘅空間去到盡力好好生活，實踐民主自由嘅生活方式。
一齊畫新年嘅祝賀Banner係好自由嘅一件事，只要你想畫咩都可以畫，結果有街坊寫準時收工有好多共鳴，之後有街坊畫女團嘅祝賀語，又有更多街坊開心，甚至特登夜晚再去多一次，呢啲咪其實就係社區嘅連結囉～當我哋重視返社區嘅小地方，或者會容易少少重拾喺呢個年代生存嘅勇氣。
* * * * * * * * * * * * * * *
礙於特首選舉地政話要收返啲Banner位，大家如果要同街坊畫嘅Banner見面就要爭取時間喇～大年初二或之前大家經過路過，都不妨同佢哋影返幅相呀！
T
#助理手記 #Banner #應援Banner #Collar #其實係街坊畫 #不過我都幾鍾意 #有無蘇蝦揮個手 #廣福邨 #社區建設
如果大家呢幾日有經過廣福邨行去火車站條橋，或者都會見到有幾塊手畫嘅Banner。見到有人Share咗入前夫反擊戰嗰啲應援Group，亦有人笑言話係公器私用（自肥）。呢個掛Banner嘅活動以至Banner上面係咪可以應援，作為「搞手」我都想同大家分享一下睇法。
［Banner位可以點用？］
區議員作為政府承認嘅民意代表，係會獲分配一啲Banner位嘅，一般區議員都會有十個八個位置，用作「為促進公眾關注或參與地方行政和社區建設事務而與選民溝通所展示的宣傳」，至於點樣先為之以上用途，其實都係無特別嘅定義，大部分議員都會用嚟做議員服務嘅宣傳或者一啲政策措施嘅爭取或要求。而大家用下用下，就好似慣咗Banner位一定要係成功爭取，或者要求政府乜乜乜咁。
但去到2022年，其實大家都知道區議員基本上都無乜權力去爭取到啲咩（自身都難保），Banner掛任何政策措施嘅內容，喺咁「完善」嘅香港其實都顯得好蒼白無力。我自己會諗，或者我哋唔應該再諗咁多議事嘅政治，呢一套2019年前或者仲有得講，宜家繼續配合呢套遊戲嘅方式，只會令自己更加迷失。
［其實好多嘢都係社區建設］
社區建設（Community Building）其實根本就唔只一啲好正經嘅議題，而係關乎大家點樣一齊生活。既然大家平時嘅生活都唔係得紅綠燈有幾多秒，咁點解Banner唔可以容納多啲有關平時大家鍾意啲咩嘅話題呢？當大家見慣議員好正經咁祝大家新年快樂，我就覺得祝大家Day Day平安、福至芯駖、Ivy屋潤、瑤瑤領先仲開心喇～
當區議員仍然有少少空間立足社區，或者開放Banner嘅空間畀大家發表下，祝福下唔同嘅人，本身就係一件推動緊社區建設嘅事。
［2022年的公民參與］
還記得立場最後一個Series係講「我哋有歌」，就係講Mirror以至整個樂壇嘅發展原由，好多人無得再放心力落政治，或者已經灰到無心機，尋求娛樂嘅慰藉之餘，歌同埋追星反過來可以鼓勵到大家。到底喺社會運動被迫偃旗息鼓、紅線以至社會監控處處嘅時候，仲可以點樣講公民參與呢？我認為答案係我哋如何重新看待我哋香港人嘅共同生活，點樣喺細小嘅空間去到盡力好好生活，實踐民主自由嘅生活方式。
一齊畫新年嘅祝賀Banner係好自由嘅一件事，只要你想畫咩都可以畫，結果有街坊寫準時收工有好多共鳴，之後有街坊畫女團嘅祝賀語，又有更多街坊開心，甚至特登夜晚再去多一次，呢啲咪其實就係社區嘅連結囉～當我哋重視返社區嘅小地方，或者會容易少少重拾喺呢個年代生存嘅勇氣。
* * * * * * * * * * * * * * *
礙於特首選舉地政話要收返啲Banner位，大家如果要同街坊畫嘅Banner見面就要爭取時間喇～大年初二或之前大家經過路過，都不妨同佢哋影返幅相呀！
T
#助理手記 #Banner #應援Banner #Collar #其實係街坊畫 #不過我都幾鍾意 #有無蘇蝦揮個手 #廣福邨 #社區建設