【要接受荒謬嘅必然性】
睇完《Error 自肥企画》，我諗大家都有好多唔同嘅感受，我自己就睇到眼濕濕嘅，有好多個唔同嘅片段、對白背後都有一大堆嘅意義同理論可以講，但講唔曬啦，同埋每個人都係有唔同嘅演繹，無一個標準答案。我想講嘅係「要戰勝荒謬，首先要接受荒謬嘅必然性。」呢句。相信由2019年6月開始大家都覺得有啲無力感，無論係意見無人聽，定係覺得盡咗力都好都無人去理會。而呢樣喺任何一個文明或者民主嘅社會只係一個荒謬嘅存在，但就算呢啲令人沮喪嘅事實一直發生，都「唔好逃避你見到嘅嘢，即使有幾咁無力，都要張開眼睛活著。」。
點解？因為「要戰勝荒謬，首先要接受荒謬嘅必然性。」，即使明知呢樣嘢幾咁荒謬，幾咁唔應該存在都好，現實上佢係存在，我哋必須去承認呢個香港嘅制度已經徹底崩壞，唔再好似以前咁，一切會自然恢復原狀。但正正就係因為荒謬必然嘅存在，我哋先至會去反抗同爭取我哋應有嘅民主，所以「大家無謂再呃自己出面一切正常」。咁接受咗，之後呢？
「Error並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！」，唔同嘅崗位有唔同嘅戰鬥方式，唔一定駕駛error先到可以戰鬥，接受咗荒謬存在，我哋就唔會覺得呢個世界仲係正常運作，無論喺邊到，身份係咩都好，都會想戰勝荒謬。「就算所有事都唔順利，都要記住自己能夠貢獻到嘅嘢，唔好否定你當初相信嘅價值。」，好多時我都唔明依家做緊嘅嘢係咪可以幫到大家戰勝荒謬，但「終結（以有限）開始（製無限）」，就係因為每個人都係有限嘅時間同力量，所以先需要*大家*一齊去努力製造無限，看似咩都做唔到，但其實你永遠都唔會知你做嘅行為之後會影響到幾多嘢。
就正如，曾經有人話過「娛樂」只係政權想社會穩定而創造出嚟，除咗令到人係空餘嘅時間叫做有啲嘢做之外，仲創造咗一種社會規範（social norms），令到市民覺得某種行為係錯嘅，而唔再做，例子好似係某大台嘅肥皂劇咁。但《Error 自肥企画》同我哋講，唔係嫁！娛樂節目都可以帶出意義嫁。多謝你，仍然堅持嘅人。
#Error自肥企画 #荒謬 #以有限製無限 顯示較少內容
睇完《Error 自肥企画》，我諗大家都有好多唔同嘅感受，我自己就睇到眼濕濕嘅，有好多個唔同嘅片段、對白背後都有一大堆嘅意義同理論可以講，但講唔曬啦，同埋每個人都係有唔同嘅演繹，無一個標準答案。我想講嘅係「要戰勝荒謬，首先要接受荒謬嘅必然性。」呢句。相信由2019年6月開始大家都覺得有啲無力感，無論係意見無人聽，定係覺得盡咗力都好都無人去理會。而呢樣喺任何一個文明或者民主嘅社會只係一個荒謬嘅存在，但就算呢啲令人沮喪嘅事實一直發生，都「唔好逃避你見到嘅嘢，即使有幾咁無力，都要張開眼睛活著。」。
點解？因為「要戰勝荒謬，首先要接受荒謬嘅必然性。」，即使明知呢樣嘢幾咁荒謬，幾咁唔應該存在都好，現實上佢係存在，我哋必須去承認呢個香港嘅制度已經徹底崩壞，唔再好似以前咁，一切會自然恢復原狀。但正正就係因為荒謬必然嘅存在，我哋先至會去反抗同爭取我哋應有嘅民主，所以「大家無謂再呃自己出面一切正常」。咁接受咗，之後呢？
「Error並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！」，唔同嘅崗位有唔同嘅戰鬥方式，唔一定駕駛error先到可以戰鬥，接受咗荒謬存在，我哋就唔會覺得呢個世界仲係正常運作，無論喺邊到，身份係咩都好，都會想戰勝荒謬。「就算所有事都唔順利，都要記住自己能夠貢獻到嘅嘢，唔好否定你當初相信嘅價值。」，好多時我都唔明依家做緊嘅嘢係咪可以幫到大家戰勝荒謬，但「終結（以有限）開始（製無限）」，就係因為每個人都係有限嘅時間同力量，所以先需要*大家*一齊去努力製造無限，看似咩都做唔到，但其實你永遠都唔會知你做嘅行為之後會影響到幾多嘢。
就正如，曾經有人話過「娛樂」只係政權想社會穩定而創造出嚟，除咗令到人係空餘嘅時間叫做有啲嘢做之外，仲創造咗一種社會規範（social norms），令到市民覺得某種行為係錯嘅，而唔再做，例子好似係某大台嘅肥皂劇咁。但《Error 自肥企画》同我哋講，唔係嫁！娛樂節目都可以帶出意義嫁。多謝你，仍然堅持嘅人。
#Error自肥企画 #荒謬 #以有限製無限 顯示較少內容
【助理T手記：ERROR係符號，區議員都係】
《Error 自肥企画》最後一節簡直就係神作，見好多人都寫緊評論，做議員助理喺議員個Page，可以寫咩手記呢？
好似無理由班門弄斧，雖然老細由星期五晚播完節目開始已經係咁喺Group Tag我🥲，想借呢個浪潮「自肥」一下...... 好啦終於畀我諗到寫咩：其實除咗ERROR係符號，區議員都係符號。
* * * * * * * *
【區議員、是甚麼】
🎃：只要做區議員，就可以搵到自己嘅價值架喇咩？
🤕：係，只要做區議員，大家會話我Good Job，話後生仔好做得嘢，我覺得做區議員，大家會鍾意我多啲。係好自肥，咁樣有咩唔啱喎！
👽：努力迎合期望，唔會填滿你嘅空虛。
🤕：大家唔係一直，都好希望我做好議員㗎咩？係咁㗎啦！
🎃：呢個係你說服自己嘅答案。
👺：區議員嘅本質係咩呀？
🤕：呃.....吓？
【區議員】
🎃：區議會係香港地區層次的地方議會和區域組織，就市民日常生活事務向政府提供意見，議員大多透過民選產生。大埔區議員有姚鈞豪、何偉霖、陳振哲、周炫瑋，仲有...
🤕： 呢幾個人睇落有啲陌生，就算我喺入面都有咁嘅感覺。點解嘅？
👽：由Facebook呢啲片段，係片段嘅存在，缺乏前文後理。
🎃：但好多人都會自行整理出立體嘅人格，投射落去。
👹： 你根本唔識我。立體嘅人格唔係真人相處，你整合唔到，你根本唔識我。
🎃： 鏡頭同埋社交媒體面前，有時我哋只係一組剪接出嚟嘅符號。
👹：區議員有時都係符號，係一種意義嘅載體。 修橋補路手指指，投訴反映蛇齋餅，都係一種意義嘅載體。
🤕：係.....係咩意義呀？
🎃：係政治。
【政治、何故】
👹： 政治嘅目的同意義，就係政治本身，係你同我點樣生活喺同一個地方， 係共存、係創造。
🎃： 呢個係艱難嘅時代。
👹： 區議員隱喻緊香港其實雖然有好多制肘，但仲有空間去戰鬥。
🤕：但現實打都無得你打。
👹：區議員隱喻緊世界其實唔係有咁多痛楚。
🤕：但每日都痛不欲生！宣誓同唔宣誓都夠痛啦！
👽：最痛嘅時候，都可以不按牌理咁做地區工作，係區議員發放嘅意義，係呢時代大家都需要嘅能力。
🎃：都係你需要嘅能力， 你都係大家嘅一份子。
👽： 繼續做落去。
👹：繼續做落去。
🎃：繼續撐落去啦。
🤕：但.....但其實我唔一定要做區議員㗎， 我做KOL都可以講政治㗎， 我有捐錢、我食黃店、我可以簽下聯署， 或者我可以用其他媒體，將政治用文字講出嚟，大家都係理性㗎，會明白㗎！ 我唔需要做議員、唔需要留喺社區！
【社區、為甚麼】
🎃：因為所有嘢都係政治。
🤕：我唔認同！ 隔離陳師奶同張師奶鬧交，唔通又係政府嘅錯？
👹：有無諗過點解你住緊嘅地方咁細？居住地方細，財富分配唔公平，鄰舍先越來越無社區嘅情誼？如果樓下個公園整得靚啲舒服啲，師奶們會唔會落咗去傾計而唔係鬧交吖？如果個街市同商場正啲，你會唔會淨係屈埋喺屋企聽隔離屋鬧交吖？
🤕： 唔係咁㗎，做區啲嘢無關政治㗎！
👽： 所有嘅組織、所有同你條村、你返工、交通、就業、墟市，以至你對呢個地方嘅認同。
👹：都係政治。
🎃： 你坐喺office、坐喺地鐵、瞓喺張床度，有咩中美爭霸、有咩以巴衝突、邊個政治人物私生活點點點、邊個同邊個鬥黃。
👽：全部缺乏前文後理，了無意義，係片段化，泛濫、無用嘅麻醉藥。呢啲政治就真係假政治喇，淨係成為你茶餘飯後嘅話題，同你生活根本唔相關。
🎃：擘大你雙眼。
🤕： 唔係咁㗎！
👹：擘大你雙眼！
（🤕捂耳尖叫）
🎃：片段化嘅假政治，令大家習慣覺得 ，政治唔關平時嘅日常生活，一定係啲污糟爭鬥。
👽：但政治其實唔係咁。
👹：慢慢所有人都唔能夠再有開放嘅心，去參與真實嘅政治。
🎃： 雖然區議員本身只係諮詢架構嘅一部分，無乜真係執政嘅實權，本身可能真係只係爭取下紅綠燈長兩秒，處理下街坊個案，但而家反而變成對抗假政治嘅武器。
👽： 地區組織嘅戰鬥、區議員嘅戰鬥，係用社區凝聚返大家去重新理解政治。一個社區，Local Community，就係政治嘅基層單位。佢可以係街坊互助會，可以係業主委員會，可以係一個街市，可以係一班師奶......
🤕：組織？
👹：組織，唔一定係民X聯義工團。
🤕：啊，我想問講咗咁耐，係咪因為為咗繼續有糧出，所以堆砌一啲唔辭職嘅藉口？
👽：絕對唔係。
👹：你嘅睇法反映咗你嘅高度。
🤕：答我呀！ 你哋係咪食人血饅頭呀？
🎃： 如果剛才嘅解說，對你嚟講了無意義，咁就係。如果講咁多嘢，都係為咗表達區議員為咗錢而宣誓，咁樣樣繼續做區，對議員嘅政治前途有意義咩？
👽：非常大嘅意義。
👹：如果係咁你不如直接加入民X聯啦！
🎃： 如果大家未準備好戰鬥，嚴肅謹慎嘅警醒有咩為？
🤕： 哈， 好彩你哋係食人血饅頭嘅啫，幾驚你哋認真做區呀。
🎃（搖頭）：佢未準備好。
* * * * * * * *
其實娛樂嘅戰鬥唔係淨得ERROR，社區嘅戰鬥都唔應該得區議員。無論你嘅區議員係咪認真貢獻社區，你自己都一定係社區嘅一份子。你本身，就可以參與社區，重奪真實嘅政治。無錯呀，國安法立咗，議員都DQ緊，助理我都唔知老細仲會做到幾耐區議員。但我相信就算議席被剝奪，社區都唔會無人——
如果我哋每個人做多少少。
邊個話社區活動淨係可以由議員搞？
邊個話向部門反映爭取，淨係可以由議員做？
邊個話社區嘅合作同埋聯絡，一定要由議員牽線？
2021年喇，係，區議員好多會堅持落去，但我哋唔可以將改革社區嘅希望擺曬落議員身上。莫講話DQ啦，一個諮詢架構嘅成員，你Expect會有幾大嘅能力去到扭轉乾坤？無錯，區議員係代議士，但一個制度崩壞嘅地方，一個錯嘅結構，你Expect一個代議士能夠肩負所有社區嘅責任？大家都係社區嘅一份子，大家對社區嘅回憶，都可能多過我哋；大家對社區嘅諗法，亦都可能多過我哋，有啲嘢我唔係你，我真係會唔知，就算知道，我都未必會好似你咁Care。每個人都會有自己嘅興趣，自己嘅關注，自己嘅熱情。如果大家都有機會種種興趣、關注、熱情傾注於身處嘅社區入面，我相信大家能夠改變到嘅事情仲會有好多好多。
🤕：區議員並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！
【全篇完】
#希望大家雖然Long都會Read啦 #聲演版要考慮下因為真係好長 #助理手記 #助理T手記 #區議員的戰鬥 #何謂社區 #何謂政治 #以有限製無限 #攜手革新
《Error 自肥企画》最後一節簡直就係神作，見好多人都寫緊評論，做議員助理喺議員個Page，可以寫咩手記呢？
好似無理由班門弄斧，雖然老細由星期五晚播完節目開始已經係咁喺Group Tag我🥲，想借呢個浪潮「自肥」一下...... 好啦終於畀我諗到寫咩：其實除咗ERROR係符號，區議員都係符號。
* * * * * * * *
【區議員、是甚麼】
🎃：只要做區議員，就可以搵到自己嘅價值架喇咩？
🤕：係，只要做區議員，大家會話我Good Job，話後生仔好做得嘢，我覺得做區議員，大家會鍾意我多啲。係好自肥，咁樣有咩唔啱喎！
👽：努力迎合期望，唔會填滿你嘅空虛。
🤕：大家唔係一直，都好希望我做好議員㗎咩？係咁㗎啦！
🎃：呢個係你說服自己嘅答案。
👺：區議員嘅本質係咩呀？
🤕：呃.....吓？
【區議員】
🎃：區議會係香港地區層次的地方議會和區域組織，就市民日常生活事務向政府提供意見，議員大多透過民選產生。大埔區議員有姚鈞豪、何偉霖、陳振哲、周炫瑋，仲有...
🤕： 呢幾個人睇落有啲陌生，就算我喺入面都有咁嘅感覺。點解嘅？
👽：由Facebook呢啲片段，係片段嘅存在，缺乏前文後理。
🎃：但好多人都會自行整理出立體嘅人格，投射落去。
👹： 你根本唔識我。立體嘅人格唔係真人相處，你整合唔到，你根本唔識我。
🎃： 鏡頭同埋社交媒體面前，有時我哋只係一組剪接出嚟嘅符號。
👹：區議員有時都係符號，係一種意義嘅載體。 修橋補路手指指，投訴反映蛇齋餅，都係一種意義嘅載體。
🤕：係.....係咩意義呀？
🎃：係政治。
【政治、何故】
👹： 政治嘅目的同意義，就係政治本身，係你同我點樣生活喺同一個地方， 係共存、係創造。
🎃： 呢個係艱難嘅時代。
👹： 區議員隱喻緊香港其實雖然有好多制肘，但仲有空間去戰鬥。
🤕：但現實打都無得你打。
👹：區議員隱喻緊世界其實唔係有咁多痛楚。
🤕：但每日都痛不欲生！宣誓同唔宣誓都夠痛啦！
👽：最痛嘅時候，都可以不按牌理咁做地區工作，係區議員發放嘅意義，係呢時代大家都需要嘅能力。
🎃：都係你需要嘅能力， 你都係大家嘅一份子。
👽： 繼續做落去。
👹：繼續做落去。
🎃：繼續撐落去啦。
🤕：但.....但其實我唔一定要做區議員㗎， 我做KOL都可以講政治㗎， 我有捐錢、我食黃店、我可以簽下聯署， 或者我可以用其他媒體，將政治用文字講出嚟，大家都係理性㗎，會明白㗎！ 我唔需要做議員、唔需要留喺社區！
【社區、為甚麼】
🎃：因為所有嘢都係政治。
🤕：我唔認同！ 隔離陳師奶同張師奶鬧交，唔通又係政府嘅錯？
👹：有無諗過點解你住緊嘅地方咁細？居住地方細，財富分配唔公平，鄰舍先越來越無社區嘅情誼？如果樓下個公園整得靚啲舒服啲，師奶們會唔會落咗去傾計而唔係鬧交吖？如果個街市同商場正啲，你會唔會淨係屈埋喺屋企聽隔離屋鬧交吖？
🤕： 唔係咁㗎，做區啲嘢無關政治㗎！
👽： 所有嘅組織、所有同你條村、你返工、交通、就業、墟市，以至你對呢個地方嘅認同。
👹：都係政治。
🎃： 你坐喺office、坐喺地鐵、瞓喺張床度，有咩中美爭霸、有咩以巴衝突、邊個政治人物私生活點點點、邊個同邊個鬥黃。
👽：全部缺乏前文後理，了無意義，係片段化，泛濫、無用嘅麻醉藥。呢啲政治就真係假政治喇，淨係成為你茶餘飯後嘅話題，同你生活根本唔相關。
🎃：擘大你雙眼。
🤕： 唔係咁㗎！
👹：擘大你雙眼！
（🤕捂耳尖叫）
🎃：片段化嘅假政治，令大家習慣覺得 ，政治唔關平時嘅日常生活，一定係啲污糟爭鬥。
👽：但政治其實唔係咁。
👹：慢慢所有人都唔能夠再有開放嘅心，去參與真實嘅政治。
🎃： 雖然區議員本身只係諮詢架構嘅一部分，無乜真係執政嘅實權，本身可能真係只係爭取下紅綠燈長兩秒，處理下街坊個案，但而家反而變成對抗假政治嘅武器。
👽： 地區組織嘅戰鬥、區議員嘅戰鬥，係用社區凝聚返大家去重新理解政治。一個社區，Local Community，就係政治嘅基層單位。佢可以係街坊互助會，可以係業主委員會，可以係一個街市，可以係一班師奶......
🤕：組織？
👹：組織，唔一定係民X聯義工團。
🤕：啊，我想問講咗咁耐，係咪因為為咗繼續有糧出，所以堆砌一啲唔辭職嘅藉口？
👽：絕對唔係。
👹：你嘅睇法反映咗你嘅高度。
🤕：答我呀！ 你哋係咪食人血饅頭呀？
🎃： 如果剛才嘅解說，對你嚟講了無意義，咁就係。如果講咁多嘢，都係為咗表達區議員為咗錢而宣誓，咁樣樣繼續做區，對議員嘅政治前途有意義咩？
👽：非常大嘅意義。
👹：如果係咁你不如直接加入民X聯啦！
🎃： 如果大家未準備好戰鬥，嚴肅謹慎嘅警醒有咩為？
🤕： 哈， 好彩你哋係食人血饅頭嘅啫，幾驚你哋認真做區呀。
🎃（搖頭）：佢未準備好。
* * * * * * * *
其實娛樂嘅戰鬥唔係淨得ERROR，社區嘅戰鬥都唔應該得區議員。無論你嘅區議員係咪認真貢獻社區，你自己都一定係社區嘅一份子。你本身，就可以參與社區，重奪真實嘅政治。無錯呀，國安法立咗，議員都DQ緊，助理我都唔知老細仲會做到幾耐區議員。但我相信就算議席被剝奪，社區都唔會無人——
如果我哋每個人做多少少。
邊個話社區活動淨係可以由議員搞？
邊個話向部門反映爭取，淨係可以由議員做？
邊個話社區嘅合作同埋聯絡，一定要由議員牽線？
2021年喇，係，區議員好多會堅持落去，但我哋唔可以將改革社區嘅希望擺曬落議員身上。莫講話DQ啦，一個諮詢架構嘅成員，你Expect會有幾大嘅能力去到扭轉乾坤？無錯，區議員係代議士，但一個制度崩壞嘅地方，一個錯嘅結構，你Expect一個代議士能夠肩負所有社區嘅責任？大家都係社區嘅一份子，大家對社區嘅回憶，都可能多過我哋；大家對社區嘅諗法，亦都可能多過我哋，有啲嘢我唔係你，我真係會唔知，就算知道，我都未必會好似你咁Care。每個人都會有自己嘅興趣，自己嘅關注，自己嘅熱情。如果大家都有機會種種興趣、關注、熱情傾注於身處嘅社區入面，我相信大家能夠改變到嘅事情仲會有好多好多。
🤕：區議員並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！
【全篇完】
#希望大家雖然Long都會Read啦 #聲演版要考慮下因為真係好長 #助理手記 #助理T手記 #區議員的戰鬥 #何謂社區 #何謂政治 #以有限製無限 #攜手革新