#Сайлов_2019
Участка сайлов комиссияси округ сайлов комиссияси томонидан сайловга камида 40 кун қолганида 5 — 19 нафар аъзодан, шу жумладан раис, раис ўринбосари ва котибдан иборат таркибда тузилади.

Агар комиссия 7 нафаргача аъзодан иборат таркибда тузилса, раис ва котиб сайланади.

Каналга уланиш👇👇👇
https://t.me/huquqiyaxborot

#Биласизми
Ҳомиладор аёлларга, 3 ёшгача боласи бўлган аёлларга, 14 ёшгача бўлган боласини якка ўзи тарбиялаётган шахсларга, 18 ёшга тўлмаган шахсларга, I ва II гуруҳ ногиронларига нисбатан маъмурий қамоққа олиш чораси қўлланилиши мумкин эмас.

Каналга уланиш👇👇👇
https://t.me/huquqiyaxborot

#Эълон

“МАДАД” ННТ вакант лавозимларга ишга таклиф этади

“МАДАД” нодавлат нотижорат муассасаси қуйидаги вакант лавозимларга ишга қабул қилиш бўйича танлов эълон қилади.

Туман (шаҳар) ҳуқуқий маслаҳат бюролари бош мутахассиси (босқичма-босқич шакллантирилади).

✅ Номзодларга қўйиладиган талаблар:
👉 олий юридик маълумот;
👉 ихтисослиги бўйича камида икки йил иш стажига эга бўлиш;
👉 давлат тилини мукаммал билиш (рус ёки бошқа тилларни яхши билиш устунлик беради);
👉 юклатилган вазифаларни бажара олиш, фуқароларга ҳуқуқий масалалар бўйича маслаҳатлар ва тушунтиришлар бериш йўли билан уларнинг муаммоларини ҳуқуқий ечимини топиш малакасига ва тажрибасига эга бўлиш;
👉 аҳолининг, шу жумладан ижтимоий ҳимояга муҳтож бўлган пенсионерлар, кам таъминланган оилалар, ногиронлиги бўлган шахслар, ёлғиз она (ота)лар ва бошқаларга уларнинг муаммолари бўйича бевосита ҳуқуқий маслаҳатлар бериш орқали бирламчи бепул юридик ёрдам кўрсатиш.

Ойлик иш ҳақи – 3,0-3,5 млн. сўмни ташкил этади.

Бундан ташқари, илғор хорижий тажрибани ўрганиш мақсадида чет элларга хизмат сафарлари ва стажировкаларга юборилади.

Танловда иштирок этиш истагини билдирган номзодлар қисқа муддатларда ўз шахсий варақасини madad.advice.uz@gmail.com электрон почтаси манзилига юборишлари лозим.

Юборилаётган маълумотномада номзодларнинг яшаш манзили ва телефон рақамлари тўғрисидаги маълумотлар ҳам акс эттирилиши керак.

Каналга уланиш👇👇👇
https://t.me/huquqiyaxborot

#Биласизми
Юқумли ва паразитар касалликлар келиб чиқиши ва тарқалишига йўл қўймаслик, шунингдек касб касалликлари, заҳарланишлар ва бахтсиз ҳодисаларнинг олдини олиш мақсадида ходимлар тиббий кўрикдан ўтказилади.

Тиббий кўриклар ташкилотга тиббиёт хизмати кўрсатувчи даволаш-профилактика муассасалари томонидан, агар улар бўлмаган тақдирда ташкилот жойлашган жойдаги ҳудудий даволаш-профилактика муассасаси томонидан ўтказилади.

Тиббий кўрикларни ўтказиш пайтида ходимнинг иш жойи (лавозими) ва ўртача иш ҳақи сақланади.

Каналга уланиш👇👇👇
https://t.me/huquqiyaxborot

#Адлия_хабари

Адлия вазирлиги: “Тадбиркорни ҳомийликка мажбурлама!” акциясини эълон қилади

Хабарингиз бор, айни кунларда Адлия вазирлиги томонидан “Адлия тадбиркорга дўст” лойиҳаси амалга оширилмоқда.

Мазкур лойиҳа доирасида “Тадбиркорни ҳомийликка мажбурлама!” шиори остида тадбиркорларни ноқонуний ҳомийлик ишларига жалб қилишга қарши акция эълон қилинди. Ушбу акция октябрь ойи давомида ўтказилади.

Акция доирасида ижтимоий тармоқлар орқали ҳамда ҳудудий адлия органлари томонидан республиканинг барча ҳудудларида сўровлар ўтказиш, шунингдек, ноқонуний ҳомийликнинг барча кўринишларига қарши зарур чора-тадбирларни кўриш режалаштирилган.

Шунингдек, ушбу Акция орқали тадбиркорлик субъектларини ҳомийлик ва хайрия ёрдами кўрсатиш ишларига мажбурий жалб қилиш, уларга нисбатан маъмурий ва бошқа чораларни қўллаш таҳдиди остида йиғилишлар ва бошқа тадбирларни ўтказиш ҳолатларини аниқлаш бўйича сўровлар ўтказилади.

Сўровномада аноним равишда ёки шахсингизни кўрсатган ҳолда иштирок этишингиз мумкин.

Шахсини кўрсатган иштирокчиларнинг тадбиркорлик ҳуқуқларини тиклаш юзасидан зарур чоралар кўрилади.

Сўровномада қуйидаги ҳавола орқали иштирок этишингиз мумкин: http://bit.ly/2lSYnc5

Бундан ташқари, мазкур ҳолатларга барҳам бериш мақсадида тадбиркорларнинг ноқонуний ҳомийликка жалб қилишнинг ҳар қандай кўриниши юзасидан @tadbirkor_adliyabot ёки 1008 рақамига мурожаат қилишингиз мумкин.

Акцияда фаол иштирок этишингизни сўраймиз.

Эслатиб ўтамиз, тадбиркорлик субъектларини ҳомийликка ва бошқа тадбирларга мажбурий жалб этиш учун Маъмурий жавобгарлик тўғрисидаги кодекснинг 241-4-моддасида ҳамда Жиноят кодекси 192-4-моддасида жавобгарлик белгиланган.

Каналга уланиш👇👇👇
https://t.me/huquqiyaxborot

#Адлия_хабари
👉 https://bit.ly/2nrN4It

Каналга уланиш👇👇👇
https://t.me/huquqiyaxborot

#Адлия_хабари

Адлия вазирлиги: тадбиркорнинг ҳар бир таклифини кўриб чиқамиз!

Сиз тадбиркормисиз?

Қонунчиликдаги қарама-қаршиликлар...Ортиқча талабларга дуч келдингизми?

Ўз фаолиятингизни ривожлантиришга ҳисса қўшмоқчимисиз?

Унда таклифларингизни бизга улашинг!

Муаммоларингизни эълон қилинг!

Уларни биргаликда бартараф этамиз!

Адлия вазирлиги Сизга бу имкониятни тақдим этади.

Таклифларингизни телеграм мессенжеридаги @tadbirkor_adliyabot боти орқали юборинг.

Каналга уланиш👇👇👇
https://t.me/huquqiyaxborot

#Адлия_хабари

Ўзбекистон энг ислоҳотчи ТОП-20 давлатлар ичида

Жаҳон банки: Бизнес юритишни енгиллаштиришда энг катта ислоҳотлар амалга оширган дунёдаги 20 та топ давлатлар ичида Ўзбекистон ҳам эътироф этилди.

Жаҳон банки “Бизнес юритиш” халқаро рейтинги доирасида охирги бир йил ичида бизнесни юритишда енгилликларни назарда тутувчи энг кўп ислоҳотларни амалга оширган 20 та давлатни эътироф этди. Булар ичида Ўзбекистонда 5 та йўналишда амалга оширилган қадамлар алоҳида тан олинди.

Жаҳон банки хабарига кўра, Ўзбекистон охирги даврда миноритар инвесторларни ҳимоя қилишни мустаҳкамлаган, солиқлар тўлаш тизимини соддалаштирган, шартномаларни ижросини амалга оширишни кучайтирган, шунингдек ташқи савдо йўналишида сезиларли янгиликлар киритган.

Бундай ташқари, тижорат ташкилотларида мустақил кенгаш аъзолари бўлиши юзасидан янги талаблар ва аудит қўмиталарининг мавқеи мустаҳкамланди.

Инфратузилма солиқлари фойда солиғи билан бирлаштирилгани ҳам алоҳида таъкидланган. Жаҳон банки медиация институтини ривожлантиришга қаратилган қадамларни ҳам эътироф этиб, бу борада ягона ҳуқуқий база шаклланганини ва медиациядан фойдаланишни рағбатлантириш механизмлари жорий этилганини таъкидлаган.

Божхона соҳасида эса хавф-хатарни таҳлил қилиш асосида текширувларни амалга ошириш тартиботлари киритилганини ҳам маъқуллаган.

Адлия вазирлиги ушбу йўналишда ислоҳотларни олиб боришда иштирок этган барча ташкилотлар ва уларнинг мутасаддиларини ушбу эътироф билан табриклайди.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

“Кексалар ҳафталиги” белгиланди

Кекса авлод вакилларининг жамиятдаги ўрни ва ижтимоий фаоллигини янада ошириш чора-тадбирлари тўғрисидаги Ҳукумат қарори (816-сон, 27.09.2019 й.) қабул қилинди.

Қарорга мувофиқ, 2019 йилдан бошлаб ҳар йили октябрь ойининг биринчи ҳафтаси “Кексалар ҳафталиги” этиб белгиланди.

✅ Шунингдек, қарорга кўра:
👉 вазирлик, идора ва хўжалик бирлашмаларида раҳбар ўринбосарларидан бири жамоатчилик асосида кексалар масалалари учун масъул этиб белгиланади ва “Фахрийлар кенгаши” фаолиятини мувофиқлаштиради;
👉 меҳнат жамоаларида пенсияга чиқиш арафасида бўлган меҳнат фахрийларини тақдирлаш ва нафақага кузатиш тадбирларини ўтказиб бориш амалиёти жорий этилади.

“Ўзбекистон бўйлаб саёҳат қил!” дастури асосида кекса авлод вакилларининг республика бўйлаб тарихий шаҳар ва зиёратгоҳларга саёҳати уюштирилади.

Қарор билан, шунингдек, “Кексалар маслаҳати” гуруҳлари тўғрисида намунавий низом тасдиқланди.

Ушбу гуруҳларнинг асосий мақсади кексаларнинг муаммоларини манзилли ўрганиш ва бартараф этишдан иборат.

Каналга уланиш👇👇👇
https://t.me/huquqiyaxborot

#Эълон

Ўзбекистон Республикаси Адлия вазирлиги ҳузуридаги Ҳуқуқий сиёсат тадқиқот институти бўлим бошлиғи ҳамда етакчи маслаҳатчи лавозимларига танлов эълон қилади

✅ Номзодларга қўйиладиган талаблар:
👉 олий юридик маълумот;
👉 юридик соҳада 3 йилдан кам бўлмаган узлуксиз меҳнат стажи;
👉 норматив-ҳуқуқий ҳужжатлар лойиҳаларини ишлаб чиқиш тажрибасига бевосита эга бўлиш, қонунчилик техникасини яхши билиш;
👉 илмий-амалий тадқиқотлар ўтказа олиш, таҳлилий мақолалар ва бошқа материаллар тайёрлай олиш;
👉 қонун ҳужжатларининг моҳиятини тушуниш ва тушунтира олиш;
👉 компьютер техникаси ва ахборот-коммуникация технологияларидан фойдаланиш бўйича кўникмаларга эга бўлиш;
👉 давлат тилини ва инглиз тилини мукаммал билиш (рус тилини ҳам билиш устунлик беради);
👉 юклатилган вазифаларни мустақил, назоратсиз бажара олиш;
👉 ташаббускорлик, жонбозлик ҳислатларига, давлат хизматчиси номига лойиқ одоб-аҳлоққа эга бўлиш.

✅ Иш ҳақи ва ижтимоий ҳимоя:
👉 ойлик иш ҳақи – 4-7 млн. сўм.
👉 байрам ва бошқа муҳим саналар муносабати билан мукофот пуллари;
👉 қишлоқ хўжалиги маҳсулотлари сотиб олиш учун йилда бир маротаба моддий ёрдам;
👉 адлия органлари ходимларига бериладиган махсус унвон – мартаба даражаларини олиш имконияти;
👉 чет элларга хизмат сафарлари ва амалиётга бориш имконияти;
👉 меҳнат натижаларига қараб бошқа афзалликлар.

✅ Мурожаат учун:

Хоҳловчилар ўзлари ҳақидаги маълумотларни (ўқиган ОТМлари, меҳнат тажрибаси, фотосурати, яшаш манзили ва телефон рақамларини кўрсатган ҳолда) tadqiqotinstituti@adliya.uz электрон почтасига юборишлари мумкин.

Маълумот учун телефон: 71 268 28 45, 97 157 99 68.

Каналга уланиш👇👇👇
https://t.me/huquqiyaxborot

#Биласизми
Ходимлар меҳнатга доир ҳуқуқий муносабатлардан келиб чиқадиган талаблар бўйича судга мурожаат қилганларида суд харажатларини тўлашдан озод этиладилар.

Каналга уланиш👇👇👇
https://t.me/huquqiyaxborot

Адлия вазирлиги “1 октябрь – Ўқитувчи ва мураббийлар куни” билан машаққатли ва шарафли касб эгаларини самимий қутлайди!

Каналга уланиш👇👇👇
https://t.me/huquqiyaxborot

#Эслатма

📌 Ҳафта давомида (23-28 сентябрь кунлари) қабул қилинган муҳим норматив-ҳуқуқий ҳужжатлар: ⬇️

▫️ Ўзбекистон Республикасининг солиқ сиёсатини янада такомиллаштириш чора-тадбирлари тўғрисида Фармон Президент томонидан имзоланди. Батафсил.

▫️ Олий таълим муассасалари раҳбар ва педагог кадрларининг малакасини ошириш тизимини янада такомиллаштириш бўйича қўшимча чора-тадбирлар тўғрисида Ҳукумат қарори қабул қилинди. Батафсил.

▫️ Давлат геология ва минерал ресурслар қўмитаси тизимидаги “Сурхонгеология” давлат корхонаси фаолиятини ташкил этиш чора-тадбирлари тўғрисида Ҳукумат қарори қабул қилинди. Батафсил.

▫️ Республика бахшичилик санъати маркази ва унинг ҳузуридаги Бахшичилик санъатини ривожлантириш жамғармаси фаолиятини ташкил этиш тўғрисида Ҳукумат қарори қабул қилинди. Батафсил.

▫️ Йўлбўйи ва туристик инфратузилмани янада ривожлантириш чора-тадбирлари тўғрисида Ҳукумат қарори қабул қилинди. Батафсил.

▫️ 2019-2020 йилларда Тошкент вилоятининг саноат салоҳиятини ривожлантириш бўйича қўшимча чора-тадбирлар тўғрисида Ҳукумат қарори қабул қилинди. Батафсил.

▫️ Кекса авлод вакилларининг жамиятдаги ўрни ва ижтимоий фаоллигини янада ошириш чора-тадбирлари тўғрисида Ҳукумат қарори қабул қилинди. Батафсил.

▫️ Ҳукумат қарори билан Адвокатлик гувоҳномасини бериш тартиби тўғрисидаги низом тасдиқланди. Батафсил.

▫️ Ҳукумат қарори билан Баҳоловчиларга тоифалар бериш бўйича давлат хизматларини кўрсатишнинг маъмурий регламенти тасдиқланди. Батафсил.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар
Ҳукумат қарори (819-сон, 27.09.2019 й.) билан Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга ўзгартиришлар киритилди.

Киритилган ўзгартиришларга кўра, олиб қўйилган тез бузиладиган маҳсулотларга мувофиқлик сертификатини расмийлаштириш ва бериш муддати барча зарур ҳужжатлар тақдим этилган вақтдан бошлаб бир кун этиб белгиланди.

Шунингдек, давлат даромадига ўтказиладиган мол-мулклар сотилишини таъминлашда маҳаллий ҳокимият органлари савдо ўринлари ва ярмаркалар ташкил этиш орқали савдо ташкилотларига кўмаклашади.

Каналга уланиш👇👇👇
https://t.me/huquqiyaxborot

#Биласизми
Мехнат кодексига асосан иш ҳақи тўланадиган кун дам олиш куни ёки байрам кунига тўғри келиб қолса, меҳнат ҳақи шу кун арафасида тўланади.

Шу билан бирга, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

Фахрий унвонларга эга спортчилар ҳоким маслаҳатчилари бўлади

Андижон вилоятида ёшларни жисмоний тарбия ва спортга жалб қилиш тизимини такомиллаштириш ҳамда спорт иншоотлари қувватидан самарали фойдаланиш чора-тадбирлари тўғрисида Ҳукумат қарори (820-сон, 30.09.2019 й.) қабул қилинди.

Қарорга мувофиқ, “Халқаро тоифадаги Ўзбекистон спорт устаси” унвонига, “Ўзбекистонда хизмат кўрсатган спорт устози”, “Ўзбекистонда хизмат кўрсатган спортчи” фахрий унвонларига эга бўлган спортчилар, Олимпия ва Осиё ўйинлари, жаҳон чемпионати, Ўзбекистон чемпионати совриндорлари Андижон вилояти туман (шаҳар) ҳокимларига жамоатчилик асосида жисмоний тарбия ва спорт масалалари бўйича маслаҳатчи этиб бириктирилади.

Шунингдек, жисмоний тарбия ва спорт йўналиши мавжуд олий ва ўрта махсус таълим муассасалари битирувчиларининг мазкур қарорда белгиланган олий ва ўрта махсус таълим муассасаларида педагогик амалиёт ўташи ташкил этилади.

2020/2021 ўқув йилидан бошлаб Андижон давлат университетининг сиртқи бўлимида “Спорт фаолияти” таълим йўналиши бўйича кадрлар тайёрланади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар
Тошкент шаҳридаги давлат ихтисослаштирилган мактабгача таълим муассасалари фаолиятини янада такомиллаштириш чора-тадбирлари тўғрисидаги Ҳукумат қарори қабул қилинди (826-сон, 30.09.2019 й.)

Қарорга мувофиқ, 2019 йил октябрдан Тошкент шаҳридаги давлат ихтисослаштирилган мактабгача таълим муассасалари тармоғи оптималлаштирилади.

✅ Шунга кўра, Тошкент шаҳридаги 49 та давлат ихтисослаштирилган мактабгача таълим ташкилотларидан:

👉 18 таси – кўп тармоқли ихтисослаштирилган мактабгача таълим ташкилотлари этиб;

👉 31 таси – умумий типдаги давлат мактабгача таълим ташкилотлари этиб қайта ташкил этилади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

“Баркамол авлод” болалар мактаблари ташкил этилди

Халқ таълими тизимидаги мактабдан ташқари таълим самарадорлигини тубдан ошириш чора-тадбирлари тўғрисида Президент қарори қабул қилинди.

Қарорга мувофиқ, Халқ таълими вазирлиги тасарруфидаги “Баркамол авлод” республика ва ҳудудий болалар марказлари негизида Республика ва ҳудудий “Баркамол авлод” болалар мактаблари ташкил этилди.

Шунингдек, Қорақалпоғистон Республикаси Халқ таълими вазирлиги ва вилоятлар халқ таълими бошқармалари ҳузуридаги ахборот-ресурс марказлари негизида “Болалар кутубхоналари” ташкил этилди.

Бундан ташқари, қарорга кўра, 2020-2023 йилларда Бухоро, Қашқадарё, Наманган, Самарқанд, Хоразм вилоятлари ва Тошкент шаҳрида “Баркамол авлод” болалар мактаблари ҳузурида 100-200 ўринли “Болалар сайёҳлик базалари” ташкил этилади.

“Баркамол авлод” болалар мактабларида 2020/2021 ўқув йилидан бошлаб “STEAM –таълим” дастури жорий этилади.

✅ Қарорга мувофиқ, “Баркамол авлод” болалар мактаблари ходимларининг базавий тариф ставкалари 2020 йил 1 январдан:

👉 директор ва директор ўринбосарлари учун 1,55 бараварга, тўгарак раҳбари учун 1,5 бараварга оширилади;

👉 инструктор-услубчилар ва услубчилар меҳнатига ҳақ тўлаш базавий тариф ставкаларидан келиб чиқиб амалга оширилади ҳамда уларнинг базавий тариф ставкалари тўгарак раҳбарлариникига тенглаштирилади.

Каналга уланиш👇👇👇
https://t.me/huquqiyaxborot

Адлия вазирлиги “1 октябрь – Ўқитувчи ва мураббийлар куни” билан машаққатли ва шарафли касб эгаларини самимий қутлайди!

Каналга уланиш👇👇👇
https://t.me/huquqiyaxborot

#Биласизми
👉 http://bit.ly/2mMrP40

Каналга уланиш👇👇👇
https://t.me/huquqiyaxborot