Huquqiy axborot
223K members
933 photos
103 videos
14 files
3.88K links
Янги қонун ҳужжатлари, ҳуқуқий ислоҳотлар ҳақида тезкор маълумотлар тақдим этувчи канал

“Ҳуқуқ билимдонлари” танловига оид саволлар учун: @huquqbilimdoni_aloqabot

Саволлар, ҳуқуқшунос маслаҳати учун: www.advice.uz
Download Telegram
to view and join the conversation
This media is not supported in your browser
VIEW IN TELEGRAM
#Адлия_хабари

Қишлоқ хўжалигига мўлжалланмаган бўш турган ер участкаларини бериш тартиби

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан Ўзбекистон Республикасининг янги таҳрирдаги “Валютани тартибга солиш тўғрисида”ги Қонуни маъқулланди

Қонунга мувофиқ, Ўзбекистон Республикаси валютасининг чет эл валютасига нисбатан курсини аниқлашда фақат бозор механизмларидан фойдаланилади.

Шунингдек, қонунга мувофиқ, резидент юридик шахслар валюта операцияларини амалга ошириш мақсадида:
👉 ўз мулкида валюта қимматликларига эга бўлишга;
👉 чет эл валютасини қонун ҳужжатларида белгиланган тартибда Ўзбекистон Республикасига ўтказишга, шунингдек Ўзбекистон Республикасидан ўтказишга ҳақли.

Шу билан бирга, фаолиятни Ўзбекистон Республикаси ҳудудида амалга ошириш норезидент юридик шахсларнинг Ўзбекистон Республикасида банк ҳисобварақларини очиши ва улардан фойдаланиши учун мажбурий талабдир.

Қонунга, халқаро амалиётдан келиб чиқиб, ташқи савдо операциялари бўйича активларни репатриация қилишга оид нормалар киритилди.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан Ўзбекистон Республикасининг янги таҳрирдаги “Банклар ва банк фаолияти тўғрисида”ги Қонуни маъқулланди

Қонунга мувофиқ, банклар амалга оширадиган операциялар рўйхати бир қатор янги операциялар билан тўлдирилди.

Хусусан, қимматбаҳо металлардан ясалган тангаларни сотиб олиш ва сотиш, электрон пулларни чиқариш, улардан фойдаланиш ва тўлаш каби операциялар шулар жумласидандир.

Қонун билан, шунингдек, кредиторлар ва омонатчиларнинг ҳуқуқларини ҳимоя қилиш мақсадида банклар учун тақиқланган ёки чекланган фаолиятга оид нормалар белгиланди.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан “Мудофаа тўғрисида”ги янги таҳрирдаги қонун маъқулланди

Ушбу Қонуннинг мақсади мудофаа соҳасидаги муносабатларни тартибга солишдан иборат.

Қонуннинг асосий вазифалари мудофаани ташкил этишнинг ва Ўзбекистон Республикаси Қуролли Кучларини бошқаришнинг ҳуқуқий асосларини белгилашдан, мамлакат мудофаасини таъминлашда давлат органларининг ваколатларини, шунингдек фуқаролар ўзини ўзи бошқариш органларининг, ташкилотлар ва фуқароларнинг иштирок этишини аниқлашдан иборат этиб белгиланмоқда.

Маъқулланган Қонунга кўра, мудофаа – бу Ўзбекистон Республикасининг суверенитетини, ҳудудий яхлитлигини, аҳолининг тинч ҳаёти ва хавфсизлигини ҳимоя қилишни таъминлаш борасидаги сиёсий, иқтисодий, ҳарбий, ижтимоий-ҳуқуқий, ахборотга оид, ташкилий ва бошқа тусдаги чора-тадбирлар тизимидир.

Мустақилликни, суверенитетни, ҳудудий яхлитликни ва конституциявий тузумни ҳимоя қилиш, давлатнинг ҳарбий хавфсизлигини таъминлаш, Марказий Осиёда халқаро ва минтақавий ҳамкорликни, хавфсизликни, барқарорликни ва яхши қўшничиликни мустаҳкамлаш, давлатнинг ҳарбий ташкилотини мунтазам равишда ривожлантириш, уни Ўзбекистон Республикасини қуролли ҳимоя қилишга шай ҳолатда сақлаб туриш мудофаа соҳасидаги давлат сиёсатининг асосий мақсадлари сифатида белгиланмоқда.

Қонунда, шунингдек, Қуролли Кучларнинг асосий вазифалари, Қуролли Кучларни қўллаш ҳамда мудофаани ҳарбий-иқтисодий жиҳатдан таъминлаш масалалари ҳам белгиланмоқда.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан Ўзбекистон Республикасининг “Меценатлик тўғрисида”ги Қонуни маъқулланди

Қонун маданият ва санъатни, шунингдек маданият ва санъат соҳасидаги илм-фанни, таълимни, маърифатни ҳамда бошқа фаолиятни ривожлантириш мақсадида ҳомийлик фаолиятини амалга ошириш чоғида юзага келадиган муносабатларни тартибга солишга қаратилган.

Қонунга таянч тушунчалар киритилиб, унда меценат, меценатлик (меценатлик фаолияти), меценатлик кўмаги, меценатлик кўмагини олувчи тушунчалари очиб берилган.

Қонунга кўра меценатлик фаолияти Ўзбекистон Республикасининг маданий мерос объектларини сақлаш, муҳофаза қилиш ва улардан фойдаланиш учун шарт-шароитлар яратиш мақсадларида амалга оширилади.

Шунингдек, қонунга кўра, жисмоний ва юридик шахслар меценатлик фаолиятини ихтиёрийлик ҳамда бу фаолиятнинг мақсадларини эркин танлаш асосида монеликсиз амалга оширишга ҳақлидир.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан “Ўзбекистон Республикаси ахборот-кутубхона тизими ходимлари кунини белгилаш тўғрисида”ги Қонуни маъқулланди

Қонунга мувофиқ, 21 май – Ўзбекистон Республикасининг ахборот-кутубхона тизими ходимлари куни, яъни касб байрами сифатида белгиланмоқда.

Каналга уланиш👇👇👇
https://t.me/huquqiyaxborot
#Адлия_хабари

Сенат томонидан Ўзбекистон Республикасининг “Олий даражали “Дўстлик” орденини таъсис этиш тўғрисида”ги Қонуни маъқулланди

Қонунга мувофиқ, Олий даражали “Дўстлик” ордени билан Ўзбекистон Республикаси фуқаролари ва айрим ҳолатларда фуқароси бўлмаган шахслар қардош халқлар ўртасида кўп асрлик дўстлик ва қўшничилик муносабатларини мустаҳкамлаш, жамият ва халқларнинг бирдамлигини уйғунлаштиришдаги алоҳида хизматлари учун мукофотланади.

Шунингдек, орден ҳар томонлама стратегик ҳамкорликни ривожлантириш, ҳудудлараро келишувларга эришишдаги сермаҳсул фаолияти ҳамда халқлар ўртасидаги ўзаро ҳамжиҳатлик ва ишончни мустаҳкамлашдаги фаол иштироки учун ҳам берилади.

Каналга уланиш👇👇👇
https://t.me/huquqiyaxborot
#Адлия_хабари

Тошкент давлат юридик университети ҳузуридаги Юридик кадрларни халқаро стандартлар бўйича профессионал ўқитиш марказида Олий маълумотга эга бўлган шахсларни юридик мутахассисликка қайта тайёрлаш курслари ташкил этилган.

Мазкур курс учун қабул квотаси 100 (75 ўзбек, 25 рус) тани, тўлов-контракт миқдори эса 10 000 000 сўмни ташкил этади.

Қайта тайёрлаш курсларига 79 та олий таълим йўналишини битирган талабгорлар суҳбат тарзида ўтказиладиган кириш имтиҳонлари натижаларига кўра қабул қилинади.

Курсда ўқув жараёнлари 2020 йилнинг январь ойидан бошланиб, 6 ой давом этади.

Мазкур курсларни тугатган ва белгиланган намунадаги дипломни олган шахслар давлат органлари ва бошқа ташкилотларнинг юридик хизматларида ишлаш ҳуқуқига эга бўлади.

Курсга ҳужжатларни топшириш 2019 йилнинг 31 октябрига қадар centertsul.uz ёки qabul.сеntertsul.uz веб-сайтлари орқали фақат электрон шаклда амалга оширилади.

Курс ҳақида қўшимча маълумотларни Марказнинг расмий веб-сайти (www.centertsul.uz) ҳамда +998712332214 телефон рақамлари орқали олиш мумкин.

Каналга уланиш👇👇👇
https://t.me/huquqiyaxborot
#Адлия_хабари

Ўзбекистон тарихда биринчи бор Топ-10 ликка кирди!

Жаҳон банкининг нуфузли “Бизнес юритиш” халқаро рейтингида Ўзбекистон 7 та поғонага кўтарилди ва 69-ўринни эгаллади.

Энг қувонарлиси эса, Адлия вазирлиги ва Давлат хизматлари агентлиги масъул бўлган “Бизнесни рўйхатдан ўтказиш” кўрсаткичи бўйича дунёнинг 190 та давлатлари ичида 8-ўринни эгаллаб, биринчи бор Ўзбекистон тарихида Топ-10 ликка кирдик.

Бизнесни юритишни енгиллаштириш бўйича олдимизда улкан марралар ва масъулиятли ишлар турибди.

Бу борада барчамизга омад ёр бўлсин!

Каналга уланиш👇👇👇
https://t.me/huquqiyaxborot
#Адлия_хабари

Бош вазир номзоди қандай тасдиқланади?

2019 йилда Ўзбекистонда муҳим сиёсий жараён – Олий Мажлис ва халқ депутатлари вилоят, туман (шаҳар) кенгашларига сайловлар бўлиб ўтади.

Шунга кўра, ҳозирда Қонунчилик палатаси депутатлари ва маҳаллий Кенгашлар депутатлари сайловига қизғин тайёргарлик кетмоқда.

Лекин бу жараёнда айрим блогер ва ОАВлар томонидан қонунчиликка зид маълумот тарқатиш, ҳар хил асоссиз сўровлар ўтказиш ҳолатлари учрамоқда.

Хусусан, телеграмдаги каналларнинг бирида айрим мансабдор шахслардан қайси бирининг Бош вазир бўлиши мумкинлиги ҳақида сўров ўтказилган.

Бу каби ҳолатлар одамлар орасида турли миш-мишлар келиб чиқишига ва жамоатчилик фикрини манипуляция қилишга сабаб бўлиши мумкинлигини инобатга олиб, амалдаги қонунчиликда белгилаб қўйилган Бош вазирни тасдиқлаш тартиби ҳақида маълумот беришни лозим деб топдик.

Ўзбекистон Конституциясига асосан Бош вазир номзоди Қонунчилик палатасига сайловда энг кўп депутатлик ўринларини олган сиёсий партия ёки тенг миқдордаги энг кўп депутатлик ўринларини қўлга киритган бир неча сиёсий партия томонидан Президентга кўриб чиқиш учун таклиф этилади.

Бунда, Президент тақдим этилган Бош вазир лавозимига номзодни кўриб чиққанидан кейин уни Олий Мажлис палаталарининг кўриб чиқиши ва тасдиқлаши учун киритади.

Бош вазир номзоди унинг учун тегишинча Олий Мажлиснинг Қонунчилик палатаси депутатлари ва Сенати аъзолари умумий сонининг ярмидан кўпи томонидан овоз берилган тақдирда тасдиқланган ҳисобланади.

Яъни, Бош вазирни тасдиқлаш жараёни аниқ тартибга солинган бўлиб, унда нафақат сайловларда кўп овоз олган партиянинг фикри, балки Президент, сенаторлар ва бошқа депутатларнинг фикри ҳам ҳал қилувчи аҳамиятга эга.

Юқоридагиларга кўра, маълумот тарқатилаётганда жамият ва давлат олдидаги масъулиятни унутмасликка чақирамиз.

Каналга уланиш👇👇👇
https://t.me/huquqiyaxborot
#Адлия_хабари

“Ҳуқуқий ахборот” каналининг рус ва инглиз тилларидаги версияларини ҳам кузатиб боринг.

Ҳуқуқий ахборот” телеграм каналининг рус ва инглиз тилларидаги версиялари ҳам мавжуд эканини эслатиб ўтамиз.

Ушбу каналлар ўзбек тилидаги версия билан синхрон тарзда қонун ҳужжатлари ҳақида тезкор маълумот улашади.

Ҳуқуқий ахборотни биринчилар қаторида расмий ва ишончли манбадан ўзингизга қулай тилда олинг:

• рус тилида – https://t.me/pravoinf

• инглиз тилида – https://t.me/leginf

Каналга уланиш👇👇👇
https://t.me/huquqiyaxborot
#Адлия_хабари

Адлия вазирлиги маълум қилади

Интернет нашрларида ва ижтимоий тармоқларда 2019 йил 16 ноябрь куни Тошкент шаҳар ҳокими Ж.Ортиқхўжаевга мансублиги таъкидланиб тарқатилган аудиоёзувлар бўйича ҳолат Бош прокуратура томонидан ўрганилаётганлиги маълум қилинди.

Адлия вазирлиги ушбу ўрганиш жараёнида Бош прокуратура билан ҳамкорлик қилмоқда.

Каналга уланиш👇👇👇
https://t.me/huquqiyaxborot