İnsan yönümlü şəhərlər ️
2.84K subscribers
1.73K photos
211 videos
551 links
Təhlükəsiz, rahat və müasir şəhərlər, piyada, velosiped və digər nəqliyyat növlərindən bəhs edirəm.

Dəstək olmaq: city4people.az/destek
Əlaqə: @City4People_az_Bot
Download Telegram
🇺🇿 Daşkənd Bakının səhvlərini təkrarlayır.

Maraqlıdır ki, baxmayaraq ki, burada metronun inkişafından, tramvayların bərpasından danışırlar, avtobuslar üçün zolaqlar ayırırlar, eyni zamanda tıxaclarla mübarizədə ən qeyri-effektiv addımlara əl atırlar. Artıq nəqliyyat elmi sübut edib ki, bu cür yeni yol qovşaqların salınması sadəcə qısa müddətli effekt verir, çünki daha çox sürücü bura daxil olur və vəziyyət daha da bərbad olur.

Uzağa getmək lazım deyil, 2005-2010-cu ildə Bakıda nə qədər belə qovşaqlar tikdilər, indi isə onların ətrafı sadəcə böyük bir tıxacda dayanır.

Ümid edirəm, heç olmasa Bakıda bir daha belə səhvlərə əl atmazlar. Bu cür yol qovşaqları yalnız şəhərdən kənar yollarda olmalıdır.

Foto: Gazeta.uz

#Daşkənd
🇦🇿 Lənkərandan izləyicimiz varsa, növbəti vloqumuz məhs bu cənub şəhərinə həsr olunub.

Yeni videoda hər zaman olduğu kimi daha bir rayon mərkəzini məhs bir piyada olaraq təhlil edirik, buradakı mühiti necə yaxşı etmək olar, tarixini və arxitekturanı necə qorumalıyıq - hamısını əyani şəkildə göstəririk.

🔹 Əsas məqsədimiz - yaxşı şəhər mühiti nədir və onu necə təşkil etmək lazımdır (və necə lazım deyil) - bunların hamısını sizə sadə və maraqlı formada göstərməkdir, ümid edirəm sizə belə reportajlar maraqlı gəlir:

https://youtu.be/2F8X8p7G2As

📍 Milli urbanistikaya və bizim çəkdiyimiz vloqlara ən yaxşı dəstək isə patreon-a abunə olmaqla göstərə bilərsiniz.

#vloq #regionlar #Lənkəran
Dəyərli izləyicilərə müraciət.

🔹 "İnsan yönümlü şəhərlər" layihəsi artıq 5 ilə yaxındır ki, ölkəmizin urbanistik inkişafına öz tövhəsini vermək üzərində çalışıram. Hər hansı bir rəsmi təşkilat olmasam da, kifayət qədər maarifləndirə aparmaq, maraqlı və vacib xəbərləri, dünya təcrübəsini paylaşmaq imkanım var.

Bu spesifik, lakin eyni zamanda maraqlı bir sahəni həmyerlərimiz arasında da məşhurlardımağa çalışıram. Çünki urbanistika birbaşa olaraq insanların yaşayış keyfiyyətinə, həyat tərzinə və əhvali-ruhiyyəsinə təsir edir.

Biz daha yaxşı şəhərlərdə, daha sağlam mühitdə yaşamağa layiqiq. Küçələrdə piyada və yaxud nəqliyyatda hərəkət edərək həyatımızı risk altına atmamalıyıq.

🔹 Son aylar ərzində, mən maarifləndirmənin ən effektiv üsullara aksent verməyə çalışıram, urbanistika, şəhərsalma və nəqliyyat mövzusunda videolar çəkirəm. Bu sahənin ekspertlərini və mütəxəssislərini cəlb edirəm.

Vloqların çəkilişi asan bir iş olmasa da, bu işi yarımçıq qoymaq heç birimiz istəmir. Əksinə, istəyirik davamlı olaq və bu vloqların keyfiyyətini daha da artıraq. Həm texniki, həm vizual, həm də vloqların müxtəlif məkanlarda və mövzularda çəkilməsi cəhətindən. Bunun üçün resurslar və daimi dəstəyə ehtiyac yaranır.

🔹 Bu dəstəyi sadiq izləyicilərimizdən gözləyirəm. Patreon platformasında abunə olub aylıq ianələr göndərməklə böyük kömək göstərmiş olursunuz: patreon.com/city4people

Əvəzində isə patronlara bütün videoları hər kəsdən öncə göstərirəm, daha geniş versiyalar hazırlayıram və özəl hədiyyələr göndərirəm (dəstək statusundan asılı olaraq).

🔹 Əlbəttə ki, bu çağırışa asılı olmayaraq, bundan sonra da bloqda və vloqda paylaşılan məzmun hər kəs üçün açıq və ödənişsiz olacaq, çünki əsas dəyərlərimiz - mümkün qədər çox insanlarımızı maarifləndirək - dəyişməz olaraq qalır.

Bizə dəstək olan hər kəsə təşəkkürlər! 💚

@city4people_az
Please open Telegram to view this post
VIEW IN TELEGRAM
Tomsk şəhərində küçələrin birində sakinlər hərəkət etmək üçün boya ilə belə bir səki çəkdilər.

Sürücülər də bu səkiyə riayət edir, üzərinə çıxmır.

#səkilər
İnsan yönümlü şəhərlər ️
Bakıda səkilərin oğurlanması davam edir. ⠀ 📍 Haqverdiyev küçəsi, Yasamal #səkilər
İzləyicimiz yazır ki Haqverdiyev küçəsində oğurlanan səki geri qaytarıldı!

O tərəfdən kimsə keçsə, foto çəkib bizə göndərə bilər, fotofakt kimi paylaşarıq.
This media is not supported in your browser
VIEW IN TELEGRAM
🔸 Haqverdiyev küçəsində vəziyyət.

Səkinin bir hissəsinin bərpasına başlayıblar (nədənsə daha alçaq bordürlar qoyurlar). Amma obyektin qarşısını qaytarmaq istəmirlər.

Video: Dilqəm İsmayılov.
❗️Səkinin 90%-i zəbt olunub.

Görəsən, nə vaxt dövlət qurumları oyanıb bununla nəisə etmək fikirindədirlər? Bu şəhərin yiyəsi var, yoxsa yox?

📍 Bakı, Xəqani Rüstəmov küçəsi.

#səkilər #köşklər
This media is not supported in your browser
VIEW IN TELEGRAM
Absurd qərarlar absurd nəticələrə gətirir.

Çinin bəzi şəhərlərində elektroskuterləri qadağan etməyə başladılar, əvəzində isə insanlar kütləvi şəkildə özlərinə elektrik əlil arabası almağa başladılar.

📍 Quançjou
Media is too big
VIEW IN TELEGRAM
🇬🇧 Londonda avtomobil axının sakitləşdirilməsi.

Həqiqətən, bundan daha effektiv üsul tapmaq çətindir. Hər kəs öz doğma avtomobilini cızmağa ehtiyat edir. 🙂

Əminəm ki, bizim sürücülərə belə bir şey göstərsən, deyəcəklər, "başları gedib, bu nə absurddur". Lakin məhs belə bir kəsişmədə piyadanı vurmaq ehtimalı demək olar ki sıfıra bərabərdir.

İnsan həyatından vacib nə ola bilər?

#təhlükəsizlik #London
🚷 Piyadalar üçün heç uyğunlaşdırılmamış bir şəhərdə, "səki" anlayaşına hörmət qoyulmayan Bakı şəhərində piyadadan hansısa intizam gözləyirik?

Ümumiyyətlə, bu cür videoları çəkib paylaşmağın məqsədi nədir? Piyadaları "qoyun" adlandırmaq üçün daha bir səbəb? Belə piyada davranışını elə biz özümüz yetişdirmişik.

Piyadaları ömür boyu məcbur etmişik maşın yoluna çıxsın. İndi isə onları qınayırsınız? Belə videolar paylaşmaqlar siz heç bir problemi həll etmiş olmursunuz.

Bəsdirin, Vallah ayıbdır.

#səkilər
Anlaşılmaz yeraltı keçidlər, yarımçıq və baryerlər dolu səkilər - və bunların hamısı düz şəhərin mərkəzində. Qış Parkı deyilən ərazidə.

Piyadalar üçün burada yaradılan şəraiti əvvəllər görməmisinizsə, o zaman bir az şoka düşəcəksiniz. Yeni videoda memar Dilqəm İsmayılov ilə Füzuli və ətraf küçələri gəzişdik, urbanistik icmalını edərək səhvləri göstərdik, öz məsləhətlərimizi verdik.

🔹 İzləyin və xahiş edirəm paylaşın ki, çoxlu baxış gəlsin, problemlərə daha tez diqqət yetirsinlər və onlar daha tez öz həllini tapsın.

https://youtu.be/8PBGYHobxI4

🔥 Bu cür reportajların çəkilişini biz hətta qızmar yay istisində davam edirik. İşimizi bəyənirsinizsə və dəyər vermək istəyirsinizsə, bizə dəstək edənlərin sırasına qoşula bilərsiniz.

#vloq #piyadakeçidləri
🆘 Bayram Axundov yazır:

Qəçrəşə gəlmişəm. Kənddə bir dənə olsun zibil qabı yoxdur. Fikirləşərsiz ki, zibil qabı yoxdursa, yəqin ki gəlib zibili toplayan bir xidmət olar onda. Xeyr, o da yoxdur. Yerli camaat deyir ki, tullantıların toplanması sistemli şəkildə mövcud deyil deyə, onlar zibili ya yandırırlar, ya basdırırlar, ya da dərələrə atırlar (yerli və xarici turistlər daxil). Öz ətraf mühitinə daha diqqətli yanaşanlar, həmçinin maşını olanlar zibili 10 km sürüb, rayona aparmalı olurlar (hər ailədə maşının olmadığını deməyimə əlavə ehtiyac yoxdur, məncə).

Mən elə bilirdim ki, XXI-ci əsrdə nə də olmasa, heç olmasa zibilin qablara toplanması (emalı daha demirəm), onun vaxtı vaxtında poliqona çatdırılması bir qayda olaraq, hər bir yaşayış məntəqəsində sistemli şəkildə təşkil edilməlidir. Deyəsən yanılmışam.

Ölkəyə bu qədər turist gətirən, ölkə əhalisinin ən sevimli güşələrindən sayılan Qəçrəşin təbiəti bu şəkildəki kimi olmamalıdır. Turizmi bir çoxlarımız sadəcə pullu sənaye kimi görə bilərik, amma turizmin yerli ətraf mühitə vura biləcəyi ziyan nəzərdən qaçmamalıdır. Ölkə ərazisindəki yaşayış məntəqələrinin, icmaların, xüsusən də turistik potensialı reallaşmış güşələrin zibil probleminin olması adi bir hal kimi qəbul edilməməlidir.

Bütün dostlardan xahiş edirəm ki, bu postu paylaşaq, aidiyyatı qurumları tag edib, mövzunu ictimailəşdirək. Mümkün olarsa, bunun kimi digər nümunələri də işıqlandıraq.

#zibil
This media is not supported in your browser
VIEW IN TELEGRAM
Bunları niyə istismara verməyiblər axı? Keçən səfər bunun videosunu çəkəndə bizə demişdilər ki az qalıb, açılış olacaq. Artıq neçə vaxtdır sahibsiz qalıb. Gözləyirlər ki, çürüsün buralar?

Yaxşı bir yenilikdir axı, xüsusilə yay aylarında insanlar regionlara çox gedib-gəlir, açın da buraları.

Video: Yol Adamı

#DayanDincəl #regionlar
Yağış yağan kimi küçələrdəki vəziyyət bu günə düşür.

Eybi yox, "zato" smart dayanacağımız var 🤡

#yağış
Qala divarların ətrafını parkinqə çeviriblər. 🤦‍♂️

Şirvanşahlar bilsəydi İçərişəhəri bu gün biz nəyə döndərmişik onu əsrlərə belə qorumazdılar.

#içərişəhər #parklanma
🇷🇺 Yujno-Saxalinsk şəhərinin dəmiryol vağzalının önü. Əvvəl və yenidənqurmadan sonra.

Sonrakı fotoda parkinq xeyli azaldılsa da, burada ictimai nəqliyyat üçün qovşaq yaradılıb və ərazi qat-qat daha səmərəli istifadə olunur.

Bakıda da belə islahata təcili ehtiyac var.

#əvvəlsonra
🇨🇳 İzləyicimiz Çindən fotolar göndərib.

Bura Çinin texnoloji mərkəzi sayılan Şenjen şəhəridir. Geniş səkilər, velosiped və əlillər üçün yaradılan şəraitə fikir verin.

Bir qədər bura Asiyanın qiqantizmi gözə çırpır, amma ümumi olaraq burada küçədə hər kəs üçün nəzərdə tutulan məkanın olduğunu başa düşürlər.

📸 Maraqı fotolarınızı bizə şərhlər bölməsində göndərə bilərsiniz.

#Çin #səkilər