#Update (No. 5)

የዩኒቨርሲቲ ትምህርታቸውን አጠናቀው ወደ ቤተሰብ እየተመለሱ በነበሩበት በታጣቂዎች ስለታገቱ የደባርቅ ዩኒቨርሲቲ ተማሪዎች በተደጋጋሚ መረጃ አድርሰናችሁ ነበር።

ዛሬስ ምን አዲስ ነገር አለ ?

ቲክቫህ ኢትዮጵያ ስለታጋቾቹ ምን አዲስ አለ ? ሲል የተማሪ ወላጆችን የወንጌላውያን ተማሪዎች ህብረት፣ ደርባርቅ ዩኒቨርሲቲ እና ትምህርት ሚኒስቴርን ጠይቋል።

ይህ ዘገባ እስከተዘጋጀበት ወቅት ድረስ ከእገታው ያልተለቀቁ ተማሪዎች እንዳሉ ወላጆች ቃላቸውን ሰጥተዋል።

አጋቾቹ አሁንም ለአንድ ተማሪ ግማሽ ሚሊዮን ብር እንደጠየቋቸው፣ ያሰባሰቡትን የተወሰነ ገንዘብ ልከው ታጋቾቹን እንዲለቁላቸው ቢማጸኑም ገንዘቡ ካልተሟላ እንደማይለቋቸው ገልጸዋል።

በርካታ ተማሪዎች አሁንም እንደታገቱ መሆናቸውን እንዳረጋገጡ የገለጹት ሁለት የታጋች ቤተሰቦች፣ ጉዳዩ በሚዲያ እየተንሸራሸረ ስለሆነ መንግስት ሰምቷል ፤ ታዲያ ለምን መፍትሄ አይሰጠንም ? ሲሉ ጠይቀዋል።

የታገቱ ተማሪዎች ጉዳይ ከምን ደረሰ ? ሲል ቲክቫህ ኢትዮጵያ የጠየቃቸው አንድ ስማቸው እንዲነገር ያልፈለጉ የደባርቅ ዩኒቨርሲቲ አካል፣ ትንሽ ታጋቾች ቢለቀቁም አብዛኛዎቹ ገና እንደሆኑ መስማታቸውን ተናግረዋል።

ከዚህ የተለዬ መረጃ ግን እንዳልተገኘ አስረድተዋል።

ከትምህርት ሚኒስቴር ቲክቫህ ኢትዮጵያ ተመሳሳይ ጥያቄ ያቀረበላቸው ጉዳዩ ይመለከታቸዋል የተባሉ አቶ አብዱ ናሲር፣ ስለጉዳዩ ከፍተኛ አመራሮች እንዲጠየቁ ከመናገር ውጪ ምላሽ ከመስጠት ተቆጥበዋል።

በዩኒቨርሲቲው የወንጌላውያን ክርስቲያን ተማሪዎች ህብረት በሰጠው ቃል፣ ታጋቾቹ ወደ ወለጋ መስመር እንደተወሰዱ መስማቱን ገልጿል።

በሌላ በኩል ፥ የኢትዮጵያ ሰብዓዊ መብቶች ኮሚሽን (ኢሰመኮ) 138 ታጋቾች እንደተለቀቁ መግለጹን ሪፓርተር ጋዜጣ ዘግቧል።

የኦሮሚያ ክልል መንግሥት ኮሙኒኬሽን ቢሮ ዛሬ በሰጠው መግለጫ ደግሞ በሸኔ ታግተው የነበሩት 167 ተማሪዎች ናቸው ከነዚህ ውስጥ የመንግስት የጸጥታ ኃይሎች ባካሄዱት ኦፕሬሽን 160ዎቹ ከእገታ ተለቀዋል ብሏል።

ይህንን የመረጃና በየሚዲያው " አብዛኛው ተለቀዋል " እየተባለ የሚሰራጨውን መረጃ ተመልክተው ከደቂቃዎች በፊት ለቲክቫህ ኢትዮጵያ መልዕክት የላኩ የተማሪ ወላጆች በጣም እንደተበሳጩ ገልጸው " ውሸት ባይዘገብስ " ሲሉ ገልጸዋል።

#TikvahEthiopiaFamilyAA

@tikvahethiopia

#Update

እህታቸው የታገተችባቸው የአዲስ አበባ ነዋሪ ለዶቼ ቬለ ከሰጡት ቃል ፦

" በጣም ይገርማል በእውነት፤ እኔ እኮ በእራሳቸው ስልክ (በአጋቾቹ ማለታቸው ነው) ትናንት ጠዋትም ከሰአት በኋላም እራሴ አግኝቻታለሁ በድምፅ፣ ሰዎቹንም አግኝቻቸዋለሁ። ልጆቹ አሁንም እዚያው ነው ያሉት፤ ተፈተዋል ምናም የሚባለው ነገር ውሸት ነው። ማታ ዜና ስንሰማ ነበር። እንዴት እንዲዚህ ያለ ነገር ይሰራል እስኪ ? " ብለዋል።

ከቀናት በፊት እጅግ በርካታ የደባርቅ ዩኒቨርሲቲ ተማሪዎች ትምህርታቸውን ጨርሰው ወደ ቤት ሲመለሱ በታጣቂዎች መታገታቸው ይታወቃል።

ትላንትና ለቲክቫህ ኢትዮጵያ ቃላቸውን የሰጡ አንድ የዩኒቨርሲቲው አካል እስከ ትላንት ድረስ አብዛኛዎቹ ታጋቾች እንዳልተለቀቁ ፤ ትንሽ ታጋቾች ግን እንደተለቀቁ አሳውቀዋል።

በተለያዩ ሚዲያዎች " በርካታ ታጋቾች ተለቀዋል " የሚለውን ዜና የሰሙ የታጋች ቤተሰቦች በድርጊቱ ተበሳጭተዋል፤ አዝነዋል። ለምን ውሸት ይዘገባል ? ሲሉም ጠይቀዋል።

@tikvahethiopia

#Kenya #Update

ሩቶ ካቢኔያቸውን በተኑ።

ለሳምንታት በህዝብ ተቃውሞ ስትናጥ የከረመችው ኬንያ ፕሬዝደንት ዊሊያም ሩቶ የካቢኔ ሚኒስትሮቻቸውን በተኑ።

ሩቶ ዛሬ ነው ይህን እርምጃ የወሰዱት።

የፕሬዜዳንቱ እርምጃ በመላው ሀገሪቱ ለተነሳው የፀረ መንግሥት ተቃውሞ እንደምላሽ ነው የተወሰደው።

ፕሬዝደንት ዊሊያም ሩቶ ፥ የካቢኔያቸው ተቀዳሚ ዋና ጸሐፊ፤ የውጭ ጉዳይ ሚኒስትር ሙሳሊያ ሙዳቫዲ እንዲሁም ምክትል ፕሬዝደንት ራጋቲ ጋቻጉ ሲቀሩ ሌሎቹን ሚኒስትሮቻቸውን በሙሉ ማሰናበታቸውን ተናግረዋል።

ፕሬዝደንቱ እርምጃውን የወሰዱት የሕዝባቸውን ድምፅ በመስማት መሆኑን ተናግረዋል።

#DW
#CitizenTV

@tikvahethiopia

#Update (No.7)

• “ እኔ 50 ሺህ፣ ጓደኛዬ 30ዐ ሺህ ብር ከፍለን ተለቀናል። በርካታ ተማሪዎች እየተሰቃዩ ነው ” - ከእገታ የተለቀቀ ተማሪ

• “ እኛም 700 ሺህ ላኩ ተብለናል ” - የታጋች ተማሪ ወንድም

ትምህርታቸውን አጠናቀው ወደ ቤተሰብ እየተመለሱ የነበሩ የደባርቅ ዩኒቨርሲቲ ተማሪዎች በታጣቂዎች ከታገቱ 10 ቀናት አስቆጥረዋል።

ስለታጋቾቹ ዛሬስ ምን አዲስ ነገር አለ ?

ቲክቫህ ኢትዮጵያ ገንዘብ ከፍሎ ከእገታው የተለቀቀ ተማሪ እና የታጋች ቤተሰቦችን ስለጉዳዩ ጠይቋል።

አንድ ስሙ እንዲገለጽ ያልፈቀደ ከእገታው የተለቀቀ ተማሪ ለቲክቫህ ኢትዮጵያ በሰጠው ቃል፣ “ እኔ 50 ሺህ ፣ ጓደኛዬ 300 ሺ ብር ከፍለን ተለቀናል። በርካታ ተማሪዎች እየተሰቃሉ ነው ” ብሏል።

ከታጋቾች መካከል 36 የሚሆኑት ከኦሮሚያ  ሲሆኑ 28ቱ በነጻ ሲለቀቁ ሌሎች 9ኙ ግን እዛው እደታገቱ ናቸው ፤ ከአማራ እና ደቡብ የሆኑም እንዳልተለቀቁ ገልጿል።

‘ ታጋቾች ተለቀዋል፣ 7 ታጋቾች ናቸው ያልተለቀቁት ’ የሚባለው ዜና ውሸት መሆኑን ገልጾ፣ ከገርበ ጉራቻ በእግር የ1 ሰዓት የእግር መንገድ ከሚወስድ ጫካ አሁንም ከ60 በላይ ታጋቾች እንዳሉ መመልከቱን ተናግሯል።

የአይን እማኙ፥ “ ያሳለፍኩትን ከባድ መከራ በቃላት አልገልጸውም ” ያለ ሲሆን ታጋቾቹ በምግብ እጦትና በብርድ እየተሰቃዩ በመሆናቸው መንግስትም እንዲደርስላቸው አሳስቧል።

“ ቤተሰቦቼ ድሃ ናቸው ብዬ አልቅሼ ነው የለቀቁኝ ። ጓደኛዬ 300 ሺህ ብር ባይከፍል ግን አይለቁኝም ነበር ” ብሏል።

አንድ የታጋች ወንድም በሰጡት ቃል ደግሞ ፥ “ ' ልጆች ተለቀዋል ' ይባላል ፤ በርካታ ወላጆች ግን ልጆቻቸው በእገታ ላይ ናቸው። ደውለን እየጠየቅን ነው። እኛም 700 ሺህ ላኩ ተብለናል። ግን ገንዘብ የለንም !! ” ብለዋል።

ሌላኛዋ የታጋች እህት በበኩሏ ፣ ታጋች እህቷ እስከ 3 ቀናት 40ዐ ሺህ ብር ላኪ እንደተባለች፣ ከ10 ሺህ ብር በላይ ግን ማግኘት እንዳልቻለ ገልጻላች።

ቲክቫህ ኢትዮጵያ በዚሁ ጉዳዩ ላይ ምላሽ ለማግኘት ወደ ኦሮሚያ ክልል ኮሚዩኒኬሽን፣ ሰላምና ጸጥታ ቢሮዎች ያደረገው ሙከራ ስልክ ለማንሳት ፈቃደኛ ባለመሆናቸው ምላሻቸውን ማካተት አልተቻለም። 

በተጨማሪም፣ የኢፌዴሪ መንግስት ኮሚዩኒኬሽን አገልግሎት ታጋቾቹን ለማስለቀቅ ምን እየተሰራ እንደሆነ ጥያቄ አቅርበናል።

የአገልግሎት ሚኒስቴር ዴኤታ አቶ ከበደ ደሲሳ ፥ " በጉዳዩ ላይ የኦሮሚያ ክልል ኮሚዩኒኬሽን ቢሮ ከሰጠው ወጪ የተለየ ነገር የለኝም " የሚል ምላሽ ሰጥተዋል።

የኦሮሚያ ክልላዊ መንግሥት የኮሙኒኬሽን ቢሮ ፣ ከቀናት በፊት በሰጠው መግለጫ በ ' ሸኔ ቡድን ታግተው ተወሰዱ ' ካላቸው 167 ታጋቾች መካከል የመንግስት የጸጥታ ኃይሎች ባካሄዱት ኦፕሬሽን 160ዎቹ ከእገታ መለቀቃቸውን 7 ታጋቾች ብቻ እንደቀሩ አሳውቆ ነበር።

#TikvahEthiopiaFamilyAA

@tikvahethiopia

#Update

“ ሃያ (20) ሄክታሩን አጥረውታል። መጋዘኖችንም እያፈረሷቸው ነው። ሰላማዊ ሰልፍ ለማድረግ እንገደዳለን ” - ቤተክርስቲያኗ

የኢትዮጵያ ቃለ ሕይወት ቤተ ክርስቲያን፣ 40 በመቶ የሚሆን የኩሪፍቱ ማዕከል ይዞታዋን የቢሾፍቱ ከተማ አስተዳደር ‘ በጉልበት ሊወስደው ነው ’ ስትል ከሰሞኑን በተደጋጋሚ መግለጫ መስጠቷ ይታወቃል።

ጉዳዩ ከምን ደረሰ ?

ቤተ ክርስቲያኗ ለቲክቫህ ኢትዮጵያ በሰጠችው ቃል ፣ “ 20 ሄክታሩን አጥረውታል። መጋዘኖችን እያፈረሷቸው ነው። ሰላማዊ ሰልፍ ለማድረግ እንገደዳለን ” ብላለች።

“ ዛሬ (ሰኞ ሐምሌ 8 ቀን 2016 ዓ/ም) ግቢ ውስጥ ገብተው በጉልበት አጥረውታል። መሳሪያ በያዙ ሰዎች እያስጠበቁት ነው ያሉት ” ስትል ገልጻለች።

ይህንን ያሉት አንድ የቤተ ክርስቲያኗ አካል ፣ “ እኛም ዛሬ ለጠቅላይ ሚኒስቴሩም፣ ለኦሮሚያ ክልል ከፍተኛ አመራሮችም ደብዳቤ እየላክን ነው ” ብለዋል።

“ ለጠቅላይ ሚኒስትር ዐቢይ አህመድ (ዶ/ር) ጠዋት ነው የላከነው፣ ለአቶ ሽመልስ አብዲሳም ልከናል። ገና ምንም የሰጡት ምላሽ የለም ” ሲሉ አክለዋል።

“ 40 በመቶ ገደማ ይዞታችን ነው ይወሰዳል የተባለው ” ያሉት እኝሁ አካል፣ “ አሁን ግማሹን አጥረዋል። ለሁለት ግለሰቦች ነው ይሰጣል የተባለው ” ነው ያሉት።

በተጨማሪ ፣ በፍርድ ቤትም እግድ እንዲያወርድላቸው እንደጠየቁ፣ የሚጠብቁት ያስገቡትን ደብዳቤ ምላሽ እየጠበቁ እንደሆነ ገልጸዋል።

“ አስቸኳይ ምላሽ የማይሰጠን ከሆነ ሰላማዊ ሰልፍ ወደ መጥራት የምናመራ ይሆናል። በሰላማዊ መንገድ ድምፃችንን እናሰማለን። ሁል ጊዜ ቤተ ክርስቲያን የምትቆመው ከሰላም ጎን ነው። የመረበሽ የማስረበሽ ዓላማ የላትም ” ብለዋል።

ቅሬታ የቀረበበት የቢሾፍቱ ከተማ አስተዳደር ምላሽ ለመስጠት ፈቃደኛ አልሆነም። ሆኖም በቀጣይ ምላሽ ለመስጠት ፈቃደኛ ከሆነ ምላሹን የምናቀርብ ይሆናል።

#TikvahEthiopiaFamilyAA

@tikvahethiopia

#Update

“ መሬቱ ከዚህ በፊት በNGO እጅ የነበረ ነው ” - የቢሾፍቱ ከተማ አስተዳደር 

የኢትዮጵያ ቃለ ሕይወት ቤተክርስቲያን “ 20 ሄክታር ” የሚሆነውን የኮሪፍቱ ማዕከል ይዞታዋን የቢሾፍቱ ከተማ አስተዳደር “ በጉልበት አጥሮታል ” ስትል ትላንት ለቲክቫህ ኢትዮጵያ ቃሏን ሰጥታ ነበር።

ለጠ/ሚኒስትር ዐቢይ አህመድ (ዶ/ር) ፣ ለኦሮሚያ ክልል ፕሬዚዳንት አቶ ሽመልስ አብዲሳ ደብዳቤ እንዳስገባችም ገልጻ፣ ምላሽ ካልተሰጣት ሰላማዊ ሰልፍ ለማድረግ እንደምትገደድ ነው የገለጸችው።

ቤተ ክርስቲያኗ፣ ይህን ቃል ከመስጠቷ በቀደሙት ቀናት ውስጥም ከተማ አስተዳደሩ 40 በመቶ የሚሆነውን ይዞታዋን “ በጉልበት ሊወስደው ነው ” ስትል ተደጋጋሚ መግለጫ መስጠቷ ይታወቃል።

ቲክቫህ ኢትዮጵያ፣ ለቤተ ክርስቲያኗ ቅሬታ ምላሽ እንዲሰጥ የጠየቀው የቢሾፍቱ ከተማ አስተዳደር ምላሹን ሰጥቷል።

አስተዳደሩ ፤ “ መሬቱ ከዚህ በፊት በNGO እጅ የነበረ ነው። በበጎ አድራጎት እጅ ነው የነበረው ” ብሏል።

አንድ ስማቸው እንዲጠቀስ ያልፈቀዱ የቢሾፍቱ ከተማ አስተዳደር አካል፣ “ በኢትዮጵያ ሲቪክ ማኀበራት በኩል NGO ስራውን ጨርሶ መሬቱን ለመንግስት አስረክቦ ሂዷል ” ብለዋል።

“ በቤተ ክርስትያኗ ጥያቄ ለአምልኮ ወይም ለቀብር ቦታ ተብሎ የተሰጠ መሬት አይደለም ” ያሉት እኝሁ አካል፣ “ NGO ለበጎ አድራጎት ስራ ወስዶ ሲሰራበት የነበረ፣ በኋላ ፍቃዱን መልሶ የወጣበት የNGO መሬት መሆኑን ነው የማውቀው ” ሲሉ ተናግረዋል።

“ ያለው ሂደት ደግሞ በህግ በኩል ነው ተይዞ ያለው። ስለዚህ ‘ በአስተዳደሩ ተወሰደብን፣ ወከባ ተፈጠረብን ’ ለሚለው ነገር አስተዳደሩ የፈጠረው ወከባ የለም ” ብለዋል።

“ ለቤተ ክርስትያን መሬቱ ሲሰጥና ሲቀበሉ ውል አልነበረም፤ እነዚህ ሦስተኛ አካል ናቸው ማለት ነው ”  ሲሉ አክለዋል።

ቲክቫህ ኢትዮጵያ ፥
- ቤተ ክርስቲያኗ እኮ መሬቱ ይዞታዋ ስለመሆኑ ማረጋገጫ እንዳላት፣
- ከግቢው ውስጥ የነበራት መጋዘን ትላንት እንደፈረሰ፣
- ሃያ (20) ሄክታሩ ይዞታዋ እንደታጠረ ነው የገለጸችው ለዚህ ምላሽዎ ምንድን ነው ? ሲል በድጋሚ ጥያቄ አቅርቧል።

የአስተዳደሩ አካል ፥ “ መሬቱ በእጃቸው ላይ የነበረ አይደለም። በNGO እጅ የነበረ ነው። ስለዚህ ይህን በተመለከተ ይህንን ነው ማድረግ የሚቻለው ” ብለዋል።

“ 12 ሚሊዮን የቃለ ህይወት እምነት ተከታዮች ወይም 35 ሚሊዮን ወንጌላዊያን ተከታዮችን ጠቅሰው እያስኬዱት ያሉትም ስህተት ነው ” ሲሉ አክለዋል።

“ ምክንያቱም ቢመለከትም የቢሾፍቱ ቃለ ሕይወትን ነው እንጂ በአጠቃላይ የወንጌላዊያን ጥያቄና የመብት ጥሰት አድርገው በማቅረባቸው እኛም ትንሽ ከፍቶናል ” ነው ያሉት።

“ የሚመጣውን ስሞታ እንደ መንግስት ተቀብለን እናስተናግዳለን ” ያለው አስተዳደሩ፣ “ ባለመብት ከሆኑ ሚዲያ መጥራትና ሰላም እንዲጠፋ መቀስቀሱ ተገቢ አይደለም ” ሲል ወቅሷል።

ስለዚህ ይዞታው የቤተክርስቲያን አይደለም ብላችሁ ነው የምታምኑት ? ለሚለው የቲክቫህ ኢትዮጵያ ጥያቄ ፣ “ በNGO እጅ ነው የነበረው። NGO ደግሞ የወሰደው ለበጎ አድራጎት ስራ ነው። ለአምልኮት፣ ለመቃብር አይደለም ” የሚል ምላሽ ነው የሰጡት።

መጨረሻም፣ “ የህግን መንገድ መከተሉ የተሻለ ነው የሚሆነው። አዲስ ጥያቄ ከሆነ ከእነርሱ ተቀብለን እናስተናግዳለን ” ሲሉ ተናግረዋል።

#TilvahEthiopiaFamilyAA

@tikvahethiopia

#Update (No.8)

" ባነር አሰርተን ልመና ወጥተናል ገንዘብ ግን እየተገኘ አይደለም " - የታጋች ተማሪ ቤተሰብ

ትምህርት አጠናቀው ወደ ቤተሰቦቻቸው እየተመለሱ የነበሩ ከ2ኛ እስከ 4ኛ ዓመት የደባርቅ ዩኒቨርሲቲ ተማሪዎች “ ገብረ ጉራቻ ” የሚባል ቦታ ሲደርሱ መታገታቸው አይዘነጋም።

ተማሪዎቹ የታገቱት ሰኔ 26/2016 ዓ/ም ከጠዋቱ 4:00 ሰዓት ገደማ ሲሆን፣ ብዛታቸው በትክክል ባይታወቅም ደባርቅ ዩኒቨርሲቲ እንዲሁም ከእገታው ያመለጡ ተማሪዎች በሁለት ታታ አውቶብስ የነበሩ መሆናቸውን በወቅቱ ለቲክቫህ ኢትዮጵያ ገልጸው ነበር።

ከታጋቾቹ መካከል አንዳንዶቹ ከፍተኛ ብር ከፍለው መለቀቃቸውን መግለጻቸውም ይታወሳል።

የታጋቾቹ ጉዳይ ከምን ደረሰ ?

የታጋቾቹ ጉዳይ ከምን ደረሰ ? ሲል ቲክቫህ ኢትዮጵያ ጥያቄ ያቀረበላቸው የታጋች ቤተሰቦቸ፣ ልጆቻቸው ባለመለቀቃቸው ጭንቀት ላይ እንደሆኑ ገልጸዋል።

ቃሏን ለቲክቫህ የሰጠች አንድ የታጋች እህት አጋቾቹ የጠየቁትን ግማሽ ሚሊዮን ብር ካልተላከላቸው ታጋቾቹን ‘ አንለቅም ’ ማለታቸውን ገልጻ፣ “ ባነር አሰርተን ልመና ወጥተናል ገንዘብ ግን እየተገኘ አይደለም ” ብላለች።

በተጨማሪም እህቷ ፤ ያሉት ታጋች ተማሪዎች ምግብ በወቅቱ እንደማያገኙና ልብስም ስለሌላቸው በብርድ እየተሰቃዩ እንደሆነ እንደገለጸችላት ተናግራለች።

" አጋቾቹ 700 ሺህ ጠይቀውናል " ያለ ሌላኛው የአንዲት ታጋች ተማሪ ወንድም፣ ታጋቿ በስቃይ ውስጥ እንዳለች ቤተሰብ ገንዘቡን ለመላክ አቅም እንዳላገኘ ገልጿል።

" ቤተሰቡ በከባድ ሀዘን ላይ ነው። በተወለድንበት ሀገር ለዛውም ንጹሐን ተማሪ ታግተው ሲሰቃዩ መንግስት ምን እየሰራ ነው ? " ሲል ጠይቋል።

ታጋቾቹን ለማስቀቅ ምን እየሰራ ነው ? ሲል ቲክቫህ የጠየቀው የኦሮሚያ ክልል ስላምና ጸጥታ ቢሮ፣ የኦሮሚያ ክልል ኮሚዩኒኬሽን ቢሮ ከዚህ ቀደም የሰጠው መግለጫ እንዳለ ከመጥቀስ ውጪ በጸጥታ ቢሮው በኩል ምላሽ ለመስጠት ፈቃደኛ አልሆነም።

ሌሎች የሚመለከታቸው ተቋማትም ለጉዳዩ ምላሽ ለመስጠተ ፈቃደኛ አልሆኑም።

የኦሮሚያ ክልል ኮሚዩኒኬሽን ቢሮ ኃላፊ አቶ ኃይሉ አዱኛ ከዚህ ቀደም በሰጡት መግለጫ፣ በ 'ሸኔ ቡድን ታግተው ተወሰዱ' ካላቸው 167 ታጋቾች መካከል የመንግስት የጸጥታ ኃይሎች ባካሄዱት ኦፕሬሽን 160ዎቹ ከእገታ ተለቀው፣ 7 ታጋቾች ብቻ እንደቀሩ አሳውቆ ነበር።

አንድ ከቀናት በፊት ገንዘብ ከፍሎ ከእገታ የተለቀቀ ተማሪ ግን እርሱ ከነበረበት የእገታ ቦታ ብቻ ከ60 በላይ ታጋቾች እንዳሉ ለቲክቫህ ተናግሮ ነበር።

ሌላኛዋ በእገታው ላይ ያለች ተማሪ ባለችበት ጫካ ፣ በርካታ ታጋች ተማሪዎች እንዳሉ እንደተናገረች ቤተሰቦቿ ለቲክቫህ ገልጸዋል።

#TikvahEthiopiaFamilyAA

@tikvahethiopia

#Update

“ ሁለቱንም አካላት ፊት ለፊት ለማገናኘት የጋራ መድረክ ይዘናል ” - የኃይማኖት ተቋማት ጉባዔ

የኢትዮጵያ ቃለ ህይወት ቤተክርስቲያን የኩሪፍቱ ማዕከል ይዞታዋን የቢሾፍቱ ከተማ አስተዳደር “በጉልበት ሊወስደው ነው” ስትል በተደጋጋሚ ቅሬታ ማቅረቧ ይታወሳል።

ቲክቫህ ኢትዮጵያ ለቅሬታው ምላሽ የጠየቀው የከተማ አሰተዳደሩ በበኩሉ፣ “ መሬቱ በNGO እጅ የነበረ ነው ” የሚል ምላሽ ሰጥቶ ነበር።

ይህንኑ የከተማ አስተዳደሩን ምላሽ የተመለከተችው ቤተክርስቲያኗ፣ “ መሬቱ በጭራሽ በNGO እጅ ገብቶ አያውቅም ከመጀመሪያው ጀምሮ የቤተ ክርስቲያኗ እጅ የነበረ ነው ” የሚል አጸፋ መሰጠቷ ይታወሳል።

የኢትዮጵያ ኃይማኖት ተቋማት ጉባዔ ስለጉዳዩ ምን አለ ?

የኢትዮጵያ የሃይማኖት ተቋማት ጉባኤ ሁለቱም አካላት በጋራ ተወያይተው ችግራቸውን እንዲፈቱ በተናጠል እንዳነጋገራቸው ገልጿል።

የጉባዔው ፀሐፊ ሊቀ ትጉሃን ቀሲስ ታጋይ ታደለ ለቲክቫህ ኢትዮጵያ በሰጡት ቃል፣ “ ሁለቱንም አካላት ፊት ለፊት ለማገናኘት የጋራ መድረክ ይዘናል ” ብለዋል።

“ ህዝቡ ወዴት ይሄዳል ? ሰው ሲያኮርፍ ወዴት ያመራል ? የሚሉ ጉዳዮች ይኖሬሉ ” ያሉት ዋና ፀሐፊው፣ “ ስለዚህ ይህንን ቁጭ ብሎ Manage ማድረግ ያስፈልጋል ” ሲሉ ተናግረዋል።

ሁለቱም አካላት በጋራ ለመነጋገር ፈቃደኞች እንደሆኑ ነገር ግን ጉዳዩ ገና በሂደት ላይ እንደሆነ፣ ወደ ስምምነት እንዲመጡ ለማድረግ ጉባዔው የጋራ መድረክ እንዳዘጋጀ አስረድተዋል።

የከተማ አስተዳደሩን በተናጠል እንዳወያዩ፣ ቤተ ክርስቲያኗን ለማወያዬት በሂደት ላይ እንደሆኑ የገለጹት ዋና ፀሐፊው፣ “ አንድ ሳምንት ሊፈጅብን ይችላል ጨፌ ስብሰባ ስለገቡ ዋናዎቹ። የጋራ ፕሮግራም ይዘናል እንወስናለን ” ብለዋል።

ጉባዔው ሁለቱም አካላት የቃላት ውርዋሮ አቁመው ወደ ስምምነት እንዲመጡ የማግባባት ሥራ እንደሚሰራ ገልጸዋል።

#TikvahEthiopiaFamilyAA

@tikvahethiopia

#Update

ጠቅላይ ሚኒስትር ዶክተር ዐቢይ አህመድ ሀዘናቸውን ገለጹ።

ጠ/ሚኒስትሩ ፥ " በጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ  ድንገተኛ የመሬት ናዳ አደጋ የበርካታ  ዜጎቻችንን ሕይወት ቀጥፏል " ብለዋል።

" በደረሰው አስከፊ ጉዳት የተሰማኝን ጥልቅ ሀዘን እገልጻለሁ " ብለዋል።

" አደጋውን ተከትሎ የፌዴራል የአደጋ መከላከል ግብረ-ሀይል በአካባቢው ተሰማርቶ የአደጋውን ጉዳት ለመቀነስ ርብርብ እያደረገ ነው " ሲሉ አሳውቀዋል።

@tikvahethiopia

 #Update #TPLF

" ' ስልጣን ልቀቅ አልለቅም ' በሚሉ የሁለት ቡድን ፍላጎት የህዝባችን ስቃይ እንዲራዘም አንሻም " - የህወሓት ማእከላዊ  የቁጥጥር ኮሚሽን አባላት

የህወሓት ማእከላዊ  የቁጥጥር ኮሚሽን አባላት ዛሬ መግለጫ ሰጥተው ነበር።

የኮሚሽኑ አባላት በጋራ በሰጡት መግለጫ " ትናንት ህዝባችን ላይ ያደረስነው ጉዳት በመረዳት ዛሬ መፀፀትና ለደህንነቱ መትጋት ይገባናል " ብሏል። 

" በኛ ጦስ ምክንያት በህዝባችን ላይ ሊከተል የሚችለው መከራ ከወዲሁ በመገንዘብ ሊካሄድ ከታሰበ ጉባኤ ራሳችንን አግልለናል " ሲሉ አሳውቀዋል።

" በህወሓት አቋም የሚባል ጠፍቶ ቦታውን ኔትወርክና መቦዳደን ተክቶታል " ሲሉም ገልጸዋል።

" ግልፅነት ፣ አሳታፊ አሰራር እና ዴሞክራሲ ጠፍቶ ስልጣንን አለአግባብ መጠቀም አይለዋል " ያሉት የኮሚሽን አባላቱ ፥ " 9 አባላት ያሉት የጉባኤ አዘጋጅ ኮሚቴ ለይስሙላ ቢቋቋምም ይህንን ወደ ጎን በመተው ስራውን የሚያከናውነው ሃይል የበላይነት አለኝ የሚል አካል ነው " በማለት ድርጊቱ አውግዘዋል።

" ' ስልጣን ልቀቅ አልለቅም ' በሚሉ የሁለት ቡድን ፍላጎት የህዝባችን ስቃይ እንዲራዘም አንሻም ፤ ከመተማመን መግባባትና ዴሞክራሲያዊ መንገድ ውጪ የሚካሄድ ህዝባዊ ጠቀሜታ ስለሌለው የዚሁ ተግባር አካልና ተባባሪ መሆን አንፈልግም " ብለዋል።

የኮሚሽኑ አባላት ፥ " አካሄዳችሁ አስተካክሉ ላለ አካልና ግለሰብ የሌለ ስም እየሰጡ ማጥላላት የትም አያደርስም " ያሉ ሲሆን " ከኔትወርክ እና መጠላለፍ ያልፀዳ ጉባኤ ማካሄድ ህዝብን ይጎዳል እኛም የዘህ ጉዳት ተባባሪ ላለመሆን ይካሄዳል ከሚባለው ጉባኤ ራሳችን አግልለናል " ሲሉ አሳውቀዋል።

#TikvahEthiopiaFamilyMK

@tikvahethiopia            

#Update

° " የከተማዉ ከንቲባ ሙሉ ደሞዛችን በሂደት እንደሚከፈለን ቃል ገብተው ወደስራ ብንመለስም ፈርማችሁ ስራ ጀምሩ መባላችን አስፈርቶናል " - ሰራተኞች

° " ህጋዊ ደብዳቤ አስገብተው እንደወጡ ህጋዊ ደብዳቤ  አስገብተው ሊመለሱ ይገባል " - የሆስፒታሉ ስራ አስኪያጅ

ከሰሞኑ " የሶስት ወር ደሞዝ ዘግይቶብናል " ያሉ የሾኔ የመጀመሪያ ደረጃ ሆስፒታል ሰራተኞች ስራ ማቆማቸውን ይህን ለማሳወቅም ወደዞኑ ዋና ከተማ ሲያቀኑ ፖሊስ " ሆሳዕና አትገቡም " ብሎ ከከተማው መግቢያ እንዳስመለሳቸው መዘገባችን ይታወሳል።

ሰራተኞቹ ምንም እንኳን ወደዞኑ አመራሮች ቀርበው አቤቱታቸውን ባያቀርቡም ስራ አቁመው መሰንበታቸዉን ተከትሎ የሾኔ ከተማ ከንቲባና ሌሎች ባለስልጣናት አወያይተዋቸው ነበር።

በውይይቱም የአንድ ወር ደሞዛቸዉን ማለትም የሰኔን ቅድሚያ  እንዲወስዱና ቀሪውን የግንቦት ወር ደግሞ በሂደት እንደሚያገኙ ከንቲባው ቃል ገብተውላቸው ወደስራ ቢመለሱም እስካሁን ስራ በማቋረጣችሁ የይቅርታ ደብዳቤ አስገቡ መባሉን ተከትሎ ስራውን መጀመር አለመቻላቸውንና መፈረም የሚለዉ ሀሳብ እንዳስፈራቸው ገልጸዉልናል።

ጉዳዩን በተመለከተ ከቀናት በፊት ወደስራ ከገቡ በቃል ሪፖርት አድርገው ስራቸዉን መጀመር ይችላሉ ያሉን የሆስፒታሉ ስራ አስኪያጅ አቶ አብርሀም ሎምቤ ምን ሀሳባችሁን ቀየራችሁ ? ስንል ላቀረብንላቸዉ ጥያቄ " ሀሳብ መቀየር ሳይሆን የድርጅቱ አሰራር ስለሆነ ነው " ሲሉ መልሰውልናል።

" ሰራተኞቹ ፍርሀት ሊሰማቸው አይገባም " ያሉት ስራ አስኪያጁ " ህጋዊ ደብዳቤ አስገብተዉ እንደወጡ ሁሉ ህጋዊ ደብዳቤ  አስገብተው ሊመለሱ ይገባል ይህ ደግሞ ሊያስፈራቸዉ አይገባም ብ ጉዳዩ ችግር የለውም ብለን አስረድተናቸዋል " ሲሉም ገልጸዉልናል።

አሁን ላይ የተወሰኑ ሰራተኞች ፈርመዉ ስራ ሲጀምሩ  የተወሰኑት ፊርማዉን ባለመፈረማቸው ምክኒያት ወደስራ አለመመለሳቸውን ለማወቅ ተችሏል።

ሰራተኞቹ ያለፈው የደከሙበት ደመወዛቸውን ተብልቶ ይቀራል የሚል ስጋት እንዳላቸውም ሳይናገሩ አላለፉም።

#TikvahEthiopiaFamilyHW

@tikvahethiopia

#Update

በሲዳማ ክልል በወንሾ ወረዳ በተከሰተው የመሬት መንሸራተት አደጋ የሞቱ ወገኖቻችን ቁጥር 9 ደርሷል።

6 ሰዎች የአካል ጉዳት ደርሶባቸው በይርጋለም ሆስፒታል ይገኛሉ።

በሌላ በኩል ፤ በዛው ሲዳማ ክልል በቡራ ወረዳ በድንገተኛ ውኃ ሙላት የሁለት ሕጻናት ሕይወት አልፏል። #ኤፍቢሲ

@tikvahethiopia