▫️طبیعتین اؤز هارمونیاسی وار؛ اونو پوزماق اولماز.
دونیادا ایکی میلّت وار: پیس اینسانلار و یاخشی اینسانلار.
دونیادا ایکی دیل وار: یالان و گئرچک.
دونیادا ایکی اؤلکه وار: جنّت و جهنّم...

#قاراقان
#شعر_اوجاغی
@SheirOcagi

▫️بلکه‌ده اؤلولر بیزه آغلاییر.

گؤرَن هارا گئدیر باشینداکیلار،
آدام‌‌لار باشلارین یئره قویاندا؟
نئجولور دوشونجه؟ نئجولور بیلیک؟
یاشاییر هایاندا؟ اؤلور هایاندا؟
باسیب باغریمیزا بیر مزار داشین،
اؤلن اؤلولره بیز آغلایاندا،
بلکه‌ ده اؤلولر بیزه آغلاییر؟

دوداق چورویَنده، اوز چورویَنده،
گؤره‌سن چورویور اؤپوشلری‌ ده؟
بیر داملا یاغ کیمی گؤز ارییَنده،
گؤره‌سن اریییر گؤروشلری‌ ده؟
نه معلوم اؤلوم‌له اؤلور انسانین-
آغلاماق‌لاری دا، گولوش‌لری‌ ده؟

هر گون قبریستاندا نه قد‌ر دیری،
نه قد‌ر اؤلونون داشیندا گزیر.
هله چوخ دیر‌ی‌لر آرزیلارینی،
اؤلن اؤلولرین یاشیندا گزیر.
فیکیر وئر! نه قدر اؤلو پاپاغی،
نه قد‌ر دیری‌نین باشیندا گزیر!
بلکه‌ ده اؤلولر بیزه آغلاییر.

بلکه آغاج کیمی بیز بوی آتاندا،
اونلار بویوموزو بوکولموش گؤرور؟
بیز تیکن ائولری بلکه‌ ده اونلار،
باخیر کرپیج-کرپیج سؤکولموش گؤرور؟
بلکه‌ ده اؤلولر بیز دیری‌لری،
هئچ دیری بیلمه‌ییر، لاپ اؤلموش گؤرور؟
بلکه‌ ده اؤلولر بیزه آغلاییر.

باشیمیز، دیشیمیز آغرییان زامان
تومار تئلیمیزی دارایان زامان،
هردن بو حیاتدا یاریمایاندا
هردن ده حیاتدا یارییان زامان،
جانیمیز آغریدان چوروین زامان،
گؤزوموزون یاشی قورویان زامان،
بلکه ده اؤلولر بیزه آغلاییر؟

بیز گؤرن بو دونیا، اونلارا تانیش.
اونلار گؤرن دونیا بیزلره یوخو.
بلکه ده اؤلولر هر سحر-آخشام،
بیزی دیری گؤروب آغلاییر چوخو.
یاغیش اؤلولرین گؤز یاشلاری‌دیر،
هر یاغیش یاغاندا کیم بیلیر آخی؟
بلکه ده اؤلولر بیزه آغلاییر.

اصلینده آغلاماق دیرینین‌کی‌دیر،
هر زامان دولاندا گؤز، آغلاییریق.
اویور اوره‌ییمیزی سؤز، آغلاییریق،
تیتره‌ییر یول‌لاردا دیز، آغلاییریق.
کیم دئییر آغلایان گؤز، بیزیمکی‌دیر؟
بیز ائله بیلیریک بیز آغلاییریق،
بلکه‌ ده اؤلولر آغلاییر بیزه.

تورپاغین آلتیندا ساندیقلاریمیز،
گؤی‌لرین اوستونده پری‌دی بلکه.
نه واختسا مزاردان اؤزلری کؤچوب،
قالان اؤلولرین یئری‌دی بلکه.
هله نه بیلیریک اؤلولر اؤلوب؟
بوتون بو اؤلن‌لر دیری‌دی بلکه؟

بلکه ده اؤلولر سورا دیریلیر،
عونوانین گیزله‌ییر، آدین گیزله‌ییر.
بلکه‌ ده دیریلیک اؤلومدن باشلیر،
اؤلولر بیربه‌بیر بیزی اؤزله‌ییر.
اؤلولر بیر داها اؤلمه‌یه‌جک‌لر،
آمما دیری‌لری اؤلوم گؤزله‌ییر.
بلکه‌ ده اؤلولر بیزه آغلاییر.

بلکه هئچ، دیری‌لر دیری دئییل‌دیر،
عؤمور دفترینده یاش تؤکور آنجاق.
بلکه‌ ده اؤلونو دیریدن سئچمیر،
قبیرلر اوستونه داش تؤکور آنجاق.
بلکه بیز اؤلنده قبریمیز اوسته،
دیریلر آغلامیر، یاش تؤکور آنجاق.
بلکه ده اؤلولر بیزه آغلاییر؟

اؤلولر دوغرودان اؤلموش اولسا دا،
دیری‌لرین یاخین سیرداشی اولور.
هر کسین دونیادا دردین دئیه‌سی،
اونا آغلایاسی بیر داشی اولور.
هارداسا شهرین قبریستانیندا،
هر کسین بیر قبیر یولداشی اولور،
یقین کی اؤلولر بیزه آغلاییر...

#آنار_مولان
@SheirOcagi

▫️کاش کائینات الینی چیینیمه توخوندوروب: «قولاق آس نیک! سنه وئریلن‌لره گؤره سئوین! یوخسا ایتیرنده هؤنکور-هؤنکور آغلایاجاقسان» پیچیلدایایدی...

📚 ایشیغین اویونو
#استفان_اسموک
#شعر_اوجاغی
@SheirOcagi

▫️خوشبختلییی باشقالاریندا آختاریرسینیزسا، یانیلیرسینیز. گؤرمه‌دییینیز سئوگینی اؤزونوزه وئره‌جک قدر جسور اولمالیسینیز...!

📚 آرتیق، بیلیرم
#اوپرا_وینفری
#شعر_اوجاغی
@SheirOcagi

▫️«سندن سونرا» ایله باشلایان جومله‌لر اولماسین حیاتیمدا،
«سنینله بیرلیکده» قالسین بوتون جومله‌لر...!

📚 صاباح یوخوم
#احمد_باتمان
#شعر_اوجاغی
@SheirOcagi

▫️- بیر آز چؤله چیخیب جماعته قایناییب-قاریشماق، سنین اوچون یاخشی اولمازدی‌می؟
+ آمّا من جماعت ایچریسینده اولماغی خوشلامیرام آخی! من آنجاق سنینله بیرلیکده اولماغی خوشلاییرام...


📚 سورعت‌لندیکجه کیچیلیرم
#Kjersti_skomsvold
نروژلی یازیچی (دوغوم ایلی: 1979)
#شعر_اوجاغی
@SheirOcagi

▫️بو گون
سنی آدینلا سسله‌مه‌یه،
آدینین حرفلرینه،
احتیاج دویورام،
بیر تیکه شیرنی آرزوسوندا اولان
بیر اوشاق کیمی.

اوزون زاماندیر
آدینی مکتوبلاریمین باشیندا یازمامیشام،
کاغیذین اوزرینه
منی قیزیشدیران بیر گونش اکمه‌میشم.

پاییزین، اوستومه یورویوب
باجالاریمی بورودویو بو گونده،
سنی سسله‌مه‌لی‌ اولدوغومو
حیسّ ائدیرم...

#نزار_قبانی
#شعر_اوجاغی
@SheirOcagi

▫️نه سن گونشسن،
نه ده من «گونه‌باخان»ام؛
آنجاق نییه اوره‌ییم
سنه ساریدان باشقا بیر یؤنه اوز چئویرمیر...؟

#یحیی_السماوی
#شعر_اوجاغی
@SheirOcagi

▫️قارانلیق سوزولور آغاجلاردان،
کیم‌سه گؤیه بیر سیخیم اولدوز سپمیش.
یئرده آنجاق،
تانری لایلاسی یوخلادیب هر شئیی.
هاوا سنی قوخویور
من‌سه دیشاریدایام
سنی دوداق- دوداق سورورام
هاوالانیرام
آیا شعر اوخویورام
اؤز- اؤزومه دانیشیرام
آلیشیرام
یوخلوغوندان آغلاییرام
بیر آن اؤزومه گلیرم
تنها قالیرام
ایچیمدن بایقوش سسی گلیر
یالقیزلیغیملا قوجاقلاشیرام.
گئجه‌دیر... آی ایشیغی... یاشیل بیر کومه...
سن هارداسان...؟!

#دومان_سفراوغلو
@SheirOcagi

▫️ من سنه، تکجه عاشیق دئییلم.
منیم سنه اینانجیم وار.
سویلو بیر اینسانین،
وطنه اولان اینانجی کیمی..

#غسان_کنفانی
#شعر_اوجاغی
@SheirOcagi

▫️اصل کورلوق، اومیدین توکندییی بو دونیادا یاشاماق ایدی...

#کورلوق
#ژوزه_ساراماگو
#شعر_اوجاغی
@SheirOcagi

▫️عشق دامینا گیریفتار اولالی زار اولوبام
نه بلادیر کی، اونا بؤیله گیریفتار اولوبام؟

دیل، دئمکدن کسیلیب؛ تن حرکتدن، وه کیم،
کنج غمخانه‌یه بیر صورت دیوار اولوبام.

قدرتیم یوخ کی، قیلام کیمسه‌یه شرحِ غمِ دل،
اؤیله کیم عارضه‌ی هجرله بیمار اولوبام.

حذریم طعنه‌دن اول غایته یئتمیشدیر کیم،
یارا اغیار اولوب، اغیاریم ایله یار اولوبام.

دئمزم دخی: «سنه عاشیقم»، ائی گول! زیرا،
سنه عاشیقلیییم اظهار ائده‌لی، خوار اولوبام.

عقل و صبر و دل و دین گئتدی بحمدالله، کیم،
سفر ساحل دریایه سبکبار اولوبام.

یوخ، «فضولی!» خبریم موطلق اؤزومدن، بس کیم،
والهِ نقشِ خیالِ رخِ دلدار اولوبام...

📚 لیلی و مجنون
#حکیم_ملامحمد_فضولی
#شعر_اوجاغی
@SheirOcagi

▫️وارلیق، هئچلیک، یاشام، اؤلوم، هامیسی جفنگیّات‌دیر... آچیلین باشیمدان!
اینسانلار اؤلور و خوشبخت دئییللر.
بو اؤلکه‌ده ایسه اینسانلار اؤلمور، چونکی اؤلو دوغولان، اؤله بیلمز...

📚 «قوگئ‌»نین ایکینجی قادینی
#نیجات_هشیم‌زاده
#شعر_اوجاغی
@SheirOcagi

▫️نادینج بیر اوشاغین الینده اسیر اولان بیر سئرچه‌ کیمی‌یم
سئرچه، اؤلومو دادماقدادیر؛ اوشاق اؤز اویونوندا.
نه اوشاقدا اونا آجییاجاق عاغیل وار
نه سئرچه‌‌ده اوچوب قورتولماغا قاناد..

#قیس_بن_ملوح
#شعر_اوجاغی
@SheirOcagi

▫️دنیزه باخان ائولر کیمی‌یم سنینله...

#ایلهان_برک
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️بیز هامیمیز تانیمادیغیمیز فیرعون‌لارین کؤنوللو غول‌لاریییق و گؤرمه‌دیییمیز اهرام‌لارا داش داشیییریق....

📚 بیر میلیون دولاریم اولسایدی
#قاراقان
#شعر_اوجاغی
@SheirOcagi

▫️اؤنومده مین یول وار گئتمک اوچون
آنجاق اورک‌سیز هارا گئدیم؟!
کئشکه ایکی اوره‌ییم اولایدی
بیری‌یله یاشایایدیم
بیرینی سنین عشقینده یانماغا بوراخایدیم...!

#قیس_بن_ملوح
#شعر_اوجاغی
@SheirOcagi

▫️اوره‌ییم بو قدر دانیشارکن، من نئجه سسسیز قالا بیله‌جم، بیلمیرم...

📚 بیاض گئجه‌لر
#فئودور_داستایئوسکی
#شعر_اوجاغی
@SheirOcagi

▫️لئیلی و مجنون

مجنون:
یاندی جانیم هیجر ایله، وصل رخ یار ایسترم،
دردمند فیرقتم، درمان دیدار ایسترم.
بلبل زارم، دئییل بیهوده افغان ائتدیییم،
قالمیشام نالان، قفس قئیدینده؛ گولزار ایسترم.

لئیلی:
عشق دامینا گیریفتار اولالی زار اولوبام،
نه بلادیر کی، اونا بؤیله گیریفتار اولوبام.
قودرتیم یوخ کی قیلام کیمسه‌یه شرح غم دل،
اؤیله کیم عارضه‌ی هیجرله بیمار اولوبام.

مجنون:
گؤردوم اول خورشید حوسنون، اختیاریم قالمادی،
سایه تک، بیر یئرده دورماغا قراریم قالمادی.
راه عشق ایچره منه آنجاق فنا مقصود ایدی،
شوکر کیم مقصوده یئتدیم، انتظاریم قالمادی.

لئیلی:
یار، حال دلیمی زار بیلیبدیر، بیلیرم.
دل زاریمدا نه کیم وار، بیلیبدیر، بیلیرم.
من نه حاجت کی قیلام شرح اونا درد دلیمی،
قامو درد دلیمی یار بیلیبدیر، بیلیرم.

مجنون:
پایبند اولدوم سر زلف پریشانین گؤروب،
نیطقدن دوشدوم لب لعل دوراَفشانین گؤروب.
اودا یاندی شمع‌وش جانیم باخیب روخسارینا،
چرخه چکدیم دود دل، سروِ خورامانین گؤروب.

لئیلی:
کؤنلوم آچیلیر زولف پریشانینی گؤرجک،
نیطقیم توتولور غونچه‌ی خندانینی گؤرجک.
باخدیقجا سنه قان ساچیلیر دیده‌لریمدن،
باغریم دلینیر ناوک موژگانینی گؤرجک...

مجنون:
بیلدیم طریق عشق خطرناک‌دیر، ولی،
من دؤنمزم بو یولدان، اؤلوم اولسا غایتی.
قدّین هلاکی‌یم، دوشه بیلمم آیاغینا،
بیر درده دوشموشم کی، بولونماز نیهایتی.

لئیلی:
ائی هر تکلّوموم خط سبزین حئکایتی!
ویرد-یم همیشه مصحف روخسارین آیتی!
بس کیم سنی گؤرنده گئدر مندن اختیار،
گلمز بیانه مؤحنتِ عشقین شیکایتی...

📚 لئیلی و مجنون
#حکیم_ملامحمد_فضولی
@SheirOcagi