▫️نادینج بیر اوشاغین الینده اسیر اولان بیر سئرچه‌ کیمی‌یم
سئرچه، اؤلومو دادماقدادیر؛ اوشاق اؤز اویونوندا.
نه اوشاقدا اونا آجییاجاق عاغیل وار
نه سئرچه‌‌ده اوچوب قورتولماغا قاناد..

#قیس_بن_ملوح
#شعر_اوجاغی
@SheirOcagi

▫️اؤنومده مین یول وار گئتمک اوچون
آنجاق اورک‌سیز هارا گئدیم؟!
کئشکه ایکی اوره‌ییم اولایدی
بیری‌یله یاشایایدیم
بیرینی سنین عشقینده یانماغا بوراخایدیم...!

#قیس_بن_ملوح
#شعر_اوجاغی
@SheirOcagi

▫️باخیشیمی گؤیده گزدیریرم
بلکه او دا گؤیه باخدی،
باخیشیمیز بیر-بیرینه توش گلدی.

#قیس_بن_ملوح
#شعر_اوجاغی
@SheirOcagi

▫️هر قونویا ایکی تانیق گرَکیرکن،
عشقین اوچون دؤرد تانیغیم وار:
اوره‌ییمین سیخیلماسی،
ایچیمین قایغیسی،
ووجودومون اوزولمه‌سی،
دیلیمین توتولماسی.

#قیس_بن_ملوح
#شعر_اوجاغی
@SheirOcagi

فلو كُنتِ ماءً كُنتِ مِن ماءِ مُزنَةٍ
ولَو كُنتِ نَومًا كُنتِ مِن غَفوَة الفَجرِ..

▫️سو ایدین‌سه، بیر تیکه آغ بولودون یاغیشی‌ ایدین،
یوخو ایدین‌سه، سحَرین شیرین یوخوسو.

#قیس_بن_ملوح
#شعر_اوجاغی
@SheirOcagi

▫️کئشکه ایکی قلبیم اولایدی،
بیری‌یله یاشایایدیم،
بیرینی بوراخایدیم سنین عشقینده یانسین!
آما تک بیر قلبیم وار، سئومک اوچون.

حالیم، بیر دجل اوشاغین الینده اسیر اولان
بیر سرچه‌نین حالینا بنزه‌ییر،
سرچه اؤلومو دادماقدا، آما اوشاق اؤز اویونونا دوام ائدیر.
نه اوشاقدا سرچه‌یه اورک یاندیراجاق عاغیل وار،
نه ده سرچه‌ده اوچوب گئتمک اوچون قاناد.

#قیس_بن_ملوح
#شعر_اوجاغی
@SheirOcagi