▫️وارسا قارشیلیغی،
سونونا دک گئدهجکسن!
آمّا یوخسا قارشیلیغی،
ایلک قووشاقدان دؤنهجکسن!...
#ایلهان_برک
#شعر_اوجاغی
@SheirOcagi
سونونا دک گئدهجکسن!
آمّا یوخسا قارشیلیغی،
ایلک قووشاقدان دؤنهجکسن!...
#ایلهان_برک
#شعر_اوجاغی
@SheirOcagi
▫️لاکین «دوسون» بیر شئیی دقیق بیلیردی. هر ایکیسی یالنیز ایدی. هرهسی بیر جور یالنیز ایدی. «دوسون» دوزَنلیگین اورتاسیندا یالنیز قالمیشدی، «آماندا» ایسه مینلرله آدامین آراسیندا...
📚 ان دیَرلیم
#نیکولاس_اسپارکس
#شعر_اوجاغی
@SheirOcagi
📚 ان دیَرلیم
#نیکولاس_اسپارکس
#شعر_اوجاغی
@SheirOcagi
▫️سنه یامان داریخیرام.
نه جور آلدادیم اؤزومو؟!
اؤزوم، اؤزومدن چیخیرام.
بولود چیخاردیر گؤزومو،
گونو-گوندن سینیخیرام.
سنین گؤزون سؤز آختاریر،
سسین کیتابلاری یاریر.
خاطیرهمی بورج آپاریر،
گلن گونه یانیخیرام.
ال-آیاقدا چاپیلسام دا،
داش-قایایا یاپیلسام دا،
یئنه ایتیب تاپیلسام دا،
سنی گؤرن کاریخیرام.
پرن-پرندیر دیلهییم،
قویما قونشو پایین یئییم!
گل سنه من دوزون دئییم:
اورهییمه نار سیخیرام.
گؤزوم یوخدو چوخدا، آزدا،
نه باهاردا، نه پاییزدا.
بو سؤز قالسین آرامیزدا:
سـنـه یامان داریخیرام...
#یعقوب_نیکزاد
@SheirOcagi
نه جور آلدادیم اؤزومو؟!
اؤزوم، اؤزومدن چیخیرام.
بولود چیخاردیر گؤزومو،
گونو-گوندن سینیخیرام.
سنین گؤزون سؤز آختاریر،
سسین کیتابلاری یاریر.
خاطیرهمی بورج آپاریر،
گلن گونه یانیخیرام.
ال-آیاقدا چاپیلسام دا،
داش-قایایا یاپیلسام دا،
یئنه ایتیب تاپیلسام دا،
سنی گؤرن کاریخیرام.
پرن-پرندیر دیلهییم،
قویما قونشو پایین یئییم!
گل سنه من دوزون دئییم:
اورهییمه نار سیخیرام.
گؤزوم یوخدو چوخدا، آزدا،
نه باهاردا، نه پاییزدا.
بو سؤز قالسین آرامیزدا:
سـنـه یامان داریخیرام...
#یعقوب_نیکزاد
@SheirOcagi
اؤیکوجوک
▫️مکتوب
هر سحر ایش یئریمه گلیرم. اوتورورام، ایشیغی یاندیریرام، چانتامی آچیرام...
گونلوک گؤرهوه باشلامادان اؤنجه اون دؤرد ایلدیر اینتحاریمین نَدنلرینی یاخشیجا آچیقلادیغیم اوزون مکتوبدا بیر سطیر یازیرام...
#لوئیس_ماتئو_دیزه
کؤچورن: سؤز
@a_z_soz
@SheirOcagi
▫️مکتوب
هر سحر ایش یئریمه گلیرم. اوتورورام، ایشیغی یاندیریرام، چانتامی آچیرام...
گونلوک گؤرهوه باشلامادان اؤنجه اون دؤرد ایلدیر اینتحاریمین نَدنلرینی یاخشیجا آچیقلادیغیم اوزون مکتوبدا بیر سطیر یازیرام...
#لوئیس_ماتئو_دیزه
کؤچورن: سؤز
@a_z_soz
@SheirOcagi
▫️دئییرلر: اینسانا ایکی مئتیر یئر یئترلیدیر سونوندا.
آمّا آخی ایکی مئتیر یئر، جنازه یئریدیر؛ دیری آدام یئری دئییل کی...
📚 حیات یولداشی
#آنتون_چئخوو
#شعر_اوجاغی
@SheirOcagi
آمّا آخی ایکی مئتیر یئر، جنازه یئریدیر؛ دیری آدام یئری دئییل کی...
📚 حیات یولداشی
#آنتون_چئخوو
#شعر_اوجاغی
@SheirOcagi
▫️ائی دوغما يوردومون ناموسلو اوغلو!
آغلاما، گؤزونون ياشينا قوربان!
گلديگين او دوغما، عزيز ديارين،
اولوم تورپاغينا، داشينا قوربان!
گرک گؤزلريندن گؤز اؤرته، بير كس-
قارغا يوواسينا ياناشسا اگر.
نيیه وطنيمی سئومهييم، نیيه؟
من بير قارغادان دا اسگيگم مگر؟!...
#بولود_قاراچورلو
#شعر_اوجاغی
@SheirOcagi
آغلاما، گؤزونون ياشينا قوربان!
گلديگين او دوغما، عزيز ديارين،
اولوم تورپاغينا، داشينا قوربان!
گرک گؤزلريندن گؤز اؤرته، بير كس-
قارغا يوواسينا ياناشسا اگر.
نيیه وطنيمی سئومهييم، نیيه؟
من بير قارغادان دا اسگيگم مگر؟!...
#بولود_قاراچورلو
#شعر_اوجاغی
@SheirOcagi
▫️مرحبا!
مرحبا، خوش گلدین، ای روح و روانیم، مرحبا!
ای شکرلب، یارِ شیرین، لامکانیم، مرحبا!
چون لبین جامِ جم اولدو نفخهی روحالقُدُس،
ای جمیلیم، ای جمالیم، بحر و کانیم، مرحبا!
کؤنلومه هئچ سندن اؤزگه نسنه لاییق گؤرمهدیم،
صورتیم، عقلیم، عُقولوم، جسم و جانیم، مرحبا!
ای ملک صورتلی دلبر، جان فدادیر یولونا،
چون دئدین «لحمک لحمی»، قانا قانیم، مرحبا!
گلدی یاریم ناز ایله، سوردو، «نسیمی!» نئجهسن؟
مرحبا، خوش گلدین، ای خیردادهانیم، مرحبا!...
#عمادالدین_نسیمی
#شعر_اوجاغی
@SheirOcagi
مرحبا، خوش گلدین، ای روح و روانیم، مرحبا!
ای شکرلب، یارِ شیرین، لامکانیم، مرحبا!
چون لبین جامِ جم اولدو نفخهی روحالقُدُس،
ای جمیلیم، ای جمالیم، بحر و کانیم، مرحبا!
کؤنلومه هئچ سندن اؤزگه نسنه لاییق گؤرمهدیم،
صورتیم، عقلیم، عُقولوم، جسم و جانیم، مرحبا!
ای ملک صورتلی دلبر، جان فدادیر یولونا،
چون دئدین «لحمک لحمی»، قانا قانیم، مرحبا!
گلدی یاریم ناز ایله، سوردو، «نسیمی!» نئجهسن؟
مرحبا، خوش گلدین، ای خیردادهانیم، مرحبا!...
#عمادالدین_نسیمی
#شعر_اوجاغی
@SheirOcagi
▫️حیات، اینسانی هر شکیلده سیناییر. بعضاً ال چکمهن گرَکیر، بعضاً ییخیلمان. اومیدله گئتدیگین یوللاردان بیر کوچهیه چیخماماغین گرکیر، آغرییا قارشی حیسسیزلیگی اؤیرنمک اوچون....بعضاً بؤیومهلی اولورسان. یوخوشلاردان ییخیلیب یئنیدن آیاغا قالخا بیلمک اوچون...
📚 آلفا قادینی اولماق
#هاکان_اؤزکان
#شعر_اوجاغی
@SheirOcagi
📚 آلفا قادینی اولماق
#هاکان_اؤزکان
#شعر_اوجاغی
@SheirOcagi
▫️یادداشلا درد، بیرلیکدهدیرلر.
یادداشی ازمهدن،
دردی اؤلدورمک اولماز...
#غادة_السمان
#شعر_اوجاغی
@SheirOcagi
یادداشی ازمهدن،
دردی اؤلدورمک اولماز...
#غادة_السمان
#شعر_اوجاغی
@SheirOcagi
▫️ساقیا، سونموش منه نظّارهدن اول گؤز، شراب،
یوخسا سالماز کیمسهنی بو گونلره، یالنیز شراب.
ایستیرم یانماق، ولی بیر آتشین محفلده، کیم-
بزم مجمر، من سپند، اود ساقی اولسون، گؤز شراب.
گؤر نه کیفیّت وئرر صهبا الیندن، کیم سنین-
قامتین مینا، لبیندیر جام، لعلِ سؤز شراب.
شادمانم گر سن ایله قان وئرر دوران منه،
بیر غمیم دفع ائیلهمز گر سنسیز ایچسم یوز شراب.
منع ائدیر ناصح منی مئیدن، دئین یوخدورمو کیم،
مدّعا ساقیدیر، ای بیدرد! سؤزدور، سؤز شراب.
دُردکشدیر «قوسیِ» مخمور، سن صاف ایستهسن-
ساقیا، زنهار چشمیم پردهسیندن سوز شراب!...
#قوسی_تبریزی
@SheirOcagi
یوخسا سالماز کیمسهنی بو گونلره، یالنیز شراب.
ایستیرم یانماق، ولی بیر آتشین محفلده، کیم-
بزم مجمر، من سپند، اود ساقی اولسون، گؤز شراب.
گؤر نه کیفیّت وئرر صهبا الیندن، کیم سنین-
قامتین مینا، لبیندیر جام، لعلِ سؤز شراب.
شادمانم گر سن ایله قان وئرر دوران منه،
بیر غمیم دفع ائیلهمز گر سنسیز ایچسم یوز شراب.
منع ائدیر ناصح منی مئیدن، دئین یوخدورمو کیم،
مدّعا ساقیدیر، ای بیدرد! سؤزدور، سؤز شراب.
دُردکشدیر «قوسیِ» مخمور، سن صاف ایستهسن-
ساقیا، زنهار چشمیم پردهسیندن سوز شراب!...
#قوسی_تبریزی
@SheirOcagi
▫️گلدیم ماراقلانام مئشهیه، بوشقو قویمادی،
گئتدیم هؤوور سالام وطنه، اووچو قویمادی.
من یارپیزا یئتینجه چیخارتدیم ایلان دیلی،
چیی سود امَن قهَرلی قونوم-قونشو قویمادی.
جان بسلهدیم قارانلیغین آزغین چاغیندا من،
تام آرخایین اولونجا، گونوز اوغرو قویمادی.
گلدی گونش گیله گومانیم، قارغاییب او دا-
گؤز یاشلاریمدا بیرجه گیله آرزو قویمادی.
زنجیر سالیندی یئر-گؤیه، دوشدوم کمنده من،
وئرمیردیم اللره یاخامی، او-بو قویمادی.
سئیرک عاغیللینین بیری داش آتدی اورتایا،
سئوگییله چوخ سوروندوم اوزو قویلو، قویمادی.
قاچدیم الین گؤرم، دیل-آغیز ائیلهیم بیرآز،
سالدی قفس بوجاقلارینا، دن-سو قویمادی.
من قیشلا بیر تهَر ده گلردیم یولا، ولی-
قوندارما بیر باهار یاخاسی گوللو قویمادی.
بیلمزدیم اوندا پوسقو نهدیر؟ قورغو نئیلهیر؟
مین گوللـهلی ایچیمدهکی بیر اوردو قویمادی.
یوخسا چکردیم اود-اوجاغی بیر قالین اودا،
بئش-اون-ایییرمی ایل قورو بیر قورخو قویمادی...
#یعقوب_نیکزاد
@SheirOcagi
گئتدیم هؤوور سالام وطنه، اووچو قویمادی.
من یارپیزا یئتینجه چیخارتدیم ایلان دیلی،
چیی سود امَن قهَرلی قونوم-قونشو قویمادی.
جان بسلهدیم قارانلیغین آزغین چاغیندا من،
تام آرخایین اولونجا، گونوز اوغرو قویمادی.
گلدی گونش گیله گومانیم، قارغاییب او دا-
گؤز یاشلاریمدا بیرجه گیله آرزو قویمادی.
زنجیر سالیندی یئر-گؤیه، دوشدوم کمنده من،
وئرمیردیم اللره یاخامی، او-بو قویمادی.
سئیرک عاغیللینین بیری داش آتدی اورتایا،
سئوگییله چوخ سوروندوم اوزو قویلو، قویمادی.
قاچدیم الین گؤرم، دیل-آغیز ائیلهیم بیرآز،
سالدی قفس بوجاقلارینا، دن-سو قویمادی.
من قیشلا بیر تهَر ده گلردیم یولا، ولی-
قوندارما بیر باهار یاخاسی گوللو قویمادی.
بیلمزدیم اوندا پوسقو نهدیر؟ قورغو نئیلهیر؟
مین گوللـهلی ایچیمدهکی بیر اوردو قویمادی.
یوخسا چکردیم اود-اوجاغی بیر قالین اودا،
بئش-اون-ایییرمی ایل قورو بیر قورخو قویمادی...
#یعقوب_نیکزاد
@SheirOcagi
▫️ایندییه قدر دوشونموشدو کی «دونیا ائله بئلهدیر و اوندان قاچیب گیزلنمک، اؤزونه قاپانماق، ردّ اولوب گئتمک لازیمدیر».
آنجاق اونون خوشلامادیغی، دونیا دئییلمیش، اینسانلارمیش. ایندی اونا ائله گلیردی کی، اینسانلارین اولمادیغی دونیا ایله باریشماغا دیَر...
📚 عطریّاتچی
#پاتریک_زوسکیند
#شعر_اوجاغی
@SheirOcagi
آنجاق اونون خوشلامادیغی، دونیا دئییلمیش، اینسانلارمیش. ایندی اونا ائله گلیردی کی، اینسانلارین اولمادیغی دونیا ایله باریشماغا دیَر...
📚 عطریّاتچی
#پاتریک_زوسکیند
#شعر_اوجاغی
@SheirOcagi
▫️بیز هله بئشیکدهیکن، بیزه «یاخشی» و «پیس» آدلی ایکی آغیر سؤز و دیَر یوکلهییرلر. بیزلره بو حیاتی محض بو ایکی شئی اوچون یاشادیغیمیزی دئییرلر...
📚 آفوریزملر
#فردریش_نیچه
#شعر_اوجاغی
@SheirOcagi
📚 آفوریزملر
#فردریش_نیچه
#شعر_اوجاغی
@SheirOcagi
▫️افسانهدی شمشیره دایانمازسا آزادلیق. 1
چکدیکده قیلینجین،
جوشدوقدا دنیز تک،
توفان کیمی اورمانلاری تیترتدیگی آنلار،
دوشمن کیریییب آغلادی میسکین.
باش اَیدی قلم تک اونا سولطانلار، اوزانلار،
زحمت چکن اینسانه اؤلوم حؤکمو یازانلار،
میلّتلرینین دیللرینه قبر قازانلار.
قویدوقدا قینا اودلو قیلینجین،
سونبوللری بیچدیکده یایین ایستی چاغیندا،
دوشمن دؤنهرک آسلانا، گلدی.
سونگویله اونون زحمتینین یاریسین آلدی.
آج قالدی قیشین شاختالی چووغونلو چاغیندا،
بیر سؤز دئمهدی سینهسی میس تک یانان، آسلان کیمی اینسان.
سونگویله بوتون ثروتینی چالدی آپاردی.
زینداندا چوروتدو،
آسلانلاری بیر-بیر.
حؤکمون ده یوروتدو،
بئینین ده قازیب اینجی قوپارتدی.
تاریخینی آلت-اوست ائلهییب یازدی تازاشدان،
بیر عابیده ده تیکمک اوچون، وئرمهدی ایمکان، اوّلکیلری ائیلهدی ویران...
دؤزدو گئنه ده سینهسی میس تک یانان،
آسلان کیمی اینسان،
قلبینده سه عوصیان.
بیر گون ده گلیب ایستهدی تورپاقدان آییرسین اونو دوشمن،
بیر فیکره دالیب سوسدو بو آسلان کیمی اینسان،
و دوشوندو:
«آرخامدی بو تورپاق،
شنلیکده بوساطیم دؤشنن یئر،
پیس گونده دایاق، هم ده سیغینجاق.
تورپاق اگر اولمازسا، نهییم وار و نهیَم من؟!
توفانلی دنیزلرده اوزن بیر اولو یارپاق.
مین بیر اولو بابک کیمی اجدادلاریم آنجاق،
بوردا یاشاییب، عؤمر سوروب، گؤمدورولوبلر.
چیخسام وطنیمدن،
هاردان آلارام قان؟
هاردان گلهجک جیسمیمه قووّت و جسارت و حمیّت؟
هاردا قازیلار سون بئشیگیم بس؟
-کولی- دئیَر اؤولادیما هر کس»...
نفرت دولو گؤزله،
بیر دوشمنی سوزدو.
«هرکول» کیمی جانلاندی گؤزونده،
ایستیر آیاغین یئردن اوزوب آنتئ-یی بوغسون...
داغلار گوجو حیسّ ائتدی اؤزونده،
قلبینده قانی کوکرهدی، جوشدو،
قیزغین شئره دؤندو.
سانکی بو سفر سینهسی میستک یانان، آسلان کیمی اینسان،
آیدینجا گؤزوندن آلیشان شؤعله گؤروندو.
کین اؤرتوگونه سانکی بوتون وارلیغی بیر آندا بوروندو.
سیخدی کورَگین تورپاغا، دوشمنله دیدیشدی..
«قوپمام -دئدی- اؤلسم ده.
بو یئردن،
بو دیاردان،
کئچمیش بابالاردان، آتالاردان،
ایرثیمدی بو داغلار، بو بولاقلار، بو اتکلر، بو چیچکلر...
اؤولادیما ایرثیم گرک اولسون بو دیاریم.
تورپاقدی منیم دار و نداریم.
داغلارجا فلاکت،
عومّانجا دا مؤحنت و اذیّت،
بیر دم ده بئله آغناسا گر اوستومه، قوپمام»...
آز قالدی جوشا سینهسی میستک یانان آسلان کیمی اینسان.
قلبینده یامان چاغلادی عوصیان،
توفانلی دنیزتک.
کئچمیشلری خاطیرلادی دوشمن،
بیر واختلاری کی سینهسی میستک یانان، آسلان کیمی اینسانه،
چکمیشدی قیلینجین...
قوی جوشماسین عومّان دئیه قلبیندهجه آرام
دوشمن گئری دؤندو...
اولدو سحر آخشام،
کئچدی نئچه ایام،
قوجامان سینهسی، میستک یانانین آتشی سؤندو.
سؤندو گئنه گؤزلرده قیغیلجیم،
و دورولدو،
گؤزلر کیمی هر یاندا بولاقلار.
و ایشیقلاندی چیراقلار.
سونبوللری ده بیچدی اوراقلار.
قیشلار دولانیب کئچدی سازاقلار،
بیر آزجا گولوش گؤردو دوداقلار،
دینجلدی آیاقلار و باجاقلار.
هر یاندا بوساطین دؤشهدی دوزلره یازلار،
آذر گؤزَلین چولغادی نازلار،
دیللندی یاماجلاردا یئنه نغمهلی سازلار:
«عزیزیم، گولوم واردیر،
وفالی ائلیم واردیر.
وطنیم تالاندیسا،
وارلیغیم -دیلیم- واردیر»...
#محمدتقی_زهتابی
#شعر_اوجاغی
@SheirOcagi
داوامی وار
چکدیکده قیلینجین،
جوشدوقدا دنیز تک،
توفان کیمی اورمانلاری تیترتدیگی آنلار،
دوشمن کیریییب آغلادی میسکین.
باش اَیدی قلم تک اونا سولطانلار، اوزانلار،
زحمت چکن اینسانه اؤلوم حؤکمو یازانلار،
میلّتلرینین دیللرینه قبر قازانلار.
قویدوقدا قینا اودلو قیلینجین،
سونبوللری بیچدیکده یایین ایستی چاغیندا،
دوشمن دؤنهرک آسلانا، گلدی.
سونگویله اونون زحمتینین یاریسین آلدی.
آج قالدی قیشین شاختالی چووغونلو چاغیندا،
بیر سؤز دئمهدی سینهسی میس تک یانان، آسلان کیمی اینسان.
سونگویله بوتون ثروتینی چالدی آپاردی.
زینداندا چوروتدو،
آسلانلاری بیر-بیر.
حؤکمون ده یوروتدو،
بئینین ده قازیب اینجی قوپارتدی.
تاریخینی آلت-اوست ائلهییب یازدی تازاشدان،
بیر عابیده ده تیکمک اوچون، وئرمهدی ایمکان، اوّلکیلری ائیلهدی ویران...
دؤزدو گئنه ده سینهسی میس تک یانان،
آسلان کیمی اینسان،
قلبینده سه عوصیان.
بیر گون ده گلیب ایستهدی تورپاقدان آییرسین اونو دوشمن،
بیر فیکره دالیب سوسدو بو آسلان کیمی اینسان،
و دوشوندو:
«آرخامدی بو تورپاق،
شنلیکده بوساطیم دؤشنن یئر،
پیس گونده دایاق، هم ده سیغینجاق.
تورپاق اگر اولمازسا، نهییم وار و نهیَم من؟!
توفانلی دنیزلرده اوزن بیر اولو یارپاق.
مین بیر اولو بابک کیمی اجدادلاریم آنجاق،
بوردا یاشاییب، عؤمر سوروب، گؤمدورولوبلر.
چیخسام وطنیمدن،
هاردان آلارام قان؟
هاردان گلهجک جیسمیمه قووّت و جسارت و حمیّت؟
هاردا قازیلار سون بئشیگیم بس؟
-کولی- دئیَر اؤولادیما هر کس»...
نفرت دولو گؤزله،
بیر دوشمنی سوزدو.
«هرکول» کیمی جانلاندی گؤزونده،
ایستیر آیاغین یئردن اوزوب آنتئ-یی بوغسون...
داغلار گوجو حیسّ ائتدی اؤزونده،
قلبینده قانی کوکرهدی، جوشدو،
قیزغین شئره دؤندو.
سانکی بو سفر سینهسی میستک یانان، آسلان کیمی اینسان،
آیدینجا گؤزوندن آلیشان شؤعله گؤروندو.
کین اؤرتوگونه سانکی بوتون وارلیغی بیر آندا بوروندو.
سیخدی کورَگین تورپاغا، دوشمنله دیدیشدی..
«قوپمام -دئدی- اؤلسم ده.
بو یئردن،
بو دیاردان،
کئچمیش بابالاردان، آتالاردان،
ایرثیمدی بو داغلار، بو بولاقلار، بو اتکلر، بو چیچکلر...
اؤولادیما ایرثیم گرک اولسون بو دیاریم.
تورپاقدی منیم دار و نداریم.
داغلارجا فلاکت،
عومّانجا دا مؤحنت و اذیّت،
بیر دم ده بئله آغناسا گر اوستومه، قوپمام»...
آز قالدی جوشا سینهسی میستک یانان آسلان کیمی اینسان.
قلبینده یامان چاغلادی عوصیان،
توفانلی دنیزتک.
کئچمیشلری خاطیرلادی دوشمن،
بیر واختلاری کی سینهسی میستک یانان، آسلان کیمی اینسانه،
چکمیشدی قیلینجین...
قوی جوشماسین عومّان دئیه قلبیندهجه آرام
دوشمن گئری دؤندو...
اولدو سحر آخشام،
کئچدی نئچه ایام،
قوجامان سینهسی، میستک یانانین آتشی سؤندو.
سؤندو گئنه گؤزلرده قیغیلجیم،
و دورولدو،
گؤزلر کیمی هر یاندا بولاقلار.
و ایشیقلاندی چیراقلار.
سونبوللری ده بیچدی اوراقلار.
قیشلار دولانیب کئچدی سازاقلار،
بیر آزجا گولوش گؤردو دوداقلار،
دینجلدی آیاقلار و باجاقلار.
هر یاندا بوساطین دؤشهدی دوزلره یازلار،
آذر گؤزَلین چولغادی نازلار،
دیللندی یاماجلاردا یئنه نغمهلی سازلار:
«عزیزیم، گولوم واردیر،
وفالی ائلیم واردیر.
وطنیم تالاندیسا،
وارلیغیم -دیلیم- واردیر»...
#محمدتقی_زهتابی
#شعر_اوجاغی
@SheirOcagi
داوامی وار
▫️اینکار ائده بیلمهرم،
دامارلاریمدا اوزن کپنَگی.
یاساقلایا بیلمهرم،
اوموزلاریمدان یوخاری قالخان یاسمنی.
گیزلهده بیلمهرم،
کؤینَگیمین آلتیندا چیرپینان عاشیقانهنی.
بو قدَرینی گیزلَتمک،
«منیم پارتلاییشیم» دئمکدیر...
#نزار_قبانی
#شعر_اوجاغی
@SheirOcagi
دامارلاریمدا اوزن کپنَگی.
یاساقلایا بیلمهرم،
اوموزلاریمدان یوخاری قالخان یاسمنی.
گیزلهده بیلمهرم،
کؤینَگیمین آلتیندا چیرپینان عاشیقانهنی.
بو قدَرینی گیزلَتمک،
«منیم پارتلاییشیم» دئمکدیر...
#نزار_قبانی
#شعر_اوجاغی
@SheirOcagi
▫️قلبیم، بیر شئیلری گؤزلهییرمیش کیمی دؤیونور...
📚 بیر دلینین خاطیره دفتری
#نیکولای_گوگول
#شعر_اوجاغی
@SheirOcagi
📚 بیر دلینین خاطیره دفتری
#نیکولای_گوگول
#شعر_اوجاغی
@SheirOcagi
▫️قارانلیقدان قورخان بیر اوشاغی آسانلیقلا باغیشلایا بیلریک. حیاتداکی گئرچک تراژدی ایسه، بؤیوکلرین ایشیقدان قورخماسیدیر...
📚 سوقراطین مودافیعهسی
#افلاطون
#شعر_اوجاغی
@SheirOcagi
📚 سوقراطین مودافیعهسی
#افلاطون
#شعر_اوجاغی
@SheirOcagi
▫️او گونلر
ایستییدی آنامین الچؤرهیی تک،
یاپ یاپا بیلیرسن، یاپ او گونلری!
کئچدی می، بیر داها ال یئتمهیهجک،
تاپسان، سالام یئتیر، اؤپ او گونلری!
او گونلر عؤمرومو سوپوردو، گئتدی،
کؤنلومو یئریندن قوپاردی، گئتدی،
آغاج آتیمی دا آپاردی، گئتدی،
دی چاپ کی چاپاسان، چاپ او گونلری!
تاختا قیلینجیمی او گونه آسدیم،
دردیمی، سئوگیمی او گونه سوسدوم.
او گونو گؤرمهیه اورهییم اسدی،
گتیر قوجاغیما، هوپ او گونلری!
سئویشدیک، گؤز دویدو، کؤنول دویمادی،
اوچدوق، آیاغیمیز یئره دَیمهدی.
ائه، یئنه بورنومون اوجو گؤینهدی،
آل، یارالاریما سپ او گونلری!
او گونلر گون دئییل، بیرَر ایگیتدی،
داش آتلاریمیزین بئلینده گئتدی،
«گول»وموز «پوچ» اولدو، الینده گئتدی،
ایندی گل اوغولسان، تاپ او گونلری!...
#ووقار_نعمت
@SheirOcagi
ایستییدی آنامین الچؤرهیی تک،
یاپ یاپا بیلیرسن، یاپ او گونلری!
کئچدی می، بیر داها ال یئتمهیهجک،
تاپسان، سالام یئتیر، اؤپ او گونلری!
او گونلر عؤمرومو سوپوردو، گئتدی،
کؤنلومو یئریندن قوپاردی، گئتدی،
آغاج آتیمی دا آپاردی، گئتدی،
دی چاپ کی چاپاسان، چاپ او گونلری!
تاختا قیلینجیمی او گونه آسدیم،
دردیمی، سئوگیمی او گونه سوسدوم.
او گونو گؤرمهیه اورهییم اسدی،
گتیر قوجاغیما، هوپ او گونلری!
سئویشدیک، گؤز دویدو، کؤنول دویمادی،
اوچدوق، آیاغیمیز یئره دَیمهدی.
ائه، یئنه بورنومون اوجو گؤینهدی،
آل، یارالاریما سپ او گونلری!
او گونلر گون دئییل، بیرَر ایگیتدی،
داش آتلاریمیزین بئلینده گئتدی،
«گول»وموز «پوچ» اولدو، الینده گئتدی،
ایندی گل اوغولسان، تاپ او گونلری!...
#ووقار_نعمت
@SheirOcagi
▫️یورولموشام:
پردهده سئویشمکدن،
کلاسیک سئوگیلیلرین رولونو اویناماقدان.
پردهنی آچماق ایستهییرم،
سئناریونو جیریب
هر کسین اؤنونده:
«من چاغداش بیر عاشیقم؛
-دؤورانین گؤزو چیخسین!-
سئوگیلیم سنسن» دئیه،
باغیرماق ایستهییرم...
#نزار_قبانی
#شعر_اوجاغی
@SheirOcagi
پردهده سئویشمکدن،
کلاسیک سئوگیلیلرین رولونو اویناماقدان.
پردهنی آچماق ایستهییرم،
سئناریونو جیریب
هر کسین اؤنونده:
«من چاغداش بیر عاشیقم؛
-دؤورانین گؤزو چیخسین!-
سئوگیلیم سنسن» دئیه،
باغیرماق ایستهییرم...
#نزار_قبانی
#شعر_اوجاغی
@SheirOcagi